05/05/2026
شیخ مولانا محمد ادریس قاتلانہ حملے میں شہید
شیخ الحدیث مولانا محمد ادریس چارسدہ کے علاقے اتمانزئی میں ہونے والے قاتلانہ حملے میں شہید ہو گئے۔
ابتدائی اطلاعات کے مطابق مولانا محمد ادریس دارالعلوم اتمانزئی میں درسِ حدیث دینے کے لیے جا رہے تھے کہ نامعلوم افراد نے ان پر فائرنگ کر دی، جس کے نتیجے میں وہ شدید زخمی ہو گئے۔
انہیں فوری طور پر ڈی ایچ کیو ہسپتال منتقل کیا گیا، تاہم وہ زخموں کی تاب نہ لاتے ہوئے راستے میں ہی شہید ہو گئے۔
پولیس کے مطابق حملہ آور واردات کے بعد موقع سے فرار ہونے میں کامیاب ہو گئے۔ واقعے کے فوراً بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
شیخ الحدیث مولانا محمد ادریس شہید کا شمار ملک کے جید علما میں ہوتا تھا اور ان کے عقیدت مندوں کی بڑی تعداد موجود تھی۔ شہادت کی خبر پھیلتے ہی ہزاروں افراد ہسپتال پہنچ گئے اور اپنے محبوب رہنما کو خراجِ عقیدت پیش کیا۔
