Citizen News Network CNN

26/05/2026

26/05/2026

ملک بھر میں گرمی کی شدت میں مزید اضافے کی پیشگوئی کی گئی ہے، جہاں 31 مئی تک درجہ حرارت معمول سے 5 سے 7 ڈگری سینٹی گریڈ زیادہ رہ سکتا ہے۔ محکمہ موسمیات کے مطابق سندھ اور جنوبی پنجاب کے کئی شہروں میں پارہ 47 سے 50 ڈگری سینٹی گریڈ تک پہنچنے کا امکان ہے، جبکہ دادو، جیکب آباد، لاڑکانہ، موہنجو دڑو، حیدرآباد، سبی، تربت، ڈیرہ غازی خان اور ملتان شدید ہیٹ ویو کی لپیٹ میں رہ سکتے ہیں۔ کراچی میں بھی موسم گرم اور مرطوب رہنے کی توقع ہے جہاں درجہ حرارت 35 سے 38 ڈگری سینٹی گریڈ تک جا سکتا ہے۔ ماہرین نے شہریوں کو غیر ضروری طور پر دھوپ میں نکلنے سے گریز، زیادہ پانی پینے اور ہیٹ اسٹروک سے بچاؤ کی احتیاطی تدابیر اختیار کرنے کا مشورہ دیا ہے۔

26/05/2026

پاکستان چائنا انسٹی ٹیوٹ کے چیئرمین مشاہد حسین سید کے مطابق ایران اور امریکا کے درمیان جاری سفارتی مذاکرات اپنے حتمی مرحلے میں داخل ہو چکے ہیں اور امکان ہے کہ عید کے بعد دونوں ممالک کے درمیان معاہدے پر دستخط ہو جائیں گے۔ انہوں نے کہا کہ مذاکرات میں نمایاں پیش رفت ہوئی ہے اور معاہدہ تقریباً طے پا چکا ہے۔ دوسری جانب معاہدہ ابراہیمی سے متعلق گفتگو کرتے ہوئے مشاہد حسین سید نے اسے ناقابل قبول قرار دیا، جبکہ سابق سیکرٹری خارجہ اعزاز چوہدری کا کہنا تھا کہ پاکستان فلسطینی عوام کی حمایت سے دستبردار نہیں ہو سکتا، اس لیے پاکستان اور دیگر ہم خیال ممالک کے لیے معاہدہ ابراہیمی کو قبول کرنا ممکن نہیں۔

26/05/2026

امریکا اور ایران کے درمیان کشیدگی کے دوران پاکستان کے سفارتی کردار کو عالمی سطح پر مسلسل سراہا جا رہا ہے۔ ترک میڈیا کے مطابق پاکستان نے دونوں ممالک کے درمیان ایک قابلِ اعتماد ثالث کے طور پر خاموش، متوازن اور مؤثر سفارت کاری کا مظاہرہ کیا۔ رپورٹ میں کہا گیا ہے کہ فیلڈ مارشل سید عاصم منیر نے بیک چینل ڈپلومیسی اور مسلسل رابطوں کے ذریعے مذاکراتی عمل کو آگے بڑھانے میں اہم کردار ادا کیا۔ پاکستان کے امریکا، ایران، چین، سعودی عرب، ترکیہ اور خلیجی ممالک کے ساتھ متوازن تعلقات نے اسے خطے میں ایک منفرد سفارتی حیثیت دی ہے، جبکہ عالمی مبصرین کے مطابق پاکستان امن، استحکام اور تنازعات کے پرامن حل کے لیے ایک مؤثر کردار ادا کر رہا ہے۔

26/05/2026

میدانِ عرفات میں لاکھوں عازمینِ حج رکنِ اعظم وقوفِ عرفہ کی ادائیگی میں مصروف، جبلِ رحمت پر روح پرور مناظر

26/05/2026

حج 2026 کے عظیم اجتماع میں غزہ کے مظلوموں کو نہ بھولیں

26/05/2026

Qaumi Assembly me Hoshiyari Wala Hazri program...

25/05/2026

Trump wants Pakistan and others to be the part of Abrahamic Accord.

25/05/2026

فیلڈ مارشل سید عاصم منیر کا دورہ ایران، فیلڈ مارشل کی ایرانی سپیکر سے ملاقات کے بعد ایرانی وزیرخارجہ عباس عراقچی سے انتہائی اہم ملاقات

25/05/2026

مکہ مکرمہ: حجاج کرام کو گرمی سے بچانے کیلئے بہترین انتظامات

25/05/2026

کراچی جیسے بڑے اور گنجان آباد شہر میں جرائم پر قابو پانا پولیس کے لیے ایک بڑا چیلنج بن چکا ہے۔ سرکاری اعداد و شمار کے مطابق شہر کی آبادی 2 کروڑ 3 لاکھ سے تجاوز کر چکی ہے جبکہ مجموعی پولیس نفری عالمی معیار کے مقابلے میں بہت کم ہے۔ کراچی میں ایک پولیس اہلکار اوسطاً 774 شہریوں کی ذمہ داری سنبھال رہا ہے، جبکہ عالمی معیار کے مطابق ہر 300 سے 400 شہریوں کے لیے ایک پولیس اہلکار ہونا چاہیے۔ ماہرین کے مطابق بڑھتی آبادی، غیر منصوبہ بند بستیاں، مہنگائی اور محدود روزگار کے مواقع جرائم میں اضافے کی بڑی وجوہات ہیں، جس کے باعث قانون نافذ کرنے والے اداروں کو امن و امان برقرار رکھنے میں مشکلات کا سامنا ہے۔