31/03/2026
جیکب آباد میں ورلڈ ٹی بی ڈے 2026 کے موقع پر ڈپٹی کمشنر جیکب آباد جناب شہزاد احمد کی نگرانی میں "ایڈووکیسی سیمینار اور آگاہی واک" کا انعقاد کیا گیا، جس میں مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔
سیمینار میں محکمہ صحت، این جی اوز، جیکب آباد کے شہریوں اور میڈیا کے نمائندگان نے بھی بھرپور شرکت کی۔
اس موقع پر خطاب کرتے ہوئے شہزاد احمد کا کہنا تھا کہ یہ اقدام عوامی صحت کے حوالے سے ایک اہم پیش رفت ہے، جس کا مقصد مہلک بیماری ٹی بی کے خلاف شعور بیدار کرنا ہے۔ اس طرح کی سرگرمیاں نہ صرف لوگوں میں آگاہی پیدا کرتی ہیں بلکہ بروقت تشخیص اور علا
ج کی اہمیت کو بھی اجاگر کرتی ہیں۔ حکومت اور متعلقہ اداروں کی مشترکہ کاوشیں اس بات کی عکاسی کرتی ہیں کہ ٹی بی کے خاتمے کے لیے سنجیدہ اقدامات کیے جا رہے ہیں۔ عوام کی بھرپور شرکت اس مہم کی کامیابی کی امید کو مزید مضبوط بناتی ہے۔
سیمینار کے بعد ٹی بی کے بارے میں عوام میں شعور اجاگر کرنے کے لیے ایک بڑی آگاہی ریلی بھی نکالی گئی، جس میں شرکاء نے بھرپور حصہ لیا اور ٹی بی کے خاتمے کا پیغام عام کیا۔
