ZUBAN E HAQ

ZUBAN E HAQ Social Media News

کراچی کی مقامی عدالت نے منشیات برآمدگی کیس میں ملزمہ انمول عرف پنکی کی بریت کی درخواست منظور کرتے ہوئے انہیں مقدمے سے بر...
13/08/2026

کراچی کی مقامی عدالت نے منشیات برآمدگی کیس میں ملزمہ انمول عرف پنکی کی بریت کی درخواست منظور کرتے ہوئے انہیں مقدمے سے بری کردیا ہے۔
جمعرات کو کراچی کی ایڈیشنل ڈسٹرکٹ اینڈ سیشن عدالت جنوبی میں گزری تھانے میں درج منشیات کے مقدمے میں ملزمہ کی جانب سے انعم کوثر ایڈووکیٹ پیش ہوئیں، وکیل نے عدالت کے سامنے صفائی میں مؤقف اختیار کیا کہ مقدمے میں 2 ملزمان پہلے ہی بری ہوچکے ہیں، شریک ملزم علی اور فہمیدہ 2024 میں بری ہوئے تھے، شریک ملزمان کے بیانات کی بنیاد پر مقدمے میں شامل کیا گیا، جس کے بعد ملزمہ کو مقدمے میں سزا کا کوئی امکان نہیں، جس پر عدالت نے ملزمہ کو اس مقدمے سے بری کرنے کا حکم جاری کردیا۔
یاد رہے کہ ملزمہ انمول عرف پنکی کے خلاف 2021 میں گذری تھانے میں منشیات کا مقدمہ درج ہوا تھا جب کہ ملزمہ انمول عرف پنکی مقدمے میں مفرور تھی۔

13/08/2026

کراچی میں جاپان کے قونصل جنرل ہٹوری ماسارو نے پاکستان کے عوام کو یومِ آزادی کی دلی مبارکباد پیش کی ہے۔ انہوں نے اردو زبان میں اپنے پیغام میں جاپان اور پاکستان کے درمیان مزید مضبوط دوستی، امن، خوشحالی اور ترقی کے لیے نیک خواہشات کا اظہار کیا۔

13/08/2026

دادو میں جیولرزکی دکان میں مبینہ ڈکیتی کی واردات، ڈیڈ کروڑ سے زائد کا سونا لوٹ لیا گیا، پولیس نے تحقیقات شروع کردی۔

کراچی صدر میں الیکٹرونکس مارکیٹ بطور احتجاج بند ہے۔ اس حوالے سے گزشتہ روز صدر الیکٹرونکس مارکیٹ رضوان عرفان نے کہا تھا ک...
13/08/2026

کراچی صدر میں الیکٹرونکس مارکیٹ بطور احتجاج بند ہے۔ اس حوالے سے گزشتہ روز صدر الیکٹرونکس مارکیٹ رضوان عرفان نے کہا تھا کہ ریمبو سینٹر کے دکانداروں کی غیرقانونی گرفتاری کیخلاف احتجاج کریں گے اور 13 اگست کو الیکٹرونکس مارکیٹیں بطور احتجاج بند رہیں گی۔

13/08/2026

سندھ حکومت کی جانب سے پاکستان کے 79ویں یومِ آزادی کے موقع پر خصوصی یومِ آزادی تھر ڈیزرٹ ٹرین سفاری کا افتتاح کردیا گیا۔

صوبائی وزیر ثقافت و سیاحت سید ذوالفقار علی شاہ نے کینٹ اسٹیشن پر سفاری ٹرین کا افتتاح کیا۔

گڈز ٹرانسپورٹرز کی ملک گیر ہڑتال چھٹے روز میں داخل ہوگئی ، تاہم حکومت سے مذاکرات آج کراچی میں ہوں گے۔تفصیلات کے مطاب آل ...
13/08/2026

گڈز ٹرانسپورٹرز کی ملک گیر ہڑتال چھٹے روز میں داخل ہوگئی ، تاہم حکومت سے مذاکرات آج کراچی میں ہوں گے۔
تفصیلات کے مطاب آل پاکستان گڈز ٹرانسپورٹ اتحاد کی جانب سے جاری ملک گیر ہڑتال کے چھٹے روز وفاقی و صوبائی حکومت اور گڈز ٹرانسپورٹرز کے درمیان اہم مذاکرات آج کراچی میں ہوں گے۔
آل پاکستان گڈز ٹرانسپورٹ اتحاد کے صدر ملک شہزاد اعوان نے بتایا کہ آج ہونے والے اہم مذاکرات میں وفاقی وزیر برائے پورٹ اینڈ شپنگ اور صوبائی وزیر ٹرانسپورٹ سندھ شریک ہوں گے۔
اس کے علاوہ چیف سیکریٹری سندھ، کمشنر کراچی اور ڈی آئی جی کراچی بھی مذاکراتی نشست کا حصہ ہوں گے۔
ملک شہزاد اعوان نے ہڑتال کے حوالے سے اپنے موقف کو دہراتے ہوئے کہا کہ پورے پاکستان میں گڈز ٹرانسپورٹرز کی پرامن ہڑتال چھٹے روز بھی بلا تعطل جاری ہے۔
انہوں نے واضح کیا کہ یہ ہڑتال مطالبات کی باقاعدہ منظوری تک غیر معینہ مدت کے لیے جاری رہے گی اور ٹرانسپورٹرز وفاقی يا صوبائی حکومت کی کسی محض شفوی یا تحریری "یقین دہانی” میں نہیں آئیں گے۔
آل پاکستان گڈز ٹرانسپورٹ اتحاد کے رہنماؤں نے یہ شرط عائد کی ہے کہ جب تک تمام جائز مطالبات تسلیم کر کے ان کا باقاعدہ نوٹیفکیشن جاری نہیں کر دیا جاتا، تب تک ملک گیر ہڑتال ختم نہیں کی جائے گی۔

ایران کے خلاف جنگ طویل ہوگئی جس سے تنگ آکر امریکی طیارہ بردار بحری بیڑے پر تعینات کئی اہلکاروں نے خودکشی کی کوشش کی۔امر...
13/08/2026

ایران کے خلاف جنگ طویل ہوگئی جس سے تنگ آکر امریکی طیارہ بردار بحری بیڑے پر تعینات کئی اہلکاروں نے خودکشی کی کوشش کی۔
امریکی میڈیا کے مطابق طویل تعیناتی کے باعث امریکی طیارہ بردار بحری جہاز یو ایس ایس ابراہم لنکن سے متعدد اہلکاروں نے سمندر میں کودنے کی کوشش کی۔
امریکی نیوز ویب سائٹ کے مطابق ایک اہلکار کی اہلیہ نے بتایا کہ طویل اور مسلسل ڈیوٹی کے باعث ان کے شوہر نے جہاز سے چھلانگ لگانے کی کوشش کی جب کہ جہاز کے عملے نے کئی اہلکاروں کو ایسا کرنے سے روکا۔
رپورٹ میں امریکی بحری بیڑے پر خوراک اور بنیادی اشیائے ضروریہ کی قلت کا بھی دعویٰ کیا گیا ہے۔
دوسری جانب امریکی سینیٹرز نے واقعات کی تحقیقات کرانے کا مطالبہ کیا ہے جب کہ امریکی بحریہ نے جہاز پر تعینات فوجیوں میں خودکشی کی کوششوں یا ذہنی صحت کے مسائل میں اضافے کی تردید کی ہے۔
میڈیا رپورٹس کے مطابق تقریباً 5 ہزار امریکی سیلرز اور میرینز 250 روز سے زائد عرصے سے جہاز پرتعینات ہیں۔

سندھ ہائیکورٹ نے ولیکا اسپتال میں زیر علاج بچوں میں ایچ آئی وی کے پھیلاؤ پر چیف سیکرٹری کی سربراہی میں تحقیقاتی کمیٹی تش...
13/08/2026

سندھ ہائیکورٹ نے ولیکا اسپتال میں زیر علاج بچوں میں ایچ آئی وی کے پھیلاؤ پر چیف سیکرٹری کی سربراہی میں تحقیقاتی کمیٹی تشکیل دینے کی ہدایت کردی۔
سندھ ہائیکورٹ کے جسٹس عدنان الکریم میمن نے دوران سماعت کہا کہ کمیٹی میں گریڈ 20 کے دو افسران ہوں جن کا اسپتال یا تفتیش سے براہ راست انتظامی تعلق نہ ہو۔
جسٹس عدنان الکریم نے کہا کہ یہ معاملہ زندگی اور عوامی صحت سے متعلق ذمے داریوں کا ہے، تحقیقاتی کمیٹی زیر علاج مریضوں کی تفصیلات اور ایچ آئی وی کی منتقلی کے شواہد کا جائزہ لے گی۔
عدالت نے کہا کہ کمیٹی تحقیقات کرے گی کہ ڈسپوز ایبل سرنج یا طبی سامان دوبارہ استعمال کیا گیا یا نہیں، کمیٹی اسپتال میں آٹو لاک سرنجوں کی خریداری، اسٹوریج اور استعمال کے ریکارڈ کا جائزہ لے، کمیٹی طبی، نرسنگ، ٹیکنیکل، انتظامی افسران کے کردار اور ذمے داری کا تعین کرے گی۔
عدالت نے کہا کہ کمیٹی ڈسپوزایبل سرنجز ایکٹ یا دیگر قوانین کی خلاف ورزی اور ذمے دار کا تعین کرے گی، کمیٹی کو ریکارڈ، رپورٹس اور سی سی ٹی وی فوٹیج تک رسائی کا اختیار حاصل ہوگا، کمیٹی 2 ماہ میں اپنی تحقیقاتی رپورٹ عدالت میں پیش کرے گی، شواہد سے ذمے داری ثابت ہونے کی صورت میں متعلقہ افراد کے خلاف محکمانہ یا کرمنل کارروائی کی سفارش کی جائے۔
عدالت نے مزید کہا کہ چیف سیکرٹری سندھ تمام متاثرہ بچوں کو بلا تعطل اور مناسب طبی علاج کی فراہمی یقینی بنائیں، متاثرین کی ادویات، ٹیسٹ سمیت تمام طبی اخراجات حکومت سندھ یا سوشل سکیورٹی ارادہ برداشت کرے گا، متاثرہ بچوں اور خاندانوں کے لیے قانون کے مطابق معاوضے یا ریلیف کا تعین کیا جائے، ان کے ساتھ امتیازی سلوک نہ کیا جائے، متاثرہ بچوں کی شناخت اور طبی معلومات کو قانون کے مطابق محفوظ بنایا جائے، چیف سیکرٹری اور سیکرٹری صحت ڈسپوزایبل سرنجز ایکٹ اور دیگر قوانین کے نفاذ کو یقینی بنائیں۔

سپریم کورٹ اور ہائی کورٹ کے ججز کی تنخواہوں اور مراعات میں اضافہ کر دیا گیا صدر زرداری نے سمری منظور کر لی۔میڈیا رپورٹس ...
13/08/2026

سپریم کورٹ اور ہائی کورٹ کے ججز کی تنخواہوں اور مراعات میں اضافہ کر دیا گیا صدر زرداری نے سمری منظور کر لی۔
میڈیا رپورٹس کے مطابق صدر مملکت آصف علی زرداری نے وفاقی حکومت کی سفارش پر سمری کی منظوری دے دی ہے جس کے مطابق سپریم کورٹ ججز کی تنخواہیں اور مراعات وفاقی آئینی عدالت کے ججز کے برابر کر دی گئی ہیں جب کہ ہائیکورٹ کے ججز کی بنیادی تنخواہوں میں بھی اضافہ کر دیا گیا ہے۔
سپریم کورٹ ججز کی نئی تنخواہوں اور الاؤنسز کا اطلاق 10 دسمبر 2025 سے ہوگا اور گزشتہ مدت کا مالی فائدہ بھی سپریم کورٹ ججز کو دیا جائے گا، جس کے تحت اضافے کے بقایا جات بھی ججز کو ادا کیے جائیں گے۔
سمری منظوری کے بعد حکم نامہ سپریم کورٹ ججز کی تنخواہ حکم نامہ 2026 کہلائے گا۔
سپریم کورٹ کے ججز کی بنیادی تنخواہ میں تقریباً 4 لاکھ روپے ماہانہ اضافہ کیا گیا ہے، جس کے بعد ان کی بنیادی تنخواہ 11 لاکھ سے بڑھ کر 15 لاکھ روپے ہو گئی ہے جب کہ چیف جسٹس پاکستان کی ماہانہ بنیادی تنخواہ 15 لاکھ 50 ہزار روپے مقرر کی گئی ہے۔
سپریم کورٹ ججز کے جوڈیشل الاؤنس میں بھی 3 لاکھ 39 ہزار روپے کا نمایاں اضافہ کیا گیا ہے، جس کے بعد جوڈیشل الاؤنس 11 لاکھ 61 ہزار 163 روپے سے بڑھ کر 15 لاکھ روپے مقرر ہوا ہے۔
سپریم کورٹ ججز کے پنشن پیکیج میں بھی اہم تبدیلیاں کر دی گئی ہیں۔ پنشن سے متعلق شق میں 70 سال کی حد بڑھا کر 75 سال جب کہ متعلقہ شق میں 85 سال کی حد بھی بڑھا کر 90 سال کر دی گئی ہے۔
اس کے علاوہ سپریم کورٹ ججز کے لیے ماہانہ ایک لاکھ 50 ہزار روپے میڈیکل الاؤنس بھی مقرر کیا گیا ہے۔
صدر مملکت نے ہائیکورٹ ججز کی تنخواہوں میں اضافے کی الگ سمری بھی منظور کی ہے، جس کا اطلاق یکم جولائی 2026 سے ہوگا۔
سمری کے مطابق ہائیکورٹ کے ججز کی بنیادی تنخواہ میں ایک لاکھ 10 ہزار روپے اضافہ کیا گیا، جس کے بعد بنیادی تنخواہ 10 لاکھ 95 ہزار روپے سے بڑھ کر 12 لاکھ 5 ہزار روپے ہو گئی ہے جب کہ چیف جسٹس کی ماہانہ تنخواہ 12 لاکھ 54 ہزار روپے مقرر کی گئی ہے۔
اس کے علاوہ دو سال سے زائد عرصے تک چیف جسٹس رہنے والوں کے لیے نئی سہولت متعارف کرائی گئی ہے، جس کے مطابق ریٹائرمنٹ یا اعلیٰ عدالت میں ترقی کی صورت میں گاڑی رعایتی قیمت پر خریدنے کی اجازت ہو گی۔ جب کہ ریٹائرڈ ججز کو وفاقی حکومت کے ثالثی معاملات میں فیس کی اجازت بھی مل سکے گی۔

کراچی واٹر کارپوریشن نےپانی اور سیوریج کے نرخوں میں 7 فیصد اضافہ کردیا۔سندھ حکومت نے کراچی واٹر اینڈ سیوریج کارپوریشن کے...
13/08/2026

کراچی واٹر کارپوریشن نےپانی اور سیوریج کے نرخوں میں 7 فیصد اضافہ کردیا۔
سندھ حکومت نے کراچی واٹر اینڈ سیوریج کارپوریشن کے پانی اور سیوریج چارجز کے نظرثانی شدہ ٹیرف کی منظوری دیتے ہوئے اس کا باضابطہ گزٹ نوٹیفکیشن جاری کردیا۔
نوٹیفکیشن کے مطابق مالی سال 2026-27 کیلئے پانی اور سیوریج کے نرخوں میں اوسط کنزیومر پرائس انڈیکس (سی پی آئی)کی بنیاد پر 7.05 فیصد اضافہ کیا گیا ہے جب کہ نئے نرخوں کا اطلاق یکم جولائی 2026 سے ہوگا۔
نوٹیفکیشن میں بتایا گیا ہے کہ کراچی واٹر اینڈ سیوریج کارپوریشن کے بورڈ نے مالی سال 2026-27 کے لیے ریٹیل اور بلک صارفین کے پانی اور سیوریج چارجز میں 7.05 فیصد اضافے کی منظوری دی تھی جسے سندھ حکومت کی جانب سے باضابطہ گزٹ کا حصہ بنا دیا گیا ہے۔
نظرثانی شدہ ٹیرف کے تحت رہائشی پلاٹس کے لیے پانی اور سیوریج کے ماہانہ چارجز پلاٹ رقبے کے حساب سے مقرر کیے گئے ہیں، نئے ٹیرف میں مختلف نوعیت کے کاروباری مراکز اور دکانوں کے لیے فکسڈ ماہانہ پانی اور سیوریج چارجز بھی مقرر کیے گئے ہیں۔
واٹر کارپوریشن کے مطابق نظرثانی شدہ ٹیرف کا مقصد ادارے کے ریونیو بیس کو مضبوط بنانا اور شہر میں پانی کی فراہمی، سیوریج نظام کی دیکھ بھال، مرمت و بحالی اور دیگر شہری خدمات کی پائیدار فراہمی کے لیے مالی وسائل کو بہتر بنانا ہے۔
واٹر بورڈ ایکٹ میں ہر سال واٹر کارپوریشن کو نرخوں میں 7فیصد اضافے کی اجازت ہے اور تقریباً ہر سال یہ اضافہ ہو تا ہے۔

Address

Office # 32, Hedicraft Building, Abdulah Haroon Road, Saddar Karachi
Karachi
74400

Website

Alerts

Be the first to know and let us send you an email when ZUBAN E HAQ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category