08/08/2026
اونٹوں کی منڈی
لسبیلہ کے پسماندہ تحصیل لاکھڑا ویسے تمام تر زندگی کی بنیادی سہولیات سے محروم ہے مگر روایتی طور پر لاکھڑا کا آج بھی نام ہے لاکھڑا اس وقت لسبیلہ سمیت خضدار گوادر تک واحد علاقہ ہے جہاں آج بھی اونٹوں کی سب سے بڑی منڈی لگتی ہے یہاں ہرجمعہ کے روز مختلف نسل کے اونٹ منڈی میں لائے جاتے ہیں لسبیلہ سمیت کراچی تک کے اونٹ کے خریدار لاکھڑا آتے ہیں اور اونٹوں کی خریداری کرتے ہیں اور یہی وجہ ہے ہفتے کے چھ دن لاکھڑا سنسان رہتا ہے مگر جمعہ کے دن لاکھڑا کراچی کے بڑے مارکیٹ کا منظر پیش کرتا ہے لوگوں کا جم غفیر ہوتا ہے اور لاکھڑا کے دور دراز کے رہنے والے بھی ہفتے میں اسی ایک دن کو بازار آتے ہیں اور اونٹوں کی منڈی کامزہ لینے کے ساتھ ساتھ اشیاء خوردنوش کی خریداری بھی کرتے ہیں ۔۔۔
