26/08/2026
سانحہ پمز کے بعد وزیراعلیٰ پنجاب مریم نواز شریف نے صوبے کے تمام ٹیچنگ، ڈسٹرکٹ، تحصیل اسپتالوں اور مریم نواز کلینکس کا فوری فائر سیفٹی آڈٹ کرنے کا حکم دیتے ہوئے 24 گھنٹوں کے اندر رپورٹ طلب کر لی۔
تمام ڈپٹی کمشنرز کو ہدایت کی گئی ہے کہ وہ فائر ایکسٹنگوشرز، آگ بجھانے کے آلات، ہنگامی اخراج کے راستوں اور ریسکیو 1122 کی تیاریوں کا جائزہ لے کر 27 اگست تک جامع رپورٹ پیش کریں، جبکہ ڈویژنل کمشنرز ان اقدامات کی ذاتی طور پر نگرانی کریں گے۔
وزیراعلیٰ نے واضح کیا کہ مریضوں، بالخصوص نومولود بچوں کی حفاظت پر کوئی سمجھوتہ نہیں کیا جائے گا اور اس معاملے میں کسی قسم کی غفلت برداشت نہیں کی جائے گی۔
