Daily Awaz Times sindh, baldia town, Karachi (2026)

07/02/2026

کراچی میں میٹرک امتحانات کے لیے نیا گریڈنگ سسٹم نافذ کرنے کا اعلان کردیا گیا۔
بورڈآف سیکنڈری ایجوکیشن کراچی نے نیا گریڈنگ سسٹم جاری کردیااوررواں برس جماعت نہم کے سالانہ امتحانات سےیہ نیاگریڈنگ سسٹم نافذ ہوگاجبکہ جماعت دہم کےلیےنیاگریڈنگ سسٹم سال2027 سے لاگو ہو گا،نئے گریڈنگ سسٹم میں میٹرک میں پاس ہونےکےلیےکم ازکم نمبر40فیصدمقرر کیے گئے ہیں۔
نئےگریڈنگ سسٹم کےتحت فیل کا تصور ختم اور یوگریڈ متعارف کروادیا کردیا گیاہے،96 سے 100 فیصد نمبر لینے والوں کو A++ گریڈ دیا جائےگا،40 فیصد سےکم نمبرلینےوالےطلبہ U گریڈ کےحامل ہوں گے،کم از کم 40 فیصد نمبر حاصل کرنے والے طلبہ کامیاب تصور ہوں گے
اس کے علاوہ جی پی اے سسٹم عبوری طور پر متعارف کرانے کا فیصلہ بھی کیا گیاہے،40 فیصد سے کم نمبر لینے والے طلبہ کو دوبارہ امتحان دینا ہوگا۔

07/02/2026

کراچی: رمضان المبارک کے دوران شہر میں پانی کی فراہمی کے نظام کو مستحکم بنانے کے لیے واٹر کارپوریشن کا اہم اقدام سامنے آگیا۔

تفصیلات کے مطابق کراچی واٹر اینڈ سیوریج کارپوریشن کے ترجمان بتایا رمضان المبارک کے دوران شہر میں پانی کی فراہمی کے نظام کو مستحکم اور بہتر بنانے کے لیے واٹر کارپوریشن نے اہم اقدام اٹھاتے ہوئے شہر کی مرکزی پانی کی لائن میں موجود رساؤ ختم کرنے کا فیصلہ کر لیا۔

ترجمان واٹر کارپوریشن نے بتایا کہ گلشنِ اقبال بلاک 19 میں واقع فیز ون کی مرکزی 84 انچ قطر کی پانی کی لائن میں رساؤ کی نشاندہی ہوئی تھی، جس کے بعد لائن کی مرمت اور بحالی کا فیصلہ کیا گیا ہے۔

انھوں نے بتایا کہ لائن میں موجود تمام لیکیجز کو ختم کرنے کے لیے پیر کے روز دوپہر 12 بجے مرمتی کام کا باقاعدہ آغاز کیا جائے گا، واٹر کارپوریشن کے مطابق پانی کی لائن کی مرمت کا مجموعی دورانیہ 96 گھنٹے مقرر کیا گیا ہے۔

یہ بھی پڑھیں: کراچی: لائن توڑکر عارضی ڈیم بناکر پانی شہریوں کو مہنگے داموں بیچنے کا انکشاف
اس دوران واٹر کارپوریشن کی خصوصی اور تکنیکی ٹیمیں موقع پر موجود رہیں گی اور مرمتی کام انجام دیں گی، مرمتی کام کی تکمیل کے لیے دھابیجی پمپنگ اسٹیشن سے شہر کو فراہم کیے جانے والے پانی کی مقدار عارضی طور پر کم کی جائے گی۔

ترجمان نے بتایا کہ مرمتی کام کے باعث شہر کو یومیہ تقریباً 200 ملین گیلن پانی کی کمی کا سامنا کرنا پڑے گا، تاہم حب، گھارو سمیت دیگر پمپنگ اسٹیشنز سے پانی کی فراہمی معمول کے مطابق بلا تعطل جاری رہے گی۔

انھوں نے زید بتایا کہ کراچی کو مجموعی طور پر یومیہ تقریباً 650 ملین گیلن پانی فراہم کیا جاتا ہے، جبکہ عارضی کمی کے باوجود شہر کو یومیہ تقریباً 450 ملین گیلن پانی کی فراہمی جاری رکھی جائے گی۔

مرمتی کام کے باعث لانڈھی، کورنگی، ملیر، شاہ فیصل، گلشن، جناح، چنیسر، صدر، لیاری اور کلفٹن کے مختلف علاقوں میں پانی کی فراہمی متاثر رہنے کا امکان ہے، اس کے علاوہ مرمت کے دوران لانڈھی اور شیرپاؤ ہائیڈرنٹس بھی عارضی طور پر بند رہیں گے۔

ترجمان نے شہریوں سے اپیل کی ہے کہ وہ مرمتی کام کے دوران پانی کا باکفایت اور ذمہ دارانہ استعمال کریں، منصوبے کی تکمیل کے بعد کراچی کے پانی کی ترسیل کے نظام میں نمایاں بہتری آئے گی اور پانی کے رساؤ کے مسئلے کا مستقل حل ممکن ہو سکے گا۔

06/02/2026

روزنامہ آواز ٹائمز کو پورے سندھ اور کراچی سے بیوروچیف اور رپورٹرز کی ضرورت ہے ہر ضلع سے خواہش مند خواتین و حضرات واٹس اپ پر رابطا کریں
03088172513

03338372051 سندھ بیورو چیف مجیب اللّٰه

06/02/2026

کراچی : محکمہ موسمیات نے کراچی میں آنے والے دنوں میں درجہ حرارت میں اضافے کی پیش گوئی کردی۔

تفصیلات کے مطابق محکمہ موسمیات کی جناب سے کہا گیا ہے کہ کراچی میں جاری سردی کی لہر میں کمی آگئی ہے، آنے والے دنوں میں درجہ حرارت میں اضافے کا امکان ہے.

دوسری جانب ملک کے بالائی علاقے آج بھی یخ بستہ ہواؤں کی لپیٹ میں رہیں گے۔ دیر، چترال، سوات، کشمیر اور گلگت بلتستان میں چند مقامات پر ہلکی بارش جبکہ پہاڑوں پر برفباری کا امکان ہے۔

محکمہ موسمیات کا کہنا ہے کہ کراچی، لاہور، اسلام آباد اور پشاور سمیت ملک کے بیشتر علاقوں میں موسم سرد اور خشک رہنے کی توقع ہے جبکہ کوئٹہ، زیارت، چمن اور پشین میں بھی ہلکی بارش کا امکان ظاہر کیا گیا ہے۔

25/01/2026

گُل پلازہ سانحہ میں زندہ بچ جانے والے ایک نوجوان نے دعویٰ کیا ہے کہ دکان سے موقع ملنے کے باوجود کچھ لوگ باہر نہ نکلے۔

سانحہ گل پلازہ کو نواں دن ہے، تاہم اب تک ریسکیو اور سرچ آپریشن مکمل نہیں ہو سکا ہے جب کہ جاں بحق افراد کی تعداد بڑھ کر 73 ہو چکی ہے۔

گل پلازہ آتشزدگی کے حوالے سے سوشل میڈیا پر بھی کئی ویڈیوز گشت کر رہی ہیں۔ ایسی ہی ایک وائرل ویڈیو میں وہاں کام کرنے والے ایک نوجوان نے اپنے بچ جانے کی جدوجہد کے ساتھ دبئی کراکری میں 30 افراد کے زندہ جلنے کے واقعہ سے پردہ اٹھاتے ہوئے سنسنی خیز دعویٰ کیا ہے۔

نوجوان نے بتایا کہ وہ میزنائن پر ایک دکان میں کام کرتا ہے اور حادثے والے روز وہ معمول کے مطابق رات 10 بجے دکان بند کرنے کی تیاری کر رہے تھے کہ اچانک نیچے سے دھواں آنا شروع ہو گیا۔ ہم نے سمجھا کہ معمول کے مطابق ایک دو دکانوں میں آگ لگی ہوگی۔

نوجوان نے مزید بتایا کہ جب کہ پانچ منٹ میں دھواں بہت زیادہ پھیل گیا تو ہم جیسے تیسے دکان بند کر کے باہر نکلے تو زہریلے دھوئیں کے باعث دماغ ماؤف ہو چکا تھا۔ ہماری دکان کے بہت قریب ریمپ ہے، جو کھلا ہوا تھا۔ لیکن ہم وہاں جانے کے بجائے ایک دوسرے راستے پر چلے گئے، لیکن آدھے راستے سے واپس آئے کیونکہ سب بتا رہے تھے کہ وہ راستہ بند ہے۔ اسی دوران دھواں بہت زیادہ بڑھ گیا۔ پورے فلور پر افراتفری اور چیخ وپکار شروع ہوگئی۔

نوجوان نے دعویٰ کیا کہ اس موقع پر بہت سارے لوگ بچنے کے لیے دبئی کراکری کی دکان کی جانب چلے گئے، جہاں سے 25 سے 30 لاشیں ملی ہیں۔

نوجوان کا کہنا تھا کہ شاید وہ بھی وہیں چلا جاتا، لیکن میں نے ہمت نہیں ہاری اور سوچا کہ اس وقت دکان پر جانے کا کام نہیں بلکہ باہر نکلنا ہے۔ ہم نے ہمت کر کے مسجد کا گیٹ توڑا۔

اس نے دعویٰ کیا کہ اس موقع پر ہمارے دو ساتھی دبئی کراکری گئے اور بتایا کہ مسجد کا گیٹ کھل چکا ہے، آپ سب وہاں سے آ جائیں لیکن انہوں نے ہمت نہ کی اور شاید یہ سمجھے کہ آگ صرف نیچے لگی ہے اور اوپر تک نہیں آئے گی اور انہیں ریسکیو کر لیا جائے گا۔

نوجوان نے یہ بھی دعویٰ کیا کہ آگ لگنے کے بعد ہم آدھے گھنٹے کی مسلسل جدوجہد کے بعد پلازہ سے جانیں بچا کر نکلنے میں کامیاب ہوئے۔ تاہم اس واقعہ میں ہماری دکان کے سیٹھ جاں بحق ہو گئے۔

24/01/2026

حیدرآباد کوٹری حادثے کے 8 جاں بحق افراد کی نمازِ جنازہ ادا، ہر آنکھ اشکبار

کوٹری کے مقام پر ڈمپر اور کار کے خوفناک تصادم نے حیدرآباد کے ایک ہنستے بستے گھرانے کو اجاڑ دیا۔ مرشد آباد کالونی سے تعلق رکھنے والے دو سگے بھائیوں، ان کے 5 کمسن بچوں اور ایک کی اہلیہ کے جنازے جب ایک ساتھ اٹھے تو زیل پاک سوسائٹی کا گراؤنڈ سسکیوں اور آہوں سے گونج اٹھا

ایک ہی گھر سے 8 جنازے اٹھنے پر پورے علاقے میں کہرام مچ گیا

نمازِ جنازہ میں سیاسی و سماجی شخصیات، سرکاری حکام اور شہریوں کی بڑی تعداد نے شرکت کر کے غمزدہ خاندان سے تعزیت کی

اللّٰہ پاک تمام مرحومین کو جوارِ رحمت میں جگہ عطا فرمائے اور لواحقین کو یہ ناقابلِ برداشت صدمہ سہنے کی ہمت دے۔ آمین

30/12/2025

کراچی کے علاقے مہران ٹاون میں کُھلے مین ہول میں گرکر ایک اور بچے کی ہلاکت بھی انتظامیہ کو حرکت میں نہ لاسکی۔

سیاسی و انتظامی عہدیداروں نے ایک دوسرے پر الزام تراشی کی بھرمار کررکھی ہے لیکن کسی نے بھی گٹر کا ڈھکن نہ لگایا۔ گٹر کے ڈھکن لے کر آنے والی سماجی تنظیم کو بھی کام نہ کرنے دیا۔

رواں برس کھلے مین ہولز اور نالوں میں گرکر 27 افراد اپنی جان گنواچکے ہیں۔ سانحہ مہران ٹاون کے بعد متوفی بچے کی گلی میں سوگ کا ماحول ہے۔

مہران ٹاون کے سماجی کارکن محمد وحید نے بتایا کہ کورنگی کا علاقہ مہران ٹاون صنعتی ایریا ہے۔ یہاں بڑی تعداد میں فیکڑیاں ہیں۔اس علاقہ میں مزدور طبقہ رہتا یے۔ یہ علاقہ شاہ فیصل ٹاون کی حدود میں آتا یے۔یہاں گلیاں ٹوٹ پھوٹ کا شکار ہیں۔

محمد وحید نے بتایا کہ علاقہ میں بیشتر مین ہولوں پر ڈھکن نہیں ہیں۔ گذشتہ روز کورنگی صنعتی ایریا کے علاقے مہران ٹاؤن سیکٹر 6 جی میں انتظامیہ کی مجرمانہ غفلت اور لاپروائی کے نتیجے میں 8 سالہ دلبر علی کھلے مین ہول میں گر کر زندگی کی بازی ہار گیا تھا۔

واقعے کی اطلاع پرکافی جدوجہد کے بعد کمسن لڑکے کو اس کے چاچا نے کھلے مین ہول سے باہر نکالا تاہم وہ اس وقت تک زندگی کی بازی ہار چکا تھا۔ واقعے کے بعد علاقہ میں کہرام مچ گیا اور متوفی بچے کے اہلخانہ اور مکینوں کی بڑی تعداد جائے وقوعہ پر جمع ہوگئی اور اپنے شدید غم و غصے کا اظہار کیا۔

اس واقعہ کے بعد ڈپٹی میئر کراچی سلمان عبداللہ مراد، ٹاون چیئرمین شاہ فیصل گوہر خٹک، جماعت اسلامی کے رکن سندھ اسمبلی محمد فاروق، پی ٹی آئی اور پیپلز پارٹی سمیت سماجی تنظیم فکس اٹ کے عہدیدار آئے۔ سیاسی بلدیاتی نمائندوں نے بیانات دیے اور الزام تراشی کی لیکن کسی ادارے نے اپنی زمہ داری قبول نہیں کی سب ایک دوسرے پر ملبہ ڈالتے رہے۔ا

اس حادثہ کے بعد جائے وقوعہ سمیت کسی کھلے مین ہول پر ڈھکن نہیں نہیں لگائے گئے۔سب سیاست کرکے چلے گئے۔متاثرہ خاندان کی کسی نے داد رسی نہیں کی ۔ انہوں نے کہا کہ کھلے مین ہول اور نالوں کو بند کرنے کے لیے حکومتی سطح پر کسی ایک ادارے کو زمہ داری دی جائے۔

کھلے مین ہول میں گر کر جاں بحق ہونے والے بچے کے والد اظہر علی نے بتایا کہ کھلے مین ہول کی وجہ سے ان کا اکلوتا لخت جگر چلاگیا ہے۔اس سانحہ کے بعد کھلے مین ہول پر ڈھکن نہیں لگایا جس میں گرکر میرابچہ موت کے منہ میں چلاگیا۔

انہوں نے کہا کہ میری حکومت سے اپیل ہے کہ خدارا وہ ہوش کے ناخن لے، کراچی میں جو مین ہول یا نالے کھلے ہیں ان پر ڈھکن لگانے کے ساتھ اس کو بند کیا جائے تاکہ اب کوئی بچہ حادثہ کا شکار نہ ہو۔آج میرا بچہ گیا ہے اب کسی کا بچہ جانا نہیں چاہیے۔

30/12/2025

حیدرآباد ایس ایس پی عدیل حسین چانڈیو کی زیر صدارت ضلع حیدرآباد کے تمام ڈی ایس پیز اور ایس ایچ اوز کی اہم میٹنگ منعقد ہوئی
ایس ایس پی حیدرآباد کی صدارت میں ایک اہم میٹنگ سال نو کی آمد کے موقع پر ضلع بھر میں امن و امان برقرار رکھنے اور فول پروف سیکیورٹی انتظامات کو یقینی بنانے کے حوالے سے پولیس ہیڈکوارٹر میں ہوئی۔
ایس ایس پی حیدرآباد نے تمام افسران کو ہدایت کی کہ سال نو کے موقع پر ہوائی فائرنگ، ہلڑ بازی، ون ویلنگ، آتش بازی اور دیگر غیر قانونی سرگرمیوں میں ملوث شرپسند عناصر کے خلاف سخت ترین قانونی کارروائی عمل میں لائی جائے۔اور اس سلسلے میں پلان مطابق عمل درآمد کیا جائے ۔
تمام ڈی ایس پیز اور ایس ایچ اوز اپنی اپنی حدود میں آن روڈ رہیں گے اور پولیس اہلکاروں کو ڈیوٹی کی حساسیت اور اہمیت سے مکمل طور پر آگاہ کریں۔
پولیس موبائل گشت، موٹر سائیکل پیٹرولنگ، داخلی و خارجی راستوں پر کڑی نگرانی، اسنیپ چیکنگ اور سرپرائز ناکہ بندی کے مؤثر انتظامات کیے جائیں۔
ایس ایس پی حیدرآباد نے مزید ہدایت کی کہ ضلع میں واقع اہم سرکاری و نجی عمارتوں، ریستورانوں، مارکیٹس، ملکی و غیر ملکی آؤٹ لی

26/12/2025

کراچی (26 دسمبر 2025): محکمہ موسمیات نے شہر قائد میں موسم سرما کی پہلی بارش کی پیشگوئی کر دی جس سے سردی کی شدت میں اضافہ ہو سکتا ہے۔

محکمہ موسمیات کے مطابق کراچی میں منگل سے بدھ کے درمیان مغربی ہواؤں کا سسٹم اثر انداز ہو سکتا ہے جس سے شہر میں سردی کی شدت میں اضافہ ہوگا۔

پیشگوئی کی گئی کہ 28 دسمبر سے مغربی ہواؤں کا سلسلہ بالائی علاقوں کو متاثر کرے گا اور 29 دسمبر کو بلوچستان اور ملحقہ علاقوں میں بارش متوقع ہے۔

محکمہ موسمیات نے کہا کہ 30 دسمبر کو کراچی میں بارش کا امکان ہے۔

واضح رہے کہ 18 دسمبر کو محکمہ موسمیات نے 20 سے 22 دسمبر کے دوران ملک کے مغربی اور بالائی علاقوں میں بارش اور پہاڑیوں پر برفباری کی پیشگوئی کی تھی جو درج ذیل ہے:

بلوچستان: کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی، ژوب، موسیٰ خیل، تربت، گوادر، جیوانی، لسبیلہ، کیچ، آواران، پنجگور، خضدار، واشک، چاغی، خاران اور کالات میں 19 دسمبر (شام) سے 20 دسمبر تک وقفے وقفے سے بارشیں اور پہاڑوں پر برف باری متوقع

خیبر پختونخوا: چترال، دیر، سوات، شانگلہ، کوہستان، مانسہرہ، ایبٹ آباد، ہری پور، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک، ڈیرہ اسماعیل خان، ٹانک اور کوہاٹ میں 20 دسمبر (رات) سے 22 دسمبر تک وقفے وقفے سے بارشیں اور بالائی علاقوں میں درمیانی برف باری کا امکان

کشمیر/گلگت بلتستان: گلگت بلتستان (دیامر، استور، غیزر، سکردو، ہنزہ، گلگت، گانچے، شگر) اور کشمیر (نیلم ویلی، مظفرآباد، پونچھ، ہٹیاں، باغ، حویلی، سدھنوتی، کوٹلی، بھمبر، میرپور) میں 20 دسمبر (رات) سے 23 دسمبر تک وقفے وقفے سے بارشیں اور درمیانی سے کچھ مقامات پر شدید برف باری متوقع

پنجاب/اسلام آباد: اسلام آباد/راولپنڈی، پوٹھوہار ریجن، میانوالی، بھکر، نورپور تھل اور لیہ میں 20 دسمبر (شام) سے 21 دسمبر تک وقفے وقفے سے بارشیں متوقع

محکمہ موسمیات کا کہنا تھا کہ مری اورh گلیات میں بارشوں کے ساتھ برف باری کا امکان ہے، سرگودھا، خوشاب، فیصل آباد، حافظ آباد، گوجرانوالہ، منڈی بہاؤالدین، گجرات، سیالکوٹ، نارووال، لاہور، شیخوپورہ، ملتان، جھنگ، ڈیرہ غازی خان اور ٹوبہ ٹیک سنگھ میں ابر آلود موسم کے ساتھ بوندا باندی کا امکان ظاہر کیا گیا تھا۔

سندھ: صوبے کے بیشتر حصوں میں 19 اور 20 دسمبر کو جزوی ابر آلود سے ابر آلود موسم متوقع، محکمہ موسمیات کا کہنا تھا کہ برف باری کی وجہ سے سڑکیں بند ہونے، پھسلن کی صورتحال کا امکان ہے

26/12/2025

کراچی سونا مزید مہنگا ہوگیا اور قیمتیں عالمی و مقامی مارکیٹوں میں ایک بار پھر تاریخ کی بلند ترین سطح پر پہنچ گئی ہیں۔

بین الاقوامی بلین مارکیٹ میں فی اونس سونے کی قیمت میں آج 05ڈالر کا اضافہ ریکارڈ ہونے کے بعد نئی عالمی قیمت 4ہزار 510ڈالر کی نئی بلند سطح پر آگئی ۔

دریں اثنا مقامی سطح پر آج جمعہ کے روز فی تولہ سونے کی قیمت میں 500روپے کے اضافے کے بعد نئی قیمت 4لاکھ 73ہزار 362روپے فی تولہ کی نئی بلند سطح کو چھو گئی جب کہ فی 10 گرام سونے کی قیمت 429روپے بڑھ کر 4لاکھ 05ہزار 831روپے کی بلند سطح پر آگئی۔

علاوہ ازیں ملک میں فی تولہ چاندی کی قیمت بھی 240روپے کے اضافے سے 7ہزار 945روپے کی بلند سطح پر آگئی۔

26/12/2025

کراچی (26 دسمبر 2025): ای چالان جاری کرنے والے نظام کی مبینہ غلطی کے باعث گھر میں کھڑی گاڑی کے مالک کو 25 روز کے اندر دو ای چالان بھیج دیے گئے۔

کراچی میں ای چالان کے نفاذ کو تقریباً تین ماہ ہونے والے ہیں، مگر آئے روز ایسے واقعات سامنے آ رہے ہیں جن سے اس نظام کی خامیوں کی نشاندہی ہوتی ہے۔

تازہ ترین واقعے میں کراچی کے ایک شہری کو 25 روز کے اندر سیٹ بیلٹ نہ پہننے پر 10، 10 ہزار روپے مالیت کے دو چالان بھیجے گئے ہیں۔

اس معاملے کا دلچسپ پہلو یہ ہے کہ جس شخص کو یہ چالان موصول ہوئے، اس کی گاڑی طویل عرصے سے گھر پر ہی کھڑی ہے۔ متاثرہ شہری کی گاڑی 1987 کا ماڈل ہے، جبکہ ای چالان کی تصاویر میں خلاف ورزی کرنے والی گاڑی بالکل نئی ہے۔

رپورٹ کے مطابق جس گاڑی پر چالان کیے گئے، اس پر جعلی نمبر پلیٹ لگی تھی جو دو صوبوں میں استعمال ہوتی رہی۔ جرائم پیشہ عناصر نے نئی گاڑی پر 1987 ماڈل کی گاڑی کی نمبر پلیٹ لگا رکھی تھی۔ ٹریفک قوانین کی خلاف ورزی کرنے والا شخص مبینہ طور پر اسی جعلی نمبر پلیٹ کے ساتھ بلوچستان آتا جاتا رہتا ہے۔

گاڑی کا پہلا چالان 23 نومبر کو پنجاب چورنگی کے قریب، جبکہ دوسرا چالان 18 دسمبر کو حب ٹول پلازہ سے گزرتے وقت کیا گیا۔

سی سی ٹی وی کیمرے سے لی جانے والی تصاویر کے مطابق دونوں بار گاڑی چلانے والا شخص ایک ہی تھا۔

پولیس کی جانب سے متاثرہ شہری کو اس حوالے سے تحریری درخواست دینے کی ہدایت کر دی گئی ہے تاکہ معاملے کی تحقیقات کی جا سکیں۔

Daily Awaz Times sindh

07/02/2026

07/02/2026

06/02/2026

06/02/2026

25/01/2026

24/01/2026

30/12/2025

30/12/2025

26/12/2025

26/12/2025

26/12/2025

Address

Website

Alerts

Shortcuts

Share

Category