16/06/2026
اپنے بچوں کی حفاظت کریں
محترم والدین!
آج کے دور میں بچوں کی حفاظت صرف کھانا، کپڑا اور تعلیم فراہم کرنے کا نام نہیں، بلکہ ان کی جسمانی، ذہنی اور اخلاقی حفاظت بھی ہماری ذمہ داری ہے۔
خصوصاً کچی آبادیوں اور مصروف علاقوں میں، جہاں والدین صبح روزگار کے لیے نکلتے ہیں اور شام کو واپس آتے ہیں، بچوں پر مسلسل نظر رکھنا مشکل ہو جاتا ہے۔ مگر چند منٹ کی توجہ بھی بڑے نقصان سے بچا سکتی ہے۔
روزانہ اپنے بچوں کے ساتھ 10 سے 30 منٹ ضرور گزاریں۔
ان سے محبت بھرے انداز میں پوچھیں کہ آج دن کیسے گزرا، کہاں گئے، کن لوگوں کے ساتھ رہے اور کیا کیا۔
ان کے دوستوں، کھیل کے ساتھیوں اور روزمرہ کی محفلوں سے باخبر رہیں۔
بچوں کو سکھائیں کہ ان کے جسم کے کچھ حصے نجی (Private) ہیں، جنہیں کوئی چھو نہیں سکتا، سوائے والدین یا ضرورت کے وقت معالج کے۔
انہیں یہ اعتماد دیں کہ اگر کوئی شخص انہیں ڈرائے، لالچ دے یا غلط طریقے سے چھونے کی کوشش کرے تو وہ فوراً والدین کو بتائیں۔
بچوں کو ایسے افراد اور ایسی صحبت سے دور رکھیں جو اخلاقی حدود کا خیال نہیں رکھتے۔
