41Digital Plus

02/11/2025

02/11/2025

گوڈیخیل میں روڈ ، ہسپتال ، ڈگری کالج ، مسائل حل کے لیے گوڈیحیل عوام حجرہ ملک محیط خان میں بڑی تعداد میں جمع ۔۔۔۔۔۔

02/11/2025

اسلام آباد:پاکستان پیپلز پارٹی شعبہ خواتین کی مرکزی صدر فریال تالپور کی زیر صدارت زرداری ہاؤس اسلام آباد میں اہم اجلاس منعقد ہوا، جس میں نیئر حسین بخاری، ہمایوں خان اور سینیٹر روبینہ خالد سمیت پارٹی قیادت نے شرکت کی۔ اجلاس میں پیپلز پارٹی کے نگران صوبائی صدر محمد علی شاہ باچا، سینیئر نائب صدر سید ایوب شاہ، جنرل سیکرٹری ایم شجاع خان اور خیبرپختونخواہ کے دیگر عہدیداران بھی موجود تھے۔

اجلاس میں خیبرپختونخواہ میں تنظیم سازی کے حوالے سے بریفنگ دی گئی اور اتفاق کیا گیا کہ پارٹی کو مضبوط بنانے کے لیے اس سلسلے کے اجلاسوں کا تسلسل جاری رکھا جائے گا۔ فریال تالپور نے صوبے میں وارڈ سطح پر تنظیم سازی جلد مکمل کرنے کی ہدایت دی۔

اس موقع پر فریال تالپور نے کہا کہ خیبرپختونخواہ کی عوام کی امیدوں کا محور چیئرمین بلاول بھٹو زرداری ہیں، جبکہ صوبے کے مسائل کا پائیدار حل صدر آصف علی زرداری اور چیئرمین بلاول بھٹو زرداری کے ویژن میں مضمر ہے

02/11/2025

پشاور
گورنر خیبر پختونخوا فیصل کریم کنڈی نے خیبر پختونخوا بار کونسل ڈیرہ اسماعیل خان ڈویژن اور بنوں ڈویژن میں پاکستان پیپلزپارٹی کے حمایت یافتہ امیدواروں کو واضح برتری سے کامیابی پر دلی مبارکباد پیش کی ہے،
گورنر خیبرپختونخوا نے اپنے تہنیتی بیان میں ڈی آئی خان سے خیبرپختونخوا بار کونسل کے انتخابات میں حشمت نواز سدوزئی ایڈوکیٹ،احمد علی خان ایڈوکیٹ اور بنوں سے پیپلزپارٹی کے حمایت یافتہ امیدوار شاہ حسین ایڈوکیٹ کی بھاری اکثریت سے کامیابی پر اسے وکلاء برادری کے اعتماد کا مظہر قرار دیا ہے، گورنر خیبرپختونخوا نے اس امید کا اظہار کیا کہ ڈی آئی خان اور بنوں سے خیبرپختونخوا بار کونسل کے نومنتخب ممبرز وکلاء برادری کے مسائل کے حل اور عوام علاقہ کو فوری انصاف کی فراہمی کیلئے اپنا بھرپور کردار ادا کریں گے-

01/11/2025

*ہینڈ آؤٹ نمبر 3193۔پشاور۔انور خٹک۔01نومبر2025*
*وزیراعلیٰ خیبرپختونخوا سہیل آفریدی کے احکامات پر فوری عمل درآمد، محکمہ خزانہ خیبرپختونخوا نے صحت کارڈ پلس کیلئے فوری طور پر تین ارب روپے جاری کر دئیے۔ مشیربرائے وزیر اعلیٰ خیبر پختونخوا*
*رواں سال محکمہ خزانہ خیبرپختونخوا نے صحت کارڈ کیلئے 41 ارب روپے مختص کئے ہیں۔ پچلھے سال کے 36 ارب کے مقابلے میں اب تک 4 ماہ میں خزانہ 9.65 ارب جاری کر چکا ہے۔ مزمل اسلم*
*خیبر ٹیچنگ ہسپتال میں عارضی طور پر معطل کی گئی صحت سہولت کارڈ کی سروسز اب مکمل طور پر بحال کردی گئی ہیں*
وزیر اعلیٰ خیبر پختونخوا کے مشیرمزمل اسلم نے صحت کارڈ فنڈز ریلیز اعلامیہ جاری کرنے بارے اہم بیان جاری کرتے ہوئے کہا ہے کہ وزیراعلیٰ نے صحت کارڈ پلس پر بریفننگ لی اور موقع پر 3 ارب روپے صحت کارڈ کی مد میں فوری جاری کرنے کے احکامات جاری کیے۔ مزمل اسلم نے کہا کہ وزیراعلیٰ کے احکامات پر فوری عمل درآمد ممکن بناتے ہوئے محکمہ خزانہ خیبرپختونخوا نے فنڈز ریلیز کا اعلامیہ جاری کر دیا۔ مزمل اسلم نے کہا کہ محکمہ صحت صوبائی حکومت کی اولین ترجیح ہے اور سابق وزیر اعلیٰ علی امین گنڈاپور نے حلف لیتے ہی صحت کارڈ پلس سہولت بحال کی۔ مزمل اسلم نے کہا کہ رواں سال میں محکمہ خزانہ خیبرپختونخوا نے صحت کارڈ میں 41 ارب روپے مختص کئے ہیں جبکہ پچھلے سال کے 36 ارب کے مقابلے میں اب تک 4 ماہ میں خزانہ 9.65 ارب جاری کر چکا ہے۔ مزمل اسلم نے کہا کہ عمران خان کا ویژن علاج سب کے لئے اور فری جاری رہے گا۔ مزمل اسلم نے کہا کہ سوشل میڈیا پر صحت کارڈ معطلی بارے خبریں بے بنیاد ہیں۔ خیبر پختونخوا کے ہسپتالوں کو صحت کارڈ رقوم کی ادائیگی حسب معمول جاری ہے۔ مزمل اسلم نے کہا کہ تمام سرکاری اور پرائیویٹ ہسپتالوں میں صحت کارڈ کے تحت خدمات فراہم کی جارہی ہیں۔ واضح رہے کہ خیبر ٹیچنگ ہسپتال کی جانب سے بیان جاری کیا گیا ہے کہ عارضی طور پر معطل کی گئی صحت سہولت کارڈ کی سروسز اب مکمل طور پر بحال کردی گئی ہیں۔ تمام داخل مریضوں کو صحت سہولت کارڈ کے تحت مفت علاج کی سہولیات فراہم کی جا رہی ہیں۔ مزمل اسلم نے ٹویٹ کرتے ہوئے کہا کہ کہ یکم مارچ 2024 سے 30 جون 2025 تک، محکمہ خزانہ نے صحت کارڈ کے لیے 40 ارب روپے فراہم کیے۔ جولائی سے اکتوبر 2025 تک مزید 9.65 ارب روپے دیے گئے یوں مارچ 2024 سے اب تک تقریباً 50 ارب روپے خرچ کیے جا چکے ہیں۔ مزمل اسلم نے کہا کہ کسی بھی صوبے کی صحت کے شعبے پر اخراجات کے لحاظ سے خیبر پختونخوا کا کوئی مقابلہ نہیں۔ خیبرپختونخوا صحت کا بجٹ کل اخراجات کا 15 فیصد ہے۔ مزید برآں، ہم صحت کے شعبے میں مزید سرمایہ کاری کے لیے پرعزم ہیں۔

01/11/2025

پشاور: وزیر اعلیٰ سہیل آفریدی کا صحت کارڈ کی بندش پر سخت نوٹس

پشاور: بغیر اطلاع سات سے آٹھ گھنٹے صحت کارڈ کی بندش پر وزیر اعلیٰ کا برہمی کا اظہار

پشاور: وزیر اعلیٰ سہیل آفریدی کا واقعے کی انکوائری کا حکم

پشاور: ملوث افراد کی نشاندہی کر کے ان کے خلاف قانونی کارروائی کی جائے گی، وزیر اعلی

01/11/2025

پشاور: وزیر اعلیٰ خیبر پختونخوا محمد سہیل آفریدی کا خیبر ٹیچنگ اسپتال کا اچانک دورہ

پشاور: وزیر اعلی کا مریضوں اور اُن کے لواحقین سے ملاقات، ایمرجنسی وارڈ میں ادویات کی دستیابی کا بھی جائزہ لیا،

پشاور: وزیر اعلیٰ کا ایمرجنسی ادویات کی ہمہ وقت دستیابی اور سہولیات بہتر بنانے کی ہدایت،

پشاور: عوام کو علاج معالجے میں کسی قسم کی دشواری نہیں ہونی چاہیے، سہیل افریدی

پشاور: صحت کارڈ کے تحت بلا تعطل علاج معالجے کی فراہمی یقینی بنائی جائے، سہیل آفریدی

پشاور: صحت کارڈ کی مد میں فنڈز جاری ہوچکے ہیں، وزیر اعلیٰ

پشاور: صحت کارڈ کے تحت علاج کی ایک لمحے کی معطلی بھی قابلِ برداشت نہیں، سہیل آفریدی

01/11/2025

پریس ریلیز
مورخہ 1 نومبر 2025
تحصیل پریس کلب تخت نصرتی

*تحصیل پریس کلب تختِ نصرتی کی جانب سے معاونِ خصوصی برائے اطلاعات و نشریات شفیع جان کو مبارکباد*

تحصیل پریس کلب تختِ نصرتی کے عہدیداران و اراکین نے شفیع جان کو معاونِ خصوصی برائے اطلاعات و نشریات مقرر ہونے پر دلی مبارکباد پیش کی ہے۔ تحصیل پریس کلب تخت نصرتی کے صدر راؤف خٹک نے اپنے بیان میں کہا کہ شفیع جان ایک باصلاحیت، محنتی اور وژن رکھنے والے فرد ہیں جن کی تعیناتی سے صوبے میں اطلاعات اور نشریات کے شعبے میں مثبت تبدیلی کی توقع کی جا رہی ہے۔انھوں نے کہا کہ صوبائی حکومت کی جانب سے ایک متحرک شخصیت کو یہ ذمہ داری دینا قابلِ تحسین اقدام ہے اور امید ظاہر کی کہ شفیع جان صحافتی برادری کے مسائل کے حل اور صحافت کے فروغ میں مؤثر کردار ادا کریں گے۔آخر میں تحصیل پریس کلب تخت نصرتی کے تمام اراکین نے شفیع جان کے لئے نیک تمناؤں کا اظہار کرتے ہوئے دعا کی کہ وہ اپنی نئی ذمہ داریوں میں کامیابی حاصل کریں اور صوبے کے عوام کی خدمت کا سفر جاری رکھیں۔

*جاری کردہ*
قیصر بخاری
سیکرٹری اطلاعات
تحصیل پریس کلب تختِ نصرتی

01/11/2025

ایک دفعہ کا ذکر ہے. کہ ایک صوبہ کا وزیراعلی ہوا کرتاتھا.