Lawaghar Tv

14/06/2026

کرک ڈسٹرکٹ پولیس آفیسر کرک عمران خان نے تحت نصرتی کا دورہ کیا جہاں انہوں نے شہید پولیس جوان نصیر بابر کی شہادت کے حوالے سے ہونیوالے حالیہ آپریشن میں حصہ لینے والے پولیس افسران و جوانوں سے ملاقات کی۔

اس موقع پر ڈی پی او کرک نے پولیس ٹیم کی بہادری، پیشہ ورانہ مہارت اور جرات کو سراہتے ہوئے انہیں شاباش دی اور حوصلہ افزائی کی۔

ڈی پی او عمران خان نے کہا کہ کرک پولیس شہید پولیس اہلکار نصیر عرف بابر کے قتل میں ملوث تمام ملزمان کو قانون کے کٹہرے میں لانے کیلئے پرعزم ہے۔ انہوں نے واضح کیا کہ شہداء کی قربانیوں کو کبھی فراموش نہیں کیا جائے گا اور کرک پولیس جرائم پیشہ عناصر کے خلاف کارروائیاں جاری رکھتے ہوئے تمام ذمہ داران کو انصاف کے کٹہرے تک پہنچائے گی۔

13/06/2026

12/06/2026

کرک (شعبہ تعلقات عامہ) شہید پولیس اہلکار نصیر اللہ کو پورے سرکاری اعزاز کے ساتھ سپردِ خاک کر دیا گیا۔ شہید کی نمازِ جنازہ اور تدفین میں ایس پی انوسٹی گیشن کمال حسین سمیت پولیس افسران، جوانوں، عمائدین علاقہ، منتخب نمائندوں اور ہزاروں کی تعداد میں مقامی افراد نے شرکت کرکے شہید کو زبردست خراجِ عقیدت پیش کیا۔

اس موقع پر پولیس کے چاق و چوبند دستے نے شہید کے جسدِ خاکی کو سلامی پیش کی جبکہ شہید کی عظیم قربانی کو بھرپور انداز میں خراجِ تحسین پیش کیا گیا۔ بعد ازاں شہید کو پورے سرکاری اعزاز، عزت و احترام اور مقامی روایات کے مطابق آبائی قبرستان میں سپردِ خاک کر دیا گیا۔
ڈسٹرکٹ پولیس آفیسر کرک عمران خان نے شہید کے قبر پر حاضری دے شہید کے قبر پر پھول چڑھائے اور شہید کے بلند درجات کیلئے دعا کی۔
جبکہ ڈی پی او عمران خان نے شہید کے گھر جاکر وہاں پر شہید کی فاتحہ خوانی میں شرکت کی اور شہید کے بچوں اور رشتہ داروں کے ساتھ مل کر دلی ہمدردی کا اظہار کرکے تعزیت کی۔ اس موقع پر ڈی پی او عمران خان نے اپنے عزم کو دہراتے ہوئے کہا کہ ہمارے پولیس جوان کے قاتلوں کو کسی صورت نہیں بخشا جائے گا۔
ڈی پی او عمران خان کا کہنا تھا کہ شہداء کی قربانیاں رائیگاں نہیں جائیں گی اور امن و امان کے قیام کے لیے دی جانے والی ان لازوال قربانیوں کو ہمیشہ یاد رکھا جائے گا۔ کرک پولیس اپنے شہداء کی عظیم خدمات اور قربانیوں کو سلام پیش کرتی ہے اور شہید کے اہلِ خانہ کے غم میں برابر کی شریک ہے۔

12/06/2026

ٹی ایم اے کرک کی ای-بلدیہ نظام کے ذریعے ٹھیکہ جات کی نیلامی۔

ٹی ایم اے کرک نے ای-بلدیہ نظام کے تحت اپنے آمدنی کے ٹھیکہ جات کی نیلامی کامیابی کے ساتھ مکمل کر لی، جو شفافیت اور میرٹ کی جانب ایک اہم پیش رفت ہے۔ اس نیلامی کے دوران ٹی ایم اے کرک کو اپنی تاریخ کی ریکارڈ بولیاں موصول ہوئیں، جس کے نتیجے میں مختلف آمدنی کے ذرائع سے حاصل ہونے والی متوقع آمدن میں نمایاں اضافہ ہوگا۔
جنرل بس اسٹینڈ کرک، نشپہ آئل ٹینکرز انٹری فیس، کنزروینسی فیس، میلہ مویشیاں اور دیگر آمدنی کے ٹھیکہ جات گزشتہ ادوار کے مقابلے میں 400 فیصد سے 600 فیصد تک زائد نرخوں پر نیلام ہوئے، جو ای-بلدیہ نظام کی شفافیت اور مؤثریت کا واضح ثبوت ہے۔
نیلامی میں شریک ٹھیکیداروں نے ای-بلدیہ نظام کی شفافیت، سہولت اور منصفانہ طریقہ کار کو سراہتے ہوئے اس اقدام کو ایک مثبت سنگِ میل قرار دیا۔ اس کامیاب نیلامی سے نہ صرف ٹی ایم اے کرک کی آمدنی میں خاطر خواہ اضافہ ہوگا بلکہ عوامی خدمات کی فراہمی اور ترقیاتی سرگرمیوں کو بھی مزید تقویت ملے گی۔

10/06/2026

کرک ضلع کرک میں امن و امان کے قیام اور شرپسند عناصر کے خلاف جاری کارروائیوں کے سلسلے میں تھانہ خرم کی حدود درگہ شہیدان کے علاقے میں پولیس اور سی ٹی ڈی کی جانب سے مشترکہ سرچ اینڈ سٹرائیک آپریشن کیا جا رہا تھا۔ اس دوران دہشت گردوں نے بالائی پہاڑی سلسلے سے پولیس پارٹی پر اچانک فائرنگ کر دی۔

پولیس جوانوں نے پیشہ ورانہ مہارت، جرات اور بہادری کا مظاہرہ کرتے ہوئے دہشت گردوں کی فائرنگ کا بھرپور جواب دیتے ہوئے دہشت گردوں کے بندوقوں کو خاموش کر دیا۔
شدید فائرنگ کے تبادلے میں متعدد دہشت گردوں کے ہلاک اور زخمی ہونے کی اطلاعات موصول ہو رہی ہیں۔
دہشت گردوں کی جانب سے کیے گئے حملے کے نتیجے میں پولیس کے آٹھ اہلکار معمولی زخمی ہوئے، جنہیں فوری طبی امداد فراہم کرنے کیلئے ہسپتال منتقل کر دیا گیا۔

واقعہ کی اطلاع پر ڈسٹرکٹ پولیس آفیسر کرک عمران خان کی قیادت میں پولیس کی اضافی نفری فوری اور برق رفتاری کے ساتھ موقع پر پہنچ گئی۔ علاقے میں دہشت گردوں کے تعاقب، سرچ اینڈ کلیئرنس آپریشن کی گئی۔
جبکہ تمام داخلی و خارجی راستوں پر سیکیورٹی مزید سخت کر دی گئی ہے۔
ڈی پی او عمران خان کی قیادت میں پولیس کے معمولی نقصان رسیدہ گاڑیوں کو بھی بحفاظت محفوظ مقام پر منتقل کر دیا گیا۔

09/06/2026

کرک
تھانہ گرگری اور اوربشی آئل اینڈ گیس پلانٹ گرگری پر ڈرون حملے کی اطلاع ملتے ہی ڈسٹرکٹ پولیس آفیسر کرک عمران خان نے فوری طور پر کوئیک رسپانس دیتے ہوئے تھانہ گرگری پہنچ کر صورتحال کا جائزہ لیا۔
ڈی پی او نے تھانہ گرگری پر ڈرون کا گولہ گرنے والے حصے کا معائنہ کیا، جبکہ بعد ازاں اوربشی آئل اینڈ گیس پلانٹ کا دورہ کرکے متاثرہ مقام کا تفصیلی جائزہ بھی لیا۔ تھانہ گرگری میں پیشگی حفاظتی انتظامات کے نتیجے میں تھانے پر ڈرون اٹیک میں کسی قسم کا کوئی جانی نقصان نہیں ہوا ہے۔

اس موقع پر پولیس نفری نے تھانے اور حساس تنصیبات کے اطراف میں واقع پہاڑی علاقوں میں سرچ آپریشن کیا گیا، جبکہ جدید ڈرون کیمروں کی مدد سے وسیع پیمانے پر فضائی نگرانی بھی عمل میں لائی گئی تاکہ کسی بھی مشتبہ نقل و حرکت یا ممکنہ خطرے کا بروقت سراغ لگایا جا سکے۔

06/06/2026

کرک(نامہ نگار)خٹک زلمی کے زیر اہتمام گرینڈ عید ملن پارٹی کا انعقاد مقامی نوجوانوں اور عمائدین کی بھر پور شرکت منشیات فروشوں کے خلاف کریک ڈاؤن کا مطالبہ گیس بجلی لوڈشیڈنگ میں کمی کا مطالبہ علاقے میں اتحاد اتفاق کے قیام کے لئے جدوجہد کا اعلان تفصیلات کے مطابق شہر کی سب سے فعال اور منظم تنظیم,,خٹک زلمی,,کے زیر اہتمام گرینڈ عید ملن پارٹی کا انعقاد کیا گیا عید ملن پارٹی سے خٹک زلمی کے صدر خالد خٹک کے علاوہ قاری بدرالااسلام,نعیم الرشید,احسان الحق,ڈاکٹر اخلاق ,شمس نے خطاب کرتے ہوئے کہا کہ کرک شہر کو امن کا گہوارہ بنانے کے لئے اسلحہ پر مکمل پابندی عائد کی جائے جبکہ علاقائی تنازعات کے حل کے لئے مصالحتی کمیٹیاں تشکیل دی جائیگی جو ازخود مداخلت کرکے تنازعات ختم کرے گی جبکہ باہمی اتحاد واتفاق قائم رکھنے کے لئے ممبرسازی مہم کے زریعے ہر قبیلے اور محلے سے مشران شامل کرینگے سیاسی وابستگی اور زاتی رنجشوں سے بالاتر شہر کےحقوق اور مسائل کے لئے ایک ہونگے مقررین کا کہنا تھا کہ گیس بجلی امن امان سمیت تمام مسائل پر خٹک زلمی بھر پور کردار ادا کرے گی مقررین نے منتخب نمائندوں سے بھی مطالبہ کیا کہ شہر کے مسائل کے حل اور خوبصورتی کے لئے خصوصی فنڈ مختص کریں تاکہ شہر کی کی الگ حثیت واضح ہوں مقررین نے ایس این جی پی ایل اور واپڈا کو خبردار کیا کہ اگر انہوں نے غیر اعلانیہ لوڈشیڈنگ اور گیس پریشر کمی کا خاتمہ نہ کیا تو ان کے دفاتر کا گھیراؤ کرینگے مقررین نے پولیس سے مطالبہ کیا کہ نئی نسل کو تباہی سے بچانے کے لئے منشیات فروشوں کے خلاف بے رحمانہ اپریشن کریں انسانیت کے دشمنوں کے ساتھ کوئی نرمی نہ کی جائے مقررین نے واضح کیا کہ کرک شہر اب لاوارث نہیں رہا اب ان کے ورثاء اور جانشین بیدار اور متحرک ہوچکے ہیں بہت جلد کرک شہر کی سطح پر ایک بڑے جرگہ کا انعقاد کرکے اس میں اپنے لائحہ عمل کا اعلان کرینگے

04/06/2026

کرک

تحت نصرتی میں پولیس مقابلہ، خطرناک اشتہاری ساتھی سمیت زخمی حالت میں گرفتار، دوران علاج دم توڑ گیا۔

تفصیلات کے مطابق تھانہ یعقوب خان شہید کی حدود میں پولیس پارٹی علاقے میں جرائم پیشہ عناصر کی گرفتاری کے سلسلے میں ڈیوٹی پر تھی کہ اس دوران قتل اور اقدامِ قتل کے مقدمات میں مطلوب خطرناک مجرمانِ اشتہاریوں اور ان کے معاون سہولت کاروں اور ساتھیوں کا پولیس کے ساتھ آمنا سامنا ہو گیا۔ اشتہاری پارٹی اور ساتھیوں نے گرفتاری سے بچنے کی غرض سے پولیس پارٹی پر فائرنگ کر دی۔

پولیس نے حقِ حفاظتِ خود اختیاری اور ملزمان گرفتاری کی غرض سے جوابی کارروائی کی، جس کے نتیجے میں مجرم اشتہاری یاسر جمال ولد سردار خان سکنہ تحت نصرتی اور ساتھی محمد فیاض ولد عزیز الرحمن سکنہ الوڑگی بانڈہ زخمی حالت میں گرفتار کر لیے گئے۔ دونوں ملزمان کو فوری طور پر طبی امداد کے لیے ہسپتال منتقل کیا گیا۔

بعد ازاں مجرم اشتہاری یاسر جمال دورانِ علاج زخموں کی تاب نہ لاتے ہوئے ہسپتال میں دم توڑ گیا، جبکہ دوسرا ملزم محمد فیاض زیرِ علاج ہے۔

ابتدائی تفتیش کے مطابق ہلاک ہونے والا مجرم اشتہاری یاسر جمال سال 2025 سے قتل اور اقدامِ قتل کے سنگین مقدمات میں پولیس کو مطلوب تھا جبکہ زخمی ملزم بھی پولیس کے ساتھ کئی مقدمات میں نامزد تھا۔ پولیس پر فائرنگ کرنے والے دیگر اشتہاریوں اور ساتھیوں کی گرفتاری کیلئے پولیس چھاپوں کا سلسلہ جاری ہے۔