Ghag News

01/04/2026

*ریسکیو1122 کرک*

کرک: منصور گڑھ میں زرنج بے قابو کر حادثے کا شکار، حادثے کے نتیجے میں دو افراد زخمی ہونے کی اطلاع،

کرک :کنٹرول کو اطلاع ملتے ہی کرک ریسکیو1122 ایمبولینس کے زریعےزخمیوں کو ابتدائی طبی امداد فراہم کرنے کے بعد ٹائپ ڈی ہسپتال لاچی منتقل کردیے۔
شناخت:
1. سجاد عمر 30 سال
2. احسان عمر 40 سال ساکنان بی ڈی شاہ

میڈیا کوارڈینیٹر
ریسکیو 1122 کرک

01/04/2026

14/02/2026

شعبہ اطلاعات جماعت اسلامی پاکستان
منصورہ، لاہور، فون: 35419520-042

حکومت سی پیک پر پیش رفت سے قوم کو آگاہ کرے، حافظ نعیم الرحمن

کیا شہباز شریف ٹرمپ کی زیرصدارت اجلاس میں نیتن یاہو کے ساتھ بیٹھنے سے انکار کی جرآت کریں گے؟

اسلام آباد امریکہ کے زیراثر پالیسیوں کا ازسرِ نو جائزہ لے، امیر جماعت اسلامی پاکستان کا لیڈرشپ ورکشاپ سے خطاب

کرک : 14فروری 2026 ء

امیرجماعت اسلامی پاکستان حافظ نعیم الرحمن نے کہا ہے کہ پی ڈی ایم حکومت جواب دے سی پیک پر کام کیوں نہیں ہورہا؟ امریکہ کے زیراثر پالیسیوں کے نتیجہ میں پہلے افغانستان کے لوگ اور بعد میں ہمارے اپنے عوام ریاست سے ناراض ہوگئے، موجودہ حکمران بھی واشنگٹن سے ہی امیدیں وابستہ کیے ہوئے ہیں، کیا وزیراعظم شہباز شریف ٹرمپ کی زیرصدارت غزہ امن بورڈ اجلاس میں اسرائیلی وزیراعظم نیتن یاہو کے ساتھ بیٹھنے سے انکار کی جرآت کرسکیں گے؟ اسلام آباد پالیسیوں کا ازسرِ نو جائزہ لے۔
ان خیالات کا اظہار انہوں نے کرک میں لیڈرشپ ورکشاپ سے خطاب کرتے ہوئے کیا۔ لیڈرشپ ورکشاپ سے جماعت اسلامی خیبرپختونخوا جنوبی کے امیر پروفیسر محمد ابراہیم خان، سیکرٹری جنرل محمد ظہور خٹک، نائب امراء مولانا محمد تسلیم اقبال، مولانا سلیم اللہ ارشد اور ضلع کرک کے امیر صدیق اللہ شاہین نے بھی خطاب کیا۔حافظ نعیم الرحمن نے کہا کہ خیبر پختونخواہ کے جنوبی اضلاع شدید بدامنی کی زد میں ہیں۔ افغانستان کی حکومت کو بھی اس حقیقت کا ادراک ہونا چاہیے کہ پاکستانیوں نے سالہاسال افغانوں کی میزبانی کی ہے، افغان سرزمین کسی صورت پاکستان میں دہشت گردی کے لئے استعمال نہیں ہونی چاہیے۔ انہوں نے کہا کہ پرویزمشرف کے دور میں بننے والی پالیسی کے نتائج پوری قوم پچیس برس سے بھگت رہی ہے۔ ان پالیسیوں سے ملک میں دہشت گردی کی خوفناک لہر آئی، ہزاروں انسانی جانیں گئیں، قومی معیشت کو اربوں ڈالر کا نقصان ہوا، ملک میں استعماری ایجینسیوں کی مداخلت بڑھی۔ مگر اب پھر ٹرمپ کو خوش کرنے کی کوششیں جاری ہیں، حکمرانوں کو جان لینا چاہیے امریکہ کی دوستی سے ہمیں کوئی فائدہ نہیں ہوگا۔ اندرونی و بیرونی پالیسیاں قومی سلامتی اور وقار کو مدنظر رکھ کر تشکیل دی جائیں۔ ہم نہیں چاہتے کہ پاکستان کسی عالمی طاقت سے ٹکر لے تاہم ملک اتنا بھی گیا گزرا نہیں کہ واشنگٹن جو کہے بغیر چوں چراں تسلیم کرلیا جائے۔ حافظ نعیم الرحمن نے کہا کہ عمران خان کی حکومت کے خاتمے کے بعد بننے والی پی ڈی ایم حکومت نے قوم کو بتایا تھا کہ سی پیک پر کام پی ٹی آئی دور میں بند ہوا۔ پی ڈی ایم کے جانے کے بعد نگران حکومت قائم ہوئی جو دراصل پی ڈی ایم ٹو حکومت تھی ، نگرانوں کے جانے کے بعد پی ڈی ایم تھری کا دوسال سے زائد عرصہ سے اقتدار قائم ہے، قوم کو بتایا جائے کہ اب سی پیک پر کام کیوں نہیں ہورہا ؟ چین ہمارا دوست ملک ہے ، تاہم دوستی اپنی جگہ ، معاہدے قومی ترجیحات کو سامنے رکھ کر ہی ہونے چاہییں۔ سی پیک پر پیش رفت سے متعلق عوام کو آگاہ کیا جائے۔ امیر جماعت اسلامی نے مزید کہا کہ ملک پر افسرشاہی کا راج ہے، جاگیردار ، وڈیرے اور خاندانوں کی بنیاد پر چلنے والی سیاسی پارٹیاں گٹھ جوڑ کے ذریعے وسائل پر قابض ہیں، یہ قبضہ چھڑانا ہوگا۔ جماعت اسلامی کی تحریک نظام بدلنے کی تحریک ہے۔ جماعت اسلامی کی قیادت اور کارکنان عوام سے رابطے بڑھائیں ، نوجوانوں کو اپنے حقوق کے لیے آواز بلند کرنے پر آمادہ کیجیے، خواتین کو جماعت اسلامی کی رکنیت کے لیے تیار کیا جائے۔ فکر مودودی کی بنیاد پر مصر، تیونس ، انڈونیشیا، بنگلہ دیش سمیت دنیا بھر میں بیداری پیدا ہورہی ہے۔ بنگلہ دیش میں جماعت اسلامی ایک بڑی طاقت بن کر ابھری ہے۔ جماعت اسلامی پاکستان سے وابستہ افراد کو اس امر پر اطمینان اور فخر ہونا چاہیے کہ وہ دین کی سربلندی اور انسانیت کو انسانوں کی غلامی سے آزاد کرانے کی تحریک کا حصہ ہیں۔ جماعت اسلامی عوام کی طاقت سے فرسودہ نظام کو بدلے گی۔ آئی پی پیز مافیا کے خلاف بھی ازسرِ نو جدوجہد کا آغاز کریں گے ، عوام کوان کا حق دلایا جائے گا۔

07/02/2026

چارج سنبھالنے کے بعد محض ایک ماہ کے مختصر عرصے میں علاقے میں واضح طور پر امن و امان قائم ہوا ہے اور ہمارے بچے خود کو محفوظ محسوس کر رہے ہیں ، ان کی مؤثر حکمتِ عملی کے باعث کلاشنکوف کلچر کا خاتمہ ہوا ہے جو قابلِ تحسین اقدام ہے۔
سوشل میڈیا پر جو پوسٹ شیئر کی گئی ہے ، وہ ہمارے علاقے گڈی خیل کی بدنامی کا سبب بن رہی ہے۔ منشیات کے حوالے سے کی گئی یہ پوسٹ حقائق کے برعکس ، سیاسی بنیادوں پر اور مخصوص مقاصد کے حصول کے لیے راستہ ہموار کرنے کی مذموم کوشش ہے ،
حقیقت یہ ہے کہ علاقہ شاہ سلیم میں منشیات کا مسئلہ نہایت محدود سطح پر ہے۔ اگر کہیں چند افراد چرس استعمال کرنے کے عادی ہیں تو فطری طور پر کہیں نہ کہیں ایک آدھ فروخت کرنے والا بھی موجود ہو سکتا ہے ، تاہم اسے پورے علاقے سے جوڑنا سراسر ناانصافی ہے۔ یہاں سیاسی اختلافات ضرور پائے جاتے ہیں، مگر ٹاؤٹ مافیا کا کاروبار مکمل طور پر بند ہو چکا ہے۔
اسی وجہ سے بعض مفاد پرست عناصر موجودہ SHO کے خلاف سوشل میڈیا کے ذریعے جھوٹ اور بے بنیاد پوسٹس چلا رہے ہیں جو حقائق کے منافی ہیں۔

24/01/2026

زما ځوانی خو څه دا ورځې څه دا شپې لاړله

23/01/2026

پنجابی نسل کی 4 ماہ گھبن بکری برائے فروخت
رابطہ نمبر
03005400545 Takhti e Nasrati

09/11/2025

*خسرہ اور روبیلا سے بچاؤ کی مہم*

17 سے 29 نومبر 2025

6 ماہ سے 5 سال تک کے بچوں کو خسرہ اور روبیلا سے بچاؤ کا حفاظتی ٹیکہ ضرور لگوائیں۔

یہ ویکسین تمام مراکز صحت، عارضی ویکسینیشن سنٹرز اور سکولز میں مفت لگائی جا رہی ہے۔

*ڈاکٹر محمد شعیب آی پی آئی کوآرڈینیٹر ضلع کرک*

18/10/2025

ضلع کرک کے لئے ایک اور اعزاز

کرک: تحصیل تخت نصرتی کے گاؤں آوازی کلہ یوسف خیل سے تعلق رکھنے والی حافضہ نمرہ شاہ دختر محمد ظاہر شاہ (ریٹائرڈ ڈپٹی کمشنر) نے سی ایس ایس امتحان 2024 پاس کرکے ان لینڈ ریونیو سروس میں بطور اسسٹنٹ کمشنر تعینات ہوگئیں ہیں۔ وہ کوہاٹ ڈویژن کی پہلی بچی ہیں جو ان لینڈ ریونیو سروس میں بطور اسسٹنٹ کمشنر سیلیکٹ ہوئی ہیں۔