23/01/2024
*50 مشہور مَن گھڑت روا یات
*1: ایک بڑھیا نبی کریمﷺ پر کوڑا پھینکا کرتی تھی۔۔۔*
*مَن گھڑت ھے…*
*2: بلالؓ شین کو سین پڑھا کرتے تھے اور ان کو آذان دینے سے روکا تو سورج طلوع نہیں ھوا۔۔۔*
*دونوں روایات من گھڑت ھیں…*
*3: اویس قرنی ؒ کا اپنے دانت مبارک توڑنے والی روایت۔۔۔*
*من گھڑت ھے…*
*4: عمر ؓ کے بیٹے کا زنا کرنے والا واقعہ بھی۔۔۔*
*من گھڑت ھے…*
*5: وطن کی محبت ایمان ھے۔۔۔*
*من گھڑت ھے…*
*6: جس نے اپنے آپ کو پہچان لیا، اس نے اللہ کو پہچان لیا۔۔۔*
*روایت من گھڑت ھے…*
*7: عالم کے پیچھے ایک نماز چار ھزار چار سو چالیس نمازوں کے برابر ھے۔۔۔*
*روایت من گھڑت ھے…*
*8: علم حاصل کرو چاھے تمہیں چین جانا پڑے۔۔۔*
*من گھڑت ھے…*
*9: دوران نماز علی ؓ کے بدن سے تیر نکالنے والا مشہور قصہ۔۔۔*
*من گھڑت ھے…*
*10: جس کا کوئی پیر نہ ھو تو اس کا پیر شیطان ھے۔۔۔*
*من گھڑت ھے…*
*11: ھاروت و ماروت اور زھرہ کا قصہ۔۔۔*
*من گھڑت ھے…*
*12: ماہ صفر یا ماہ رمضان کی بشارت دینے پر جنت کی بشارت دینا غلط ھے۔۔۔*
*ایسی کوئی حدیث نہیں…*
*13: اگر جھک جانے میں عزت کم ھو تو قیامت کو مجھ سے لے لینا۔۔۔*
*من گھڑت ھے…*
*14: میں ایک چھپا خزانہ تھا، میں نے چاھا کہ پہچانا جاؤں، سو میں نے کائنات کو پیدا کیا۔۔۔*
*من گھڑت ھے…*
*15: زنا قرض ھے، اگر تو نے اسے لیا تو ادا تیرے گھر والوں سے ھو گی۔۔۔*
*من گھڑت ھے…*
*16: بلال ؓ کا نبی کریم ﷺ کو خواب میں دیکھ کر دمشق سے مدینہ آنا، پھر آذان دینا اور مدینہ والوں کی آہ و بکا۔۔۔*
*من گھڑت قصہ ھے…*
*17: آپ ﷺ کا دعا فرمانا کہ میری امت کا حساب میرے حوالے فرما دیجئے تاکہ میری امت کو دوسری امت کہ سامنے شرمندگی نا اٹھانا پڑے۔۔۔*
*من گھڑت ھے…*
*18: ھر نبی کو نبوت چالیس برس بعد ملی ھے۔۔۔*
*من گھڑت ھے…*
*19: درود پڑھنے پر اللہ ستر ھزار پروں والا پرندہ پیدا کریں گے، جس کی تسبیح کا اجر درود پڑھنے والے کو ملے گا۔۔۔*
*من گھڑت ھے…*
*20: جو شخص آذان کے وقت باتیں کرتا ھے اسے موت کے وقت کلمہ نصیب نہیں ھوتا۔۔۔*
*من گھڑت ھے…*
*21: اللہ تعالیٰ کا نبی کریم ﷺ کو معراج کے موقعہ پر فرمانا کہ آپ ﷺ جوتوں سمیت عرش پر آ جائیں۔۔۔*
*من گھڑت ھے…*
*22: فجر کی سنتیں گھر میں ادا کرنے پر روزی میں وسعت، اھل خانہ کے مابین تنازع نا ھونا، اور ایمان پر خاتمہ۔۔۔*
*یہ فضائل بے اصل ھیں…*
*23: روز محشر باری تعالیٰ کا ارشاد ھو گا کہ کون ھے جو حساب دے صدیق اکبر ؓ کے سامنے آنے پر اللہ کا غصہ ٹھنڈا ھو جائے گا۔۔۔*
*سَنَد نہیں ملتی، بیان کرنا موقوف رکھا جائے…*
*24: آپ ﷺ کے وصال کے بعد جبریل علیہ السلام کا دنیا میں دس بار آنا اور دس چیزیں لے جانا۔۔۔*
*سَنَد نہیں ملتی، بیان کرنا موقوف رکھا جائے…*
*25: بے پردہ عورت جہنم میں بالوں کے بل لٹکائی جائے گی۔۔۔*
*سَنَد نہیں ملتی، بیان کرنا موقوف رکھا جائے…*
*26. آپ ﷺ نے فرمایا سب سے پہلے رب تعالیٰ میری نماز جنازہ پڑھیں گے۔۔۔*
*من گھڑت ھے…*
*27: نبی کریم ﷺ کی ولادت کے سال ھر حاملہ عورت کے گھر لڑکے کا پیدا ھونا۔۔۔*
*سَنَد نہیں ملتی، بیان کرنا موقوف رکھا جائے…*
*28: بلال ؓ کا آپ ﷺ کی اونٹنی کی نکیل پکڑ کر جنت میں داخل ھونا۔۔۔*
*سَنَد نہیں ملتی، بیان کرنا موقوف رکھا جائے…*
*29: آپ ﷺ کا ارشاد: مجھے موت کا اتنا بھروسہ بھی نہیں کہ ایک طرف سلام پھیروں تو دوسری طرف بھی پھیر سکوں گا یا نہیں۔۔۔*
*سَنَد نہیں ملتی، بیان کرنا موقوف رکھا جائے…*
*30: ابو جہل کے ھاتھوں میں کنکریوں کا آپ ﷺ کی شہادت دینا۔۔۔*
*سَنَد نہیں ملتی، بیان کرنا موقوف رکھا جائے…*
*31: دوران نماز والدین کی پکار پر نماز چھوڑ کر جانے والی روایت۔۔۔*
*شدید ضعیف، بیان نہیں کر سکتے…*
*32: مومن کے جوٹھے میں شفاء ھے۔۔۔*
*من گھڑت…*
*33: ابوبکرصدیق ؓ کا ٹاٹ کا لباس پہننا اور باری تعالیٰ کی جانب سے ان پر سلام۔۔۔*
*من گھڑت ھے…*
*34: آپ ﷺ کا سکرات میں جبریل سے کہنا کہ میری ساری امت کی سکرات کی تکلیف مجھے دے دو۔۔۔*
*سَنَد نہیں ملتی، بیان کرنا موقوف رکھا جائے…*
*35: ایک عورت اپنے ساتھ چار اشخاص کو جہنم لے کر جائے گی۔ باپ، بھائی، شوھر، بیٹا۔۔۔*
*سَنَد نہیں ملتی، بیان کرنا موقوف رکھا جائے…*
*36: روز قیامت ایک نیکی دینے پر دو افراد کا جنت میں جانا۔۔۔*
*سَنَد نہیں ملتی، بیان کرنا موقوف رکھا جائے…*
*37: جب کوئی نوجوان توبہ کرتا ھے، تو مشرق سے مغرب تک تمام قبرستان سے چالیس دن تک اللہ عذاب کو دور کر دیتا ھے۔۔۔*
*سَنَد نہیں ملتی، بیان کرنا موقوف رکھا جائے…*
*38: معراج کا خاص راز ۔ عائشہ ؓ کا اپنے والد ابو بکر صدیق ؓ سے مشورہ کر کے نبی کریم ﷺ سے معراج کی رات کی خاص باتوں میں سے ایک بات کا پوچھنا اور ابوبکر صدیق ؓ کو بتانا۔ جس کو سن کر وہ رو پڑے۔۔۔*
*یہ روایت کسی مستند یا غیر مستند کتاب میں نہیں مل سکی…*
*39: ایک دفعہ نبی کریم ﷺ طواف فرما رھے تھے، ایک اعرابی کو اپنے آگے طواف کرتے پایا جس کی زبان پر یا کریم یا کریم کی صدا تھی۔ حضور ﷺ نے بھی پیچھے سے یا کریم پڑھنا شروع کر دیا۔ جس پر اس نے آپ ﷺ سے فرمایا کہ آپ میرا مذاق اڑاتے ھیں۔۔۔*
*یہ واقعہ بھی کسی مستند یا غیر مستند روایات میں موجود نہیں…*
*40: دو شخص عمر فاروقؓ کی مخفل میں داخل ھوئے اور ایک شخص کی طرف اشارہ کیا اور کہا کہ اس شخص نے ھمارے باپ کو قتل کیا ھے۔ اس شخص نے اقرار کیا اور کچھ امانتیں واپس کرنے کے لئے تین دن کی مہلت مانگی جس پر ابوذر غفاری ؓ نے ان کی ضمانت دی۔۔۔*
*کسی بھی مستند یا ضعیف مصدر میں اس پورے واقعہ کا کوئی حوالہ نہ مل سکا…*
*41: کچرہ پھینکنے والی بڑھیا اور مکہ چھوڑ کر جانے والی بڑھیا۔۔۔*
*دونوں روایات من گھڑت ھیں…*
*اور وہ بڑھیا جس کی خدمت ابوبکر صدیق ؓ کئی سال کرتے رھے۔۔۔*
*یہ روایت انتہائی ضعیف نا قابل بیان ھے…*
*42: ایک شخص میں چار خامیاں تھیں نبی کریم ﷺ کے کہنے پر اس نے جھوٹ بولنا چھوڑ دیا تو اس کے باقی سب گناہ بھی چھوٹ گئے۔۔۔*
*من گھڑت ھے…*
*43: ایک عورت اپنے ساتھ چار مردوں کو جہنم لے کر جائے گی۔ باپ، شوھر، بھائی اور بیٹے کو۔۔۔*
*من گھڑت ھے…*
*44: جس شخص کے یہاں بچہ پیدا ھو اور وہ اس کا نام برکت حاصل کرنے کے لئے محمد رکھے تو وہ بچہ اور اس کا والد دونوں جنت میں جائیں گے۔۔۔*
*من گھڑت ھے…*
*45: اپنی اولاد کو رونے پر مت مارو کیونکہ بچہ کا رونا چار مہینہ لا الہ الا اللہ ھے، اور چار مہینہ تک محمد رسول اللہ(ﷺ) ھے، اور چار مہینہ والدین کے لئے دعا ھے۔۔۔*
*من گھڑت ھے…*
*46: بخیل جنت میں نہیں جائے گا اگرچہ وہ عابد ھو، اور سخی جہنم میں نہیں جائے گا اگرچہ وہ فاسق ھو۔۔۔*
*من گھڑت ھے…*
*47: ایک گھڑی غور و فکر کرنا ایک سال کی عبادت سے زیادہ بہتر ھے۔۔۔*
*یہ حدیث نہیں ھے، بلکہ سری سقطیؒ کا کلام ھے…*
*48: موسیٰ علیہ السلام کو اللہ تعالی نے فرمایا کہ اے موسیٰ جب میں آپ سے بات کرتا ھوں تو میرے اور آپ کے درمیان 70 ھزار پردے ھوتے ھیں، لیکن امت محمدیہ جب افطار کے وقت دعا مانگے گی تو کوئی پردہ نہ ھو گا۔۔۔*
*من گھڑت ھے…*
*49: شب قدر کے حوالے سے نوافل کی خاص تعداد یا خاص طریقے سے نماز پڑھنے والی روایات۔۔۔*
*من گھڑت ھیں…*
*50: تہمت کی جگہوں سے بچ کے رھو۔۔۔*
*من گھڑت ھے…*
*⭕نوٹ:-*
بیان کرنا موقوف رکھا جائے یعنی معتبر سند ملے بغیر ھر گز بیان نہ کریں۔
ان روایات کی سند انتہائی جستجو کے باوجود نہیں ملی۔
لہذا حدیث رسول ﷺ میں اھتمام و احتیاط کا تقاضہ یہی ھے کہ کسی مستند سند کی دستیابی تک ان کے بیان کرنے کو موقوف رکھا جائے۔۔۔
نبی کریم ﷺ کا فرمان ھے۔
*”مَنْ يَقُلْ عَلَيَّ مَا لَمْ أَقُلْ فَلْيَتَبَوَّأْ مَقْعَدَهُ مِنَ النَّارِ“․(۱)*
*ترجمہ:-*
”جو شخص میرے نام سے وہ بات بیان کرے جو میں نے نہیں کہی، تو وہ اپنا ٹھکانا جہنم میں بنا لے۔۔۔“
*(صحیح بخاری: 109)*
متواتر احادیث سے ثابت ھے کہ رسول اللہ ﷺ پر جھوٹ بولنے والا شخص جہنمی ھے۔ اس کے باوجود بہت سے لوگ دن رات اپنی تقریروں، تحریروں اور عام گفتگو میں جھوٹی، بے اصل اور من گھڑت روایتیں کثرت سے بیان کرتے رھتے ھیں۔۔۔
ان بیشمار جھوٹی من گھڑت روایات میں سے یہاں آپ کے ساتھ چند مشہور روایات اور واقعات شیئر کئے گئے ھیں، جو ھمارے کم پڑھے لکھے خطیب حضرات بھی اکثر بیان کرتے ھیں اور سوشل میڈیا پر بھی اکثر یہ روایات گردش کرتی نظر آتی ھیں۔۔۔
اللّٰہ تعالیٰ ھم سب کو ھدایت نصیب فرمائے۔
*آمین یارب العالمین*
Reference : Youthclub
