ADL TV news

19/08/2026

27/07/2026

خانیوال کے معروف سوشل میڈیا اسٹار لالا تنویر سے خصوصی ملاقات
خانیوال کے معروف سوشل میڈیا اسٹار لالا تنویر سے خصوصی ملاقات کا شرف حاصل ہوا۔ ملاقات کے دوران سوشل میڈیا، ڈیجیٹل کریئیٹرز، کاروباری مواقع اور موجودہ حالات پر تفصیلی اور خوشگوار گفتگو ہوئی۔
لالا تنویر نے گفتگو کرتے ہوئے کہا کہ آج کل سوشل میڈیا پر بہت سے افراد ٹک ٹاک اور دیگر پلیٹ فارمز کے اکاؤنٹس فروخت کرنے کے نام پر لوگوں کو گمراہ کر رہے ہیں۔ بعض لوگ تیس تیس ہزار روپے میں اکاؤنٹس فروخت کر رہے ہیں، مگر ایسے دعوے اکثر حقیقت پر مبنی نہیں ہوتے۔ انہوں نے نوجوانوں کو مشورہ دیا کہ کسی بھی قسم کی آن لائن سرمایہ کاری یا اکاؤنٹ خریدنے سے پہلے مکمل تحقیق ضرور کریں اور صرف مستند ذرائع پر اعتماد کریں۔
ملاقات کے دوران لالا تنویر نے اپنے کاروبار کے بارے میں بھی بتایا کہ وہ پرفیوم کے شعبے میں کام کر رہے ہیں اور بہت جلد ایک نیا، اعلیٰ معیار کا پرفیوم مارکیٹ میں متعارف کروانے جا رہے ہیں۔ ان کا کہنا تھا کہ بہترین معیار اور صارفین کے اعتماد کو مدنظر رکھتے ہوئے ایک منفرد پروڈکٹ تیار کی جا رہی ہے، جسے جلد عوام کے لیے پیش کیا جائے گا۔
اللہ تعالیٰ لالا تنویر کو مزید کامیابیاں عطا فرمائے اور ان کے کاروبار اور سوشل میڈیا کی سرگرمیوں میں مزید ترقی نصیب فرمائے۔

17/07/2026

🚨 خصوصی رپورٹ | ADL TV 🚨

اڈا آدھی والا میں آٹھ سالہ معصوم بچی جاں بحق، آخر کب جاگیں گے ذمہ دار؟

✍️ تحریر: چوہدری عبد الرحمن (Ch. Abdul Rahman)
تحصیل رپورٹر کبیروالا — ADL TV

کبیروالا کے نواحی علاقے اڈا آدھی والا میں پیش آنے والے ایک دلخراش ٹریفک حادثے نے پورے علاقے کو سوگوار کر دیا۔ سڑک پار کرتے ہوئے ایک آٹھ سالہ معصوم بچی تیز رفتار گاڑی کی زد میں آ کر جاں بحق ہوگئی۔ ایک لمحے میں ایک معصوم زندگی ختم ہوگئی، ایک گھر کی خوشیاں ماتم میں بدل گئیں اور والدین کی گود ہمیشہ کے لیے ویران ہوگئی۔

افسوسناک امر یہ ہے کہ یہ اس مقام پر ہونے والا پہلا حادثہ نہیں۔ بارہا قیمتی انسانی جانیں ضائع ہو چکی ہیں، مگر مستقل اور مؤثر اقدامات نہ ہونے کے باعث یہ سڑک آج بھی موت کا راستہ بنی ہوئی ہے۔ ہر حادثے کے بعد وعدے کیے جاتے ہیں، مگر وقت گزرنے کے ساتھ سب کچھ فراموش کر دیا جاتا ہے۔

حادثے کے بعد ایس ایچ او رمضان گل، ایس ایچ او عمران اور ایس ایچ او راشد جٹ موقع پر پہنچے اور عوام کو یقین دہانی کرائی کہ 24 گھنٹوں کے اندر اڈا آدھی والا پر سپیڈ بریکر تعمیر کیے جائیں گے۔ عوام اس یقین دہانی کا خیرمقدم کرتے ہیں، تاہم اب وہ صرف اعلانات نہیں بلکہ عملی اقدامات دیکھنا چاہتے ہیں۔

قابلِ تحسین بات یہ رہی کہ شدید غم اور غصے کے باوجود اہلِ علاقہ نے انتہائی ذمہ داری کا مظاہرہ کیا۔ احتجاج مکمل طور پر پرامن رہا، کسی ایمبولینس کو نہیں روکا گیا اور پولیس کی گاڑیوں کو بھی راستہ دیا گیا۔ یہ اس بات کا ثبوت ہے کہ عوام انتشار نہیں بلکہ انصاف اور محفوظ سڑکوں کا مطالبہ کر رہے ہیں۔

ADL TV کی جانب سے متعلقہ حکام سے پرزور مطالبہ کیا جاتا ہے کہ:

🔴 اڈا آدھی والا پر فوری طور پر سپیڈ بریکر تعمیر کیے جائیں۔
🔴 تیز رفتاری کے خلاف بلاامتیاز کارروائی کی جائے۔
🔴 اس شاہراہ پر مستقل حفاظتی اقدامات کیے جائیں تاکہ آئندہ کسی گھر کا چراغ نہ بجھے۔

ایک معصوم بچی کی جان واپس نہیں آ سکتی، مگر بروقت اقدامات سے مزید قیمتی جانوں کو ضرور بچایا جا سکتا ہے۔ اب وقت وعدوں کا نہیں، عملی اقدامات کا ہے۔

ADL TV — حق، سچ اور عوام کی آواز

02/07/2026

ملتان کے ببر شیر ویر