01/06/2026
بلوچستان کے طلبہ کے لیے پنجاب کی یونیورسٹیوں میں مفت تعلیم حاصل کرنے کا سنہری موقع۔ منتخب طلبہ کو مکمل اسکالرشپ، مفت ہاسٹل اور سالانہ وظیفہ فراہم کیا جائے گا۔
ڈائریکٹوریٹ آف کالجز اینڈ ہائر ایجوکیشن بلوچستان نے تعلیمی سال 2026-27 کے لیے بلوچستان کے مقامی/ڈومیسائل رکھنے والے طلبہ سے مختلف جامعات اور کالجوں میں بلوچستان کے مختص ریزرو سیٹوں پر داخلوں کے لیے آن لائن رجسٹریشن شروع کر دی ہے
امیدوار کے انٹرمیڈیٹ میں کم از کم 45 فیصد نمبر ہونا ضروری ہے، جبکہ میرٹ 50 فیصد تعلیمی نمبروں اور 50 فیصد انٹری ٹیسٹ نمبروں کی بنیاد پر بنایا جائے گا۔
داخلے کے لیے امیدواروں کو 150 نمبرات پر مشتمل انٹری ٹیسٹ دینا ہوگا، جس میں کم از کم 75 نمبر (50 فیصد) حاصل کرنا لازمی ہیں۔ درخواست جمع کرواتے وقت 1000 روپے فیس صرف یو بی ایل بینک میں جمع کرائی جا سکتی ہے۔ فارم جمع ہونے کے بعد یونیورسٹی یا مضمون کی پسند تبدیل نہیں کی جا سکے گی۔ امیدواروں کو انٹری ٹیسٹ کے وقت اصل شناختی کارڈ، ادا شدہ چالان، داخلہ سلپ اور دیگر مطلوبہ دستاویزات ساتھ لانا ہوں گی۔
یہ بلوچستان کے طلبہ کے لیے ایک بہترین اور سنہری موقع ہے، کیونکہ منتخب ہونے والے طلبہ کو حکومت بلوچستان کی جانب سے مفت تعلیم، سالانہ وظیفہ (Stipend)، مفت ہاسٹل سہولت اور سمسٹر فیس میں مکمل رعایت فراہم کی جائے گی۔ بی ایس پروگرامز کے لیے زیادہ سے زیادہ عمر 22 سال جبکہ بی ایس پانچویں سمسٹر (پوسٹ ADP) پروگرامز کے لیے 26 سال مقرر ہے۔ انٹری ٹیسٹ کی تاریخ، وقت اور مرکز کا اعلان بعد میں ویب سائٹ اور اخبارات کے ذریعے کیا جائے گا، لہٰذا طلبہ باقاعدگی سے ویب سائٹ چیک کرتے رہیں۔
فارم جمع کرنے کی آخری تاریخ
25 جون 2026
