Gilgit Baltistan Observer

17/07/2025

دعا کی اپیل

تمام عزیزوں، دوستوں، بزرگوں، اور اہلِ دل سے دعا کی درخواست ہے۔
علی آغا اس وقت بیمار ہے اور ہسپتال میں داخل ہے۔
آپ سب سے عاجزانہ گزارش ہے
علی آغا کی جلد صحت یابی
کامل شفا، خیریت اور طویل زندگی
اور ہر طرح کی جسمانی و روحانی بیماری سے نجات کے لیے خصوصی دعائیں کریں۔
آپ کی ایک سچی دعا ہمارے لیے بہت بڑا سہارا ہے۔
اللّٰہ تعالیٰ شافی ہے، کافی ہے، مہربان ہے۔

جزاکم اللہ خیراً۔
آغا بہشتی
صوبائی ڈپٹی جنرل سیکریٹری، پاکستان تحریک انصاف – گلگت بلتستان

17/07/2025

گلگت بلتستان کابینہ کا 18واں اجلاس وزیر اعلیٰ گلگت بلتستان حاجی گلبر خان کی زیر صدارت ہوا۔ اجلاس میں تمام صوبائی وزراء، مشیران، معاونین خصوصی اور متعلقہ محکموں کے سیکریٹریز نے شرکت کی۔ اجلاس میں صوبائی وزیر مواصلات و تعمیرات سید امجد زیدی کی ہمشیرہ کے انتقال پر دعا و فاتحہ خوانی کی گئی۔
وزیر اعلیٰ حاجی گلبر خان نے کابینہ اجلاس سے خطاب کرتے ہوئے اس امر پر زور دیا کہ گلگت بلتستان کی ترقی اور عوامی فلاح کے لیے تمام امور میں شفافیت، مشاورت اور قانون سازی کو اولین ترجیح دی جائے۔ انہوں نے اس بات کا اعادہ کیا کہ ان کی حکومت علاقائی ہم آہنگی، بہتر طرز حکمرانی اور ادارہ جاتی بہتری کے ایجنڈے پر سنجیدگی سے عمل پیرا ہے۔ وزیر اعلیٰ نے کابینہ کے اراکین کو ہدایت دی کہ عوامی مفاد سے جڑے تمام معاملات کو بروقت اور قانونی تقاضوں کے مطابق نمٹایا جائے تاکہ حکومت پر عوام کا اعتماد مزید مستحکم ہو۔
اجلاس میں متعدد اہم فیصلے کیے گئے جن میں کیڈٹ کالج ایکٹ 2025 کی منظوری دی گئی۔ اسی طرح گلگت بلتستان کے فعال پریس کلبز کے لیے سالانہ گرانٹ کی شفاف تقسیم اور اس کے استعمال کے لیے معیاری آپریٹنگ طریقہ کار کی تیاری کا عمل بھی کابینہ میں زیر غور آیا جسے جائزے کیلئے لیجسلیٹو بزنس کمیٹی کے سپرد کیا گیا۔کابینہ اجلاس میں دیامر سے گلگت بلتستان کے مختلف علاقوں میں تیار شدہ فرنیچر اور دیگر اشیائے ضروریہ کی نقل و حمل سے متعلق پالیسی معاملہ بھی تفصیلی جائزے کے لیے لیجسلیٹیو بزنس کمیٹی کو سونپ دیا گیا۔
اجلاس میں نان ٹمبر فارسٹ پروڈکٹس (NTFPs) سے متعلق مجوزہ پالیسی، ہیلتھ اور لائف انشورنس رولز 2025، اور محکمہ تعلیم کے تدریسی عملے کی ترقی کے حوالے سے سفارشات بھی کمیٹی کو ارسال کی گئیں تاکہ ان پر مزید قانونی و انتظامی غور و خوض کیا جا سکے۔
کورونا وائرس کے دوران بھرتی کیے گئے عملے کی دوبارہ تقرری کا معاملہ بھی کابینہ کے سامنے آیا، جس پر فیصلہ کیا گیا کہ اس ضمن میں سمری آئندہ اجلاس میں پیش کی جائے گی۔ اسی طرح گلگت بلتستان میں ہیپاٹائٹس کی روک تھام کے لیے بل 2025 بھی زیر غور آیا جسے مزید جائزے کے لیے کمیٹی کے سپرد کر دیا گیا۔کابینہ اجلاس میں متعدد منصوبہ جات کے لیے سرکاری زمینوں کی منتقلی سے متعلق تجاویز بھی کابینہ کے سامنے پیش کی گئیں، جنہیں قانونی و انتظامی پہلوؤں سے جانچنے کے لیے لیجسلیٹیو بزنس کمیٹی کو ریفر کیا گیا۔ ان منصوبہ جات میں پولیس چیک پوسٹس، گرڈ اسٹیشن، آئی جی جیل خانہ جات کے دفتر، ضلع گانچھے میں ڈگری کالج، ہیڈکوارٹر 210 سروے سیکٹر، اور ایکسائز و ٹیکسیشن ریجنل ٹرانسپورٹ اتھارٹی کے قیام جیسے اہم اقدامات شامل ہیں۔کابینہ نے سابق ڈائریکٹر ذوالفقار احمد کے حق میں پنشن اور واجبات کی ادائیگی کی منظوری دی۔ کنٹریکٹ پر تعینات ڈاکٹروں کی سروسز کی ریگولرائزیشن سے متعلق بل 2025، نئے انتظامی یونٹس کے قیام، اور گلگت بلتستان لوکل کونسلز بورڈ کے تحت بعض مقدمات بھی کمیٹی کے سپرد کیے گئے۔اجلاس میں سیپ، این سی ایچ ڈی اور بیسک ایجوکیشن کمیونٹی اسکولز کے ایم ٹی اساتذہ کی تعیناتی، عدالت عالیہ کے فیصلے کے تناظر میں این آئی ایس اساتذہ کے مسئلے کی پیروی کرنے کا فیصلہ کیا گیا،اجلاس میں گلگت بلتستان کمیشن برائے خواتین کی ترامیم شدہ قانونی حیثیت کی منظوری دی گئی۔کابینہ اجلاس میں اخوت اسلامک مائیکروفنانس کے ساتھ معاہدے کے خاتمے کا معاملہ بھی اگلے فورم کو ریفر کر دیا گیا، جبکہ گلگت بلتستان کے لیے جامع لینڈ لیز پالیسی کی باقاعدہ منظوری بھی دی گئی۔وزیر اعلیٰ حاجی گلبر خان نے کابینہ اراکین کو ہدایت دی کہ تمام فیصلوں پر عملدرآمد کے لیے مقررہ مدت کے اندر رپورٹنگ کو یقینی بنایا جائے تاکہ شفاف، موثر اور دیرپا حکمرانی کو فروغ دیا جا سکے۔ انہوں نے کہا کہ کابینہ کے پلیٹ فارم سے ہونے والے فیصلے گلگت بلتستان کے روشن مستقبل کی بنیاد فراہم کریں گے۔

17/07/2025

17/07/2025

انجمن امامیہ، تنظیم اہلِ سنت اور اسماعیلی ریجنل کونسل نے پاک چین تاجر ایکشن کمیٹی کے 21 جولائی کو ہونے والے احتجاج کی حمایت کا اعلان کر دیا

17/07/2025

گلگت بلتستان نگر میں نوجوان سیاسی ورکر سرفراز نگری کے خلاف بغاوت اور غداری کا مقدمہ درج

17/07/2025

گرفتاری کیخلاف عوام کا شاہراہِ قراقرم پر احتجاج۔
شاہراہِ قراقرم بند، ٹریفک کی لمبی قطاریں لگ گئیں .

17/07/2025

تفصیلات کے مطابق یاسین پولیس نے منشیات کے خلاف جاری کارروائی کے دوران اہم کامیابی حاصل کرتے ہوئے طاؤس کے رہائشی شفاعت علی ولد سنگی خان کے قبضے سے 19 بوتلیں نشہ آور ٹنکچر برآمد کر لیں۔
پولیس کے مطابق کارروائی کے دوران ملزم کو موقع پر گرفتار کر لیا گیا، جس کے خلاف مقدمہ علت نمبر 23/25 بجرم 3/4 منشیات ایکٹ 1979 تھانہ یاسین میں درج کر لیا گیا ہے۔ ملزم سے برآمد ہونے والی نشہ آور اشیاء علاقے میں نوجوان نسل کو تباہ کرنے کی کوششوں کا حصہ ہیں، جن کے خلاف بھرپور کارروائیاں جاری رہیں گی۔

17/07/2025

ہنزہ: گوجال پھسو گاوں کے قریب ایک کار بے قابو ہو کر گہری کہاٸی میں جاگری۔
خوش قسمتی سے حادثے میں کوئی جانی نقصان نہیں ہوا۔
ریسکیو 1122 ہنزہ کے اہلکاروں نے انتہاٸی مہارت سےریکوری کرین کے زریعے حادثے کے شکار گاڑی کو نکالا اور مالک کے حوالے کر دیا۔

17/07/2025

گلگت بلتستان میں ماں اور بچے کی صحت کے فروغ کے لیے اہم کوآرڈینیشن اجلاس منعقد، صدارت ڈائریکٹر جنرل ہیلتھ ڈاکٹر سید صادق شاہ نے کی؛ ڈائریکٹر IRMNCH & Nutrition ڈاکٹر خورشید احمد سمیت مختلف پروگرام ڈائریکٹرز اور متعلقہ حکام نے شرکت کی۔

‎اجلاس کا مقصد ماں اور بچے کی صحت کے پروگرام کا جائزہ لینا تھا۔ اجلاس میں پروگرام کی کارکردگی، درپیش مسائل اور بہتری کے لیے تجاویز پر بات کی گئی۔

اجلاس میں ڈائریکٹر جنرل ہیلتھ گلگت بلتستان ڈاکٹر سید صادق شاہ نے صدارت کی، جبکہ ڈائریکٹر IRMNCH & Nutrition پروگرام ڈاکٹر خورشید احمد، پروگرام ڈائریکٹر MNCH ڈاکٹر ملکہ صبا، ڈائریکٹر ٹی بی کنٹرول پروگرام ڈاکٹر شاہ زمان، انچارج PDSRU ڈاکٹر محمد افضل، مختلف آفیسرز اور متعلقہ اداروں کے نمائندگان نے شرکت کی۔

ڈاکٹر سید صادق شاہ، ڈائریکٹر جنرل ہیلتھ گلگت بلتستان نے کہا:
“ماں اور بچے کی صحت محکمہ صحت کی ترجیحات میں شامل ہے، اور اس مقصد کے لیے تمام دستیاب وسائل اور ادارہ جاتی تعاون فراہم کیا جائے گا تاکہ سروسز کو مؤثر اور ضلعی سطح پر ہم آہنگی کو مضبوط بنایا جا سکے۔
اور ضلعی سطح پر رابطہ کاری کو مضبوط کیا جا سکے۔”

ڈاکٹر خورشید احمد، ڈائریکٹر IRMNCH و نیوٹریشن پروگرام نے کہا:
“ماں اور بچے کی صحت کے بارے میں آگاہی پیدا کرنا معاشرتی بہتری کے لیے ضروری ہے۔ ہر فرد کو اس عمل میں اپنا کردار ادا کرنا ہوگا تاکہ ہم ایک صحت مند اور باخبر کمیونٹی قائم کر سکیں۔”

17/07/2025

نگر ہوپر:سیلاب سے متاثرہ ایک کلوٹ ٹھیک نہ ہو تو سیاح اور ٹھکیڈار دونوں پھنس جاتے ہیں۔

16/07/2025

گلگت: سول ایوی ایشن اتھارٹی کی جانب سے گلگت ایئرپورٹ پر ہنگامی مشق (موک واک) کا انعقاد

گلگت : سول ایوی ایشن اتھارٹی گلگت کی جانب سے گلگت ایئرپورٹ پر ایک اہم ہنگامی مشق "موک واک" کا انعقاد کیا گیا۔ اس مشق کا بنیادی مقصد کسی بھی ممکنہ ہنگامی صورتحال میں فوری اور مؤثر ردعمل، ایئرپورٹ اسٹاف کی تیاری اور متعلقہ اداروں کے درمیان ہم آہنگی کو جانچنا تھا۔
اس مشق میں مختلف فرضی ہنگامی صورتحال کو ترتیب دیا گیا، جیسے کہ آگ لگنے کی صورت حال، اور ریسکیو آپریشنز۔ مشق میں ایئرپورٹ کے فائر اینڈ ریسکیو یونٹ، سیکیورٹی عملہ، 1122، سول ڈیفنس، اور محکمہ صحت سمیت متعلقہ اداروں نے بھرپور شرکت کی۔
سول ایوی ایشن اتھارٹی گلگت کے نمائندوں کے مطابق، اس طرح کی مشقیں ایئرپورٹ سیکیورٹی، ایمرجنسی ریسپانس اور کوآرڈی نیشن کو بہتر بنانے میں کلیدی کردار ادا کرتی ہیں۔ انہوں نے کہا کہ ہنگامی حالات میں جانی و مالی نقصان سے بچنے کے لیے اداروں کے درمیان فوری اور مؤثر تعاون ناگزیر ہے۔
مشق کے اختتام پر تمام اداروں کی کارکردگی کا جائزہ لیا گیا اور آئندہ کے لیے بہتری کی تجاویز بھی پیش کی گئیں۔ حکام نے اس عزم کا اظہار کیا کہ ایسے اقدامات آئندہ بھی جاری رکھے جائیں گے تاکہ کسی بھی ممکنہ خطرے کی صورت میں بروقت اور مؤثر اقدامات کیے جا سکیں۔

16/07/2025

"امن ہم سب کی ضرورت
خیرسگالی ریلی چھموگڑ میں اختتام پذیر

گلگت بلتستان: "امن ہم سب کی ضرورت" کے عنوان سے ایک پُرامن خیرسگالی ریلی سابق صدر انجمن امامیہ گلگت بلتستان، ساجد علی بیگ کی قیادت میں نکالی گئی۔ اس ریلی میں ممتاز سماجی شخصیت انجینئر شجاعت علی خان اور علی اکبر بگورو بھی شریک ہوئے۔

ریلی مختلف مقامات سے گزرتی ہوئی چھموگڑ پہنچی، جہاں شرکاء نے امن، بھائی چارے، محبت اور باہمی احترام کا پیغام دیا۔ شرکاء نے زور دیا کہ معاشرے میں دیرپا ترقی اور استحکام کے لیے امن ناگزیر ہے اور ہر فرد کو اس میں اپنا کردار ادا کرنا ہوگا۔

مقامی لوگوں نے ریلی کے شرکاء کا پرتپاک خیرمقدم کیا اور ان کے اس اقدام کو سراہا۔