25/08/2025
کھاریاں (نمائندہ خصوصی) مرکزی میلاد کمیٹی کھاریاں کے زیر اہتمام اسلامک نیشنل سنٹر عید گاہ کھاریاں میں 14واں سالانہ کل پاکستان نعتیہ مشاعرہ بسلسلہ استقبال ربیع الاول شریف منعقد ہوا، جس میں پاکستان کے مختلف طول و عرض سے شعراء اکرام اور مذہبی اسکالرز نے شرکت کی، پروگرام کا آغاز 24اگست 2025ء اتوار کی خوبصورت سہہ پہر میں ہوا جسے ممتاز نوجوان شاعر کلیم ضیا اور آرب ہاشمی نے آرگنائز کیا۔ پروگرام کی صدارت پاکستان کے معروف شاعر منیر صابری کنجاہی نے کی جبکہ مہمانان خصوصی شعراء میں علاقے کے عظیم نعت گو شاعر سید غلام مجتبیٰ، سید انصر، مشتاق خلیل، ڈاکٹر افتخار الحق ارقم ، محمد شکیل نقشبندی، اشفاق شاہین شامل تھے۔
مہمانان اعزاز شعراء میں پاکستان کے مختلف علاقوں سے نعت گو شاعر امین عاصم، ارشد شاہین ،عتیق الرحمن صفی ،طارق امام کو کب، عروس فاروقی، شیخ راشد منیر نعیم رضا بھٹی ، ارزم اسلام ، ثانی صدیقی ، تنویر دانش، امجد مرید حیدری، عقیل عباس، کلیم ضیا، آرب ہاشمی ، عثمان عبد القیوم ، دانش علی دانش ، سید شاہجہاں ، راشد منصور، عثمان حسیب سید وی، عبد الصمد سبحانی، ظہیر مہروی، حسنین پرویز اور گلفام قدیرپروگرام کا حصہ بنے،
پروگرام کے مہمان خصوصی علاقے کی مدبر شخصیات تھیں جن میں سی ای اوگڈز مارکیٹنگ اینڈ لیبرٹی گجرات سید کلیم گیلانی، سابق امیر جماعت اسلامی و سابق صدر کھاریاں بار ایسوسی ایشن سید ضیاء اللہ شاہ، صدرمرکزی انجمن تاجران کھاریاں عثمان اکبر عباسی، ڈائریکٹر رائل نیشنل کالج ثاقب بشیر ایڈووکیٹ، ملک برادرز الیکٹرونکس کے ڈائریکٹر ملک شبیر حسین،ابرار حسین عسکری بنک، پروفیسر طارق عزیز، پروفیسر شمائل، پروفیسر احمد، ڈاکٹر نوید اقبال اور دیگر شامل تھے۔
پروگرام کا استقبالہ خطبہ چیئرمین دی انٹلیکٹ طارق امام کوکب نے پیش کیا ، تقریب کے دوران شعراء اکرام نے نبی کریم ۖ کی دنیا میں آمد کے حوالے سے نعتیہ اشعار پیش کیے اور حاضرین سے دادوصول کی اور تقریب کے اختتام پر پیٹرن ان چیف دی انٹلیکٹ بشارت احمد چوہدری ایڈووکیٹ نے مہمانوں کا شکریہ ادا کرتے ہوئے سپاس نامہ پیش کیا۔
مرکزی میلاد کمیٹی، عید گاہ کھاریاں، بزم تصوف ، دی انٹلیکٹ ، کھاریاں ویلفیئر ٹرسٹ اورہمارا کھاریاں FM97کی ٹیم نے پروگرام کے انتظامات کی ذمہ داری بہتر طریقے سے سر انجام دی، تقریب کے اختتام پر حاضرین محفل کیلئے پرتکلف عشائیے کا بھی اہتمام کیا گیا۔
