Wapda Girls High School Guddu

17/08/2025

05/07/2025

حضرت امام حسین رضی اللہُ عنہ کی ولادت 5 شعبانُ المعظم 4 ہجری کو حضرت علی رضی اللہُ عنہ اور حضرت فاطمہ رضی اللہُ عنہا کے گھر مدینۂ منورہ میں ہوئی۔ آپ کا اسمِ مبارک حسین رکھا گیا۔ آپ کی کُنْیت ’’ابو عبدُاللہ‘‘ اورآپ کے ا لقاب “ سِبۡطُ رَسُوۡلِ اللہِ‘‘(یعنی رسولِ خدا کے نواسے) اور ’’ رَیْحَانَۃُ الرَّسُوْل‘‘(یعنی رسولِ خدا کے پھول)ہیں۔ آپ نے دس محرمُ الحرام 60 ہجری کو میدانِ کربلا میں باطل کو خاک میں ملا کر جام شہادت نوش فرمایا۔ امام عالی مقام کئی خصوصیات و فضائل کے حامل ہیں ،
(1)بچپن ہی میں شہادت کی شہرت :
حضرت سیّدنا امام حسین رضی اللہُ عنہ کے بچپن ہی میں آپ کی شہادت کی خبر پھیل گئی تھی ، چنانچہ ایک مرتبہ حضرت سیّدنا جبریل امین علیہ السّلام رسولِ کریم صلَّی اللہ علیہ واٰلہٖ وسلَّم کی بارگاہ میں حاضر تھے کہ امام حسین رضی اللہُ عنہ بھی حاضر بارگاہ ہوگئے اور آپ صلَّی اللہ علیہ واٰلہٖ وسلَّم کی مبارک گود میں بیٹھ گئے۔ جبریل امین علیہ السّلام نے عرض کی : “ آپ کی اُمّت آپ کے اس بیٹے کو شہید کردے گی ۔ “ جبریل امین علیہ السّلام نے بارگاہ رسالت میں مقامِ شہادت کا نام بتاکر مٹی بھی پیش کی ۔ (معجم کبیر ، 3 / 108 ، حدیث :
2: حضرت علّامہ جامیؔ قُدِّسَ سِرُّہُ فرماتے ہیں : حضرت امامِ عالی مقام سیِّدُنا امامِ حُسین رَضِیَ اللہ تَعَالٰی عَنْہ کی شان یہ تھی کہ جب اندھیرے میں تشریف فرما ہوتے تو آپ رَضِیَ اللہ تَعَالٰی عَنْہ کی مبارَک پیشانی اور دونوں مقدَّس رُخسار (یعنی گال ) سے انوار نکلتے اور قرب و جوار ضیا بار (یعنی اطراف روشن ) ہو جاتے۔

04/07/2025

قدرتی دُھن – پرندے کی آواز

🌿✨
"صبح کی خاموشی میں جب پرندہ پہلا بول بولتا ہے،
تو ایسا لگتا ہے جیسے زمین کی روح جاگ اُٹھی ہو۔
اس کی آواز میں قدرت کی سچائی،
محبت کی مٹھاس،
اور زندگی کی نوید چھپی ہوتی ہے۔
پرندے کی یہ دُھن
انسان کے دل کو وہ سکون دیتی ہے
جو لفظوں میں بیان نہیں کیا جا سکتا۔"

02/07/2025

---

ہجرت: ایک مجبوری، ایک دکھ
ازقلم سمیہ منگریو
ہجرت ہمیشہ مشکل رہی ہے۔
انسان جب اپنی مرضی سے سفر کرتا ہے، تو راستے بھی حسین لگتے ہیں، لیکن جب زبردستی اپنے ہی گھر، اپنی ہی زمین، اور اپنے ہی خواب چھوڑنے پڑیں، تو وہی سفر زنجیروں کی طرح محسوس ہوتا ہے۔

اپنا وطن چھوڑنا کوئی آسان فیصلہ نہیں ہوتا۔
وہ جگہ جہاں تمہارا بچپن گزرا ہو، جہاں ہر درخت، ہر گلی، ہر اینٹ تمہاری یادوں کی گواہ ہو، اُسے چھوڑنا دل پر وار کرنے کے برابر ہے۔
لیکن سب سے زیادہ تکلیف تب ہوتی ہے جب تمہیں معلوم ہو کہ تمہارا گھر صرف خالی نہیں کیا جا رہا، بلکہ توڑا جا رہا ہے۔
وہ گھر جس میں تمہارے والدین کے خواب آباد تھے، جس کی دیواروں پر تمہارے بچپن کے قد ناپے گئے تھے، جس کی چھت نے تمہیں بارشوں اور دھوپ سے بچایا تھا، اب سرکاری منصوبوں کے نیچے دفن ہو جائے گا۔

کیسا عجیب نظام ہے،
کہ حکومتیں ترقی کے نام پر غریبوں کی جڑیں کاٹ دیتی ہیں۔
نئے پلازے، نئے منصوبے، نئے خواب تو بن جاتے ہیں
لیکن ہزاروں پرانے خواب
بے کفن لاشوں کی طرح زمین میں دفن ہو جاتے ہیں۔

ہجرت کا درد صرف زمین کا نہیں ہوتا،
یہ دل کا درد ہوتا ہے،
اپنی پہچان چھن جانے کا درد۔
وہ زمین جس پر تم نے پہلی بار چلنا سیکھا،
جس مٹی نے تمہیں گر کر سنبھلنا سکھایا،
جب وہی زمین تم سے چھن جائے،
تو انسان خود کو یتیم سا محسوس کرنے لگتا ہے۔

پھر چاہے تمہیں کہیں اور کتنا ہی آرام مل جائے،
کوئی دوسرا گھر،
اصل گھر کی کمی پوری نہیں کر سکتا۔
کیونکہ گھر اینٹوں کا نام نہیں، یادوں کا نام ہے۔

---

27/06/2025

"یہ بچیاں ہی اسکول کی رونق تھیں۔
دعا ہے اللہ انہیں دنیا و آخرت میں کامیاب کرے اور بہترین انسان بنائے۔"آمین

-

26/06/2025

"راہداریوں میں آج بھی بچوں کی آوازوں کی بازگشت ہے، خالی کلاسوں میں اُن کی پریزنٹیشنز کی گونج اب بھی سنائی دیتی ہے — جیسے دیواریں اُنہیں یاد کر رہی ہوں۔"

25/06/2025

---

"آج بھی سنّاٹے میں گونجتی ہے اسکول کی گھنٹی...
یوں لگتا ہے جیسے صبح کی اسمبلی میں قومی ترانہ پھر سے گونج رہا ہے"

25/06/2025

:

"بند اسکول کے خاموش باغ میں... آج بھی بچوں کی ہنسی کی آوازیں گونجتی ہیں۔ جیسے وقت وہیں ٹھہرا ہوا ہو، جیسے ماضی کی خوشیاں اب بھی ہواؤں میں رقص کر رہی ہوں۔"