29/03/2026
کوہ نور نیوز خوشاب کا کوریج میں کوئی ثانی نہیں. ۔۔۔
عباس کھوکھرپریس کلب خوشاب
ایڈیشنل ڈپٹی کمشنر ریونیوخوشاب عبداللہ خان کی زیرصدارت اشیاء خوردنوش کی پرائس کنٹرول کرنے اور مجسٹریٹس کی روزانہ کی کارکردگی کے حوالے سے جائزہ اجلاس منقعد ہوا۔ اجلاس میں ایڈیشنل ڈپٹی کمشنر جنرل غزالہ کنول ،اسسٹنٹ کمشنر خوشاب چوہدری ضیاءاللہ، ڈسٹرکٹ انچارج پیرا فورس نور محمد،ڈی ای او انڈسٹریز محمد عبداللہ،سیکرٹری مارکیٹ کمیٹی شہباز وڑائچ ، دیگر محکموں کے افسران موجود تھے علاوہ ازیں چاروں تحصیلوں کے اسسٹنٹ کمشنر ز اورپرائس کنٹرول مجسٹریٹس افسران نے ویڈیو لنک کے ذریعے اجلاس میں شریک ہوئے ایڈیشنل ڈپٹی کمشنرریونیو خوشاب عبداللہ خان نے کہا کہ پرائس کنٹرول مجسٹریٹس فلیڈ میں نکلیں اورگھی ،آٹا،چینی،فروٹ،سبزی، گوشت،چکن،بیسن ،دالیں ،دودھ دہی سیمت تمام اشیاء کی پرائس چیک کریں زائد قیمت وصول کرنے والے دوکانداروں کو جرمانے اوراُنکے خلاف ایف آئی آر درج ہونی چاہیے انہوں نے ہدایت کی کہ ریٹ لسٹ نمایاں جگہ پر آویزاں کرنے کے حوالے سے سختی سے عملدرآمد یقینی بنایا جائے۔ انہوں نےکہاکہ مارکیٹ میں اشیاء خوردونوش کی قیمتوں کا لمہ بہ لمحہ جائزہ لیں شہریوں کی جیبوں پر کسی کو ڈاکہ ڈالنے نہیں دیں گے۔اے ڈی سی آر عبداللہ خان نے ڈسٹرکٹ انچارج پیرا فورس نور محمد کوسرکاری نرخوں سے تجاوز کرنے والے دوکانداروں کے خلاف کاروائیاں سخت کرنے کے احکامات جاری کئے اور کہا کہ وزیراعلٰی پنجاب مریم نواز شریف شہریوں کو اشیاء خوردنوش کی مقرر کردہ قیمتوں پر دستیابی کے لیے بہت سنجیدہ ہے، پنجاب میں تمام اضلاع میں اشیائے ضروریہ کی قیمتوں کا جائزہ لیا جارہا ہے اس ضمن میں کسی بھی افسر یا اہلکار کی کوتاہی برداشت نہیں کی جائے گی۔ پرائس مجسٹریٹس فیلڈ میں نکلیں اور اشیاء خوردنوش مقرر کردہ نرخوں سے یقینی بنائیں ایڈیشنل ڈپٹی کمشنرریونیو خوشاب عبداللہ خان نے چاروں تحصیلوں کے اسسٹنٹ کمشنرز کو سخت ہدایت کی کہ ضلع بھر کے پٹرول پمپس کا مکمل اور درُست ڈیٹا اکٹھا کریں علاوہ ازیں غیر قانونی کاروبار کرنے والوں اور گرانفروشوں کے خلاف سخت ایکشن کے احکامات صادر کئے ۔
