journalist Khz

journalist Khz Khuzdar news

ٹیم خضدار کی پہلی نمایاں کارکردگی: شہید عبدالرزاق چوک کے مجسمے کی تزئین و آرائش مکملخضدار: وڈیرہ زادہ فیصل منیر زہری کی ...
07/12/2025

ٹیم خضدار کی پہلی نمایاں کارکردگی: شہید عبدالرزاق چوک کے مجسمے کی تزئین و آرائش مکمل

خضدار: وڈیرہ زادہ فیصل منیر زہری کی سربراہی میں خضدار کے نوجوان سوشل ایکٹوسٹس نے شہر کے معروف مقام شہید عبدالرزاق چوک (مزدور چوک) میں قائم علامتی مجسمے کی تزئین و آرائش کا کام کامیابی سے مکمل کر لیا۔

کئی سالوں سے مجسمے کا رنگ ماند پڑ چکا تھا جس کے باعث چوک کی خوبصورتی بری طرح متاثر ہو رہی تھی۔ اسی صورتحال کو مدنظر رکھتے ہوئے وڈیرہ زادہ فیصل منیر نے اپنے ہم خیال دوستوں کے ہمراہ مقبول لہڑی محمد احمد الخضداری ڈاکٹر فیاض قلندرانی نیاز نتھونی رشید بلوچ زبیر موسیانی حافظ ثناء اللہ الیاس لطیف یعقوب ہیرا نصیر احمد محسن لہڑی ودیگر نے اپنی مدد آپ کے تحت ایک ٹیم تشکیل دی، جس کا پہلا عملی ہدف شہید عبدالرزاق چوک کی بحالی اور خوبصورتی تھا۔

شہریوں کی بڑی تعداد نے نوجوانوں کے اس مثبت اور عوامی فلاحی اقدام کو سراہا۔ ٹیم خضدار کے نوجوانوں نے یہ عہد کیا کہ خضدار شہر کی بہتری کے لیے آئندہ بھی ایسی سرگرمیاں جاری رہیں گی۔

23/11/2025

*خضدار:ڈرگ انسپیکٹر کی مبینہ کرپشن، بغیر لائسنس میڈیکلوں کی بھرمار محکمہ صحت کی خاموشی سوالیہ نشان*

خضدار اور اس کی تحصیلوں میں ڈرگ انسپیکٹر کے مبینہ کرپشن میں ملوث ہونے اور بغیر لائسنس میڈیکل اسٹورز سے ماہانہ رشوت لینے کے سنگین الزامات سامنے آئے ہیں۔ ذرائع کے مطابق مذکورہ افسر کو خضدار میں تعینات ہوئے تقریباً ایک سال کا عرصہ گزر چکا ہے، مگر افسوسناک طور پر اب تک کسی بھی غیر معیاری یا غیر قانونی میڈیکل اسٹور کے خلاف کوئی عملی کارروائی نہیں کی گئی۔

مقامی اطلاعات کے مطابق ضلع بھر میں درجنوں میڈیکل اسٹورز ایسے ہیں جو لائسنس کے بغیر کھلے عام ادویات فروخت کر رہے ہیں، جبکہ متعدد دکانوں میں غیر معیاری، تاریخِ مصرف سے قریب یا غیر رجسٹرڈ ادویات کی فروخت کا سلسلہ بھی جاری ہے۔ عوامی حلقوں نے انکشاف کیا ہے کہ ڈرگ انسپیکٹر کی جانب سے خاموشی کے عوض مبینہ طور پر میڈیکل مالکان سے ماہانہ بنیادوں پر رشوت وصول کی جاتی ہے، جس کے باعث کسی قسم کی چیکنگ یا قانونی کارروائی عمل میں نہیں آ رہی۔

شہریوں اور سماجی تنظیموں نے محکمہ صحت بلوچستان سے مطالبہ کیا ہے کہ وہ خضدار کے عوام کی صحت سے کھلواڑ کرنے والے اس مبینہ کرپشن میں ملوث ڈرگ انسپیکٹر کے خلاف فوری اور سخت کارروائی کرے، تمام غیر قانونی میڈیکل اسٹورز کا کریک ڈاؤن کرے اور غیر معیاری ادویات کی فروخت پر مکمل پابندی عائد کی جائے۔

عوم کا کہنا ہے کہ اگر محکمہ صحت نے فوری نوٹس نہ لیا تو یہ صورتحال بڑے طبی سانحے کا سبب بن سکتی ہے۔

21/11/2025

*خضدار ٹیچنگ سیول اہسپتال میں صفائی ستھرائی کا شدید بحران — ایم ایس کی نااہلی کے باعث تمام وارڈ مریضوں کے لیے خطرہ بن گئے*

خضدار کے اہم طبی مرکز ٹیچنگ سیول اسپتال میں صفائی ستھرائی کی ابتر صورتحال نے مریضوں اور تیمارداروں کی مشکلات میں خطرناک حد تک اضافہ کر دیا ہے۔ اسپتال کے تقریباً تمام وارڈز میں گندگی، کچرے کے ڈھیر اور بدبو نے نہ صرف ماحول کو آلودہ کر دیا ہے بلکہ مریضوں کے جلد صحت یاب ہونے کی امید بھی ختم ہوتی جا رہی ہے۔

علاقائی عوام اور مریضوں کے لواحقین کا کہنا ہے کہ اسپتال کے میڈیکل سپرنٹنڈنٹ (ایم ایس) کی واضح نااہلی، غفلت اور انتظامی کمزوریاں اس بگڑتی ہوئی صورتحال کی بنیادی وجہ ہیں۔ صفائی عملہ غیر فعال، وارڈز میں جراثیم کش ادویات کا فقدان، اور کچرا بروقت ٹھکانے نہ لگانے جیسے مسائل روز کا معمول بن چکے ہیں، جس کے باعث پہلے سے بیمار مریض مزید بیماریوں کا شکار ہو رہے ہیں۔

شہریوں نے اعلیٰ حکام سے مطالبہ کیا ہے کہ اسپتال میں فوری صفائی مہم، عملے کی نگرانی اور ایم ایس کی انتظامی کارکردگی کا سختی سے جائزہ لیا جائے تاکہ شہریوں کو صحت کی بنیادی سہولتیں بہتر انداز میں فراہم کی جا سکیں۔

*ڈاکٹر پروفیسر عطا اللہ خدرانی BUET خضدار کے ORIC کے نئے ڈائریکٹر جنرل مقرر*خضدار:بلوچستان یونیورسٹی آف انجینئرنگ اینڈ ٹ...
20/11/2025

*ڈاکٹر پروفیسر عطا اللہ خدرانی BUET خضدار کے ORIC کے نئے ڈائریکٹر جنرل مقرر*

خضدار:بلوچستان یونیورسٹی آف انجینئرنگ اینڈ ٹیکنالوجی (BUET) خضدار نے معروف محقق اور تعلیمی ماہر ڈاکٹر پروفیسر عطا اللہ خدرانی کو آفس آف ریسرچ، انوویشن اینڈ کمرشلائزیشن (ORIC) کا ڈائریکٹر جنرل تعینات کر دیا ہے۔ یونیورسٹی انتظامیہ کے مطابق یہ تقرری ادارے میں تحقیق، اختراع اور علمی ترقی کے فروغ کے لیے ایک اہم سنگِ میل ثابت ہوگی۔

ڈاکٹر پروفیسر عطا اللہ خدرانی اپنی نئی ذمہ داریوں کے تحت یونیورسٹی میں تحقیقی ڈھانچے کی مضبوطی، جدید تحقیقی سہولتوں کی فراہمی، اختراعی پروگراموں کے فروغ، صنعت و تعلیمی شراکت داری بڑھانے اور کمرشلائزیشن سے متعلق منصوبوں کی نگرانی جیسے اہم امور کی قیادت کریں گے۔

انتظامیہ کا کہنا ہے کہ ان کا تجربہ، وژن اور تحقیقی میدان میں خدمات یونیورسٹی کو قومی و بین الاقوامی سطح پر تحقیق و اختراع کے نئے اہداف حاصل کرنے میں اہم کردار ادا کرے گا۔ توقع ہے کہ ڈاکٹر خدرانی کی قیادت میں BUET خضدار کے تحقیقاتی شعبوں میں مزید وسعت آئے گی اور طلبہ و محققین کو نئے مواقع میسر آئیں گے۔

19/11/2025

*خضدار: ڈپٹی کمشنر خضدار عبدالرزاق ساسولی کا وژنِ ، ترقیاتی سوچ اور فلاحی مشن سے لبریز منزل مقصود، خضدار پریس کلب وفد سے تفصیلی ملاقات، اور بات چیت*

خضدار : 18 نومبر 2025 / خضدار کے نو تعینات ڈپٹی کمشنر عبدالرزاق ساسولی نے عہدہ سنبھالتے ہی ترقیاتی ایجنڈے کا واضح خاکہ پیش کر دیا۔ آج خضدار پریس کلب کےعہدیداران و ممبران کے وفد نے ڈپٹی کمشنر خضدار سے تعارفی ملاقات کی جس میں علاقائی مسائل، عوامی فلاح کے منصوبے اور باہمی تعاون پر کھل کر بات چیت ہوئی۔

ملاقات کے دوران ڈپٹی کمشنر خضدار عبدالرزاق ساسولی نے اپنے وژن پر تفصیلی روشنی ڈالتے ہوئے کہا کہ خضدار ضلع کی تعمیر و ترقی، عوام کی خوشحالی اور بنیادی سہولیات کی فراہمی میری اولین ترجیح ہے۔ انہوں نے بتایا کہ چارج سنبھالتے ہی سب سے پہلا سرکاری دورہ شہید سکندر زہری یونیورسٹی کا کیا، جو ضلع میں اعلیٰ تعلیم کا سب سے بڑا ادارہ بننے جارہاہے ۔شہید سکندر زہری یونیورسٹی کو مکمل فعال بنانے کے لیئے اقدامات اور جھالاوان میڈیکل کالج کی تعمیر کو ترجیحی بنیادوں پر شروع کروانا،صحت کے شعبے میں بڑی اصلاحات، ہسپتالوں اور بنیادی صحت یونٹس تعلیمی اداروں کو سہولیات سے آراستہ کرنا اور فعال بنانا،پینے کے صاف پانی، بجلی، سڑکوں اور دیگر بنیادی ڈھانچے کے منصوبوں کو تیزی سے مکمل کرنا، نیوٹریشن ، بے نظیر انکم سپورٹ سمیت دیگر شعبوں میں عوام کی فلاحی اقدامات کا احاطہ کرنا عوام کو براہِ راست ریلیف پہنچانا ، اوپن کچہری" باقاعدگی سے منعقد کرانا ان کے وژن میں شامل ہے ۔ جب کہ دفتری نظام کو مضبوط و مربوط بنایا جائے گا جہاں سے عوام الناس اور سائلین کے جائز مسائل بروقت اور بغیر کسی دقت کے حل ہوسکیں

ڈپٹی کمشنر خضدار عبدالرزاق ساسولی نے خضدار پریس کلب کے اراکین کو یقین دلایا کہ میڈیا ضلع کی ترقی میں اہم پارٹنر ہے اور ہر اچھے تجویز کو خوشدلی سے سنا اور نافذ کیا جائے گا۔خضدار پریس کلب کے صدر عبداللہ شاہوانی چیئرمین ایوب بلوچ سینیئر نائب صدر منیر احمد زہری سابق صدر ندیم گرگناڑی عبدالواحد رند اور دیگر عہدیداران نے ڈپٹی کمشنر کے مثبت اور عملدرآمد پر مبنی وژن کو سراہا اور کہا کہ عبدالرزاق ساسولی کی تعیناتی سے ضلع میں ترقی کے نئے دور کا آغاز ہوگا۔ انہوں نے صحافتی برادری کی جانب سے مکمل تعاون کا یقین بھی دلایا۔

وفد میں خضدار پریس کلب کے صدر عبداللہ شاہوانی چیئرمین محمد ایوب بلوچ سینیئر نائب صدر منیر احمد زہری سابق صدر ندیم گرگناڑی عبداللہ خدرانی محمد خان ساسولی عبدالجبار حسنی عبدالواحد رند عبدالرزاق زہری مولوی فضل الرحمان مینگل مرتضیٰ بلوچ خورشید بلوچ عامر باجوئی الطاف باجوئی شامل تھے ۔ جب کہ ڈی سی آفس کے سپرنٹنڈنٹ مراد گزوزئی اور عبدالسلام زہری بھی موجود تھے ۔

19/11/2025

خضدار: ویٹ اینڈ مینجمنٹ بلوچستان کا شہر بھر میں اچانک آپریشن، متعدد دکانوں کے ترازو میں کم وزن پکڑا گیا — دکانداروں کو سخت ہدایات جاری
ویٹ اینڈ مینجمنٹ بلوچستان کی جانب سے خضدار شہر میں ناپ تول میں بے ضابطگیوں کے خلاف بڑے پیمانے پر کارروائی کی گئی۔ یہ کارروائی *انسپکٹر عبدالغفار* اور *ڈائریکٹر انسپکٹر عصمت اللہ* کی زیر نگرانی انجام دی گئی، جس میں شہر کے مرکزی بازار، آڑھتی مارکیٹ، سبزی و فروٹ مارکیٹ سمیت متعدد تجارتی مراکز میں دکانوں کے ترازوں کا تفصیلی معائنہ کیا گیا۔

معائنے کے دوران ٹیم کو کئی دکانوں کے ترازوں میں واضح کمی پائی گئی، جن میں سبزی فروش، کریانہ اسٹورز اور جنرل اسٹورز شامل تھے۔ متعدد دکاندار معمولی سے وزن کمی کے ذریعے شہریوں کو نقصان پہنچا رہے تھے۔ متعلقہ ٹیم نے موقع پر ہی ترازو درست کیے اور دکانداروں کو سخت تنبیہ کرتے ہوئے خبردار کیا کہ آئندہ ناپ تول میں کسی بھی قسم کی بے ضابطگی برداشت نہیں کی جائے گی۔

ڈائریکٹر انسپکٹر عصمت اللہ نے میڈیا سے گفتگو کرتے ہوئے کہا کہ ناپ تول میں کمی ایک “ناسور بیماری” بن چکی ہے جو نہ صرف عوام کے اعتماد کو ٹھیس پہنچاتی ہے بلکہ معاشرتی بدعنوانی کو بھی جنم دیتی ہے۔ انہوں نے کہا کہ ویٹ اینڈ مینجمنٹ بلوچستان کا مقصد عوام کو معیاری اور منصفانہ خدمات فراہم کرنا ہے، اور اسی سلسلے میں خضدار شہر کے تمام ترازو باقاعدہ چیک کرکے برابر کر دیے گئے ہیں۔

انہوں نے مزید کہا کہ محکمہ وقتاً فوقتاً ایسے آپریشن جاری رکھے گا اور کسی بھی دکاندار کو شہریوں کا استحصال کرنے کی اجازت نہیں دی جائے گی۔ ڈائریکٹر عصمت اللہ نے دکانداروں پر زور دیا کہ وہ اپنی دکانوں میں نصب ترازو باقاعدگی سے چیک کراتے رہیں تاکہ آئندہ کارروائی سے بچ سکیں۔

انسپیکٹر عبدالغفار نے کہا کہ شہری اگر کسی بھی مقام پر ناپ تول میں کمی کی شکایت دیکھیں تو فوری طور پر محکمے کو اطلاع دیں، تاکہ قانون کے مطابق کارروائی کی جا سکے۔ انہوں نے یہ بھی واضح کیا کہ محکمے نے دکانداروں کو ہدایت جاری کردی ہے کہ وہ اپنے ترازو کی باقاعدہ سیلنگ اور سرکاری تصدیق کروائیں۔

شہریوں نے ویٹ اینڈ مینجمنٹ کے اس اقدام کو سراہتے ہوئے کہا کہ محکمے کی یہ کارروائی عوام کے مفاد میں ہے اور اس سے ناجائز منافع خوری میں کمی آئے گی۔

*خضدار؛ پولیس فورس میں تبادلے وتعیناتیاں؛ نور احمد زہری سی آئی اے انچارچ تعینات؛**نوراحمد زہری کا ماضی(لیویز فورس) میں...
18/11/2025

*خضدار؛ پولیس فورس میں تبادلے وتعیناتیاں؛ نور احمد زہری سی آئی اے انچارچ تعینات؛*
*نوراحمد زہری کا ماضی(لیویز فورس) میں شاندار جاندار سروس ریکارڈ رہ چکا ہے*
*اہلیان خضدار کو امید ہے نوراحمد زہری بطور سی آئی اے انچارج خضدار بہترین کارکردگی کا مظاہرہ کرینگے*

"100 فیصد مفت معیاری تعلیم کا سنہری موقع"الہجرہ ریذیڈنشل سکول اینڈ کالج زیارت، بلوچستان داخلہ برائے جماعت ہفتم 2026داخلہ...
04/11/2025

"100 فیصد مفت معیاری تعلیم کا سنہری موقع"
الہجرہ ریذیڈنشل سکول اینڈ کالج زیارت، بلوچستان
داخلہ برائے جماعت ہفتم 2026
داخلہ فارم وصولی کی آخری تاریخ: 31 دسمبر، 2025. ایڈمیشن فارم ڈاونلوڈ لنک:https://alhijrah.pk/wp-content/uploads/2025/10/Al-Hijrah-RSC-Ziarat-Admission-Form-Advertisement-2026.pdf

10/10/2025

*پولیو ایک موذی مرض ہے، والدین اپنے بچوں کو قطرے ضرور پلائیں، سید شجاع الحق ہاشمی نورانی*

*اتحاد اہل سنت بلوچستان کے سربراہ پیر سید شجاع الحق ہاشمی نورانی* نے کہا ہے کہ پولیو ایک خطرناک اور عمر بھر کی معذوری پیدا کرنے والا موذی مرض ہے، جس سے بچاؤ کا واحد اور مؤثر طریقہ بچوں کو پولیو کے قطرے پلانا ہے انہوں نے کہا کہ حکومت اور محکمہ صحت کی جانب سے 13 اکتوبر کو شروع ہونے جارہے پولیو مہم ہم سب کی صحت اور نسلوں کے محفوظ مستقبل کے لیے نہایت اہم ہے۔ عوام کو چاہیے کہ وہ پولیو ٹیموں کے ساتھ مکمل تعاون کریں اور اپنے گھر کے ہر بچے کو پولیو کے قطرے ضرور پلوائیں پیر سید شجاع الحق ہاشمی نورانی نے اس موقع پر کہا کہ علماء کرام، اساتذہ، والدین اور معاشرے کے تمام طبقات کا فرض ہے کہ وہ عوام میں آگاہی پیدا کریں تاکہ کوئی بھی بچہ پولیو کے قطرے پینے سے محروم نہ رہ جائے انہوں نے والدین پر زور دیا کہ وہ افواہوں پر کان نہ دھریں، پولیو کے قطرے محفوظ ہیں اور بچوں کو عمر بھر کی معذوری سے بچاتے ہیں۔ ہم سب کو مل کر اس مہم کو کامیاب بنانا ہوگا تاکہ پاکستان کو جلد از جلد پولیو فری ملک بنایا جا سکے۔

14/03/2025

خضدار/یوفون نیٹورک کمپنی کے تمام ٹاورز کے بیٹری چوری کرنے والے چور یوفون نیٹورک کمپنی کا ملازم نکلا۔

Address

Khuzdar

Telephone

+923368398889

Website

Alerts

Be the first to know and let us send you an email when journalist Khz posts news and promotions. Your email address will not be used for any other purpose, and you can unsubscribe at any time.

Shortcuts

Share

Category