Voice of uc Bashigram

11/08/2025

11/08/2025

وہ تمام لوگ اب نظروں سے غائب ہیں جو کہہ رہے تھے تین دن بعد کام شروع ہوگا ایک ہفتے بعد کام شروع ہوگا 10 دن بعد کام شروع ہوگا وہ بیچارے خود بے بس ہے لیکن عوام بھی مایوس ہو چکی ہے مکمل نا امیدی ہے

11/08/2025

فیس بک یا میٹا آپ کی تصاویر کو بغیر اجازت شیئر نہیں کرتا۔ جو پوسٹیں اس بارے میں گردش کر رہی ہیں، وہ بے بنیاد اور غلط فہمیاں پھیلانے والی ہیں

09/08/2025

*محترم علی خان ثاقب صاحب سے مودبانہ گزارش*

عزت مآب جناب علی خان ثاقب صاحب،
ہم سب آپ کی انتھک محنت اور عوام کی خدمت کے جذبے کو سراہتے ہیں۔ آپ ہمارے منتخب نمائندے اور علاقے کے معزز سردار ہیں، جن پر بشیگرام کے عوام نے پورا اعتماد کیا ہے۔ آپ کی کوششیں ہمارے لیے باعث فخر ہیں اور ہم دل کی گہرائیوں سے آپ کے لیے عزت و احترام کا مقام رکھتے ہیں۔

تاہم، مورخہ *29 جولائی* کو آپ کی طرف سے جو اطلاع دی گئی تھی کہ *چیل-بشیگرام روڈ* پر اسفالٹ کی مشینری پہنچ چکی ہے اور تقریباً 70 فیصد کام مکمل ہو چکا ہے، اس حوالے سے عوام میں کچھ سوالات پیدا ہو گئے ہیں جن کے جوابات سے عوام کی فکری الجھن دور ہو گی:

1. آپ کی اطلاع کے مطابق اسفالٹ کا کام "جلد شروع" ہونا تھا، اب تک وہ کب اور کہاں شروع ہوا؟
2. جو تقریباً 70 فیصد مکمل کام کا ذکر آپ نے فرمایا، براہ کرم وضاحت فرمائیں کہ یہ کام کس حد تک مکمل ہوا ہے؟
3. عوام آپ کی ہر اپڈیٹ کے منتظر ہیں، مگر عملی طور پر اس کام کی پیش رفت کب دیکھنے کو ملے گی؟

ہم دل کی گہرائیوں سے آپ کی عزت کرتے ہوئے گزارش کرتے ہیں کہ مہربانی فرما کر عوام کو واضح اور شفاف معلومات فراہم فرمائیں تاکہ بشیگرام کے معزز لوگ ذہنی سکون حاصل کر سکیں اور اپنے نمائندے کی کاوشوں پر اعتماد قائم رکھیں۔

07/08/2025

یو سی *بشیگرام* میں مساجد کو سولرائز کرنے کا کام ایک مثبت قدم ہے جس سے عبادت گزاروں کو سہولت میسر آئی ہے اور ماحول دوست توانائی کا استعمال ہوا ہے۔ ایسے اقدامات ہماری کمیونٹی کی بہتری کی واضح نشانی ہیں۔

ہم ہر اچھے کام کو سراہتے ہیں، اس کی تعریف کرتے ہیں اور اس کا اعتراف کرتے ہیں۔ ایسے اقدامات کو داد دینا ہمارا فرض ہے تاکہ مثبت تبدیلیاں جاری رہیں۔

ہم اس منصوبے میں کردار ادا کرنے والوں کا شکریہ ادا کرتے ہیں، خاص طور پر *میاں شرافت علی، ایم پی اے پی کے تھری* کا ذکر ضروری ہے جنہوں نے تعاون فراہم کیا۔

یہ اقدام ہمیں اپنے علاقے کی ترقی اور خوشحالی کے لیے مزید حوصلہ دیتا ہے۔ امید ہے کہ مستقبل میں بھی ایسے مثبت اقدامات جاری رہیں گے۔

07/08/2025

*باڈالی پل بن گیا، لیکن چیل روڈ اب بھی منتظر ہے!*

*باڈالے، ڈبرگے، شلکیار، بانڈا، بانگیش، کونڈا* اور گردونواح کے علاقوں کا ایک *دیرینہ مسئلہ* — یعنی *باڈالے پل* — بالآخر حل ہو گیا۔ یہ منصوبہ واقعی قابلِ تعریف ہے، جس سے ہزاروں لوگوں کو روزمرہ کی سہولت میسر آئی ہے۔ ہم اس اہم اور فائدہ مند قدم کو سراہتے ہیں۔

مگر افسوس کے ساتھ کہنا پڑتا ہے کہ *چیل روڈ* بدقسمتی سے آج بھی *مسائل اور نظراندازی کا شکار* ہے۔ کئی سالوں سے عوام کو صرف وعدوں پر ٹرخایا جا رہا ہے۔ *پُل منصوبہ 54* تو مکمل ہو گیا، لیکن *چیل روڈ* کا حال آج بھی وہی کا وہی ہے۔

اگر چیل روڈ کو بھی *باڈی پل* کی طرح سنجیدہ لیا جاتا، تو آج اہلِ علاقہ بھی خوشی کا جشن منا رہے ہوتے۔ مگر اب صرف مایوسی، گرد، مشکلات اور خاموشی ہے۔

*ہم پُرزور اپیل کرتے ہیں کہ چیل روڈ کی فوری تعمیر شروع کی جائے۔ یہ عوامی حق ہے، کسی پر احسان نہیں۔*

*اللہ کے واسطے! چیل روڈ کے عوام پر رحم کیا جائے!*
*یہ سڑک بھی مکمل ہونی چاہیے — اور جلد از جلد!*