Mohmand Media Cell Offical page

24/10/2025

🔺️ غلنئی فری میڈیکل کیمپ - ہیڈکوارٹر مہمند رائفلز

🔹️ پس منظر:
ہیڈکوارٹر مہمند رائفلز کی جانب سے غلنئی فری میڈیکل کیمپ کا انعقاد کیا جارہا ہے۔
اس کیمپ کا مقصد مہمند کے عوام کو اُن کی دہلیز پر معیاری اور مفت طبی سہولیات فراہم کرنا ہے، جہاں ماہر ڈاکٹرز کی خدمات، مفت معائنہ، مفت طبی علاج اور مفت ادویات ایک ہی مقام پر فراہم کی جائیں گی۔
یہ ایک مثبت اور خدمتِ انسانیت پر مبنی قدم ہے جس کا مقصد ایک صحت مند، خوشحال اور مضبوط مہمند کی تعمیر ہے۔

🔹️ طریقۂ کار برائے انعقاد:

🩺 مقام: ایف سی پبلک اسکول، غلنئی
📅 تاریخ: 26 اکتوبر 2025
⏰ وقت: صبح 10:00 بجے تا شام 4:00 بجے

👨‍⚕️ مہیا کردہ تخصصات:
▪️ جنرل میڈیسن
▪️ پیڈیاٹرکس (بچوں کے امراض)
▪️ آرتھوپیڈک سرجری (ہڈیوں کے امراض)
▪️ ڈرماٹالوجی (امراضِ جلد)
▪️ آپتھالمولوجی (امراضِ چشم)
▪️ جنرل سرجری
▪️ گائناکالوجی (امراضِ نسواں)
▪️ سائیکالوجی (نفسیاتی مشاورت)
▪️ فزیوتھراپی
▪️ فارمیسی سروسز

💊 تمام مریضوں کو ماہر ڈاکٹروں کے مفت معائنے، مفت طبی علاج اور مفت ادویات کی فراہمی کی جائے گی۔

20/10/2025

پشاور باجوڑ شاہراہِ کڑپہ سڑک کا موجودہ صورتحال
Deputy Commissioner Mohmand

20/10/2025

قبائلی ضلع مہمند تحصیل امبار سور تنگی نیفرانٹ درنگ پر جعلی لیز رنیول کے خلاف آدم کور اتمان خیل قومی مشران کا گرینڈ احتجاجی جرگہ۔ سراج خان ٹھیکدار نو سو ایکڑ زمین، گھروں پر جعلی لیز انتظامیہ کے ملی بھگت سے کر رہے ہیں۔ اگر تصادم ہوا تو خون خرابے کی زمہ داری انتظامیہ و ٹھیکدار پر ہوگی۔ ہمارے مشاورت و جرگہ کے ذریعے مسلہ حل کردیں۔ زور زبردستی ہرگز نہیں مانتے۔ ان خیالات کا اظہار جعلی لیز کے دوبارہ رنیول کے خلاف آدم کور اتمان خیل قومی مشران نے احتجاجی جرگہ سے کیا۔ جبکہ باجوڑ شاہراہِ پر ٹائر جلا کر روڈ کو بند کیا گیا۔ سراج کے جعلی لیز کے رنیول کے خلاف نعرہ بازی کی۔ اور دھمکی دی کہ اگر انتظامیہ نے سراج ٹھیکدار کے نو سو ایکڑ زمین پر جعلی نہیں روکی تو ہم بحیثیت قوم ان کے خلاف بھرپور مزاحمت کرینگے۔ مزاحمت میں جانی نقصان کے زمہ داری جعلی لیز ہولڈر ٹھیکدار و انتظامیہ پر ہوگی۔ جرگہ سے ملک یار تاج، ملک ثواب خان، ملک عبد الحکیم، ملک قیوم خان نے کہا کہ ہم نے 2008 میں سراج کو ایک ایکڑ زمین پر لیز دیا گیا تھا۔ مگر اب ان کے ٹائم مدت ختم ہو چکا ہے۔ مگر اب دوبارہ ایک ایکڑ کے بجائے 900 ایکڑ زمین، گھروں، سرکاری سکولوں پر بغیر اجازت لیز دیا گیا ہے۔ اور قوم کے اعتماد کے بغیر کسی بھی ختم لیز کے رنیول ماننے کو تیار نہیں۔ ہم اعلیٰ حکام سے پرزور مطالبہ کرتے ہیں کہ سراج ٹھیکدار لیز کے رنیول سے روکے ، ورنہ قوم کے درمیان تصادم کی زمہ داری انہی پر ہوگی۔ ڈی سی مہمند نوٹس لیکر ان کو روکے اور قوم کو بھی تصادم کو بچایا جائے۔ کیونکہ ہم جرگے کیلئے تیار ہیں۔ مگر روز زبردستی کسی قسم کے لیز کے رنیول کو کو تیار نہیں۔
Deputy Commissioner Mohmand
Chief Minister Khyber Pakhtunkhwa


Senator Hilal Ur Rehman

17/10/2025

اعلان گمشدگی
مھمند گندھاب کلے سورڈاگے حلیمزے سے تعلق رکھنے والا علی احمدجو علی حیدر کا بھائی مند عمر اور لعل عمر کا بھتیجا پچھلے سات دن سے لاپتہ ھے. وہ اکثر پہاڑ سے گاس لا تا ۔
اگرکسی کو کویی معلومات ھے تو مھربانی کرکے اس نمبر پر رابطہ کرلے 03448997246 ,03468158415

17/10/2025

11/10/2025

ضلع مہمند: سہیل آفریدی کی حمایت میں قبائلی مشران کی پریس کانفرنس، وفاقی وزیر عطاء تارڑ کے بیان کی شدید مذمت

مہمند پریس کلب میں قبائلی مشران، پاکستان تحریکِ انصاف (پی ٹی آئی) ضلع مہمند کے رہنماؤں اور کارکنان کا ایک بڑے اجتماع میں سہیل آفریدی کی بھرپور حمایت کی گئی اور وفاقی وزیر اطلاعات عطاء تارڑ کے بیان کی شدید مذمت کی گئی۔

پریس کانفرنس سے قاری رحیم شاہ، محترم خان، مجید خان، انور شاہ اور دیگر نے خطاب کرتے ہوئے کہا کہ سہیل آفریدی قبائلی عوام کے محب وطن اور جمہوریت پسند نمائندہ ہیں، اور ان پر لگائے گئے الزام ناقابل قبول ہیں۔ انہوں نے وفاقی وزیر عطاء تارڑ سے مطالبہ کیا کہ وہ نہ صرف سہیل آفریدی بلکہ پورے قبائلی عوام سے معافی مانگیں۔

مشران نے کہا کہ عمران خان نے پہلی بار ایک قبائلی نوجوان کو وزیراعلیٰ کے لیے نامزد کر کے قبائلی عوام کے احساس محرومی کو دور کرنے کی بنیاد رکھی ہے۔ شرکاء نے واضح کیا کہ عوام جسے ووٹ دیں وہ حکومت بنانے کا آئینی و جمہوری حق بھی رکھتا ہے، کسی کو زبردستی مسلط نہیں ہونے دیں گے۔

انہوں نے کہا کہ سہیل آفریدی قبائلیوں کی امیدوں کا مرکز ہیں اور کوئی سازش ان کی راہ میں رکاوٹ نہیں بن سکتی۔ قاری رحیم شاہ نے علی امین گنڈاپور کی پارٹی کے لیے خدمات کو سراہتے ہوئے کہا کہ انہوں نے مشکل حالات میں پارٹی موقف کو مکمل سپورٹ کیا ہے اور خیبرپختونخوا کے لیے اہم منصوبے اور اقتصادی مسائل کے حل کے لیے اقدامات کیے ہیں۔

انہوں نے بتایا کہ عمران خان نے اڈیالہ جیل سے حکم دیا تھا کہ سہیل خان آفریدی خیبرپختونخوا کے وزیر اعلیٰ ہوں، جس پر علی امین خان نے فوراً استعفیٰ دیا۔ انہوں نے کہا کہ پی ٹی آئی کے تمام ایم پی ایز متحد ہیں اور سہیل خان آفریدی کو مکمل سپورٹ کرے گے۔

شرکاء نے مزید کہا کہ پشتون محب وطن ہیں جنہوں نے دہشتگردی کے خلاف ایسی قربانیاں دی ہیں جو باقی قومیں تصور بھی نہیں کر سکتیں، اور ہمارے اسلاف نے اس ملک کی تعمیر میں اپنا خون دیا ہے۔

مشران نے کہا کہ عطاء تارڑ نے سہیل خان آفریدی پر بےجا الزامات لگائے ہیں، اس لیے وہ تمام پشتون قوم سے معافی مانگیں ورنہ ان کی مذمت کی جائے گی۔ انہوں نے الزام لگایا کہ وفاقی حکومت اور اسٹیبلشمنٹ عوامی مینڈیٹ پر ڈاکہ ڈالنے کی کوشش کر رہے ہیں اور وہ نہیں چاہتے کہ سہیل خان آفریدی وزیراعلیٰ بنیں۔

انہوں نے مطالبہ کیا کہ ملک میں آئین و قانون کی بالادستی ہونی چاہیے اور وفاقی حکومت کو عوامی مینڈیٹ کا احترام کرنا چاہیے۔ سہیل خان آفریدی کا وزیر اعلیٰ بننا قبائلیوں اور پشتونوں کے لیے بہترین فیصلہ ہے کیونکہ پاکستان کی تاریخ میں پہلی بار ایک قبائلی نوجوان کو صوبے کی قیادت کا موقع دیا گیا ہے۔

آخر میں انہوں نے وفاقی حکومت کو پیغام دیا کہ پی ٹی آئی کی خیبرپختونخوا میں دو تہائی اکثریت ہے اور وفاقی حکومت سہیل خان آفریدی سے کیوں خوفزدہ ہے، اس لیے وفاقی حکومت سہیل خان آفریدی کے خلاف سازشیں کرنا بند کرے کیونکہ وہ کسی بھی حربے کو قبول نہیں کریں گے۔

09/10/2025

لکی مروت میں ترقی کی نئی لہر، عشروں سے جمود کا شکار اب نئی منزل کی طرف روا دواں

ڈی سی حمید اللہ خان کی قیادت میں سیکیورٹی، انفراسٹرکچر، تعلیم و صحت میں نمایاں بہتری ،لکی مروت، جو طویل عرصے تک نظراندازی اور بدامنی کا شکار رہا، اب ترقی کی خبروں میں جگہ پا رہا ہے۔ کئی دہائیوں کے جمود کے بعد، ضلع میں پہلی بار ایسی تبدیلی دیکھی جا رہی ہے جو صرف اعلانات تک محدود نہیں، بلکہ زمینی حقیقت بن چکی ہے۔
یہ تبدیلی اس وقت ممکن ہوئی جب ضلع کی باگ ڈور نوجوان، متحرک اور نظم و ضبط کے لیے معروف ڈپٹی کمشنر حمید اللہ خان کو سونپی گئی۔ ان کی قیادت میں لکی مروت کو ہر سطح پر بہتری کی راہ پر گامزن کیا جا رہا ہے، خصوصاً سیکیورٹی کی غیر یقینی صورتحال کو قابو میں لانے اور عوام کو بنیادی سہولیات و جدید انفراسٹرکچر کی فراہمی پر خصوصی توجہ دی جا رہی ہے۔
قابل دید تبدیلیاں، عوامی اعتماد کی بحالی میں ڈپٹی کمشنر کی جانب سے نظام میں شفافیت، فوری عملدرآمد اور عوامی اعتماد کو فروغ دیا جا رہا ہے۔ ان کی فعال اور براہ راست مداخلت نے پرانی بیوروکریٹک بے حسی کی روایت کو توڑ دیا ہے۔
حالیہ ہفتوں میں ضلع بھر میں ترقیاتی سرگرمیوں کی وہ لہر دیکھنے میں آئی ہے جو برسوں سے غائب تھی۔ صاف ستھری سڑکیں، بہتر عوامی مقامات، سیکیورٹی اداروں کے ساتھ موثر کوآرڈی نیشن اور کمیونٹی کی شمولیت – یہ سب اب محض وعدے نہیں بلکہ عملی حقیقت ہیں۔
ہم نے دہائیوں تک ایسی توجہ کا انتظار کیا،سرائے نورنگ کے ایک بزرگ شہری نے کہا۔
انتظامیہ کا کھلا رویہ، مسائل کا فوری حل
ماضی کے برعکس، جہاں عوامی مسائل کو نظرانداز کیا جاتا تھا، موجودہ انتظامیہ نے اوپن ڈور پالیسی متعارف کروائی ہے۔ اب اسسٹنٹ کمشنرز اور مختلف محکموں کے افسران فیلڈ میں جا کر مسائل کی براہ راست نشاندہی اور حل کو یقینی بنا رہے ہیں۔ایک ضلعی افسر کے مطابق:
یہ ضلع برسوں سے انتظامی سستی کا شکار رہا، مگر ڈی سی حمید اللہ خان کی سرگرم قیادت نے پورے نظام کو جھنجھوڑ کر جگا دیا ہے۔
سیکیورٹی کی بہتری: ایک نیا موڑ
ضلع کی دیرینہ سیکیورٹی چیلنجز پر قابو پانے کے لیے، ڈپٹی کمشنر نے تمام سٹیک ہولڈرز کے ساتھ مشاورت کا عمل شروع کیا ہے۔ قانون نافذ کرنے والے اداروں اور مقامی کمیونٹی کے درمیان باہمی اعتماد اور تعاون کو فروغ دیا جا رہا ہے، جسے علاقائی امن کے لیے ایک اہم پیش رفت قرار دیا جا رہا ہے۔
انفراسٹرکچر میں نمایاں بہتری کیلئے اقدامات
ضلع میں بنیادی ڈھانچے کی ترقی بھی تیزی سے جاری ہے۔ انڈس ہائی وے پر صفائی مہمات چلائی جا رہی ہیں، جب کہ خوبصورتی مہم کے تحت جھاڑیاں کاٹنے، ڈھکی کھجور کے درخت لگانے، اور 6 کلومیٹر کے حصے (گمبیلہ تا تجازئی) میں 50 شمسی توانائی سے چلنے والی اسٹریٹ لائٹس نصب کی جا رہی ہیں۔
اس کے علاوہ، سڑک کے درمیانی حصے کو عوامی بیٹھک یا تفریحی مقام میں تبدیل کرنے کا منصوبہ بھی زیر غور ہے، جو علاقے میں اپنی نوعیت کا پہلا اقدام ہو گا۔
شہری نظم و نسق میں بہتری

ٹرانسپورٹ حب کو منظم کرنے کے لیے تجاوزات کا خاتمہ کیا جا رہا ہے۔ غیر قانونی ٹھیلوں کی جگہ معیاری پورٹیبل اسٹالز نصب کیے جا رہے ہیں، جبکہ مسافروں کے لیے باقاعدہ انتظار گاہیں قائم کی جا رہی ہیں تاکہ روزمرہ آمد و رفت محفوظ اور منظم ہو۔

تعلیم اور صحت پر خصوصی توجہ

ضلع میں سب سے زیادہ نظرانداز کیے گئے شعبے – تعلیم اور صحت – کو اب خاص اہمیت دی جا رہی ہے۔ ان دونوں شعبوں میں انقلابی اقدامات جاری ہیں تاکہ خدمات کو بآسانی قابل رسائی اور معیاری بنایا جا سکے۔

سیکیورٹی فورسز کی سہولت کے لیے نئی سڑک

علاوہ ازیں، ضلع میں قائم کیے جا رہے لیویز کوارٹرز تک رسائی کے لیے 16 فٹ چوڑی سڑک کی منظوری دی گئی ہے، جو سیکیورٹی اداروں کی کارکردگی کو مزید مؤثر بنائے گی۔

عوام کا ردِعمل: "اب ہم سنجیدگی سے سنے جا رہے ہیں"

ضلع لکی مروت کے عوام اب خود کو تبدیلی کا حصہ محسوس کر رہے ہیں۔ ایک عام تاثر کے مطابق،
"یہ پہلا موقع ہے کہ ہمیں لگتا ہے حکومت واقعی ہمارے ساتھ کھڑی ہے۔"

ڈپٹی کمشنر حمید اللہ خان کی قیادت میں لکی مروت صرف بدل نہیں رہا، بلکہ ایک نئے، فعال اور پُرامید مستقبل کی جانب بڑھ رہا ہے

05/10/2025

پشاور-باجوڑ-کڑپہ سڑک: سست رفتار اور نظرانداز شدہ منصوبہ – عوامی مشکلات اور حکومتی عدم توجہی

قبائلی ضلع مہمند میں واقع پشاور-باجوڑ-کڑپہ سڑک ایک اہم اور مصروف ترین شاہراہ ہے، جو مقامی لوگوں کے لیے نہ صرف نقل و حمل کا ذریعہ ہے بلکہ تجارتی سرگرمیوں کے لیے بھی کلیدی حیثیت رکھتی ہے۔ تاہم افسوسناک امر یہ ہے کہ یہ سڑک گزشتہ کئی برسوں سے حکومتی عدم توجہی اور ناقص منصوبہ بندی کا شکار ہے۔

ہ منصوبہ سال 2021 میں باقاعدہ طور پر شروع کیا گیا تھا، لیکن اکتوبر 2025 تک بھی اس کی تکمیل ممکن نہ ہوسکی اس تاخیر نے ضلع مہمند اور باجوڑ کے عوام کو سخت اذیت میں مبتلا کر رکھا ہے۔ سڑک کی خستہ حالی اور ناتمام تعمیر کی وجہ سے آئے روز ٹریفک حادثات جنم لیتے ہیں، جن میں قیمتی جانوں کا ضیاع بھی ہو چکا ہے۔ اسی طرح، مسلسل ٹریفک جام معمول بن چکا ہے، جس سے طلباء، مریض، ملازمین اور کاروباری افراد سب شدید متاثر ہو رہے ہیں۔
یہ سڑک ایک جانب پشاور کو قبائلی اضلاع سے جوڑتی ہے، تو دوسری طرف باجوڑ جیسے بڑے ضلع کے لیے معاشی و سماجی ترقی کی راہ ہموار کرتی ہے۔ مگر افسوس کہ اتنے اہم منصوبے کو مکمل کرنے میں نہ صرف غیر معمولی تاخیر کی گئی ہے بلکہ اس دوران کسی قسم کی متبادل سہولت یا ریلیف بھی عوام کو فراہم نہیں کیا گیا۔
عوامی مطالبہ ہے کہ حکومت فوری طور پر اس منصوبے کو ترجیحی بنیادوں پر مکمل کرے۔ ذمہ دار ادارے اپنی کارکردگی بہتر بنائیں اور ترقیاتی منصوبوں میں شفافیت، رفتار اور معیار کو یقینی بنائیں تاکہ مقامی افراد کو اس مسلسل اذیت سے نجات دلائی جا سکے اور علاقے کی مجموعی ترقی ممکن ہو۔

28/09/2025

(پریس ریلیز بہ تسلیمات,PRO)۔ مورخہ 28 ستمبر 2025.
*وزیراعظم کے کوارڈینیٹر اختیار ولی خان کا دورہ ایبٹ آباد۔*

وزیراعظم کے کوارڈینیٹر برائے اطلاعات و امورِ خیبر اور چیف آرگنائزر یوتھ خیبرپختونخوا اختیار ولی خان نے محترمہ مریم نواز صاحبہ کے خصوصی ہدایات پر ایبٹ آباد میں یوتھ کوارڈینیٹرز کے ساتھ تنظیمی ڈھانچے کو مکمل اور مضبوط بنانے اور عنقریب ایبٹ آباد اور حویلیاں میں عظیم الشان کنونشن منعقد کرنے کیلئے تنظیمی عہدیدران کی میٹنگ ہوئی. اس موقع پر ممبر صوبائی اسمبلی محترمہ شہلا بانو، صوبائی نائب صدر سجاد خان، خرم شہزاد تحصیل کوارڈینیٹر ایبٹ آباد، راجہ وقاص کوارڈینیٹر، فردوس عباسی، خورشید عباسی، سرور عباسی، مہ جبین ڈسٹرکٹ کوارڈینیٹر، رخسانہ زرین سٹی کوارڈینیٹر خواتین اور تنظیمی عہدیدران و کارکنان کی کثیر تعداد موجود تھی۔ اس موقع پر کارکنان نے اپنے مسائل بیان کیے ۔ اختیار ولی خان وزیراعظم کے کوارڈینیٹر و دیگر عہدیداروں نے کارکنوں کے مسائل کو غور کے ساتھ سنا۔ انہوں نے کہا کہ مسلم لیگ نون کے دور حکومت میں کارکنان کا اپنے مسائل کے لیے فریاد پارٹی کے لیے ایک المیہ ہے۔ انہوں نے کارکنوں کو تاکید کی کہ جلد از جلد اپنے تنظیمی ڈھانچے کو مکمل کریں۔ تنظیم بننےکے بعد آپ اپنے مسائل نہیں بلکہ عوامی مسائل کو حکومتی ایوانوں کو پہنچا کے ان کو حل کروائے گے۔ اختیار ولی خان نے کہا کہ ہمارے لیڈروں نے اس وطن کی بقاء و سلامتی کے لیے گیم چینجر منصوبے دیے۔ ہمارے قائد جناب میاں محمد نواز شریف نے 28 مئی کو ایٹمی دھماکوں کی صورت میں پاکستان کو ناقابل تسخیر بنایا۔ ملک کو قریب لانے کے لیے موٹر ویز کا جال بچھایا۔ انہی کامیابیوں کی بدولت سعودی حکومت نے وزیراعظم اسلامی جمہوریہ پاکستان جناب شہباز شریف صاحب کی قیادت میں پاک سعودی دفاعی معاہدہ عمل میں لایا۔ اسلامی مملکت ہونے کے ناطے آللہ کریم نے پاکستان کو حرمین شریفین کے محافظ بننے کا شرف وزیراعظم پاکستان شہباز شریف کے ہاتھوں عطاء کیا۔ وزیراعظم کے کوارڈینیٹر اختیارولی خان نے کہا کہ وزیراعظم پاکستان شہباز شریف صاحب نےاقوام متحدہ کے سیکریٹری جنرل اور برازیل کے صدر کی جانب سے نیویارک میں منعقدہ "اسپیشل کلائمیٹ ایونٹ" سے خطاب میں واضح طور پر عالمی برادر کی توجہ اس جانب مبذول کروایا کہ ماحولیاتی تحفظ کے لیے پاکستان ترجیحی بنیادوں پر شجر کاری اور متبادل توانائی پر اقدامات کر رہا ہیں۔ پاکستان کا حصہ عالمی گرین ہاؤس گیسوں کے اخراج میں نہ ہونے کے برابر ہے اس کے باوجود موسمیاتی تبدیلی میں پاکستان سب سے زیادہ متاثر ممالک میں شامل ہے۔ "پاکستان اس وقت مون سون کی شدید بارش ہو کلاؤڈ برسٹ اور تباہ کن سیلاب کا سامنا کر رہا ہے اس موسمیاتی آفت سے 50 لاکھ سے زائد افراد4100 دیہات جبکہ ایک ہزار سے زائد قیمت جانوں کا ضائع وقوع پذیر ہو چکا ہیں۔ وزیراعظم کے کوارڈینیٹر اختیار ولی خان نے حاجی فضل اللہ خان کے ناگہانی انتقال پر گہرے دکھ و رنج کا اظہار کیا۔اور مرحوم کے بلند درجات کیلئے لواحقین کے ساتھ فاتح خوانی کی بعد ازاں سابقہ صوبائی ممبر سردار اورنگزیب نلوٹھہ سے ان کی والدہ ماجدہ کی وفات پر بھی تعزیت کی اور مرحومہ کےبلند درجات اور لواحقین کو صبر جمیل عطاء فرمانے کی دعا کی۔

26/09/2025

مہمند ، الخدمت فاؤنڈیشن کے ذیلی ادارے بنوقابل کی جانب سے قبائلی ضلع مہمند کے طلباء وطالبات کیلئے دور جدید کے ڈیجیٹل کورسز شروع کرنے کا فیصلہ ، علاقے کے بےروزگار تعلیم یافتہ نوجوان اور سکولوں وکالجز کے طلباء وطالبات پروگرام سے استفادہ حاصل کریں ۔ان خیالات کا اظہار الخدمت فاؤنڈیشن کے رضاکاروں امیر محمد سعید خان ، الخدمت فاؤنڈیشن کے صدر ڈاکٹر اسراج علی ،مصمرشاہ، عبد القدیر خان اور دیگر نے جمعرات کے روز مہمند پریس کلب میں پریس کانفرنس سے خطاب کرتے ہوئے کہا کہ اس پروگرام کا ویژن جماعت اسلامی کے مرکزی امیر حافظ نعیم الرحمن نے پیش کیا گیا ہے جس کا بنیادی مقصد بے روزگار تعلیم یافتہ نوجوانوں کو ہنر سکھانے اور روزگار کے مواقع فراہم کرنا ہے تاکہ تعلیم سے فراغت کے بعد نوجوان دور حاضر کے ڈیجیٹل کورسز اور اے آئی ٹیکنالوجی کے استعمال سے باخبر ہوکر اسے استفادہ حاصل کرسکیں ۔کیونکہ آنے والا دور اے آئی کا ہے اور پوری دنیا میں اس نئے ٹیکنالوجی کو متعارف کرایا گیا ہے ۔انہوں نے کہا کہ الخدمت فاؤنڈیشن کی طرف سے دیگر صوبوں کے بعد خیبرپختونخواہ میں بھی بنو قابل 2.0 کے ڈیجیٹل کورسز سیکھنے کا آغاز کیا جارہا ہے جوکہ تعلیم یافتہ نوجوانوں کے لئے ہنر سکھانے کا ایک سنہری موقع ہے ۔ انہوں نے کہا کہ صوبے کے دیگر حصوں کی طرح اب قبائلی ضلع مہمند میں بھی طلباء کی خواہش پر اس پروگرام کا آغاز کیا جارہا ہے جس کے کورسز ، داخلہ سب کچھ مفت ہوگا لہٰذا علاقے کے بےروزگار تعلیم یافتہ نوجوان اور سکولوں وکالجز کے طلباء وطالبات بڑھ چڑھ کر پروگرام میں آن لائن مفت داخلہ کروائیں جس میں سو فیصد آئی ٹی کورسز شامل ہیں جو کہ ان کےلئے نہ صرف ملک کے اندر بلکہ بیرون ممالک میں بھی بہتر روزگار کے مواقع تلاش کرنے میں کار آمد ثابت ہونگے ۔لہذا علاقے کے طلباء وطالبات پروگرام میں اپنے داخلے کروا کر اس نادر موقع سے فائدہ اٹھائیں ۔