21/08/2026
ڈاکٹر صادق علی کو تمغۂ امتیاز کے لیے نامزد کیے جانے پر خراجِ تحسین
خیبر پختونخوا، ضلع چارسدہ اور ضلع اپر دیر کے لیے یہ ایک قابلِ فخر لمحہ ہے کہ ایڈیشنل ڈپٹی کمشنر اپر دیر ڈاکٹر صادق علی کو عوامی خدمت، غیر معمولی قیادت، قانون و امن کے مؤثر انتظام، تنازعات کے حل، قیامِ امن اور جدید طرزِ حکمرانی میں نمایاں خدمات کے اعتراف میں پاکستان سول ایوارڈ ’’تمغۂ امتیاز‘‘ کے لیے نامزد کیا گیا ہے۔
ڈاکٹر صادق علی نے ضلع اپر دیر سمیت باجوڑ،وزیرستان اور خیبر پختونخوا کے دیگر اضلاع میں عوامی خدمات کی فراہمی اور طرزِ حکمرانی کو بہتر بنانے کے لیے قابلِ ذکر اقدامات کیے ہیں، جن میں باجوڑ میں ڈیوٹی کے دوران تحصیل سلارزو میں کلاوڈ برسٹ سے نقصانات کے جائزے،متاثرین کو بروقت ریلیف پہنچانے جبکہ تحصیل ماموند میں آپریشن سے بے گھر ہونے والے لاکھوں شہریوں کو کھانا پہنچانے اور ان کیلئے خوراک کا موثر ترتیب،ان کو اپنے گھروں تک واپس پہنچانے قابل ذکر کاموں میں شمار ہوتے ہیں جبکہ ان کی مؤثر انتظامی صلاحیتوں اور عوامی مسائل کے حل کے لیے کوششوں کو بھی سراہا گیا ہے۔
ان کی خدمات کے اعتراف میں تمغۂ امتیاز کے لیے نامزدگی ان کی محنت، عزم اور بہترین انتظامی کارکردگی کا اعتراف ہے۔ یہ اعزاز نہ صرف ڈاکٹر صادق علی بلکہ خیبر پختونخوا کے نوجوان سول افسران کے لیے بھی باعثِ فخر اور نئی نسل کے لیے خدمت و قیادت کی ایک روشن مثال ہے۔
ڈاکٹر صادق علی کو تمغۂ امتیاز کے لیے نامزدگی پر دلی مبارکباد پیش کرتے ہیں۔
