08/05/2025
*کمشنر آر ٹی ایس کمیشن کا ضلع دیر لوئر کا ایک روزہ دورہ*
*تمام سرکاری افسران عوام کو سرکاری خدمات بروقت مہیا کرنے کے پابند ہیں،کمشنر آر ٹی ایس کمیشن ذاکر حسین آفریدی*
پشاور: کمشنر آر ٹی ایس کمیشن ذاکر حسین آفریدی نے 07 مئی 2025 کو ضلع دیر لوئر کا دورہ کیا۔ انہوں نے اپنے ایک روزہ دورے کے دوران ڈپٹی کمشنر آفس ضلع دیر لوئر میں متعلقہ ذمہ دار افسران کو آر ٹی ایس قانون کے بارے میں آگاہ کیا اور اس بات پر زور دیا کہ تمام سرکاری افسران عوام کو سرکاری خدمات بروقت مہیا کرنے کے پابند ہیں جس کے متعلق کسی بھی قسم کی کوتاہی برداشت نہیں کی جائے گی۔ کمشنر آر ٹی ایس نے اس بات پر بھی زور دیا کہ سرکاری ملازمین عوام کو سرکاری خدمات بروقت فراہم کرنے کے پابند ہیں۔ خدمات تک عوام کی بروقت رسائی سرکاری اہلکاروں کی زمہ داری ہے، افسران کو عوام کی ضروریات کو مؤثر طریقے سے پورا کرنے اور خدمات کی فراہمی کے عمل کو بہتر بنانے کے لیے ضروری ہدایات دیئے گئے۔ بنیادی خدمات کا حصول عوام کا حق ہے نا کہ ان پر حکومت کا احسان۔انہوں نے سرکاری افسران کو آر ٹی ایس قانون کے بارے میں تفصیلی فریفنگ دی اور ہدایت کی کہ ہر سرکاری دفتر کے سامنے نوٹیفائیڈ پبلک سروسز کی فہرست واضح طور پر آویزاں کی جائے تاکہ عوام کو کسی بھی قسم کی تکلیف کا سامنا نہ ہو۔ انہوں نے مزید کہا کہ گڈ گورننس صوبائی حکومت کا اہم ایجنڈا ہے اور اس حوالے سے واضح احکامات بھی جاری کیے جا چکے ہیں۔
