http://www.facebook.com/yoonnews.com.pk

YOON News - یُون نیوز, Khyber (2025)

22/10/2025

باڑہ (یون نیوز ۔ ثاقب آفریدی سے) سیکرٹری محمکہ تعلیم اور وزیر اعلی خیبر پختونخوا سہیل آفریدی سے والدین نے مطالبہ کیا ہے کہ گورنمنٹ گرلز ہائی سکول کاریگر گڑھی کے پرنسپل صاحبہ کی ٹرانسفر آرڈر کینسل کی جائے۔

عبداللہ آفریدی نے یون نیوز سے رابطہ کرتے ہوئے کہا کہ گورنمنٹ گرلز ہائی سکول کاریگر گڑھی کی پرنسپل صاحبہ کی ٹرانسفر غیر دانشمندانہ اقدام ہے کیونکہ مذکورہ پرنسپل صاحبہ نے اپنے دور میں سکول کو ایک منفرد ادارہ بنایا ۔اور دو بار بورڈ امتحان میں پورے ضلع خیبر کی سطح پر پہلی پوزیشن حاصل کی۔

انہوں نے کہا کہ ضیاء النساء میڈم کی سربراہی میں سکول میں طالبات کی تعداد 1300 سے تجاوز کر گئیں جبکہ سکول میں بہترین منیجمنٹ کے ذریعے تعلیمی سرگرمیوں کی بہترین نتائج ہیں۔

انہوں نے کہا کہ ہم اہلیان باڑہ سپاہ و ملحقہ علاقے ڈائریکٹر ایجوکیشن، سیکرٹری ایجوکیشن اور وزیر اعلیٰ خیبر پختونخوا سہیل احمد آفریدی سے پر زور مطالبہ کرتے ہیں کہ مذکورہ پرنسپل گورنمنٹ گرلز ہائی سکول کاریگر گڑھی باڑہ کی ٹرانسفر آرڈر کینسل کرکے باڑہ کے غریب بچیوں کو بہتر تعلیم حاصل کرنے کے کی موقعہ فراہم کریں بصورت دیگر شدید احتجاج پر مجبور ہو جائیں گے۔

22/10/2025

باڑہ (یون نیوز رپورٹ) شلوبر قومی کونسل ایگزیکٹو باڈی کا اہم اجلاس، وزیر اعلیٰ سہیل آفریدی کے استقبال کے انتظامات کو حتمی شکل دے دی گئی

تفصیلات کے مطابق قوم شلوبر قومی کونسل ایگزیکٹو باڈی کا ایک اہم اجلاس چیئرمین لعل نبی آفریدی کی زیرِ صدارت منعقد ہوا، جس میں بڑی تعداد میں ایگزیکٹو ممبران نے شرکت کی۔

اجلاس میں 25 اکتوبر کو وزیر اعلیٰ خیبرپختونخوا سہیل آفریدی کی باڑہ آمد کے موقع پر استقبال کے سلسلے میں کیے جانے والے انتظامات کا تفصیلی جائزہ لیا گیا۔

اجلاس میں متفقہ طور پر فیصلہ کیا گیا کہ وزیر اعلیٰ سہیل آفریدی کی آمد پر ان کا پرتپاک اور تاریخی استقبال کیا جائے گا۔ اس مقصد کے لیے تمام تر انتظامات کو حتمی شکل دے دی گئی ہے۔ قوم شلوبر انٹرنس پر ایک خوبصورت ویلکم گیٹ تیار کیا جائے گا، جبکہ قوم شلوبر کے عمائدین و مشران وزیر اعلیٰ کو قبائلی روایات کے مطابق کلہ لنگی پہنائیں گے۔

اس کے ساتھ ساتھ قوم شلوبر کے نوجوانان قومی جذبے سے سرشار ہو کر ہاتھوں میں قومی پرچم تھامے مین روڈ پر قطار در قطار کھڑے ہو کر وزیر اعلیٰ سہیل آفریدی کا استقبال کریں گے۔

شرکاء نے اس عزم کا اظہار کیا کہ وزیر اعلیٰ سہیل آفریدی کی باڑہ آمد نہ صرف ایک تاریخی لمحہ ہے بلکہ یہ قبائلی علاقوں کی ترقی و خوشحالی کے نئے دور کا آغاز ثابت ہو گی۔

22/10/2025

باڑہ (یون نیوز ۔ ثاقب آفریدی سے) عمران خان کا شکریہ کہ جنہوں نے تاریخ میں پہلی بار پاکستان کے پسماندہ ترین اور جنگ ذدہ قبائلی علاجات سے تعلق رکھنے والے پارٹی کے ایک درینہ کارکن سہیل آفریدی کا بطور وزیراعلی خیبرپختونخوا انتخاب کیا۔ قبائلی اضلاع میں بدامنی کے روک تھام ، ملٹری آپریشنز کے بدلے ایک جامع اور صحیح معنوں میں باہم مذاکراتی عمل کے ذریعے امن کے قیام کے لیے مضبوط و مستحکم طریقہ کار کے ذریعے اقدامات اٹھائیں گے۔

ان خیالات کا اظہار قبیلہ برقمبر خیل سے تعلق رکھنے والے پی ٹی آئی کے رہنماء عابد آفریدی اور دیگر نے باڑہ پریس کلب میں پریس کانفرنس کرتے ہوئے کیا۔

انہوں نے کہا کہ سہیل آفریدی کا انتخاب یقیناً عمران خان کے شروع دن سے قبائل کے ساتھ والہانہ محبت ، قبائلی علاقوں میں ترقی و خوشحالی کا قیام ، ملٹری آپریشنز اور ڈرون حملوں کے خلاف ہر قومی و بین الاقوامی فورمز پر اسکی مخالفت کی بھرپور ائینہ دار ہے۔

انہوں نے سہیل آفریدی کو بطور وزیر اعلی خیبرپختونخوا منتخب ہونے پر مبارکباد پیش کرتے ہوئے امید ظاہر کی کہ مستقبل قریب میں وہ اپنے پر عزم اور ولولہ انگیز قیادت کے ذریعے نا صرف قبائلی علاجات بلکہ جنوبی اضلاع میں جاری بدامنی، بیڈ گورننس، اینٹی سٹیٹ الیمنٹس کے خاتمے، پائیدار امن کے قیام اور دہشت گردی کے خلاف ایک جامع منصوبہ بندی کے تحت تعلیم ، صحت اور تباہ شدہ انفراسٹرکچر کی دوبارہ تعمیر نو کے ایک نئے دور کا آغاز کریں گے۔

انہوں نے مزید کہا کہ 25 اکتوبر 2025 کو باڑہ امن جرگہ یقیناً اس بابت ایک سنگ میل کی حیثیت رکھتا ہے جس میں نہ صرف ضلع خیبر بلکہ قبائلی علاجات سے تعلق رکھنے والے تمام قبائلی زعماء، مشران، وکلاء، سیاسی و سماجی شخصیات، علماء و مشائخ اور مختلف مکتبہ فکر سے تعلق رکھنے والے ذمہ داران شرکت کریں گے ۔

عابد آفریدی نے کہا کہ پریس کانفرنس کے توسط سے ہم ضلع خیبر، قبائلی اضلاع اور خیبرپختونخوا کے تمام عام و خاص کو اس جرگے میں امن کی بحالی، تعلیم، صحت، کھیل کھود۔م ترقی و خوشحالی اور ایک نئے فیصلہ کن دور کے آغاز کے لئے دعوت دیتے ہیں کہ وہ آئیں اور اس اہم قومی امن جرگے میں اپنی شرکت یقینی بنائیں۔

22/10/2025

باڑہ (یون نیوز۔ ثاقب آفریدی سے) کوہاٹ سے تعلق رکھنے والے دو خاندانوں میں 15 سالہ پرانی دشمنی دوستی میں تبدیل۔ ایک دوسرے کے ساتھ بغل گیر ہو کر آئندہ کیلئے بھائی چارے کے ساتھ رہیں گے۔ حاجی مجیب الرحمٰن آفریدی کے حجرہ باڑہ میں مفاہمتی تقریب کا انعقاد۔

تفصیلات کے مطابق کوہاٹ سے تعلق رکھنے والے نور الامین خاندان اور عبد الروف خاندان کے درمیان گزشتہ 15 سالوں سے جاری خونی دشمنی بالآخر دوستی میں بدل گئی۔

قبائلی روایات کے مطابق جرگہ ممبران کی انتھک کوششوں اور مسلسل رابطوں کے نتیجے میں دونوں خاندانوں نے گلے شکوے بھلا کر صلح کر لی۔

اس اہم مفاہمتی تقریب کا انعقاد باڑہ میں حاجی مجیب الرحمٰن آفریدی کے حجرے میں کیا گیا، جس میں کوہاٹ اور باڑہ سے تعلق رکھنے والے عمائدین، معززین اور عوام کی بڑی تعداد نے شرکت کی۔

تقریب میں دونوں خاندانوں کے افراد نے ایک دوسرے کے ساتھ بغل گیر ہو کر دشمنی کے خاتمے اور آئندہ بھائی چارے کے ساتھ زندگی گزارنے کا عزم کیا۔

اس موقع پر حاجی مجیب الرحمٰن آفریدی اور زاہد اللہ آفریدی نے کہا کہ دشمنی سے کسی کو فائدہ نہیں ہوتا بلکہ یہ معاشرے میں نفرت، قتل و غارت اور بےچینی کو جنم دیتی ہے۔

انہوں نے اس صلح کو ایک مثالی اقدام قرار دیتے ہوئے دیگر دشمن خاندانوں کو بھی صلح کی طرف آنے کی تلقین کی۔

شرکاء نے اس موقع پر حاجی مجیب الرحمٰن آفریدی اور دیگر جرگہ ممبران کی کوششوں کو سراہا اور علاقائی امن و بھائی چارے کے فروغ کے لیے دعا کی۔ یہ صلح نہ صرف دو خاندانوں کے درمیان تعلقات کی بحالی کا باعث بنی بلکہ پورے علاقے میں امن، رواداری اور قبائلی ہم آہنگی کی ایک روشن مثال بھی قائم کر دی۔

مزید تفصیلات کیلئے ویڈیو ملاحظہ فرمائیں۔

22/10/2025

یون انتظامیہ کی جانب سے آصف آفریدی کو شاندار کارکردگی پر مبارکباد ۔

پاکستان کے ابھرتے ہوئے کرکٹر آصف آفریدی نے اپنے ڈیبیو میچ میں شاندار کارکردگی دکھاتے ہوئے پانچ وکٹیں حاصل کیں۔ وہ پاکستان کی جانب سے ڈیبیو پر پانچ وکٹیں لینے والے 15ویں بولر اور دوسرے لیفٹ آرم اسپنر بن گئے ہیں۔

شائقین کرکٹ نے آصف آفریدی کی اس کارکردگی کو یادگار قرار دیتے ہوئے نیک تمناؤں کا اظہار کیا۔

21/10/2025

وزیر اعلی خیبر پختونخوا سہیل آفریدی ضلع خیبر آمد کے سلسلے میں ایم پی اے و ڈیڈک چیئرمین ضلع خیبر عبدالغنی آفریدی کی رہائش گاہ پر اجلاس کا انعقاد ہوا۔ اس موقع پر سینیٹر حاجی مرزا محمد سمیت تحریک انصاف کےدیگر عہدیداران بھی موجود تھے۔ تفصیل کیلئے ویڈیو ملاحظہ فرمائیں۔

21/10/2025

باڑہ (یون نیوز ۔ ثاقب آفریدی سے) پاکستان کرکٹ ٹیم کے سابق کپتان اور شاہد آفریدی فاؤنڈیشن کے چیئرمین شاہد خان آفریدی باڑہ برقمبرخیل کا دورہ کیا۔ تقریباً 200 یتیم اور غریب سکول بچوں میں بوٹس اور بستے (بیگز) تقسیم کئے۔

تفصیلات کے مطابق مایہ ناز کرکٹر پاکستان کرکٹ ٹیم کے سابق کپتان اور شاہد آفریدی فاؤنڈیشن کے چیئرمین شاہد آفریدی نے تحصیل باڑہ کا علاقہ برقمبرخیل کا دورہ کیا۔ انھوں نے علاقائی مشران اور نوجوانوں سے ملاقات کی۔

اس موقع پر شرکاء سے خطاب کرتے ہوئے انہوں نے کہا کہ ضلع خیبر اور بلخصوص باڑہ تحصیل کے عوام گزشتہ کئی سالوں سے بدامنی اور مختلف قسم مشکلات کا سامنا ہے۔ علاقے میں تعلیم، صحت اور پینے کا صاف پانی کا فقدان ہے۔

انہوں نے کہا کہ شاہد آفریدی فاؤنڈیشن عوام کے مختلف مسائل پر کام کرکے ساتھ ساتھ یتیم اور بے سہارا بچوں کو بھی توجہ دے رہے ہیں۔

اس موقع پر انھوں نے تقریباً 200 یتیم اور غریب سکول بچوں میں بوٹس اور بستے (بیگز) تقسیم کئے۔

انہوں نے مزید کہا کہ یہ میری خوش قسمتی ہے کہ مجھے اللہ تعالی نے اس عظیم مقصد کے لئے کام کرنے کا موقع ملا اور اس کے بعد بھی آئندہ اس علاقے کے یتیم اور نادار بچوں کو ہرممکن تعاون جاری رکھوں گا۔

21/10/2025

گھوٹکی (یون نیوز ڈیسک) گھوٹکی میں وکیل کی بیٹی کے اغوا کا مقدمہ پیپلز پارٹی رہنما شہریار شر، ان کے بیٹے جہانگیر شر اور دیگر کیخلاف درج کرلیا گیا۔

پولیس کے مطابق مقدمہ مغوی لڑکی کے والدکی مدعیت میں درج کیا گیا ہے۔ مقدمے کےمتن میں کہا گیا کہ اس کی بیٹی کو سردار شہریار شر اور دیگر نے گھر سے اغوا کیا۔

مدعی کا کہنا ہے کہ ملزمان ان کی قانون کی طالبہ بیٹی کو ہراساں کرتے تھے اور شہریار شر کے خلاف ایک مقدمے میں وکیل مقرر ہونے پر دھمکیاں بھی دیتے رہے۔

دوسر جانب رہنما پیپلز پارٹی شہریار خان کا کہنا ہے کہ وہ وکیل عبیداللّٰہ کی بیٹی کے اغوا کی مذمت کرتے ہیں، کسی کرمنل یا ڈاکوؤں سے کوئی واسطہ نہیں۔

یاد رہے کہ مغویہ کے والد نے دیگر وکلا کے ہمراہ ملزمان کی گرفتاری اور بیٹی کی بازیابی کے لیے قومی شاہراہ پر احتجاجی دھرنا بھی دیا تھا ۔

21/10/2025

غزہ (یون نیوز انٹرنیشنل) فلسطینی مزاحمتی تنظیم حماس نے ایک اور یرغمالی کی لاش اسرائیل کے حوالے کردی۔

حماس نے غزہ میں یرغمالی کی لاش ریڈ کراس کے حوالے کی جس کے بعد اس نے لاش کو اسرائیلی فوج کے سپرد کیا۔

اسرائیلی فوج کا کہنا ہےکہ لاش کو پولیس کی نگرانی میں تل ابیب کے ابو کبیر فرانزک انسٹی ٹیوٹ منتقل کردیاگیا جہاں لاش کی شناخت کا عمل دو دن تک جاری رہ سکتا ہے۔

رپورٹس کے مطابق حماس کی جانب سے اب تک 13 یرغمالیوں کی لاشوں کو اسرائیل کے حوالے کیا جاچکا ہے۔

اسرائیلی حکام کا کہنا ہے کہ حماس کے پاس اب بھی 15 یرغمالیوں کی لاشیں موجود ہیں، انہوں نے حماس کو پیغام دیا کہ وہ جلد از جلد لاشیں اسرائیل کے حوالے کریں ۔

کچھ روز قبل ایک غیر ملکی میڈیا کی رپورٹ میں بتایا گیا تھا کہ حماس کی قید کے دوران جو یرغمالی ہلاک ہوئے وہ ممکنہ طور پر غزہ پر اسرائیلی فوج کے وحشیانہ حملوں کا نشانہ بنے ہیں۔

21/10/2025

طورخم (یون نیوز رپورٹ) پاکستان اور افغانستان کے درمیان جنگ بندی معاہدے کے ثمرات سامنے آنے لگے اور 9 روز سے بند طورخم بارڈر اگلے 24 سے 48 گھنٹوں میں کھلنے کا امکان ہے۔

ذرائع کے مطابق دونوں ملکوں کے حکام نے سرحد کھولنے پر اصولی اتفاق کر لیا، اگر کوئی اور تنازع نہ ہوا تو سرحد کھول دی جائے گی۔

این ایل سی حکام نے کارگو گاڑیوں کی کلیئرنس کیلئے اسکینر طورخم ٹرمینل پر نصب کردیا اور کسٹم عملے سمیت دیگر متعلقہ تمام محکموں کے اہلکاروں کو ہنگامی بنیادوں پر ٹرمینل بلایا گیا۔

پاکستان کی طرف سے طورخم ٹرمینل پر تمام تر تیاریاں مکمل کرلی گئی ہیں۔ دوسری جانب افغان کسٹم حکام کے مطابق افغان سائیڈ پر بھی کسٹم عملہ تعینات کردیا گیا ہے۔

خیال رہے کہ طورخم تجارتی گزرگاہ 11 اور 12 اکتوبر کے درمیانی شب افغان فورسز کی بلا اشتعال فائرنگ کے باعث بند کردی گئی تھی اور گزشتہ 9 دن ہرقسم کی آمدورفت کیلئے بند ہے۔

ایف بی آر ریکارڈ کے مطابق طورخم سرحدی گزرگاہ سے یومیہ اوسطاً 85 کروڑ روپے مالیت کی دوطرفہ تجارت ہوتی ہے جس سے پاکستانی خزانے کو کسٹم ڈیوٹی کی مد میں یومیہ اوسطاً 5 کروڑ روپے ملتے ہیں۔

کسٹم حکام کے مطابق دوطرفہ تجارت میں یومیہ اوسطاً 58 کروڑ روپے ایکسپورٹ اور 25 کروڑ روپے کی امپورٹ شامل ہے۔

کسٹم حکام نے بتایاکہ گزشتہ 9 روز سے طورخم تجارتی گزرگاہ بند ہونے سے 7 ارب 65 کروڑ روپے مالیت کی دو طرفہ تجارت نہ ہوسکی اور ملکی خزانہ 45 کروڑ روپے محصولات سے محروم رہ گیا۔

پاکستان افغانستان کو ادویات ، سیمنٹ، چاول ، پھل، سبزیوں سمیت مختلف اشیا برآمد کرتا ہے جبکہ افغانستان سے کوئلہ، تازہ اور خشک میوہ جات سمیت متعدد اشیا امپورٹ کی جاتی ہیں۔

21/10/2025

نئی دہلی (یون نیوز انٹرنیشنل) بھارتی دارالحکومت نئی دہلی دنیا کے آلودہ ترین شہروں کی فہرست میں پہلے نمبر پر آگیا۔

نئی دہلی میں دیوالی کے موقع پر کی گئی آتش بازی کے باعث فضائی آلودگی میں اضافہ ہوگیا۔ دیوالی کی تقریبات سے نئی دہلی کا ائیر کوالٹی انڈیکس 772 تک پہنچ گیا۔

بھارت میں دیوالی کے تہوار سے لاہور سمیت پاکستان کے مشرقی شہروں کی فضا بھی آلودہ ہونے لگی۔

دنیا کے آلودہ ترین شہروں کی فہرست میں لاہور کا آج دوسرا نمبر ہے، علی الصبح شہر کا ائیر کوالٹی انڈیکس 245 ریکارڈ کیا گیا۔

لاہور میں اوسط اے کیو آئی 210 سے 240 تک رہنےکا امکان ہے، شہر کی فضا انسانی صحت کےلیے انتہائی مضر قرار دی گئی ہے۔

21/10/2025

بمبئ (یون نیوز انٹرنیشنل) بولی وڈ کے لیجنڈری اداکار اور مزاح نگار گوردھن ایسرانی کچھ عرصہ علیل رہنے کے بعد 84 برس کی عمر میں چل بسے۔

بھارتی اخبار ’دی ہندو‘ کے مطابق گوردھن ایسرانی کے مینیجر نے بتایا کہ اداکار کو سانس کی تکلیف کے باعث 16 اکتوبر کو ممبئی کے نجی ہسپتال میں داخل کرایا گیا تھا، جہاں پھیپھڑوں میں پانی جمع ہونے کی وجہ سے ان کی حالت خراب ہوئی اور 20 اکتوبر کیسہ پہر دنیا سے رخصت ہوئے۔

گورھن ایسرانی نے اپنے پانچ دہائیوں سے زائد کے فلمی کیریئر میں 300 سے زیادہ فلموں میں کام کیا، جن میں ان کے مزاحیہ کرداروں نے شائقین کے دلوں میں خاص مقام بنایا۔

انہیں کامیاب ترین بولی وڈ فلم ’شعلے‘ (1975) میں جیلر کے کردار نے شہرت کی بلندیوں پر پہنچایا، ان کا مشہور ڈائلاگ ’ہم انگریزوں کے زمانے کے جیلر ہیں‘ آج بھی مداحوں کے دلوں میں زندہ ہے۔

ان کی دیگر مشہور فلموں میں ’نمک حرام، گڈی، باورچی، گل مال، ہیرا پھیری، چپ چاپ کے، ہلچل، دیوانے ہوئے پاگل اور ویلکم شامل ہیں۔

YOON News - یُون نیوز

22/10/2025

22/10/2025

22/10/2025

22/10/2025

22/10/2025

21/10/2025

21/10/2025

21/10/2025

21/10/2025

21/10/2025

21/10/2025

21/10/2025

Address

Website

Alerts

Contact The Business

Shortcuts

Share

Category