26/09/2025
باڑہ (یون نیوز ۔ ثاقب آفریدی سے) تحصیل باڑہ اور جمرود ضلع خیبر میں پیچھلے ایک ہفتہ سے انٹرنیٹ سہولیات فراہم کرنے والے کمپنیوں کی جانب سے انٹرنیٹ بند۔ کاروباری اور دفتری امور ٹھپ۔ عوام حیران و پریشان
تفصیلات کے مطابق وادی تیراہ میدان اکاخیل میں حالیہ واقعات کے بعد باڑہ بازار سمیت گرد و نواح میں انٹرنیٹ سروس فراہم کرنے والے کمپنیوں کی جانب سے انٹرنیٹ سہولیات بند کر دی گئی ہے جس کی وجہ سے دفاتر سمیت کاروباری اور آن لائن تعلیمی سرگرمیاں معطل ہو کر رہ گئی ہے۔
مقامی لوگوں کے مطابق مذکورہ کمپنیوں سے بار بار رابطہ کرنے کے باوجود خاطرخواہ جواب موصول نہیں ہو رہا۔ جبکہ کئی نے کہا ہے کہ پی ٹی اے کی جانب سے پابندی عائد کر دی گئی ہے۔
متاثرہ افراد نے متعلقہ حکام سے اصلاح احوال کا مطالبہ کرتے ہوئے کہا ہے کہ سروس جلد از جلد بحال کریں۔ بصورت دیگر شدید احتجاج پر مجبور ہو جائیں گے۔
