04/11/2025
تجاوزات کے خلاف گرینڈ آپریشن بلا تعطل جاری ✅
صوبائی حکومت و ڈپٹی کمشنر رحیم اللہ محسود کے احکامات، اسسٹنٹ کمشنر ندا اقبال اور ٹی ایم او سید وقاص علی شاہ کی نگرانی میں تجاوزات کے خلاف آپریشن تسلسل کے ساتھ جاری ہے۔
ضلعی انتظامیہ کی جانب سے دوکانداروں کو واضح حدود کے نشانات لگانے اور عملدرآمد کے لیے ٹائم لائن دینے کے باوجود خلاف ورزیاں جاری رہیں، جس پر ضلعی و تحصیل انتظامیہ نے ازخود کارروائی کرتے ہوئے پختہ تھڑے، سیڑھیاں اور دیگر غیرقانونی تعمیرات ہٹانے کا عمل شروع کر دیا ہے۔
انتظامیہ کا کہنا ہے کہ عوامی سہولت، ٹریفک روانی اور شہر کی خوبصورتی کے لیے یہ اقدامات جاری رہیں گے، اور کسی کو بھی تجاوزات کی اجازت نہیں دی جائے گی۔ اس موقع پہ میونسپل سروسز انچارج وقاص انکروچمنٹ انسپکٹر راحت خٹک حلقہ پٹواری فراز خان سمیت مقامی پولیس ہمراہ موجود تھی۔
