06/06/2026
کوہاٹ کے تعلیمی نظام کا بڑا راز بے نقاب!
چیئرمین کوہاٹ بورڈ امتیاز ایوب نے زمینی حقائق عوام کے سامنے رکھ دیے، مگر ساتھ ہی کئی اہم سوالات بھی جنم لے گئے۔
کوہاٹ میں جاری پریکٹیکل امتحانات کے دوران مختلف امتحانی مراکز کے دورے میں طلبہ نے تعلیمی نظام کے کئی پوشیدہ پہلو بے نقاب کر دیے اور کھل کر اپنی مشکلات بیان کیں۔
کیا ہمارے بچوں کو تعلیم کے نام پر صرف نقل اور رٹہ بازی سکھائی جا رہی ہے؟ اگر عملی تعلیم نصاب کا بنیادی حصہ ہے تو پھر طلبہ کو لیبز، سائنسی آلات اور عملی تربیت سے کیوں محروم رکھا جا رہا ہے؟
سرکاری اداروں میں لیبز موجود ہونے کے باوجود طلبہ کو وہاں عملی کام کے لیے نہیں لے جایا جا رہا، جبکہ بعض نجی اداروں میں لیبارٹری سہولیات ہی موجود نہیں۔
اگر لیبز اور سائنسی سہولیات کے نام پر کروڑوں روپے خرچ ہو رہے ہیں تو پھر طلبہ عملی تعلیم سے محروم کیوں ہیں؟
چئیرمین کوہاٹ بورڈ امتیاز ایوب مافیا کے سامنے ایک مضبوط سیسہ پلائی دیوار بن چکے ہیں۔
چیئرمین کوہاٹ بورڈ امتیاز ایوب نے اس صورتحال پر سخت مؤقف اختیار کیا۔ اب فیصلہ عوام، والدین، اساتذہ اور متعلقہ حکام پر ہے کہ وہ اس مسئلے کے حل کے لیے کیا کردار ادا کرتے ہیں۔
مکمل زمینی حقائق دیکھیے مہدی عباس بنگش کی اس خصوصی رپورٹ میں۔
