Ijaz khan official

23/05/2025

کیا اہرامِ مصر واقعی صرف مقبرے تھے؟ یا کوئی چھپی ہوئی طاقت؟

1923 میں جب عظیم ہرمِ گِزا (Great Pyramid of Giza) کے اندر ایک خفیہ چیمبر دریافت ہوا، تو روایتی آثارِ قدیمہ کی بنیادیں ہل کر رہ گئیں۔ حیرت کی بات یہ ہے کہ گِزا کے کسی بھی ہرم میں آج تک کوئی ممی دریافت نہیں ہوئی! یہ حیران کن خلا ایک ایسا سوال اٹھاتا ہے جو اب نظرانداز نہیں کیا جا سکتا:
کیا یہ عظیم الشان عمارتیں صرف بادشاہوں کے دفن ہونے کی جگہ تھیں؟ یا ان کا کوئی اور، کہیں زیادہ پراسرار مقصد تھا؟

غیر روایتی نظریات رکھنے والے محققین بڑے وثوق سے یہ دعویٰ کرتے ہیں کہ اہرام دراصل قدیم توانائی پیدا کرنے والی مشینیں (energy machines) تھیں۔ ان کی بےمثال تعمیر، پیچیدہ سرنگیں، گہرے اور مبہم چیمبرز، اور پتھروں کی ملی میٹر تک ناپی ہوئی ترتیب یہ ظاہر کرتی ہے کہ یا تو قدیم مصری ایسی سائنسی سمجھ رکھتے تھے جو وقت کی گرد میں کھو گئی، یا پھر ان کے پیچھے کوئی اور، زیادہ ترقی یافتہ اور قدیم تہذیب کارفرما تھی۔

جب ہم ہرمِ گِزا کو دیکھتے ہیں، تو کیا ہم واقعی صرف ایک قبر کو دیکھ رہے ہوتے ہیں؟
یا ہم کسی ایسا راز دیکھ رہے ہیں جو انسان کی اصل تاریخ سے پردہ ہٹانے کے قریب ہے؟

یہ سوال نہ صرف ہمارے تاریخی بیانیے کو چیلنج کرتا ہے، بلکہ انسان کی کھوج، شعور، اور ماضی سے جڑے گہرے رازوں کو بھی جھنجھوڑ دیتا ہے۔

کیا اہرام ایک قدیم سائنسی معجزہ تھے؟ یا وہ توانائی کے وہ منبع تھے جنہیں آج بھی ہم پوری طرح سمجھ نہیں سکے؟

اپنی رائے کمنٹس میں ضرور شیئر کریں — کیا ہم صرف تاریخ پڑھ رہے ہیں، یا کسی راز کی دہلیز پر کھڑے ہیں؟

عجیب و غریب تاریخ

22/05/2025

22/05/2025

ایک صبح معمول سے زیادہ چڑیوں کی چہچہاہٹ تھی ۔ مسلسل ایک چڑیا چیخنے کی حد تک چوں چوں کر رہی تھی ۔ نیند سے تو جاگ ہی چکی تھی سوچا دیکھوں آخر کیا ماجرا ہے ۔ باہر آئی تو معلوم ہوا چڑیا اپنے بچے کو اڑنا سکھا رہی ہے ۔ وہ ذرا سا اڑتا اور پھر گر جاتا ۔ چڑیا چلاتے ہوئے اس کے سامنے جاتی اور اڑ کر درخت پر پیٹھتی شاید وہ سکھانا چاہ رہی تھی کہ ایسے اڑتے ہیں ۔
ناشتہ کرنے کے بعد ہال سے گزر رہی تھی تو وہ چڑیا پھڑپھڑاتی، پر مارتی نظر آئی تو قریب جا کر دیکھا وہ بچہ بھرے پانی کے ٹب میں گر چکا تھا اور چڑیا بے چینی میں کبھی اس درخت کبھی اس درخت اڑتی۔ ایسی بےچینی تھی اس کی اڑان میں کہ لفظوں میں بتانا آسان نہیں ہے ۔فوری اس کو نکال کر دھوپ میں بٹھایا ، اپنے بچے کو میرے ہاتھوں میں دیکھ کر وہ مزید بےچین ہو گئی تھی ۔آخر اسی ہی دن شام تک بچہ اڑنا سیکھ چکا تھا ۔ وہ چڑیا کے روپ میں ماں دیکھی تھی میں نے ۔
ہم کافی عرصہ دوسرے شہر میں گزارنے کے بعد اپنے گھر آئے تھے اور اوپر والے برآمدے کے پنکھے میں ایک کبوتری نے گھونسلا بنا رکھا تھا یہ ہم جانتے تھے لیکن ان دنوں اس کے گھونسلے میں بچے بھی تھے یہ نہیں جانتے تھے ۔ ہمیں اس برآمدے میں دیکھ کر وہ بےچین ہو گئی تھی ۔ وہ بچے بہت ہی چھوٹے تھے اسے خوف ہوا ہو گا یہ اٹھا نہیں لیں ۔ وہ اڑتی رہی ، کبھی گھونسلے میں جاتی کبھی برآمدے سے باہر آتی وہ اس قدر بےچین تھی کہ ایک بار اڑتے ہوئے زور سے چھت سے ٹکرائی تو اس کا سر زخمی ہو گیا تھا ۔۔ ہم پھر اوپر گئے ہی نہیں کچھ دن ۔تاکہ اسے سکون نصیب ہو ۔
وہ کبوتر کی صورت میں ماں دیکھی تھی ۔
ہمارے محلے میں ایک کتیا ہے وہ پہلے پہل کاٹتی نہیں تھی کسی کو اس سے کوئی خوف نہیں تھا ۔ ویسے آپ لوگوں نے اگر کبھی دیکھا ہو تو وہ جب بچے پیدا کرتی ہے تو کوئی اس کی گلی سے بھی گزرے وہ کاٹ کھانے کو دوڑتی ہے ۔ ایسے ہی ہوا تھا اس کے تین بچے تھے ، ایک بار میں گلی کے اس طرف کسی کام کی غرض سے جا رہی تھی وہ بھونکنے لگی ، وہ مسلسل بھونکتی رہی اسے شاید ڈر ہو گا یہ میرے بچوں کو کچھ کہے گی ۔ بہرحال ، اس کی حالت دیکھ کر میں اس طرف سے بنا کام کیے لوٹ آئی ۔ وہ اپنے بچوں کی حفاظت کر رہی تھی وہ ایک کتیا کی صورت میں ماں دیکھی تھی میں نے ۔
ہمارے گھر میں ایک بلی آتی تھی اس نے بچے جنے تھے ، بلیاں عموماً تنگ نہیں کرتیں ان سے ڈر بھی نہیں لگتا لیکن جس دن اس کے بچے ہوئے تھے اور ایک بچہ گم ہوا تھا ، وہ سارا دن میاؤں میاؤں کرتی رہی تھی ۔ بار بار وہ سیڑھیوں کی طرف جاتی ، اس نے پورا گھر سر پر اٹھایا ہوا تھا۔ دادی نے تنگ آ کر اسے نکالنے کی کوشش کی ۔ لیکن وہ بار بار سیڑھیوں کی طرف جاتی ۔ وہ اس وقت کوئی بلی کے روپ میں شیرنی لگ رہی تھی ۔ آخر ہمارے دماغ میں آیا ہو نہ ہو کچھ تو ہوا ہے جو یہ اس قدر بےچین ہے ۔ ہم نے سیڑھیوں کے نیچے رکھا ساماں ادھر اُدھر کیا تو دیکھا اس کا بچہ موجود ہے وہاں ۔ اسے ہم اٹھانے لگے تو وہ جھپٹی لہٰذا ہم نے ہاتھ نہیں لگایا اور وہ خود اپنے بچے کو اٹھا کر لے گئی
یہ بلی کے روپ میں ایک ماں دیکھی تھی میں نے۔
ماں کا تصور ہی حسین ہے ۔ اللّٰہ تعالٰی نے نجانے کیسا دل اس کے سینے میں رکھا ہے خود بہت کچھ سہتی رہے گی لیکن بچے کی تکلیف پر تڑپ جاۓ گی ۔ اس کی حفاظت کےلیے شیرنی بن جائے گی۔
آپ کھانا نہیں کھا رہے یہ کہتے ہوئے بھوک نہیں ہے کیا کوئی اور اس روئے زمین پر ایسا ہو گا جو کہے
"ایک لقمہ بس ایک میرے ہاتھ سے کھا کر دیکھو"
اور پھر اس ہاتھ سے کھائے لقمے کا ذائقہ تمام تر ذائقوں کو مات دے دے ۔
ماں کا تصور کیسا عظیم ہے ۔ اپنے بندوں سے اپنی محبت بتانے کو یونہی تو خدا نے ماں کی محبت کا انتخاب‌ نہیں کیا۔۔
ایک لفظ ، بس تین حرفی لفظ اپنے اندر سکوں ،مٹھاس ،محبت ، کشش سارے مثبت جذبے کیسے رکھ سکتا ہے؟
ماؤں کا لمس سلامت رہے جو ہمارے قلب سکون کا ذریعہ ہے ۔۔ ❤️

22/05/2025

عزت کے، صداقت کے ،شہادت کے قصیدے
اسلاف کے کردار کی عظمت ،کے قصیدے
بھولے ہوئے بیٹھے ہیں شجاعت کے قصیدے
ہم پڑھنے لگے اہل رعونت کے قصیدے

20/05/2025

در و دیوار سے جالا نہیں جاتا اماں
مجھ سے گھر بار سنبھالا نہیں جاتا اماں
یہ جو اشک میری آنکھ میں بھر آتے ہیں
ان کو الفاظ میں ڈھالا نہیں جاتا اماں
پاؤں سے ہٹ کے، تہہِ دل میں اتر آتا ہے
مُندمِل ہو کے بھی چھالا نہیں جاتا اماں
میں جو آنسو کی طرح پھر لوٹ کے جا نہ سکی
یُوں تو اپنوں کو نکالا نہیں جاتا اماں
زندگی گود میں بیٹھا ہوا بالک تو نہیں
اس کو بانہوں میں اچھالا نہیں جاتا اماں
کیسے نکلے گا اندھیروں سے میرے بخت کا چاند
اس کے اطراف سے ہالا نہیں جاتا اماں
مُجھ میں معصوم سی تیری بیٹی ابھی باقی ہے
جس کی ضِد کو کبھی ٹالا نہیں جاتا اماں

09/04/2025

09/04/2025

پانی کی قدر کریں پانی کی ہر بوند زندگی ہے ، لہذا پانی کا مناسب استعمال کریں*
بحیرہ ارال ،وسطی ایشیا میں واقع ایک بڑا سمندر جو آج کل خشک ہونے یا پانی کم ہونے کی وجہ سے جھیل کی شکل اختیار کر چکا ہے*
یہ ازبکستان اور قازقستان کے درمیان واقع اور ایک وقت میں دنیا کا چوتھا بڑا سمندر سمجھا جاتا تھا،*
اب یہاں کھڑے زنگ آلود بحری جہاز گئے وقتوں کی داستان بیان کر رہے ہیں۔۔۔۔
#پانی #سمندر

09/04/2025