M Wali khattak Official

M Wali khattak Official Wali Khattak from Kohat. Sharing news, community updates, and positive videos

⚠️ اہم اطلاع — نامعلوم لاش برآمد، سر موجود نہیں تھاریسکیو 1122 کوہاٹریسکیو 1122 کوہاٹ کو خوشحال گڑھ کے دریائے سندھ سے اط...
09/08/2026

⚠️ اہم اطلاع — نامعلوم لاش برآمد، سر موجود نہیں تھا

ریسکیو 1122 کوہاٹ

ریسکیو 1122 کوہاٹ کو خوشحال گڑھ کے دریائے سندھ سے اطلاع موصول ہوئی کہ ایک نامعلوم ڈیڈ باڈی پانی میں بہہ رہی ہے۔

اطلاع ملتے ہی ریسکیو 1122 کی واٹر ریسکیو ٹیموں نے بروقت رسپانس کرتے ہوئے کارروائی کا آغاز کیا اور لاش کو دربو کچ جمعہ خان کے مقام کے قریب سے بحفاظت ریکور کر لیا۔

⚠️ اہم: برآمد ہونے والی لاش کا سر موجود نہیں تھا، جس کے باعث شناخت میں دشواری پیش آ رہی ہے۔

لاش کو جمعہ خان ایک مقامی شخص ہیں جس کے حوالے کیا گیا، جو گزشتہ کئی سالوں سے دریائے سندھ سے ملنے والی نامعلوم لاشوں کو امانتاً دفن کرنے کا فریضہ انجام دے رہے ہیں۔ لاش کو فی الحال امانتاً دفن کر دیا گیا ہے۔
ویڈیو میں متوفی کی دستیاب حلیہ اور جسمانی نشانیوں کے بارے میں بھی معلومات فراہم کی گئی ہیں۔

اگر کسی شخص کا عزیز/رشتہ دار لاپتہ ہے یا مذکورہ حلیہ سے شناخت ممکن ہو تو براہِ کرم جمعہ خان کے درج ذیل نمبر پر رابطہ کریں:

📞 رابطہ نمبر:
03336082302

براہِ کرم اس پوسٹ کو زیادہ سے زیادہ شیئر کریں تاکہ متوفی کی شناخت ممکن ہو سکے اور لواحقین تک اطلاع پہنچائی جا سکے۔

جواد آفریدی
ترجمان ریسکیو 1122 کوہاٹ

گمبٹ: نجی اسپتال میں ایک آنکھ والے نومولود کی پیدائشگمبٹ کے نجی اسپتال میں نایاب طبی کیفیت کے حامل ایک آنکھ والے بچے کی ...
01/08/2026

گمبٹ: نجی اسپتال میں ایک آنکھ والے نومولود کی پیدائش

گمبٹ کے نجی اسپتال میں نایاب طبی کیفیت کے حامل ایک آنکھ والے بچے کی پیدائش ہوئی ہے۔ اسپتال انتظامیہ کے مطابق نومولود کی حالت تسلی بخش اور خطرے سے باہر ہے، جبکہ والدین کی شناخت ظاہر نہیں کی گئی۔

27/07/2026

دو سال پہلے تاندہ فش ہیچری، کوہاٹ میں بنائی گئی یہ خوبصورت یادگار ویڈیو۔ قدرت کے حسین مناظر، صاف ستھرا ماحول اور مچھلیوں کی افزائش کا یہ مرکز آج بھی اپنی دلکشی برقرار رکھے ہوئے ہے۔ اللہ تعالیٰ اس قومی اثاثے کو ہمیشہ آباد رکھے اور اس کی مزید ترقی نصیب فرمائے

24/07/2026

ایک مہینہ گزر گیا... مگر لگتا ہے جیسے یہ سانحہ ابھی کل ہی پیش آیا ہو۔
بشیر احمد کی یاد آج بھی دل کے ہر کونے میں زندہ ہے۔ وقت نے کیلنڈر کے اوراق تو بدل دیے، مگر ہمارے دلوں کا درد آج بھی وہیں کا وہیں ہے۔ کچھ جدائیاں ایسی ہوتی ہیں جنہیں نہ وقت مٹا سکتا ہے، نہ الفاظ بیان کر سکتے ہیں۔
اللہ تعالیٰ کسی کو بھی دیارِ غیر میں موت نہ دے۔ اس درد کو صرف وہی سمجھ سکتا ہے جس نے اپنے کسی پیارے کو پردیس رخصت کیا ہو۔ ایک دن وہی بیٹا، وہی بھائی، وہی بھتیجا ہنستے ہوئے سب سے گلے ملتا ہے، دعائیں لیتا ہے، ہاتھ ہلا کر کہتا ہے: "جلد واپس آؤں گا، ان شاء اللہ۔" لیکن پھر قسمت ایسا موڑ لیتی ہے کہ اسی ہوائی اڈے پر وہ اپنے قدموں سے نہیں، بلکہ ایک خاموش تابوت میں واپس آتا ہے۔
کتنا کربناک لمحہ ہوتا ہوگا... جب انتظار کرنے والی آنکھیں مسافر کا چہرہ دیکھنے کی آس میں ہوں، مگر سامنے ایک بند تابوت رکھ دیا جائے۔ اس لمحے صرف ایک انسان نہیں مرتا، بلکہ ایک خاندان کے بے شمار خواب، خوشیاں اور امیدیں بھی دفن ہو جاتی ہیں۔
میں نے زندگی میں بہت سے غم دیکھے ہیں، لیکن بشیر احمد کی جدائی ایسا زخم ہے جو ہر دن نئے سرے سے درد دیتا ہے۔ بعض لوگ دنیا سے چلے جاتے ہیں، مگر ان کی یاد کبھی نہیں جاتی۔ وہ ہر دعا میں، ہر خاموشی میں، ہر آنسو میں زندہ رہتے ہیں۔
اے اللہ! بشیر احمد کی کامل مغفرت فرما، اس کی قبر کو نور سے بھر دے، اسے جنت الفردوس میں اعلیٰ مقام عطا فرما، اور اس کے والدین، بہن بھائیوں ہمیں اور تمام اہلِ خانہ کو ایسا صبر عطا فرما جس کا اجر صرف تو ہی دے سکتا ہے۔ آمین۔
یا اللہ! کسی ماں کی گود، کسی باپ کا سہارا، کسی بھائی کی طاقت اور کسی خاندان کی خوشی کو پردیس میں یوں خاموش نہ ہونے دینا۔ ہر مسافر کو اپنے گھر والوں سے زندہ، سلامت اور مسکراتا ہوا ملا دے۔ آمین۔

جدید ٹیکنالوجی کی جانب ایک خوبصورت قدمگل حسن بانڈہ کے امیر افضل نے جدید ڈرون کیمرہ حاصل کر لیا ہے۔ ڈرون کیمرہ جدید دور...
19/07/2026

جدید ٹیکنالوجی کی جانب ایک خوبصورت قدم
گل حسن بانڈہ کے امیر افضل نے جدید ڈرون کیمرہ حاصل کر لیا ہے۔ ڈرون کیمرہ جدید دور کی ایک مفید ٹیکنالوجی ہے جس کے ذریعے نہایت خوبصورت فضائی ویڈیوز اور تصاویر بنائی جا سکتی ہیں، قدرتی مناظر، کھیت، باغات، رہائشی علاقے، تعمیراتی منصوبے اور مختلف تقریبات کو منفرد زاویے سے محفوظ کیا جا سکتا ہے۔ اس کے علاوہ مختلف مقامات کا فضائی جائزہ لینا اور دلکش مناظر کو کیمرے کی آنکھ سے قید کرنا بھی پہلے سے کہیں زیادہ آسان ہو گیا ہے۔ آج کنڈر ڈیم میں اس ڈرون کا پہلا کامیاب فضائی تجربہ کیا گیا۔

بلیو پاسپورٹ یا عوامی مسائل؟جب ایک عام شہری مہنگائی، بے روزگاری، بجلی و گیس کے بھاری بل، مہنگے ایندھن اور بنیادی ضروریات...
08/07/2026

بلیو پاسپورٹ یا عوامی مسائل؟

جب ایک عام شہری مہنگائی، بے روزگاری، بجلی و گیس کے بھاری بل، مہنگے ایندھن اور بنیادی ضروریات پوری کرنے کی جدوجہد کر رہا ہو، تو ایسے وقت میں عوامی نمائندوں کے لیے نئی مراعات اور خصوصی سہولیات دینا عوام کے جذبات کے مطابق فیصلہ محسوس نہیں ہوتا۔
عوام نے اپنے نمائندوں کو اس لیے منتخب کیا ہے کہ وہ عوام کے مسائل حل کریں، نہ کہ اپنی مراعات میں اضافہ کریں۔ آج ضرورت اس بات کی ہے کہ اسمبلیوں میں مہنگائی کم کرنے، روزگار پیدا کرنے، تعلیم، صحت، امن و امان اور انصاف کی بہتری پر قانون سازی ہو۔
اگر ملک مشکل معاشی حالات سے گزر رہا ہے تو قربانی کا آغاز بھی قیادت سے ہونا چاہیے۔ ایک اچھا رہنما وہی ہوتا ہے جو عوام کے ساتھ کھڑا ہو، نہ کہ اپنے لیے نئی سہولیات حاصل کرے۔
ہم مطالبہ کرتے ہیں کہ عوامی مفاد کو ہر ذاتی یا سرکاری مراعت پر ترجیح دی جائے۔ عوام کا اعتماد اسی وقت مضبوط ہوگا جب ان کے نمائندے اپنے عمل سے سادگی، جوابدہی اور خدمت کی مثال قائم کریں۔

پیٹرول 1 روپے 97 پیسے سستا!واہ حکومت، اتنا بڑا ریلیف دے کر تو عوام کی قسمت ہی بدل دی!
03/07/2026

پیٹرول 1 روپے 97 پیسے سستا!
واہ حکومت، اتنا بڑا ریلیف دے کر تو عوام کی قسمت ہی بدل دی!

زیڑہ پٹیالہ گرینڈ امن میٹنگ کی جھلکیاںزیڑہ پٹیالہ کے دو سڑک مین چوک پر منعقدہ گرینڈ امن میٹنگ میں علاقے کے مشران، نوجوان...
29/06/2026

زیڑہ پٹیالہ گرینڈ امن میٹنگ کی جھلکیاں

زیڑہ پٹیالہ کے دو سڑک مین چوک پر منعقدہ گرینڈ امن میٹنگ میں علاقے کے مشران، نوجوانوں، علماء کرام اور مختلف مکاتبِ فکر سے تعلق رکھنے والے افراد نے بڑی تعداد میں شرکت کی۔ اس اجتماع کا بنیادی مقصد علاقے میں امن، بھائی چارے اور جرائم کے خاتمے کے لیے عوامی آواز کو متحد کرنا تھا۔

اس اہم پروگرام کے انعقاد میں حافظ محمد کا کردار قابلِ تحسین رہا، جنہوں نے اپنی ذاتی کوششوں اور ذاتی اخراجات سے اس میٹنگ کا انتظام کیا۔ انہوں نے سوشل میڈیا پر بھی بھرپور آگاہی مہم چلائی اور عوام کو اس امن میٹنگ میں شرکت کی دعوت دی۔ ان کی یہ کاوش علاقے کے امن اور اتحاد کے لیے ایک قابلِ قدر خدمت ہے۔

مقررین نے کہا کہ زیڑہ پٹیالہ ہمیشہ سے ایک پُرامن علاقہ رہا ہے، جہاں لوگ محبت، اخوت اور بھائی چارے کے ساتھ زندگی گزارتے تھے، مگر حالیہ عرصے میں چوری، ڈکیتی اور دیگر جرائم نے اس امن کو متاثر کیا ہے۔ اس لیے اس پرامن اجتماع کے ذریعے ہم قانون نافذ کرنے والے اداروں، خصوصاً ڈی پی او کوہاٹ سے مؤدبانہ اپیل کرتے ہیں کہ ہمارے علاقے پر خصوصی توجہ دی جائے، جرائم پیشہ عناصر کے خلاف مؤثر کارروائی کی جائے اور زیڑہ پٹیالہ کا دیرینہ امن دوبارہ بحال کیا جائے تاکہ عوام خود کو محفوظ محسوس کر سکیں۔

اس موقع پر آئی ایس ایف کے صابقہ صدر کوہاٹ عاقب شاہ نے خطاب کرتے ہوئے کہا کہ ہمارا علاقہ امن کی پہچان تھا، لیکن چند جرائم پیشہ عناصر نے اس ماحول کو خراب کیا ہے۔ انہوں نے کہا کہ ہم اس عظیم اجتماع کے ذریعے ڈی پی او کوہاٹ اور متعلقہ اداروں تک اپنا یہ واضح پیغام پہنچانا چاہتے ہیں کہ زیڑہ پٹیالہ کے عوام اپنے علاقے میں پائیدار امن چاہتے ہیں، لہٰذا جرائم کے خاتمے اور عوام کے جان و مال کے تحفظ کے لیے فوری اور مؤثر اقدامات کیے جائیں۔

بعد ازاں شاہ محمد نے خطاب کرتے ہوئے کہا کہ چوری اور ڈکیتی میں گرفتار ہونے والے بعض ملزمان جلد رہا ہو جاتے ہیں، جس کی وجہ سے وہ دوبارہ جرائم میں ملوث ہو جاتے ہیں۔ انہوں نے مطالبہ کیا کہ ایسے عناصر کے خلاف قانون کے مطابق سخت کارروائی کی جائے تاکہ جرائم کی حوصلہ شکنی ہو اور عوام کا اعتماد بحال ہو۔

علماء کرام نے بھی قرآنِ مجید اور احادیثِ مبارکہ کی روشنی میں امن کی اہمیت پر تفصیلی گفتگو کی۔ انہوں نے کہا کہ جہاں امن قائم ہو وہاں تعلیم، تجارت، ترقی اور خوشحالی پروان چڑھتی ہے، جبکہ بدامنی معاشرے کو تباہی کی طرف لے جاتی ہے۔ انہوں نے عوام پر زور دیا کہ وہ اتحاد، صبر، قانون کی پاسداری اور باہمی تعاون کے ذریعے اپنے علاقے کو دوبارہ امن کا گہوارہ بنانے میں اپنا کردار ادا کریں۔

اللہ تعالیٰ سے دعا ہے کہ ہمارا پیارا زیڑہ پٹیالہ ہمیشہ امن، محبت، اتحاد اور خوشحالی کا گہوارہ رہے، اور ہر قسم کی چوری، ڈکیتی، منشیات اور دیگر سماجی برائیوں سے محفوظ رہے۔ آمین۔

کچھ لوگ زندگی میں صرف چند دن کے لیے ملتے ہیں، مگر وہ چند دن ہمیشہ کے لیے یادگار بن جاتے ہیں۔ہمارے بھتیجے محمد بشیر نے س...
29/06/2026

کچھ لوگ زندگی میں صرف چند دن کے لیے ملتے ہیں، مگر وہ چند دن ہمیشہ کے لیے یادگار بن جاتے ہیں۔

ہمارے بھتیجے محمد بشیر نے سعودی عرب میں اپنے عزیز امان اللہ بھائی کے ساتھ جو چند خوبصورت اور خوشگوار دن گزارے، آج انہی لمحوں کی یاد ہمارے دلوں کو کچھ سکون دیتی ہے۔

ہم دل کی گہرائیوں سے امان اللہ بھائی کے محبت بھرے رویے، خلوص اور اپنے پن کی قدر کرتے ہیں۔ آپ نے محمد بشیر کو پردیس میں اپنائیت کا احساس دلایا، جس کے لیے ہم آپ کے شکر گزار ہے۔

آج محمد بشیر ہمارے درمیان نہیں، مگر اس کی مسکراہٹ، اس کی یادیں اور آپ کے ساتھ گزارے ہوئے وہ حسین لمحات ہمیشہ ہمارے دلوں میں زندہ رہیں گے۔

اللہ تعالیٰ ہمارے پیارے محمد بشیر کی کامل مغفرت فرمائے، جنت الفردوس میں اعلیٰ مقام عطا فرمائے، اور امان اللہ بھائی سمیت ہم سب کو صبرِ جمیل عطا فرمائے۔ آمین۔

الفاتحہ برائے ایصالِ ثواب

تمام پٹیالہ کے نوجوانوں سے پرزور اپیلعلاقے کے معزز عمائدین، مشران اور بزرگوں نے تمام پٹیالہ کے نوجوانوں سے اپیل کی ہے کہ...
27/06/2026

تمام پٹیالہ کے نوجوانوں سے پرزور اپیل

علاقے کے معزز عمائدین، مشران اور بزرگوں نے تمام پٹیالہ کے نوجوانوں سے اپیل کی ہے کہ وہ گرینڈ جرگہ میں بھرپور شرکت کریں۔

نوجوان کسی بھی قوم کی اصل طاقت اور مستقبل ہوتے ہیں۔ جب نوجوان ایک مقصد کے لیے متحد ہو جائیں تو وہ اپنی قوم کی تقدیر بدل دیتے ہیں۔

آج اگر ہم اپنے امن، اپنے مستقبل اور اپنی آنے والی نسلوں کے تحفظ کے لیے اپنے کام کاج سے وقت نہیں نکالیں گے تو بدامنی، ڈکیتیاں، چوریاں اور دیگر جرائم اسی طرح جاری رہیں گے، اور ہم روزانہ نقصان اٹھاتے رہیں گے۔

آئیں! ذاتی اختلافات کو بھلا کر ایک قوم، ایک آواز اور ایک مضبوط مٹھی بن جائیں۔ اپنے علاقے میں امن و امان کے قیام، ڈکیتیوں، چوری کی وارداتوں اور دیگر جرائم کے خاتمے کے لیے گرینڈ جرگہ میں لازمی شرکت کریں اور اپنا بھرپور کردار ادا کریں۔

📍 مقام: دو سڑک، شیر علی خان ہوٹل کے سامنے

دن: بروز اتوار
مورخہ28/6/2026

اتحاد میں برکت ہے، اور مضبوط قوم وہی ہوتی ہے جو اپنے حق، اپنے امن اور اپنے مستقبل کے لیے متحد ہو کر کھڑی ہو۔

آئیں! اپنے علاقے کو امن کا گہوارہ بنانے کے لیے ایک آواز بنیں، ایک مٹھی بنیں، ایک قوم بنیں۔

Address

Kohat
26000

Website

Alerts

Be the first to know and let us send you an email when M Wali khattak Official posts news and promotions. Your email address will not be used for any other purpose, and you can unsubscribe at any time.

Shortcuts

Share

Category