Kohistan 1

27/12/2025

خوشخبری

27/12/2025

ہیلو سوات
دوبیر کے عوام اپنے جائز مطالبے ”روڈ دو پانی لو“ کے حصول کے لیے گزشتہ ایک ماہ سے پرامن دھرنا دیے بیٹھے ہیں۔
ان کے ساتھ اظہارِ یکجہتی کے لیے بروز اتوار، 28 دسمبر 2025 کو سوات پریس کلب کے سامنے ایک پرامن احتجاجی مظاہرہ ہوگا۔
سوات میں مقیم تمام اباسین/کوہستانی احباب، بھائیوں اور بزرگوں سے پُرزور اپیل ہے کہ
براہِ کرم 10:30 بجے سے پہلے سوات پریس کلب کے سامنے جمع ہوں
اور اپنی برادری کے حق میں آواز بلند کریں۔
آپ کی شرکت ہماری اجتماعی قوت ہے۔
شکریہ 🌹
منجانب
انتظامیہ

24/12/2025

تازہ ترین
مذاکراتی ٹیم کی آمد، دوبیر دھرنا شرکاء اور شورای ممبران کے درمیان بات چیت جاری
دوبیر میں جاری دھرنے کے معاملے پر مذاکراتی ٹیم جائے وقوعہ پر پہنچ گئی، جہاں دھرنا شرکاء اور شورای ممبران کے درمیان مذاکرات کا عمل شروع ہو گیا ہے۔

ذرائع کے مطابق مذاکرات کا مقصد دھرنا شرکاء کے مطالبات سننا اور باہمی مشاورت سے قابلِ قبول حل تلاش کرنا ہے۔ مذاکراتی ٹیم میں متعلقہ انتظامیہ شامل ہیں، جبکہ شورای ممبران دھرنا شرکاء کے مؤقف کی نمائندگی کر رہے ہیں۔
انتظامیہ کا کہنا ہے کہ مذاکرات کے ذریعے مسئلے کا پرامن حل نکالنے کی کوشش کی جا رہی ہے، جبکہ دھرنا شرکاء نے بھی امید ظاہر کی ہے کہ ان کے جائز مطالبات تسلیم کیے جائیں گے۔

#دوبیر

23/12/2025

اباسین کوہستانی زبان کے آن لائن رسالہ “ #ݜاری” کا نیا شمارہ شائع

کوہستانی زبان و ادب کے فروغ کی جانب ایک اہم پیش رفت کے طور پر اباسین کوہستانی زبان کا آن لائن ادبی رسالہ “ݜاری (Shaarii)” کا جلد دوم، تیسرا شمارہ شائع کر دیا گیا ہے۔ یہ شمارہ Volume 2, Issue 3 (اکتوبر 2025) کے طور پر منظرِ عام پر آیا ہے۔
“ݜاری” کو یہ اعزاز حاصل ہے کہ یہ Indus Kohistani (اباسین کوہستانی) زبان کا پہلا باقاعدہ ڈیجیٹل اشاعتی میگزین ہے، جو جدید آن لائن پلیٹ فارم کے ذریعے شائع ہو رہا ہے۔ اس شمارے میں کوہستانی زبان، ادب اور ثقافت سے متعلق متنوع اور معیاری مواد شامل کیا گیا ہے۔
نئے شمارے میں ادبی تخلیقات کے ساتھ ساتھ لسانی تحقیق، کوہستانی ثقافت پر مضامین اور زبان کی ترویج و تحفظ سے متعلق تحریریں بھی شامل ہیں، جو نہ صرف اہلِ زبان بلکہ محققین اور دلچسپی رکھنے والے قارئین کے لیے بھی اہم ہیں۔
یہ رسالہ بین الاقوامی تحقیقی پلیٹ فارم Zenodo پر دستیاب ہے، جہاں سے قارئین اسے آن لائن پڑھ یا مفت ڈاؤنلوڈ کر سکتے ہیں۔

🔗 رسالہ دیکھنے یا ڈاؤنلوڈ کرنے کے لیے لنک:
https://zenodo.org/records/17967609

ادبی حلقوں نے “ݜاری” کی اشاعت کو اباسین کوہستانی زبان کے تحفظ اور فروغ کے لیے ایک خوش آئند قدم قرار دیا ہے۔

#کوستَیں #کوہستانی






































































Lang: Indus Kohistani (ISO: mvy) | Region: Kohistan, KP | Script: Arabic/Perso-Arabic

22/12/2025

دوبیر دھرنا: پیر ذولفقار نقشبندیؒ کے خلیفہ مجاز مولانا عبدالرحمان درویش کا شرکاء سے خطاب

دوبیر میں جاری دھرنے کے موقع پر پیر ذولفقار نقشبندیؒ کے خلیفۂ مجاز، معروف عالمِ دین مولانا عبدالرحمان درویش صاحب نے شرکاء سے خطاب کیا۔
خطاب کے دوران انہوں نے صبر، استقامت، اتحاد اور پُرامن جدوجہد کی اہمیت پر زور دیا اور دھرنے میں شریک افراد کو نظم و ضبط اور اخلاقی اقدار کو ملحوظِ خاطر رکھنے کی تلقین کی۔
مولانا عبدالرحمان درویش صاحب نے کہا کہ حق کے لیے آواز بلند کرنا ایک عظیم عمل ہے، تاہم اس جدوجہد میں اخلاق، برداشت اور شریعت کی حدود کو پیشِ نظر رکھنا نہایت ضروری ہے۔ ان کے خطاب کو شرکاء نے توجہ اور عقیدت سے سنا اور آخر میں اجتماعی دعا بھی کروائی گئی۔
شرکاء نے مولانا عبدالرحمان درویش صاحب کی آمد اور رہنمائی کو باعثِ تقویت قرار دیا اور کہا کہ ایسے اکابرینِ دین کی سرپرستی سے ان کے حوصلے مزید بلند ہوئے ہیں۔

#دوبیر

21/12/2025

کوہستان علماء کونسل اسلام آباد نے دوبیر ڈیم دھرنے کی حمایت کردی۔۔۔۔

21/12/2025

کوہستان وائلڈ لائف ڈویژن کی بروقت کارروائی، نایاب برفانی چیتے کا اسٹیف برآمد

گلگت:
کوہستان وائلڈ لائف ڈویژن نے ایک بڑی کارروائی کے دوران انتہائی نایاب نسل کے برفانی چیتے (Snow Leopard) کے اسٹیف کو اسلام آباد سمگل کرنے کی کوشش ناکام بنا دی۔ کارروائی چکائی وائلڈ لائف چیک پوسٹ پر کی گئی جہاں ملزم کو رنگے ہاتھوں گرفتار کر لیا گیا۔
وائلڈ لائف حکام کے مطابق ملزم گلگت سے برفانی چیتے کا اسٹیف غیر قانونی طور پر اسلام آباد منتقل کر رہا تھا۔ چیک پوسٹ پر معمول کی تلاشی کے دوران مشکوک سامان کی جانچ کی گئی تو نایاب برفانی چیتے کا اسٹیف برآمد ہوا۔ ملزم کے خلاف وائلڈ لائف قوانین کے تحت فوری کارروائی عمل میں لاتے ہوئے بھاری جرمانہ عائد کیا گیا۔
حکام کا کہنا ہے کہ برفانی چیتا ایک محفوظ اور نایاب جنگلی جانور ہے جس کا شکار، رکھ رکھاؤ یا سمگلنگ سنگین جرم ہے۔ برآمد شدہ اسٹیف کو سرکاری تحویل میں لے لیا گیا ہے جبکہ مزید قانونی کارروائی بھی عمل میں لائی جا رہی ہے۔
وائلڈ لائف ڈویژن نے اس عزم کا اعادہ کیا ہے کہ نایاب اور محفوظ جنگلی حیات کے تحفظ کے لیے چیک پوسٹوں پر نگرانی مزید سخت کی جائے گی اور غیر قانونی سرگرمیوں میں ملوث عناصر کے خلاف بلا امتیاز کارروائی جاری رہے گی۔

21/12/2025

سخت سردی اور بارش کے باوجود دوبیر ڈیم کے متاثرین کا دھرنا جاری
دوبیر ڈیم کے متاثرین نے شدید سردی اور مسلسل بارش کے باوجود اپنا دھرنا بدستور جاری رکھا۔ مظاہرین نے حکومت سے اپنے مطالبات کی فوری منظوری کا مطالبہ کرتے ہوئے کہا کہ جب تک ان کے جائز حقوق تسلیم نہیں کیے جاتے، احتجاج ختم نہیں کیا جائے گا۔
دھرنے کے شرکاء کا کہنا تھا کہ خراب موسم کے باعث مشکلات میں اضافہ ہوا ہے، تاہم وہ اپنے مطالبات سے پیچھے ہٹنے کو تیار نہیں۔ مظاہرین کا کہنا ہے کہ وعدوں کے باوجود تاحال سڑک کی تعمیر میں سست روی قابل قبول نہیں۔
احتجاجی دھرنے میں بزرگوں، نوجوانوں اور بچوں کی بڑی تعداد شریک رہی۔
دوسری جانب انتظامیہ کا کہنا ہے کہ متاثرین کے مسائل کے حل کے لیے متعلقہ حکام سے رابطے میں ہیں اور جلد مثبت پیش رفت کی امید ہے۔

21/12/2025

خوشخبری

کوہستانی زبان بولنے، موبائل پر لکھنے اور پڑھنے والوں کے لیے خوشخبری۔
فکر فورم کوہستان و گلگت بلتستان کی مسلسل اور سنجیدہ کوششوں کے نتیجے میں انڈس کوہستانی زبان کا کی بورڈ گوگل کے آفیشل کی بورڈ (Gboard) پر باقاعدہ طور پر اپڈیٹ ہوچکا ہے۔
یہ صرف سہولت نہیں،
یہ زبان کی ڈیجیٹل شناخت اور بقا کا اعلان ہے۔
اب کوہستانی زبان اپنے اصل حروف کے ساتھ موبائل پر لکھی اور پڑھی جا سکتی ہے۔
تمام انڈس کوہستانی قوم کو مبارک ہو۔
منجانب:
ڈاکٹر حسین احمد فیضی
صدر فکر فورم کوہستان و گلگت بلتستان

لنک یہ ہے
https://gboard.app.goo.gl/qkMvZ