11/09/2025
کوٹلی(پی آئی ڈی)ڈسٹرکٹ مجسٹریٹ میجر ریٹائرڈ ناصر رفیق نے ضلع کوٹلی میں گلپور کے مقام پر نصب ”گڈ گیس“گیس پلانٹ سے خرید کیے گئے سلنڈر کی گیس کی قیمت کا تعین کیا جس کے تحت فی کلو گیس کی قیمت 199.89روپے جبکہ 11.8کلو گرام گیس والے سلنڈر کی قیمت 2527.47روپے ہو گی ڈسٹرکٹ مجسٹریٹ کے حکم پر سب ڈویژنل مجسٹریٹ عملدرآمد کروائیں گے۔ڈسٹرکٹ مجسٹریٹ کی جانب سے گذشتہ روز جاری حکم میں کہا گیا ہے کہ گلپور کے مقام پر’گڈ گیس“ کے نام سے پلانٹ نصب شدہ ہے جو اوگرہ کی(OGRA) کی جانب سے جاری کردہ انراخ کے مطابق،پروڈیوسر کاسٹ بشمول جنرل سیلز ٹیکس پر مارکیٹنگ مارجن اور ٹرانسپورٹیشن کے اخراجات جمع کر کے،پرچون کے کاروبارسے وابستہ لوگوں کو فروخت کرنے کا پابند ہے تاکہ عوام الناس کو ایل پی جی 11.8kgکے سلنڈر کی اوگرہ (OGRA) کی ریٹ لسٹ کے مطابق فراہمی کو یقینی بنایا جا سکے تاہم مشاہدہ میں آیا ہے کہ اس پر عمل درآمد نہیں ہو رہا لہذا Executive Director (OGRA) کی رہنمائی کے مطابق گلپور پلانٹ کے لیے حسب ذیل انراخ جاری کیے جاتے ہیں۔
(1)قیمت گیس بشمول MT/GST 172,892.42/-روپے
(2)مارکیٹنگ مارجن/ٹرانسپورٹیشن بشمولGST 17000+10000/-روپے
میزان کل MT/ 199,892.42روپے
(3)ریٹ گیس فی کلو گرام 199.89/-روپے
(4)فروختگی گیس پلانٹ ریٹ فی سلنڈر 11.8کلو گرام 2358.73/-روپے
(5)فروختگی گیس /Retailersپرچون فی سلنڈر برائے عوام الناس 2527.47/-Consumers/روپے
حکم ہذا فوری طور پر نافذ العمل ہو گا اور اسسٹنٹ کمشنر چڑہوئی پرچون دوکانداروں کو ان کے ریٹ (بمطابق آئٹم نمبر (4) پر فروخت کو یقینی بنانے کے ذمہ دار ہونگے نیز (OGRA) کی جانب سے نئے نوٹیفکیشن برائے انرخ کے اجراء پر قیمتوں کا تعین دوبارہ کیا جائے گا تاہم اس امر کو یقینی بنایا جائے کہ عوام الناس (Consumers) کو (OGRA) کی جانب سے جاری نرخ برائے Consumersسے زیادہ قیمت پر گیس سلنڈر فروخت نہ ہو حکم میں مزید کہا گیا ہے کہ اسسٹنٹ کمشنر چڑہوئی گلپور پلانٹ سے سلنڈر خرید کرنے والے پرچون دوکانداروں کی فہرست حاصل کرتے ہوئے دفتر ہزا کو فراہم کریں گے جس سے متعلقہ سب ڈویژنلمجسٹریٹ صاحبان کو برائے عملدرآمد ارسال کیا جائے گا متعلقہ پرچون دوکانداروں کی جانب سے عمل درآمد نہ ہونے کی صورت میں کارروائی ضابطہ عمل میں لائی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔
