13/01/2025
کہتی ہیں ,میری ایک دوست پچاس سال کی عمر پار کر چکی تھیں، اور صرف آٹھ دن کے اندر ہی ایک بیماری میں مبتلا ہوئیں اور اچانک وفات پا گئیں۔ دو مہینے بعد، میں نے ان کے شوہر کو فون کیا، کیونکہ میرے ذہن میں آیا کہ وہ شاید بہت پریشان ہوں گے، کیونکہ ان کی اہلیہ وفات تک ہر چیز کی دیکھ بھال کرتی تھیں۔
گھر، بچوں کی پرورش، اپنے ساس سسر کی بیماری اور ان کی دیکھ بھال، رشتہ داروں کا خیال، سب کچھ!
وہ اکثر کہتی تھیں:
'میرا گھر میرے وقت کا محتاج ہے... میرا شوہر تو چائے اور کافی تک نہیں بنا سکتا... میرا خاندان مجھ پر ہر چیز میں انحصار کرتا ہے۔ لیکن کوئی میری محنت اور قربانیوں کو نہیں سمجھتا یا سراہتا۔ ایسا لگتا ہے کہ سب مجھے ایک لازمی حقیقت کے طور پر لیتے ہیں۔'
میں نے ان کے شوہر سے بات کرنے کی کوشش کی تاکہ معلوم ہو سکے کہ ان کے گھر کو کسی مدد کی ضرورت ہے یا نہیں۔
میرے دل میں تھا کہ وہ شاید اپنی زندگی میں اچانک آئی ان تمام ذمہ داریوں کے بوجھ سے نڈھال ہوں گے۔
جب فون کیا تو دیر تک گھنٹی بجتی رہی، لیکن کوئی جواب نہ آیا۔ ایک گھنٹے بعد انہوں نے کال واپس کی اور معذرت کی۔
کہنے لگے:
'میں معذرت خواہ ہوں، میں جواب نہیں دے سکا کیونکہ میں کلب میں اپنے دوستوں کے ساتھ ٹینس کھیل رہا تھا۔'
انہوں نے بتایا کہ انہوں نے اپنی نوکری شہر کے اندر منتقل کروا لی ہے تاکہ اب انہیں سفر نہ کرنا پڑے۔
جب میں نے پوچھا، 'کیا سب ٹھیک ہے؟'
تو کہنے لگے کہ انہوں نے ایک باورچی رکھ لیا ہے جو کھانے کے ساتھ ساتھ گھر کے سامان کی خریداری بھی دیکھتی ہے۔
اپنے والدین کی دیکھ بھال کے لیے بھی فل ٹائم افراد رکھ لیے ہیں۔ بچے بھی ٹھیک ہیں۔
ان کی زندگی نارمل ہو چکی تھی۔
میں نے چند جملے ہی کہے ہوں گے کہ انہوں نے کال ختم کر دی۔
میری آنکھوں میں آنسو بھر آئے۔
میری دوست کا خیال دل میں آیا، وہ ہماری اسکول کی ری یونین میں صرف اس لیے شریک نہیں ہو سکی تھیں کیونکہ ان کی ساس کو ہلکی سی طبیعت خراب ہو گئی تھی۔
وہ اپنی بھانجیوں کی شادیوں میں شریک نہ ہو سکیں کیونکہ انہیں اپنے گھر کی مرمت کے کام کی نگرانی کرنی تھی۔
وہ بے شمار تقریبات اور تفریحات چھوڑ چکی تھیں کیونکہ ان کے بچوں کے امتحانات تھے یا انہیں اپنے شوہر کی ضروریات کا خیال رکھنا تھا۔
وہ ہمیشہ یہ چاہتی تھیں کہ کوئی ان کی محنت کو سراہائے، لیکن وہ کبھی نہیں ملی۔
آج میں انہیں کہنا چاہتی ہوں:
کوئی بھی ناگزیر نہیں ہوتا۔
مسئلہ یہ ہے کہ ہم دوسروں کو ہمیشہ خود سے مقدم رکھتے ہیں اور انہیں یہ سکھا دیتے ہیں کہ ہم دوسرے نمبر پر ہیں۔
ان کے انتقال کے بعد، مزید دو ملازم رکھ لیے گئے۔
انہیں یہ مدد اپنی زندگی میں بھی مل سکتی تھی، لیکن انہوں نے خود پر سب کچھ لے لیا۔
گھر اب بھی ٹھیک چل رہا ہے، لیکن میری دوست اب اس میں موجود نہیں۔
زندگی کا لطف اٹھائیں۔
اس ذہنیت کو ختم کریں کہ 'میرے بغیر یہ گھر نہیں چل سکتا۔'
سب کو آپ کی ضرورت ہے، لیکن سب سے پہلے آپ کو اپنی ضرورت ہے
