The news international TV, Head office. 32 Davis Road Lahore, Lahore (2026)

Q: What is the address?

Head Office. 32 Davis Road Lahore

11/09/2026

تحریک انصاف کے رہنما اور رکن اسمبلی وقاص محمود مان نے وزیراعلیٰ پنجاب مریم نواز کے دورہ لندن پر آنے والے خرچ سے متعلق تحریک التواء پنجاب اسمبلی میں جمع کروا دی ۔

تحریک التواء کے مطابق سرکاری طیارے کے فیول اور دیگر اخراجات کی مد میں مبینہ طور پر ایک کروڑ 25 لاکھ خرچ، عوام مہنگائی سے پریشان ہے اور سرکاری خزانے سے نجی دورے کا مبینہ خرچ کیوں کیا گیا؟

تحریک التواء میں پوچھا گیا کہ مریم نواز کے لندن دورے کے اخراجات کس قانون کے تحت سرکاری خزانے سے ادا ہوئے، سرکاری طیارہ کس اختیار کے تحت نجی خاندانی مصروفیت کے لیے استعمال ہوا اور ایک کروڑ 25 لاکھ کا مبینہ خرچ کی منظوری کس نے دی؟ سرکاری طیارے کے مبینہ استعمال پر پنجاب حکومت سے قانونی وضاحت دیں۔

11/09/2026

تحریک انصاف کے رہنماؤں کی بیرسٹر گوہر کی قیادت میں جے یو آئی کے سربراہ مولانا فضل الرحمان سے ملاقات ہوئی، آل پارٹیز کانفرنس اور پی ٹی آئی کے احتجاج میں شرکت کی دعوت دی گئی۔

تحریک انصاف کے وفد کی سربراہ جے یو آئی مولانا فضل الرحمان کی رہائش گاہ آمد ہوئی، چیئرمین بیرسٹرگوہر کی قیادت میں وفد نےمولانا فضل الرحمن سے ملاقات کی۔

پی ٹی آئی کے وفد میں سلمان اکرم راجا،اسد قیصر،فردوس شمیم نقوی شامل تھے، جے یو آئی کے مولانا عبدالغفور حیدری اورمولانا اسعد محمود بھی ملاقات میں موجود تھے۔

اعلامیےکے مطابق تحریک تحفظ آئین پاکستان کی جانب سے مجوزہ آل پارٹیز کانفرنس پر تبادلہ خیال کیا گیا، ملاقات میں27 ستمبرکی کال، رول آف لاء، آئین کی بالادستی سے متعلق تبادلہ خیال کیا گیا۔

اعلامیے کے مطابق ملک میں آئینی و جمہوری نظام کے استحکام سے متعلق تفصیلی تبادلہ خیال کیا گیا، سیاسی جماعتوں کے درمیان باہمی مشاورت اور مشترکہ جدوجہدکی ضرورت پر بھی گفتگو کی گئی

11/09/2026

وزیراعظم شہباز شریف نے ملک کے مختلف علاقوں میں بجلی کی لوڈ شیڈنگ کا نوٹس لے لیا۔

وزیراعظم کی زیرصدارت ملک میں بجلی کی لوڈ مینجمنٹ پر اہم جائزہ اجلاس ہوا، وزیراعظم نے ملک کے مختلف شہروں میں بجلی کی بڑھتی ہوئی لوڈ شیڈنگ پر برہمی کا اظہار کیا۔

وزیراعظم آفس کے مطابق اجلاس میں وزیراعظم نے کسی بھی علاقے میں دو گھنٹے سے زیادہ لوڈ شیڈنگ نہ کرنے کی ہدایت کردی۔

خطےکی حالیہ صورتحال میں آرایل این جی کی فراہمی سے متعلق اجلاس کو بریفنگ دی گئی۔

بریفنگ میں بتایا گیا کہ آبنائے ہرمز میں کشیدگی اور ترسیلی مشکلات سے آر ایل این جی کی فراہمی متاثر ہوئی، آرایل این جی کی فراہمی متاثرہونےسےبجلی کی پیداوار میں کمی ہوئی، طلب ورسد میں توازن برقرار رکھنےکےلیے مجبورا لوڈ مینجمنٹ کرنی پڑرہی ہے۔

وزیراعظم نے ہدایت کی کہ آر ایل این جی کی ترسیل میں تعطل سے نمٹنےکے لیے فوری اقدامات کیے جائیں اور تمام موجود وسائل کا مؤثر استعمال کیا جائے اور کسی علاقے میں دو گھنٹے سے زیادہ بجلی کی لوڈ شیڈنگ نہ ہو۔

اعلامیہ کے مطابق وزیراعظم نے عوامی شکایات کے ازالے کے لیے ڈسکوز کی سطح پر کنزیومر گریوینس ریڈریسل کمیٹیاں قائم کرنے کے احکامات دیے۔

وزیراعظم نے ہدایت کی کہ ریڈریسل کمیٹی میں عوامی نمائندگی بھی ہونی چاہیے، ایک ہفتے کے اندر گریونس کمیٹیوں کو فعال کیا جائے

10/09/2026

سیالکوٹ سے پاکستان تحریک انصاف کے (MNA) ممبر قومی اسمبلی بریگیڈئیر ریٹائرڈ چوہدری اسلم گھمن کی موجودہ ملکی سیاسی صورتحال کے پیش نظر نجی نیوزچینل سے گفتگو کرتے ہوئے کہا کہ بانی تحریک انصاف عمران خان سے اہم شخصیات کی بات چیت چل رہی ہے ،مجھے لگتا ہے کہ ان کی 2026 میں رہائی ہو جائے گی ،انہوں نے کہا کہ اس وقت موجودہ حکومت بری طرح ناکام ہو چکی ہے ،ملکی معیشت کو سنبھالنا ان کےبس میں نہیں رہا۔ان حالات میں عمران خان ہی ملکی معیشت کو بہتر کر سکتے ہیں۔

10/09/2026

پنجاب میں سکول ٹیچر انٹرنزکی بھرتی کی سمری منظور کرلی گئی۔وزیر تعلیم رانا سکندر حیات نے اعلان کیا ہے کہ ایس ٹی آئز رواں ہفتے سکولوں میں رپورٹ کریں گے۔ٹیچر انٹرنز کی بھرتی کا مقصد سرکاری سکولوں میں اساتذہ کی کمی پوری کرنا ہے۔

وزیر تعلیم پنجاب رانا سکندر حیات کے مطابق اسکول ٹیچر انٹرنز کو عارضی بنیادوں پر تدریسی خدمات کے لیے رکھا جارہا ہے۔ایس ٹی آئز پرائمری، ایلیمنٹری اور سیکنڈری سطح پر تدریس کی ذمہ داریاں انجام دیں گے۔

وزیر تعلیم کا کہنا ہے کہ ٹیچر انٹرنز پروگرام کا مقصد اساتذہ کی کمی پوری کرنے کے ساتھ نوجوانوں کو تدریسی تجربہ فراہم کرنا بھی ہے۔

10/09/2026

پاکستان بزنس فورم نے موجودہ پٹرولیم مصنوعات کی قیمتیں برداشت سے باہر قرار دے دیں اور وزیراعظم سے پٹرولیم لیوی میں 60روپے فی لیٹر کمی کا مطالبہ کردیا ۔بزنس فورم نے کہا کہ ہرچیزعوام اور بزنس کمیونٹی پر نہیں ڈالی جا سکتی ، حکومتی معاشی ٹیم صرف ریونیو کی سوچ سے باہر نکلے ۔

چیف آرگنائزر پاکستان بزنس فورم احمد جواد نے اپنے بیان میں کہا گذشتہ آٹھ ماہ میں ڈیزل کی قیمت 135 روپے اور پیٹرول کی قیمت 114روپے فی لیٹر بڑھ چکی ، مہنگائی ہر ماہ بڑھ رہی ہے اور معیشت سست روی کا شکار ہے ۔ پہلے ہی مہنگی بجلی اور لوڈشیڈنگ کا سامنا ہے ۔ ٹیکس ریونیو ہر سال بڑھ رہا ہےلیکن معیشت نہیں چل رہی کہیں توخرابی ہے ۔ حکومت صرف ریونیو کے بجائے ریلیف کیلئے بھی سوچے ۔

چیف آرگنائزر پاکستان بزنس فورم نے کہا گزشتہ مالی سال میں حکومت نےصرف پٹرولیم لیوی مد میں 1568ارب روپے جمع کیے جبکہ معمولی نوعیت کےحکومتی اخراجات کم کرکے حکومت باآسانی لیوی کم کر سکتی ہے۔ یہ مطالبہ بھی کیا گیا کہ حکومت نومبرسےپہلےگندم کی سپورٹ پرائس کا اعلان کرے ۔

10/09/2026

جناح ہسپتال لاہور کی پارکنگ میں مبینہ مالی بے ضابطگیوں کا انکشاف ہواہے، فیکٹ فائنڈنگ رپورٹ میں سنگین انتظامی اور مالی خامیوں کی نشاندہی کردی گئی، سابقہ کنٹریکٹ کے مقابلے میں ان ہاؤس پارکنگ سے آمدن میں نمایاں کمی سامنے آئی ہے، رپورٹ میں خصوصی مالی آڈٹ اور دوبارہ آؤٹ سورسنگ کی سفارش بھی کردی گئی۔

فیکٹ فائنڈنگ رپورٹ کے مطابق جناح اسپتال کی پارکنگ کا سابقہ کنٹریکٹ ماہانہ 25 لاکھ 45 ہزار 879 روپے میں دیا گیا تھا۔ سابقہ کنٹریکٹ سے ہسپتال کو روزانہ تقریباً 85 ہزار روپے حاصل ہوتے تھے۔ تاہم یکم جولائی سے ان ہاؤس نظام میں روزانہ وصولیاں 35 سے 45 ہزار روپے تک محدود رہیں۔ رپورٹ میں پارکنگ کی کم آمدن کے باوجود مکمل مالی آڈٹ کے شواہد نہ ملنے کی بھی نشاندہی کی گئی۔روزانہ کیش کلیکشن، رقم جمع کرانے اور بینک میں جمع شدہ رقم کا مکمل قابلِ احتساب ریکارڈ بھی موجود نہیں تھا۔مقررہ سولہ ملازمین کے علاوہ غیر مجاز افراد کے پارکنگ میں کام کرنے کے شواہد بھی سامنے آئے۔کمیٹی نے خصوصی مالی آڈٹ، غیر مجاز افراد کے کردار کی تحقیقات اور متعلقہ افسران کی نگرانی کا جائزہ لینے کی سفارش کردی

10/09/2026

چیف الیکشن کمشنر اور نئے ارکان کی تقرری کے معاملے پر وزیراعظم شہباز شریف نے اپوزیشن لیڈر محمود اچکزئی کے خط کا جواب دیدیا۔

ذرائع کے مطابق اپوزیشن لیڈر محمود اچکزئی کو وزیراعظم کی جانب سے جوابی خط موصول ہوگیا، وزیراعظم نے ای سی پی میں نئی تقرریوں کےلیے آئینی طریقہ کار پرعملدرآمد کی یقین دہانی کرادی ہے۔

اپوزیشن لیڈر محمود اچکزئی کی جانب سے گذشتہ ماہ وزیراعظم کو خط لکھا گیا تھا، سابق اپوزیشن لیڈر عمر ایوب نے بھی چیف الیکشن کمشنر کی تقرری کیلئے خط لکھا تھا۔

محمود اچکزئی سے رانا ثنا اللہ اور ڈاکٹر طارق فضل چوہدری نے بھی ملاقات کی تھی، حکومتی وفد نے وزیراعظم کی جانب سے خط کا جواب بھجوانے کی یقین دہانی کرائی تھی، اپوزیشن لیڈر محموداچکزئی اس وقت کوئٹہ میں ہیں، دو تین روز میں اسلام آباد پہنچیں گے۔

10/09/2026

سابقہ رنجش پر چچا کے گھر کے باہر فائرنگ — دو مرکزی ملزمان گرفتار

سیالکوٹ: تھانہ سمبڑیال پولیس نے محلہ فضل پورہ میں سابقہ رنجش پر شہری کے گھر کے باہر فائرنگ کرنے والے دو مرکزی ملزمان سعد بٹ اور عمیر بٹ کو گرفتار کرلیا۔

ملزمان کے قبضہ سے فائرنگ میں استعمال ہونے والے 2 پسٹل برآمد کر لیے گئے، جبکہ دیگر نامزد ملزمان نے عدالت سے ضمانت حاصل کر رکھی ہے۔

ڈی پی او سیالکوٹ کیپٹن (ر) دوست محمد نے تفتیش میں میرٹ اور انصاف کے تمام تقاضے پورے کرنے کی ہدایت کی ہے۔

قانون کو ہاتھ میں لینے اور امنِ عامہ میں خلل ڈالنے کی کسی کو اجازت نہیں دی جائے گی۔

10/09/2026

پیپلزپارٹی اور مسلم لیگ (ن) کے درمیان اعتماد کا بحران تا حال ختم نہ ہوسکا۔ پیپلزپارٹی اور مسلم لیگ (ن) کے درمیان تعلقات معمول پر آنے تک قومی اسمبلی کا اجلاس نہ بلانے کی تجویز ہے۔

پیپلزپارٹی حکومت سے اپنے تحفظات دور نہ ہونے پر بدستور نالاں ہے۔ پارلیمانی ذرائع کے مطابق پیپلزپارٹی حکومت کے ساتھ ایوان میں مکمل تعاون نہ کرنے کے فیصلے پر قائم ہے تاہم دونوں جماعتوں میں اعتماد سازی بحال کرنےکی کوششیں جاری ہے۔

ذرائع کے مطابق مسلم لیگ (ن) کوپی پی قیادت کے ساتھ رابطے بڑھانے اور معاملات حل کرنے کا مشورہ دیا گیا ہے، اسپیکر قومی ایاز صادق اورنائب وزیراعظم اسحاق ڈار اتحادیوں میں معاملات سدھارنے کیلئے کوشاں ہیں۔

پارلیمانی ذرائع کے مطابق قومی اسمبلی کا 21 ستمبر کو متوقع اجلاس بھی اب آگے جانے کا امکان پیدا ہوگیا، پیپلزپارٹی اور مسلم لیگ (ن) کے درمیان تعلقات معمول پر آنے تک قومی اسمبلی کا اجلاس نہ بلانے کی تجویز ہے۔ حکومت کی جانب سےقومی اسمبلی اجلاس کی مجوزہ تاریخ میں تبدیلی پرغورجاری ہے۔

پی پی سے اعتماد بحال کیے بغیر قومی اسمبلی اجلاس بلانے سے متعلق ن لیگ میں تشویش ہے، حکمران جماعت کو پیپلز پارٹی کے بغیر کورم پورا کرنا مشکل ہو گیا۔ حکومت نے پی پی قیادت سے معاملات طے کرنے کےلیے اعلیٰ سطح پررابطوں اور ملاقاتوں کا فیصلہ کیا ہے

The news international TV

11/09/2026

11/09/2026

11/09/2026

10/09/2026

10/09/2026

10/09/2026

10/09/2026

10/09/2026

10/09/2026

10/09/2026

Address

Telephone

Website

Alerts

Contact The Business

Shortcuts

Share

Category

Listing takedown request