08/10/2024
آج سے کئی سال قبل ورلڈ سوشل فورم کے موقع پر کینیا کے شہر نیروبی میں مظلوم فلسطینیوں نے صیہونی قبضہ گیری,جارحیت,وحشت,ظلم و تشدد اور بربریت کے خلاف ایک ریلی نکالی تھی۔جس میں خاکسار بھی اپنے ساتھیوں محمد کامران اور بلوچ اسٹوڈنٹس فیڈریشن کے سابق صدر واحد بلوچ کے ساتھ شریک ہوا تھا اور فلسطینیوں سے یکجہتی کا اظہار کیا تھا۔۔۔
آج کئی سال گزرنے کے باوجود صہیونیت کے مظالم ,وحشت اور بربریت میں کمی آنے کی بجاۓ مزید اضافہ ہوا ہے۔مظلوم فلسطینی اپنی سرزمین پر بے زمین بناۓ جا رہے ہیں اور ان پر وحشتوں کا ایک نہ ختم ہونے والا سلسلہ جاری ہے۔۔۔۔فلسطین اور اسرائیل کے درمیان جنم لینے والےحالیہ حادثات اور واقعات کی تفصیل میں جاۓ بغیر کیا اتنا پوچھنا کافی نہیں کہ,,فلسطین کے مسلہ پر عالمی ضمیر کیوں مردہ ہو چکا ہے۔کیا دنیا میں مظلوموں اور کمزوروں کےزندہ رہنے کے حق کو خاموشی کے ساتھ تسلیم کرنے سے انکار کر دیا گیا ہے۔
