05/02/2026
میانوالی( )ڈپٹی کمشنر میانوالی، اسد عباس مگسی کی زیر صدارت ڈسٹرکٹ پرائس کنٹرول کمیٹی کا اجلاس ڈی سی آفس کمیٹی روم میں منعقدہ ہوا۔ اجلاس میں ڈپٹی کمشنر نے اشیاء خوردونوش کی قیمتوں کا ازسر نوتعین کر کے باضابطہ نوٹیفکیشن جاری کر دیا ہے۔نو ٹیفکیشن کے مطابق چاول سپر با سمتی نیا290روپے فی کلو، چاول سپر با سمتی پرانا300 روپے فی کلو، دال چنا(موٹی)220 روپے فی کلو، دال چنا (باریک)205روپے فی کلو،دال مسور موٹی205 روپے فی کلو، دال ماش دھلی ہو ئی390 روپے فی کلو، دال مونگ (دھلی ہوئی) 360روپے، کالے چنے (موٹے)210 روپے فی کلو گرام، سفید چنے (موٹے)260روپے فی کلو گرام، سفید چنے (باریک)210روپے فی کلو گرام، بیسن230روپے فی کلو، سفید چینی بمطابق گورنمنٹ پا لیسی۔ جبکہ دودھ کھلا فی لیٹر160روپے،دہی170روپے فی کلو، گوشت بڑا 900روپے فی کلو، گوشت چھوٹا1700روپے فی کلو،روٹی 100گرام فی عدد14روپے، نان سادہ 120 گرام 20 روپے، آٹا دس کلو905 روپے جبکہ بیس کلو آٹے کا تھیلہ1810 روپے کے نر خ مقرر کئے گئے ہیں۔ اس موقع پر ڈپٹی کمشنر اسد عباس مگسی کا کہنا تھا کہ سبزی، پھل،برائلر گوشت، انڈے مارکیٹ کمیٹی کے روز مر ہ بنیاد پر جاری کر دہ ریٹ کے مطابق فروخت کئے جائیں گے۔ انھوں پرائس کنٹرو ل مجسٹریٹس پیرا افسران کو ہدایت کی کہ رمضان المبارک سے قبل اور رمضان شریف کے دوران تمام دوکانوں مارکیٹوں کی انسپکشن کریں اور حکومتی نرخنامہ پر سختی سے عملدرآمد یقینی بنائیں۔ اجلاس میں اسسٹنٹ کمشنرایچ آر محمد عظیم جسرا، ڈپٹی ڈائریکٹر زراعت توسیع ملک غلام حر، ڈسٹرکٹ آفیسر انڈسٹری رضوان اکرم ڈار، اسسٹنٹ ڈائریکٹر ایگریکلچر اکنامک مارکیٹنگ اولیا وکیل کے علاؤہ دیگر متعلقہ افسران اور انجمن تاجران، فلور ملز ایسوسی ایشان کے نمائندگان نے شرکت کی۔ Maryam Nawaz SharifChief Secretary PunjabCommissioner Sargodha DivisionGovt of Punjab
