NUM TV

28/03/2026

16/03/2026

10/03/2026

لیلۃ القدر کی تلاش،حرمین شریفین میں 15ہزار سےزائد افراد اعتکاف میں بیٹھ گئے
رمضان المبارک کے آخری عشرے کے آغاز کے ساتھ ہی حرمین شریفین میں ہزاروں افراد سنت اعتکاف کے لیے بیٹھ گئے ہیں۔
سعودی عرب میں رمضان کے 20 ویں روزے کے ساتھ اعتکاف کا باقاعدہ آغاز ہوا جس کے لیے 15 ہزار سے زائد افراد نے پہلے سے رجسٹریشن کروا رکھی تھی۔
حکام کے مطابق مسجد الحرام اور مسجد نبوی ﷺ میں معتکفین کے لیے خصوصی انتظامات کیے گئے ہیں جہاں عبادت گزار لیلۃ القدر کی تلاش میں نماز، دعا اور ذکر و اذکار میں مصروف ہیں۔
ادھر مشرق وسطیٰ میں کشیدہ صورتحال اور بعض بین الاقوامی پروازوں کی منسوخی کے باعث مسجد الحرام اور مسجد نبوی ﷺ میں زائرین کا غیر معمولی رش بھی دیکھنے میں آ رہا ہے۔
رمضان کے آخری عشرے میں دنیا بھر سے آنے والے مسلمان ان مقدس مقامات پر اعتکاف اور عبادات کے ذریعے اللہ کی رضا حاصل کرنے کی کوشش کرتے ہیں۔

10/03/2026

برطانوی اخبار فنانشل ٹائمز کی رپورٹ کے مطابق امریکی صدر ڈونلڈ ٹرمپ کا ایران میں فوجی حکمت عملی کے لیے استعمال کیا جانے والا وینزویلا ماڈل ناکام ہو گیا ہے۔

اخبار کے مطابق وینزویلا میں نائب صدر ڈیلسی روڈریگِز کو نیا رہنما بنانے کا ماڈل ٹرمپ کے نزدیک مؤثر تھا، اسی حکمت عملی کے تحت انہوں نے ایران میں بھی قیادت میں مداخلت کی کوشش کی۔

تاہم ایران کے نئے سپریم لیڈر مجتبیٰ خامنہ ای کے انتخاب نے ٹرمپ کی خواہش کو ناکام بنا دیا ہے، اور ایران کے مذہبی و عسکری ادارے اب بھی اقتدار پر مضبوط گرفت رکھتے ہیں۔

برطانوی اخبار نے یہ بھی بتایا کہ سابق شاہ کے بیٹے رضا پہلوی کی قیادت کے قیام کی امریکی خواہش کو وائٹ ہاؤس نے نظر انداز کر دیا، اور ایران میں کسی عملی شخص کے ذریعے امریکی پسندیدہ قیادت قائم کرنے کا کوئی واضح راستہ موجود نہیں ہے۔

رپورٹ میں کہا گیا کہ ایران جنگ کے فوری اقتصادی اثرات مرتب ہوئے ہیں، جس کے نتیجے میں عالمی تیل اور گیس کی قیمتیں بڑھ گئی ہیں اور یہ وائٹ ہاؤس پر داخلی سیاسی دباؤ میں اضافہ کر رہی ہیں۔

اخبار کے مطابق اس*رائی*ل نوجوان خامنہ ای کو ہٹانے کی کوشش کر سکتا ہے، تاہم موجودہ صورتحال میں ایران میں امریکی پسندیدہ قیادت کے قیام کے امکانات نہ ہونے کے برابر ہیں۔

10/03/2026

امریکی صدر ڈونلڈ ٹرمپ نے ایران کے حوالے سے ایک سخت بیان جاری کرتے ہوئے کہا ہے کہ اگر ایران آبنائے ہرمز بند رکھتا ہے تو امریکہ اس کا جواب پہلے سے 20 گنا زیادہ شدید انداز میں دے گا۔

ٹرمپ نے کہا کہ ایسی صورت میں امریکہ ایسے اہداف کو نشانہ بنائے گا کہ ایران دوبارہ اپنے پاؤں پر کھڑا نہیں ہو سکے گا، اور ملک پر موت، آگ اور غضب کا راج ہوگا۔ تاہم، انہوں نے دعا ظاہر کی کہ یہ صورتحال پیدا نہ ہو۔

صدر ٹرمپ نے یہ بھی کہا کہ یہ اقدام چین اور دیگر ممالک کے لیے ایک تحفہ ہے جو ہرمز کے راستے تیل استعمال کرتے ہیں، اور امید ظاہر کی کہ اس اقدام کو قدر کی نگاہ سے دیکھا جائے گا۔

مزید برآں، امریکی صدر نے ایران کے خلاف انتہائی سخت اور جارحانہ مؤقف اپناتے ہوئے کہا کہ ایران میں جو بھی نئی قیادت سامنے آئی اسے ہٹایا گیا اور آئندہ آنے والی قیادت کو بھی نشانہ بنایا جائے گا۔ انہوں نے دعویٰ کیا کہ امریکہ اور اسرائیل مل کر ایران کی عسکری صلاحیت کو شدید نقصان پہنچا چکے ہیں۔

10/03/2026

نیویارک ٹائمز نے نئی رپورٹ میں دعویٰ کیا ہے کہ ایران کے میناب شہر میں ایک ایلیمنٹری اسکول پر ح*ملہ امریکی فوج کے می*زائل سے ہوا، جس میں کم از کم 160 لڑکیاں شہید ہو گئیں۔

رپورٹ میں بتایا گیا ہے کہ اسکول کے قریب ٹوماہاک می*زائل گرنے کی نئی ویڈیو سامنے آئی ہے، جس میں بڑے پیمانے پر تباہی دیکھی گئی۔ علاوہ ازیں سیٹلائٹ تصاویر، سوشل میڈیا پوسٹس اور دیگر ویڈیوز بھی اس بات کی تصدیق کرتی ہیں کہ اسکول کو نقصان اسی وقت پہنچا جب پاسداران انقلاب کے بحری اڈے کو نشانہ بنایا جا رہا تھا۔

نیو یارک ٹائمز نے اس رپورٹ کے ذریعے امریکی صدر ڈونلڈ ٹرمپ کے دعوے کو غلط ثابت کیا، جنہوں نے اسکول پر ح*ملے کے ذمہ دار ایران کو قرار دیا تھا۔

یہ شواہد ایران میں امریکی فوج کی ممکنہ کارروائی کی نشاندہی کرتے ہیں اور عالمی سطح پر شدید ردعمل پیدا کر سکتے ہیں۔

10/03/2026

ذرائع ابلاغ کے مطابق پاکستان میں پٹرول اور ڈیزل کی قیمتوں میں مزید اضافہ کرنے کے لیے وزارتِ پٹرولیم نے سمری تیار کرلی ہے۔ تیار کی گئی سمری کے مطابق پٹرول کی قیمت میں 73 روپے فی لیٹر اور ڈیزل کی قیمت میں 84 روپے فی لیٹر اضافہ تجویز کیا گیا ہے۔

ذرائع نے بتایا کہ سمری اب منظوری کے لیے متعلقہ حکام کے پاس بھیجی جائے گی، اور منظوری کے بعد نئی قیمتیں فوری طور پر نافذ العمل ہو جائیں گی۔

یہ اضافہ عالمی منڈی میں تیل کی قیمتوں، روپے کی قدر میں کمی اور ٹیکس اور سبسڈی کے معاملات کو مدنظر رکھتے ہوئے تجویز کیا گیا ہے۔ حکام کا کہنا ہے کہ عوام پر ممکنہ اثرات کو کم کرنے کے لیے اقدامات بھی زیر غور ہیں۔

ماہرین کا کہنا ہے کہ اگر یہ اضافہ نافذ ہو جاتا ہے تو عوام کے روزمرہ اخراجات پر شدید اثر پڑ سکتا ہے، خصوصاً ٹرانسپورٹ اور خوراک کی قیمتوں میں اضافے کے امکانات ہیں۔

واضح رہے کہ پاکستان میں حالیہ مہینوں میں پیٹرولیم مصنوعات کی قیمتوں میں متعدد بار اضافہ ہوا ہے، جس کے باعث عوامی سطح پر مہنگائی کے اثرات نمایاں ہو گئے ہیں۔

09/03/2026

کتنے پرسنٹ پاکستانی عمران خان کو پاکستان کا وزیراعظم تسلیم کرتے ہیں ؟