07/06/2026
مٹہ شکردرہ میں اندھا دھند فائرنگ، افضل خان گجر زخمی، بیٹا اور بھتیجا جاں بحق
برسوات :: مٹہ کے علاقے شیدلہ شکردرہ میں نامعلوم مسلح افراد کی فائرنگ کے نتیجے میں گجر قوم کے سیاسی رہنما اور سہر خیل گجر قومی اتحاد کے صوبائی صدر افضل خان گجر زخمی ہوگئے، جبکہ ان کے بیٹے بہرام خان اور بھتیجے نثار موقع پر جاں بحق ہوگئے۔ ذرائع کے مطابق افضل خان گجر مینگورہ اپنے ٹرانسپورٹ افس سے اپنے آبائی گھر شیدلہ شکردرہ جا رہے تھے کہ گھر کے قریب پہلے سے گھات لگائے نامعلوم حملہ آوروں نے ان کی گاڑی پر اندھا دھند فائرنگ کر دی۔ واقعے میں ایک راہ گیر خاتون سمیت دو افراد زخمی ہوئے ہیں، جبکہ افضل خان گجر بھی زخمی ہوئے تاہم ان کی حالت خطرے سے باہر بتائی جا رہی ہے۔ تمام زخمیوں اور جاں بحق افراد کو مٹہ ہسپتال منتقل کر دیا گیا ہے، جہاں زخمیوں کا علاج اور وفات شدہ افردا کی پوسٹ مارٹم جاری ہے۔ واقعے کے بعد ہسپتال میں مقامی عوام کی بڑی تعداد جمع ہوگئی، جبکہ پولیس کے اعلیٰ حکام بھی موقع پر موجود ہیں اور واقعے کی تحقیقات کا آغاز کر دیا گیا ہے۔۔ #
