01/03/2024
دوست نے خبر سنائی کہ میو ہسپتال میں بھی چلڈرن ہسپتال کا پراجیکٹ منظور ہوگیا ہے
پہلے دل خوش ہوا پھر افسردہ
رحیم یار خان کے ہفتہ وار سفر نے مجھے یہ سکھا دیا کہ 1500 کلومیٹر کا واپسی سفر کتنا کمر توڑ ہوتا ہے!
مریض وہاں سے دس گھنٹے سفر کرکے کیسے لاہور آتے ہیں؟
لاہور میں پہلے 26 سے زاید ٹیچنگ ہسپتال ہیں، جن میں سے ہر ایک کے اندر چلڈرن وارڈ ہے۔ پھر 1300 بیڈ کا چلڈرن ہسپتال ہے
سچ یہ ہے کہ فیصل آباد بھی دو گھنٹے کے فاصلے پر ہے اور فیصل آباد کا چلڈرن ہسپتال بھی پہلے رحیم یار خان بننا چاہیے تھا
لوگ اپنا حق مانگتے کیوں نہیں
رحیم یار خان میں، میں جب کہتا ہوں کہ 22 ہزار کا انجیکشن ایلبیومن لگا دیں تو ہسپتال کا عملہ ایسے میری طرف دیکھتا ہے جیسے میں نے فضول عیاشی کا کہہ دیا ہو، جبکہ یہی ٹیکہ لاہور میں دن میں کئی بار سرکاری بجٹ سے لگ رہا ہوتا ہے
وقت آ گیا ہے کہ سرائیکی علاقہ کی عوام کو بتایا جائے کہ انکا اصل حق اس سے زیادہ ہے، جتنے پر وہ راضی ہو جاتے ہیں
CC: dr Muhammad Saud
