Saiban tv

30/08/2025

یونیورسٹی آف لکی مروت کے اکیڈیمک بلاک میں تعلیمی سرگرمیوں کا آغاز۔۔۔

یونیورسٹی آف لکی مروت کے نئے تعمیر شدہ اکیڈیمک بلاک میں تعلیمی سرگرمیوں کے باقاعدہ آغاز کی افتتاحی تقریب نہایت عقیدت و احترام سے منعقد ہوئی۔ تقریب کا آغاز صبح سویرے قرآن خوانی اور بیل ذبح کرنے سے کیا گیا، جس میں وائس چانسلر پروفیسر ڈاکٹر اورنگزیب خان سمیت یونیورسٹی کا انتظامی و تدریسی عملہ بھی شریک تھا۔

افتتاحی تقریب میں معزز مہمانانِ گرامی نے شرکت کی جن میں وائس چانسلر گومل یونیورسٹی پروفیسر ڈاکٹر ظفر اقبال، وائس چانسلر یونیورسٹی آف ٹیکنالوجی نوشہرہ پروفیسر ڈاکٹر سعید بادشاہ، وائس چانسلر یونیورسٹی آف انجینئرنگ اینڈ ٹیکنالوجی پشاور پروفیسر ڈاکٹر صادق علی، ڈائریکٹر کوالٹی ایشورنس ہائیر ایجوکیشن ڈیپارٹمنٹ ڈاکٹر عمران اللہ مروت، سابق وائس چانسلر یونیورسٹی آف سائنس اینڈ ٹیکنالوجی بنوں پروفیسر ڈاکٹر عبدالرحیم اور سابق پراجیکٹ ڈائریکٹر پروفیسر ڈاکٹر محمد جمیل خان شامل تھے۔ وائس چانسلر یونیورسٹی آف لکی مروت نے اپنی اکیڈیمک اور ایڈمنسٹریٹو ٹیم کے ہمراہ مہمانانِ گرامی کو خوش آمدید کہا۔

اس موقع پر وائس چانسلر پروفیسر ڈاکٹر اورنگزیب خان نے اپنے تین ماہ کے مختصر ٹینیور میں یونیورسٹی کی ترقی، جاری منصوبہ جات اور کامیابیوں پر روشنی ڈالی اور نئے اکیڈیمک بلاک میں کلاسز کے باقاعدہ آغاز کو ایک سنگ میل قرار دیا۔ سابق پراجیکٹ ڈائریکٹر پروفیسر ڈاکٹر محمد جمیل خان نے منصوبے کے ابتدائی مراحل، درپیش مسائل اور ان کے حل پر تفصیلی بریفنگ دی، جبکہ موجودہ پراجیکٹ ڈائریکٹر انجینئر محمد شعیب نے منصوبے کی تکمیل اور اس کے مختلف مراحل پر سامعین کو آگاہ کیا۔

وائس چانسلر گومل یونیورسٹی پروفیسر ڈاکٹر ظفر اقبال نے اپنے خطاب میں یونیورسٹی آف لکی مروت کے قیام کو علاقے کی سماجی، تعلیمی اور معاشی ترقی کے لیے نہایت اہم قرار دیا اور جامعہ کے کردار پر تفصیل سے روشنی ڈالی۔

پروگرام کے اختتام پر معروف مذہبی اسکالر مولانا محمد ادریس نے جامع دعا کرائی، جس میں یونیورسٹی کی کامیابی، علم و حکمت کے فروغ اور امن و امان کے استحکام کے لیے دعا کی گئی۔ بعد ازاں وائس چانسلر یونیورسٹی آف لکی مروت پروفیسر ڈاکٹر اورنگزیب خان نے مہمانانِ گرامی میں یونیورسٹی کی شیلڈز اور تحائف تقسیم کیے۔ تقریب کے آخر میں مہمانوں، اساتذہ اور انتظامی عملے کی پرتکلف ضیافت کی گئی۔

29/08/2025

اگر کسی بھائی کے پاس نئی حالت میں دفتری سامان،کرسیاں، ٹیبل وغیرہ ہوں۔ تو رابطہ کریں۔
03288305666

26/08/2025

یونیورسٹی آف لکی مروت کی جانب سے سیلاب متاثرین کے لیے مالی امداد اور عملی تعاون۔۔۔
مورخہ: 26 اگست 2025

لکی مروت: یونیورسٹی آف لکی مروت نے انسانی ہمدردی اور قومی یکجہتی کا مظاہرہ کرتے ہوئے مالاکنڈ ڈویژن، بالخصوص ضلع بونیر کے حالیہ تباہ کن سیلاب سے متاثرہ افراد کی امداد کے لیے قابلِ تحسین اقدامات کیے ہیں۔ ان اقدامات میں نہ صرف مالی امداد کی فراہمی شامل ہے بلکہ متاثرہ علاقوں میں براہِ راست عملی شرکت بھی شامل ہے۔

یونیورسٹی کے وائس چانسلر، پروفیسر ڈاکٹر اورنگزیب خان نے خیبر پختونخوا ہائیر ایجوکیشن، آرکائیوز اینڈ لائبریری ڈیپارٹمنٹ کے سیکرٹری، محترم کامران خان آفریدی کو ایک امدادی چیک پیش کیا۔ یہ چیک یونیورسٹی فیکلٹی، انتظامی عملے اور دیگر ملازمین کی ایک دن کی تنخواہوں کی کٹوتی سے حاصل شدہ رقم اور یونیورسٹی کے طلباء و فیکلٹی کی جانب سے لگائے گئے فنڈ ریزنگ کیمپس سے جمع کی گئی مالی امداد پر مشتمل تھا۔

اس موقع پر وائس چانسلر ڈاکٹر اورنگزیب خان نے کہا کہ "یونیورسٹی آف لکی مروت نہ صرف تعلیم و تحقیق کا مرکز ہے بلکہ معاشرتی فلاح و بہبود اور قومی سانحات میں بھی مؤثر کردار ادا کر رہی ہے۔ سیلاب متاثرین ہمارے اپنے لوگ ہیں، ان کی مدد کرنا ہماری اجتماعی ذمہ داری ہے۔"

یونیورسٹی نے صرف مالی معاونت پر اکتفا نہیں کیا بلکہ عملی طور پر بھی متاثرین کی خدمت میں حصہ لیا ہے۔ یونیورسٹی آف لکی مروت کا ایک خصوصی وفد ڈائریکٹر ایڈمنسٹریشن ڈاکٹر کفایت اللہ کی قیادت میں متاثرہ ضلع بونیر میں موجود ہے، جو امدادی کارروائیوں میں براہ راست شریک ہے۔ یہ وفد متاثرین کو خوراک، ضروری اشیاء اور ابتدائی طبی امداد کی فراہمی کے لیے سرگرمِ عمل ہے۔

سیکرٹری ہائیر ایجوکیشن ڈیپارٹمنٹ، کامران خان آفریدی نے یونیورسٹی کے اس مثبت، ذمہ دارانہ اور ہمدردانہ اقدام کو سراہتے ہوئے کہا کہ "یونیورسٹی آف لکی مروت کی جانب سے اس مشکل وقت میں متاثرہ بہن بھائیوں کے لیے جس جذبے اور عملی خدمت کا مظاہرہ کیا گیا ہے، وہ تمام تعلیمی اداروں کے لیے قابلِ تقلید مثال ہے۔"

یہ اقدامات اس بات کا ثبوت ہیں کہ یونیورسٹی آف لکی مروت نہ صرف ایک تعلیمی ادارہ ہے بلکہ ایک زندہ اور باشعور سماجی ادارہ بھی ہے، جو ہر بحران میں قوم کے شانہ بشانہ کھڑا ہونے کا عزم رکھتا ہے۔

25/08/2025

#گمشدگی
سرخ رنگ کی گائے کل سے محلہ حقداد آباد لکی مروت سے گم ہوئی ہے،معلومات کی صورت میں رابطہ فرمائیں
03410131300

18/08/2025

لکی مروت کے تمام سکول مالک مکان جن کے کلاس فور ملازمین کے پوسٹیں خالی ہے۔ان سب کو اطلاع دی جاتی ہے کہ بروز بدھ 20/8/2025 بوقت 10 بجے شینواری ہوٹل بالمقابل ڈسٹرکٹ کمپلیکس تاجہ زئی ایک اہم اجلاس ہوگا۔تمام مالک مکان کی شرکت انتہائی ضروری ہے۔
منجانب:ریٹائرڈ چیرمین نذردین خان، ساجد خان اینڈکرامت خان(مالک مکان)

04/08/2025

04/08/2025

اعلان جنازہ
لکی مروت: حاجی عبداللہ خان شہاب خیل انتقال کرگئے۔نمازجنازہ آج 4 اگست 2025 بعد نماز عشاء رات 9:45 بجے خوائیدادخیل قبرستان لکی شہر میں ادا کی جائے گی۔ وہ لطیف، فہیم اور صفی اللہ کے والد جبکہ حاجی نورعلی خان پٹواری،حاجی سبزعلی خان بابو اور رفیع اللہ عرف پپو کے چچا تھے۔

02/08/2025

بنوں میں امن مارچ پر پولیس کا تشدد، صحافیوں کو کوریج سے روکنے کی کوشش، ڈسٹرکٹ پریس کلب لکی مروت کا شدید ردعمل
بنوں میں امن و امان کی بگڑتی ہوئی صورتحال کے خلاف عوام نے "امن پاسون" کے عنوان سے پرامن احتجاجی مظاہرہ کیا، تاہم احتجاج کو منتشر کرنے کے لیے پولیس کی جانب سے طاقت کا بے جا استعمال کیا گیا۔ پولیس نے نہ صرف مظاہرین پر لاٹھی چارج کیا بلکہ مظاہرے کی قیادت کرنے والے کئی مشران کو حراست میں لے لیا۔
تشویشناک پہلو یہ ہے کہ مظاہرے کی کوریج کے دوران پولیس نے میڈیا نمائندوں کے ساتھ بھی بدتمیزی کی، ان پر تشدد کیا اور ان کے موبائل فون چھیننے کی کوشش کی۔ صحافیوں کو کوریج سے روکنا نہ صرف آزادیِ صحافت پر حملہ ہے بلکہ آئینی حق کی سنگین خلاف ورزی بھی ہے۔
اس افسوسناک واقعے پر ڈسٹرکٹ پریس کلب لکی مروت میں ایک ہنگامی اجلاس کا انعقاد کیا گیا، جس کی صدارت سینئر صحافی غلام اکبر مروت نے کی۔ اجلاس میں واقعے کی سخت الفاظ میں صحافیوں سے ناروا سلوک، بدتمیزی اور تشدد کی شدید الفاظ میں مذمت کی گئی۔
پریس کلب کے صحافیوں نے متفقہ طور پر آئی جی خیبرپختونخوا پولیس اور وزیر اعلیٰ خیبرپختونخوا سے مطالبہ کیا کہ واقعے کا فوری نوٹس لیتے ہوئے صحافیوں پر تشدد کرنے والے اہلکاروں کے خلاف سخت کارروائی عمل میں لائی جائے، تاکہ آئندہ کسی صحافی کو اپنی پیشہ ورانہ ذمہ داریاں ادا کرنے سے نہ روکا جا سکے۔
صحافیوں نے واضح کیا کہ اگر انصاف نہ ملا تو آئندہ لائحہ عمل کا اعلان کیا جائے گا، اور احتجاج کا دائرہ کار صوبہ بھر میں پھیلایا جائے گا۔

22/07/2025

اظہار تشکراسلام آباد: فیڈرل گورنمنٹ ایمپلائز ہاؤسنگ اتھارٹی اسلام آباد کے ریفرنڈم کی اس مہم میں آپ سب کی حمایت اور خلوص دل سے کی گئی محنت نے مجھے حوصلہ دیا۔ میں ہمیشہ آپ سب کی اس محبت اور اعتماد کا مقروض رہوں گا۔ آپ سب کا شکریہ جنہوں نے میرا ساتھ دیا اور میرا حوصلہ بڑھایا۔""میرے وہ تمام دوست جنہوں نے دن رات میرے لیے وقت نکالا، میری مہم میں شریک رہے، اور ہر لمحے میرا حوصلہ بڑھایا — آپ سب کا تہہ دل سے شکریہ۔ آپ کی دوستی میرے لیے ایک قیمتی سرمایہ ہے۔اللہ تعالیٰ ہمیں اپنی ذمہ داریاں احسن طریقے سے ادا کرنے کی توفیق عطا فرمائے۔آپ کا خادم نائب صدر طارق عزیز مروت

22/07/2025

ہائیر ایجوکیشن کمیشن کی طرف سے یونیورسٹی آف لکی مروت پر پچھلے تین سالوں سے لگی پابندیوں کے بادل چھٹ گئے۔
وائس چانسلر یونیورسٹی آف لکی مروت پروفیسر ڈاکٹر اورنگزیب خان کی مسلسل محنت، انتھک کاوشوں، مثبت قیادت، اکیڈیمکس دوست پالیسیوں، میرٹ کی ترجیحات اور یونیورسٹی کو ایک اعلیٰ تعلیمی درسگاہ بنانے کے حوالے سے موثر رابطوں اور شبانہ روز محنت رنگ لے آئی، اور تین سال سے زیر التواء یہ دیرینہ مسئلہ آج خوش اسلوبی سے حل ہوا۔
17 اور 20 جون 2025 کو وائس چانسلر پروفیسر ڈاکٹر اورنگزیب خان کی قیادت میں یونیورسٹی آف لکی مروت انتظامیہ نے چیئرمین ہائیر ایجوکیشن سے اسلام آباد میں تفصیلی ملاقاتیں کیں اور انہیں پابندیوں کا سامنا کرنے اور طلباء کے مستقبل پر پڑنے والے منفی اثرات سے آگاہ کیا۔ انہوں نے چیئرمین ہائیر ایجوکیشن کمیشن کو باور کرایا کہ یونیورسٹی آف لکی مروت اپنے تعلیمی معیار کو بہتر بنانے، طلباء کو سہولیات فراہم کرنے اور ان کے مستقبل کو محفوظ بنانے کے لئے اپنی تمام تر توانائیاں بروکار لائے گی۔
ہائیر ایجوکیشن کمیشن کے حالیہ لیٹر نمبر: /(33)15
A&AAcc/HEC-2017/11406 Dated: July 21, 2025
کے مطابق اب نہ صرف ہمارے طلبہ کی ڈگریوں کی تصدیق کے تمام مسائل مکمل طور پر ختم ہوگئے ہیں بلکہ یونیورسٹی کے تمام زیرِ التواء امتحانات، بشمول بی ایس، ایم اے اور بی اے کے باقی ماندہ طلبہ کے امتحانات کی بھی باقاعدہ اجازت دے دی گئی ہے۔
وائس چانسلر یونیورسٹی آف لکی مروت پروفیسر ڈاکٹر اورنگزیب خان نے اس اہم موقع پر کہا کہ الحمدللہ! آج یونیورسٹی آف لکی مروت کے لئے ایک تاریخی اور خوشی کا دن ہے، انہوں نے خصوصی طور پر چیئرمین ہائیر ایجوکیشن کمیشن پروفیسر ڈاکٹر مختار احمد اور ڈائریکٹر جنرل ایفیلی ایشن و ایکریڈیٹیشن حضرت بلال صاحب کا شکریہ ادا کیا کہ انہوں نے ہم پر مکمل اعتماد کا اظہار کیا اور یونیورسٹی کی پیش رفت اور طلبہ کے مفاد کو مدنظر رکھتے ہوئے یہ احسن قدم اٹھایا۔
ڈاکٹر خان نے اس کامیابی کو تمام اساتذہ، انتظامیہ، طلبہ، والدین اور یونیورسٹی آف لکی مروت سے محبت رکھنے والے تمام افراد کی دعاؤں اور محنت کا نتیجہ قرار دیا۔ انہوں نے مزید کہا کہ ان شاء اللہ اب یونیورسٹی آف لکی مروت نئی توانائی کے ساتھ اپنی تعلیمی، تحقیقی اور انتظامی سرگرمیاں جاری رکھے گی۔

13/07/2025

سرائے نورنگ کے شہری متوجہ ہوں۔ملتے جلتے ناموں سے دھوکہ نہ کھائیں۔

13/07/2025

تلاش گمشدگی
لکی مروت: مجھ سے ایک لاکھ بیس ہزار روپے سعیدخیل موڑ سے لیکر لاری اڈہ لکی مروت تک کئیں گر گئے ہیں۔ جس کسی کو ملے ہوں رابطہ کرکے شکریہ کا موقع دیں۔ رقم واپس کرنے والے کو مناسب انعام دیا جائے گا۔ شکریہ
میر صاحب خان دلوتی لکی مروت رابطہ نمبر 03028539379