Flying Updates

Flying Updates Welcome to our page! Here, we bring you the latest news and updates.

08/05/2026

زرمبادلہ کے ذخائر میں 2 کروڑ 30 لاکھ ڈالر کا اضافہ ریکارڈ

اسلام آباد (این این آئی)سٹیٹ بینک کے زرمبادلہ ذخائر میں ایک ہفتے کے دوران 2 کروڑ 30 لاکھ ڈالر کا اضافہ ریکارڈ کیا گیا ہے۔مرکزی بینک کی جانب سے جاری فاریکس ڈیٹا کے مطابق سٹیٹ بینک کے پاس موجود زرمبادلہ ذخائر بڑھ کر 15 ارب 85 کروڑ 7 لاکھ ڈالر تک پہنچ گئے ہیں۔اعداد و شمار کے مطابق کمرشل بینکوں کے زرمبادلہ ذخائر میں بھی ہفتہ وار 17 لاکھ ڈالر کا اضافہ ہوا، جس کے بعد کمرشل بینکوں کے ذخائر 5 ارب 44 کروڑ 28 لاکھ ڈالر ہوگئے ہیں۔سٹیٹ بینک کے مطابق پاکستان کے مجموعی زرمبادلہ ذخائر میں مجموعی طور پر 2 کروڑ 45 لاکھ ڈالر کا اضافہ ہوا ہے، جس کے بعد ملک کے کل زرمبادلہ ذخائر 21 ارب 29 کروڑ 35 لاکھ ڈالر کی سطح پر پہنچ گئے ہیں۔

08/05/2026

ٹرمپ اور ایران ڈیل کے اشارے، عالمی مارکیٹ میں تیل 100 ڈالر سے نیچے آگیا
واشنگٹن(این این آئی)امریکا اور ایران کے درمیان ممکنہ معاہدے کی خبروں کے بعد عالمی منڈی میں خام تیل کی قیمتوں میں نمایاں کمی دیکھنے میں آئی ہے،جبکہ سرمایہ کاروں میں بھی مثبت رجحان پیدا ہوگیا۔عالمی مارکیٹ میں برطانوی خام تیل برینٹ کروڈ کی قیمت میں تقریبا 7 فیصد کمی ریکارڈ کی گئی، جس کے بعد اس کی قیمت 100 ڈالر فی بیرل تک آگئی۔ دوسری جانب امریکی خام تیل ویسٹ ٹیکساس انٹرمیڈیٹ کی قیمت میں بھی 8 فیصد کمی دیکھی گئی اور یہ 92 ڈالر فی بیرل پر ٹریڈ ہوتا رہا۔ماہرین کے مطابق تیل کی قیمتوں میں یہ کمی امریکا اور ایران کے درمیان ممکنہ معاہدے کی خبروں کے بعد سامنے آئی ہے۔ بین الاقوامی میڈیا رپورٹس میں دعوی کیا گیا ہےکہ دونوں ممالک جنگ کے خاتمے اور خطے میں کشیدگی کم کرنے کے لیے ایک اہم معاہدے کے قریب پہنچ چکے ہیں۔رپورٹس کے مطابق اگلے 48 گھنٹوں میں ایران کی جانب سے کئی اہم نکات پر باضابطہ ردعمل متوقع ہے۔ذرائع کا کہنا تھاکہ مجوزہ معاہدے میں ایران کی جانب سے یورینیم افزودگی محدود کرنے پر آمادگی جبکہ امریکا کی جانب سے ایران پر عائد بعض پابندیاں نرم کرنے اور منجمد ایرانی فنڈز جاری کرنے جیسے نکات شامل ہیں۔ذرائع کے مطابق ایک صفحے پر مشتمل مفاہمتی یادداشت میں آبنائےہرمز میں بحری آمدورفت پر عائد پابندیاں ختم کرنے کی تجویز بھی شامل ہے، جس سے عالمی تیل سپلائی معمول پ�

08/05/2026

پی ڈی ایم اے نے ممکنہ موسمی صورتحال پر ایڈوائزری جاری

لاہور (این این آئی) پی ڈی ایم اے پنجاب نے آئندہ 3ماہ کے لئے موسمی صورتحال بارے متعلقہ محکموں کو مراسلہ جاری کر دیا ۔ترجمان کے مطابق مئی،جون و جولائی میں معمول سے زیادہ بارشیں اور درجہ حرارت متوقع ہے، شمالی اور شمال مغربی پنجاب میں معمول سے زیادہ بارشوں کا امکان ہے۔ مشرقی پنجاب میں معمول سے تھوڑی کم بارشیں متوقع ہیں۔ وسطی پنجاب کے علاقوں میں معمول کی بارشوں کا امکان ہے۔ ترجمان کے مطابق مئی کے دوران صوبے بھر میں درجہ حرارت معمول سے زیادہ رہے گا۔ 7سے 11مئی تک پنجاب کے بیشتر اضلاع ہیٹ ویو اور معمول سے زیادہ درجہ حرارت کا خدشہ ہے، وزیر اعلی پنجاب مریم نواز کی ہدایات کے پیش نظر متعلقہ محکموں کو الرٹ جاری کیا گیا ہے ،لوکل گورنمنٹ محکمہ ماحولیات محکمہ صحت جنگلات ٹورازم ٹرانسپورٹ اور محکمہ تعلیم کو مراسلہ جاری ،کمشنرز ڈپٹی کمشنرز محکمہ پولیس واسا اور ریسکیو 1122کو مراسلہ جاری کیا گیا ۔ اس حوالے سے ڈی جی پی ڈی ایم اے عمر جاوید نے کہا کہ وزیر اعلی پنجاب کی ہدایات کے پیش نظر تمام محکمے پیشگی انتظامات مکمل کریں ،شہریوں سے گزارش ہے کہ خراب موسم کی صورتحال میں احتیاطی تدابیر اختیار کریں۔ہیٹ ویو کی صورت میں غیر ضروری سفر سے گریز کریں اور پانی کا زیادہ استعمال کریں۔بچوں اور معمر افراد کو ہر گز دھوپ میں نہ جانے دیں، آسمانی بجلی کی گرج چمک کے دوران کھلے مقامات تلے ہرگز نہ جا

08/05/2026

ایرانی ریال خریدنے والوں کو مرکزی بینک نے خبردار کر دیا

کراچی(این این آئی)ایران کے مرکزی بینک نے ایرانی ریال خریدنے والوں کو خبردار کر دیا۔بینک نے کہا کہ کرنسی زیادہ نرخوں پر خریدنے سے نقصان اٹھانا پڑ سکتا ہے،بینک کے مطابق ایران کی کرنسی ریال اوپن مارکیٹ میں ریکارڈ کم ترین سطح پر پہنچ گئی ہے۔ایک امریکی ڈالر کی قیمت 18 لاکھ 70 ہزار ریال تک پہنچ چکی ہے، مرکزی بینک نے کہا کہ سپلائی بڑھی یا بینک نے موقف مداخلت کی تو قیمتوں میں کمی کا امکان ہے، جس سے زیادہ نرخوں پر کرنسی خریدنے والوں کو نقصان ہو سکتا ہے۔ایرانی ریال یورو کے مقابلے میں 22 لاکھ 30 ہزار اور برطانوی پائونڈ کے مقابلے میں 25 لاکھ 80 ہزار تک گر گیا ہے۔واضح رہے کہ ایران کی قومی کرنسی ریال امریکی ڈالر کے مقابلے میں تاریخی کم ترین سطح پر پہنچ گئی ہے۔معاشی ماہرین نے کہا کہ جنگ کے ابتدائی ہفتوں میں محدود تجارتی سرگرمیوں اور درآمدات کی کمی کی وجہ سے ریال مستحکم رہا تاہم حالیہ دنوں میں اس کی قدر میں تیزی سے کمی آئی ہے۔

08/05/2026

سوزوکی نے پاکستان میں اپنی نئی گاڑی متعارف کرا دی
کراچی(این این آئی)سوزوکی نے پاکستان میں اپنی نئی گاڑی متعارف کرا دی۔کمپنی نے اپنی نئی کراس اوور گاڑی فرونکس (Fronx) باضابطہ طور پر متعارف کرا دی ہے، آٹو ماہرین کے مطابق پاکستان میں کراس اوور اور ایس یو وی گاڑیوں کی بڑھتی ہوئی طلب کے باعث مختلف آٹو کمپنیاں مسلسل نئے ماڈلز متعارف کرا رہی ہیں۔سوزوکی نے بھی اپنی پوزیشن مزید مستحکم کرنے کے لیے نئی گاڑی کو پاکستان میں لانچ کیا ہے، سوزوکی فرونکس کو پاکستان میں چار مختلف ویرینٹس میں پیش کیا گیا ہے۔Fronx GL MT (پٹرول)اس کی قیمت 59 لاکھ 99 ہزار 999 روپے مقرر کی گئی ہے،Fronx GL AT (پٹرول)اس کی قیمت 60 لاکھ 99 ہزار 999 روپے رکھی گئی ہے۔Fronx GLX 6AT )یہ مونو ٹون، مائلڈ ہائبرڈ گاڑی ہے)اس کی قیمت 62 لاکھ 99 ہزار 999 روپے رکھی گئی ہے، Fronx GLX 6AT (ٹو ٹون، مائلڈ ہائبرڈ گاڑی ہے)جسکی قیمت 63 لاکھ 74 ہزار 999 روپے مقرر کی گئی ہے۔سوزوکی فرونکس کو بی سیگمنٹ کراس اوور کے طور پر متعارف کرایا گیا ہے جبکہ کمپنی اسے ایک جدید XUV کے طور پر مارکیٹ کر رہی ہے،پاکستانی مارکیٹ میں فرونکس کا مقابلہ کِیا اسٹونک، ہنڈا HR-V اور جیکو J5 جیسے مقبول کراس اوور ماڈلز سے ہوگا۔

08/05/2026

پاکستان کو چین کا جدید جےـ35 اے ای اسٹیلتھ طیارہ ملنے کا امکان
اسلام آباد،بیجنگ (این این آئی)چینی اخبار ساؤتھ چائنا مارننگ پوسٹ نے انکشاف کیا ہے کہ چین کے پہلے اسٹیلتھ طیارے، Jـ35AEکا ایسا نیا نمونہ تیار ہو چکا جس پر چینی فضائیہ کے بجائے سرکاری ادارے، ایوی ایشن انڈسٹری کارپوریشن آف چین کا لوگو نصب ہے،یہی ادارہ بیرون ملک چینی جنگی طیارے فروخت کرتا ہے۔ اخبار کے مطابق حکومت چین نے Jـ35AEایکسپورٹ کرنے کا فیصلہ کر لیا ہے اور پہلا ممکنہ خریدار پاکستان ہو گا جو اپنا 80 فیصد اسلحہ چین سے خریدتا ہے۔اگر یہ ففتھ جنریشن اسٹیلتھ طیارہ پاکستان کو مل گیا تو نہ صرف قومی دفاع مضبوط ہو گا بلکہ وہ یہ صلاحیت حاصل کر لے گا کہ اس میں نصب جدید ترین آلات کی مدد سے بھارتی ریڈار جام کر سکے اور دشمن کی دور واقع اہم عسکری تنصبیاتJـ35AEکے کارگر میزائلوں کی بدولت تباہ کر سکے۔پاک فضائیہ میں اس طیارے کی شمولیت قومی دفاع مستحکم بنا کر پاک چین دوستی و شراکت کی تاریخ میں نیا باب رقم کرے گی۔

08/05/2026

آپ کو بجلی کے ماہانہ بل میں کتنے روپے سبسڈی مل رہی ہے؟ چیک کرنے کا آسان طریقہ
اسلام آباد (نیوز ڈیسک) حکومت کی جانب سے بجلی صارفین کے لیے ایک نیا نظام متعارف کرایا جا رہا ہے،جس کے تحت صارفین اپنے ماہانہ بل پر دی جانے والی سبسڈی کی مکمل تفصیلات کیو آر کوڈ کے ذریعے معلوم کر سکیں گے۔تفصیلات کے مطابق پاور ڈویژن نے بجلی کے بلوں میں شفافیت بڑھانے اور سبسڈی کے نظام کو مؤثر بنانے کے لیے نیا طریقہ کار تیار کیا ہے۔اس اقدام کے تحت صارفین کے بلوں پر دی جانے والی حکومتی رعایت کی رقم واضح طور پر درج کی جائے گی۔ترجمان پاور ڈویژن کا کہنا ہے کہ بجلی تقسیم کار کمپنیوں نے بلوں پر کیو آر کوڈ شامل کرنا شروع کر دیے ہیں۔ صارفین اس کوڈ کو اسکین کرکے آن لائن پورٹل تک رسائی حاصل کر سکیں گے،جہاں رجسٹریشن مکمل کرنے کے بعد سبسڈی سے متعلق معلومات دستیاب ہوں گی۔حکام کے مطابق اس نظام کا بنیادی مقصد مستحق خاندانوں کی درست تصدیق کرنا ہے تاکہ حکومتی سبسڈی صرف کم آمدنی رکھنے والے اور محدود بجلی استعمال کرنے والے صارفین تک پہنچ سکے۔وزارتِ توانائی نے وضاحت کی ہے کہ اس نئے عمل سے سبسڈی ختم نہیں کی جا رہی بلکہ یہ اقدام شفافیت اور تصدیق کے لیے کیا جا رہا ہے تاکہ سرکاری فنڈز کے غلط استعمال اور ممکنہ بے ضابطگیوں کو روکا جا سکے۔پاور ڈویژن نے صارفین کو ہدایت کی ہے کہ وہ جلد از جلد کیو آر کوڈ کے ذریعے اپنی رجسٹریشن مکمل کریں تاکہ مستقبل میں سبسڈی ک�

07/05/2026

مظفرگڑھ:رات گئے فیاض پارک میں اوباش نوجوانوں کی خواتین سے چھیڑ چھاڑ روکنے پر ضلع کونسل ملازمین پر وحشیانہ تشدد اوباش عناصر کا ہنگامہ پولیس نے موقع پر پہنچ کر تحقیقات شروع کردیں شہریوں کا فیاض پارک کو ایسے چند اوباشوں سے پاک کرکے فیملیز کیلئے مزید محفوظ بنانے کا مطالبہ*

07/05/2026

ڈیرہ غازی خان: پرائیویٹ اسکول میں چھت گرنے کا ا واقعہ، 4 بچے جاں بحق، متعدد زخمی ڈیرہ غازی خان کے بلاک وی میں واقع نجی اسکول لٹل سکالرز میں حادثہ پیش آیا جہاں فرسٹ فلور پر قائم نرسری کلاس کے کمرے کی چھت اچانک گرنے سے معصوم بچے ملبے تلے دب گئے۔ ریسکیو ٹیموں نے فوری کارروائی کرتے ہوئے 4 بچوں کی لاشیں اور 8 زخمیوں کو نکال کر ٹیچنگ ہسپتال کے ٹراما سنٹر منتقل کر دیا جبکہ متعدد بچوں کے تاحال لاپتہ ہونے کی اطلاعات پر امدادی کارروائیاں جاری ہیں۔ واقعے کے بعد والدین میں شدید بے چینی اور کہرام مچ گیا ہے، اسپتال میں ایمرجنسی نافذ کر دی گئی ہے۔ ابتدائی طور پر چھت گرنے کی وجوہات سامنے نہیں آ سکیں تاہم متعلقہ اداروں نے تحقیقات کا آغاز کر دیا ہے، پولیس اور انتظامیہ موقع پر موجود ہیں اور علاقے کو گھیرے میں لے لیا گیا ہے۔ SchoolCollapse BreakingNewsPakistan RescueOperation PunjabNews

07/05/2026

KBA Election rigging

Address

Model Town
Lahore
57200

Website

Alerts

Be the first to know and let us send you an email when Flying Updates posts news and promotions. Your email address will not be used for any other purpose, and you can unsubscribe at any time.

Shortcuts

Share

Category