Awaz-e-Waqt

Awaz-e-Waqt We bring you well-researched and authentic content on national and international

🌍 Awaz e Waqt – The True Voice of Pakistan 🇵🇰 "Awaz e Waqt" is an informative and analytical channel dedicated to covering the most important topics related to Pakistan.

11/10/2025

"گلبرگ میں خفیہ کرشنگ یونٹ پر بجلی چوری بے نقاب، دو ملزمان گرفتار | AWAZEWAQT KI REPORT"

سی ای او لیسکو انجینئر محمد رمضان بٹ کی خصوصی ہدایات پر بجلی چوروں کے خلاف کارروائیاں تیز کر دی گئیں۔
گلبرگ ڈویژن میں ایکسئین گلبرگ اور ایس ڈی او لبرٹی سب ڈویژن طاہر ستار کی سربراہی میں پولیس کے ہمراہ بڑی کارروائی عمل میں لائی گئی۔
کارروائی کے دوران 116-ایف ون گلبرگ میں ایک گھر کے اندر خفیہ طور پر لگائے گئے کرشنگ یونٹ پر ڈائریکٹ سپلائی کے ذریعے بجلی چوری پکڑی گئی۔
صارف نے ڈائریکٹ لائن لگا رکھی تھی، دروازہ کھولنے سے انکار پر لیسکو ٹیم پولیس کے ہمراہ اندر داخل ہوئی۔
موقع پر دو بجلی چوروں کو گرفتار کر لیا گیا، جبکہ خفیہ یونٹ سے 500 سے زائد چینی کی بوریاں بھی برآمد ہوئیں۔
ملزمان کے خلاف مقدمہ درج کرنے کے لیے درخواست جمع کرا دی گئی۔
سی ای او لیسکو انجینئر محمد رمضان بٹ نے کہا کہ بجلی چور قوم کے دشمن ہیں، ان کے خلاف زیرو ٹالرنس پالیسی پر عمل جاری رہے گا۔

09/10/2025

لیسکو کا بڑا اقدام: کنگن پور میں 11 کے وی لنک لائن کی تعمیر شروع – Restoration Mission in Flood-Hit Areas

لیسکو نے کنگن پور میں 11 کے وی لنک لائن کی تعمیر کا آغاز کر دیا ہے۔
یہ منصوبہ دریائے ستلج کے مقام پر تباہ شدہ 132 کے وی ٹاورز کے متبادل کے طور پر شروع کیا گیا ہے تاکہ متاثرہ علاقوں میں بجلی کی فراہمی بحال کی جا سکے۔

ترجمان لیسکو کے مطابق، 4.8 کلومیٹر طویل اس لنک لائن کے ذریعے بجلی بحالی کے عمل میں نمایاں بہتری آئے گی۔
تعمیراتی ٹیمیں درکار سامان کے ساتھ موقع پر سرگرمِ عمل ہیں اور کام تیزی سے جاری ہے۔

چیف ایگزیکٹو لیسکو انجینئر محمد رمضان بٹ نے ہدایت کی ہے کہ بحالی کے عمل میں کوئی رکاوٹ برداشت نہیں کی جائے گی۔
ان کا کہنا تھا کہ لیسکو ٹیمیں دن رات متاثرہ علاقوں میں بجلی بحالی کے لیے مصروف عمل ہیں اور سیلاب زدہ عوام کو ریلیف فراہم کرنا لیسکو کی اولین ترجیح ہے۔

انجینئر محمد رمضان بٹ نے مزید کہا کہ یہ منصوبہ وزیرِ اعظم پاکستان کے وژن اور وزارتِ توانائی کی خصوصی ہدایات کے تحت جاری ہے تاکہ متاثرہ شہریوں کو جلد از جلد سہولت فراہم کی جا سکے۔

09/10/2025

لیسکو کی بڑی کارروائی: بصیرپور میں جدید انداز کی بجلی چوری بے نقاب، ملزمان گرفتار

لیسکو کی انسدادِ بجلی چوری مہم میں بڑی کامیابی!
بجلی چوری کی روک تھام کے لیے جاری مہم کے دوران بصیرپور سب ڈویژن میں میٹر ریڈنگ ریورس کرنے، ٹیمپرنگ اور میٹر کی سست رفتاری کے ذریعے کی جانے والی بجلی چوری کا انکشاف ہوا۔

یہ کارروائی اسسٹنٹ منیجر آپریشن انجینئر آصف سہیل کی نگرانی اور انتھک کوششوں کا نتیجہ ہے۔ آپریشن چیف ایگزیکٹو انجینئر رمضان بٹ کی خصوصی ہدایات، ایس ای اوکاڑہ سرکل انجینئر سید قربان علی شاہ اور ایکسین حجرہ انجینئر پیرزادہ اظہر شاہ کی قریبی نگرانی میں عمل میں لایا گیا۔

انجینئر آصف سہیل اور ان کی ٹیم نے مسلسل فیلڈ چیکنگ اور ویجیلنس کے ذریعے ایک منظم گینگ کا سراغ لگایا جو جدید ڈیجیٹل آلات، سافٹ ویئرز اور کمیونیکیشن ماڈیولز کے ذریعے میٹر ٹیمپرنگ اور ریڈنگ ریورس کرنے میں ملوث تھا۔

08 ستمبر 2025 کو پولیس کے ہمراہ مشترکہ کارروائی کے دوران ملزمان کو رنگے ہاتھوں گرفتار کیا گیا، جو لیپ ٹاپ اور خصوصی آلات سے میٹر ریڈنگ ریورس کر رہے تھے۔ گرفتار ملزمان کے خلاف ایف آئی آر درج کر کے انہیں مزید تفتیش کے لیے حوالات میں منتقل کر دیا گیا۔

فرانزک جانچ کے دوران ان کے لیپ ٹاپ اور موبائل فونز سے میٹر کمپنیوں کے سافٹ ویئرز برآمد ہوئے، جنہیں وہ مختلف شہروں میں اسی نوعیت کے جرائم کے لیے استعمال کر رہے تھے۔

یہ کامیاب کارروائی بجلی چوری کے خلاف لیسکو کی زیرو ٹالرنس پالیسی، شفافیت اور دیانت داری کے فروغ کی واضح مثال ہے۔ چیف ایگزیکٹو انجینئر رمضان بٹ نے کہا کہ لیسکو کے نظام سے بجلی چوری کا مکمل خاتمہ ہمارا مشن ہے۔

19/09/2025

شیخوپورہ: وکلاء کے خلاف جھوٹی ایف آئی آر پر شدید احتجاج، مقدمہ خارج کرنے کا مطالبہ

شیخوپورہ: وکلاء برادری نے سی ای او ایجوکیشن کی جانب سے وکلاء کے خلاف جھوٹی، بے بنیاد اور من گھڑت ایف آئی آر درج کرنے پر شدید احتجاج کیا ہے۔ وکلاء رہنماؤں کا کہنا ہے کہ یہ اقدام ذاتی رنجش اور انتقامی کارروائی کا نتیجہ ہے جو کسی صورت برداشت نہیں کیا جائے گا۔

رہنماؤں نے کہا کہ ایف آئی آر کا مقصد وکلاء کو دباؤ میں لانا اور ان کے کردار کو داغدار کرنا ہے۔ وکلاء ہمیشہ مظلوم عوام کی آواز بنے ہیں اور کسی بھی ناانصافی پر خاموش نہیں رہتے، اسی وجہ سے ان کے خلاف سازش کے تحت مقدمہ درج کیا گیا۔

احتجاجی وکلاء نے اعلیٰ حکام اور ضلعی انتظامیہ سے مطالبہ کیا کہ جھوٹے مقدمے کو فوری طور پر ختم کیا جائے اور سی ای او ایجوکیشن کے خلاف محکمانہ کارروائی کی جائے تاکہ آئندہ کوئی افسر اپنے اختیارات کا ناجائز استعمال نہ کر سکے۔

انہوں نے خبردار کیا کہ اگر مقدمہ فوری طور پر خارج نہ کیا گیا تو وکلاء برادری احتجاجی تحریک شروع کرنے پر مجبور ہوگی۔

19/09/2025

LESCO CEO Engineer Ramzan Butt vows consumer-friendly reforms | سی ای او لیسکو انجینئر رمضان بٹ کا صارف دوست اصلاحات کا عزم

چیف ایگزیکٹو لیسکو انجینئر محمد رمضان بٹ نے کہا ہے کہ لیسکو کو صارف دوست اور ملک کا بہترین ادارہ بنایا جائے گا۔ ان کا کہنا تھا کہ صارفین کو شفاف، معیاری اور بروقت سہولیات فراہم کرنا میری اولین ترجیح ہے۔

انجینئر محمد رمضان بٹ نے کہا کہ میرا ہدف لیسکو کو پاکستان کے بہترین اداروں کی صف میں شامل کرنا ہے۔ تبدیلی کے سفر میں مشکلات آ سکتی ہیں مگر لیسکو کو عوام دوست ادارہ بنا کر دکھائیں گے۔

چیف ایگزیکٹو نے واضح کیا کہ ایجنٹ مافیا کا مکمل خاتمہ کیا جائے گا اور کسی کو بھی رعایت نہیں ملے گی۔ ان کا کہنا تھا کہ "لیسکو ہماری ماں کی مانند ہے، اس کے وقار کو سب کو مل کر برقرار رکھنا ہوگا۔"

سی ای او لیسکو نے کہا کہ امیج بلڈنگ کے لیے جامع اقدامات جاری ہیں۔ وسائل اور میٹریل کی فراہمی میں کسی قسم کی کمی برداشت نہیں ہوگی۔ تمام منصوبے اور مرمتی کام بروقت مکمل کیے جائیں گے تاکہ صارفین کو معیاری اور بروقت سروس کی فراہمی یقینی بنائی جا سکے۔

چیف ایگزیکٹو نے افسران اور ملازمین پر زور دیا کہ وہ ایمانداری اور ذمہ داری کے ساتھ اپنے فرائض ادا کریں تاکہ ادارے کا وقار اور عوام کا اعتماد بحال ہو۔

11/09/2025

لیسکو قلعہ ستار شاہ سب ڈویژن لاوارث | عوام چیف ایگزیکٹو سے نوٹس لینے کی اپیل

شیخوپورہ: لیسکو قلعہ ستار شاہ سب ڈویژن کا دفتر مکمل طور پر لاوارث ہوگیا۔ عوامی شکایات کے مطابق دفتر کے بیشتر کمرے تالوں میں بند ہیں اور عملہ ڈیوٹی کے دوران غائب رہتا ہے۔ غریب اور لاچار صارفین گھنٹوں ذلیل و خوار ہو کر واپس لوٹنے پر مجبور ہیں۔

ذرائع کے مطابق ایس ڈی او عمران مبشر سے ملاقات نہایت مشکل ہوگئی ہے۔ شہریوں کا کہنا ہے کہ جب سب ڈویژن انچارج خود ڈیوٹی پر موجود نہیں ہوتے تو نیچے کا عملہ بھی دفتر آنے سے گریز کرتا ہے۔ یہی وجہ ہے کہ دفتر کے دروازوں پر صرف نام، عہدہ اور موبائل نمبر لکھ کر ڈیوٹی کے اوقات میں دفتر سے فرار ہونا روز کا معمول بن چکا ہے۔

ذرائع کے مطابق ڈی ایس یو انچارج شہباز اور لائن سپرنٹنڈنٹ جاوید سمیت دیگر ذمہ داران بھی اس غفلت کے ذمہ دار ہیں۔ عوام نے چیف ایگزیکٹو لیسکو انجینئر محمد رمضان بٹ سے پرزور اپیل کی ہے کہ وہ فوری نوٹس لیں، غیر حاضر اور نااہل عملے کو عہدوں سے برطرف کریں اور وہاں نیا، ایماندار اور فرض شناس عملہ تعینات کریں تاکہ شہریوں کو اذیت سے نجات مل سکے۔

05/09/2025

سی ای او لیسکو کا میراڈ کا دورہ | CEO LESCO Reviews MEPCO Performance

چیف ایگزیکٹو لیسکو انجینئر محمد رمضان بٹ نے میراڈ کا دورہ کیا اور وہاں جاری منصوبوں اور کارکردگی کا تفصیلی جائزہ لیا۔ اس موقع پر سی ای او لیسکو نے واضح کیا کہ نیٹ میٹرنگ میں تاخیر کسی صورت برداشت نہیں کی جائے گی اور تمام جاری منصوبوں کو بلاتعطل مکمل کیا جائے۔ انہوں نے مزید ہدایت دی کہ میٹریل کی کسی بھی قسم کی کمی نہیں ہونی چاہیے اور ایجنٹ مافیا کا مکمل خاتمہ کیا جائے گا۔ چیف ایگزیکٹو نے کہا کہ صارفین کی سہولت اور ان کا اعتماد لیسکو کی اولین ترجیح ہے، جبکہ میراڈ ٹیم کو جدید تقاضوں کے مطابق کام کرنے کی ضرورت ہے۔ انہوں نے یہ بھی دوٹوک مؤقف اختیار کیا کہ شفافیت، دیانت داری اور بروقت خدمات پر کسی صورت سمجھوتہ نہیں کیا جائے گا۔

04/09/2025

SDO Sagheer Ahmad: Zero Tolerance Policy | اٹک پٹرول پمپ پر بجلی چوری بے نقاب

ڈی ایس یو انچارج شہزاد جاوید کی قیادت میں لیسکو ٹیم نے اٹک پٹرول پمپ (نیو جلو موڑ کے قریب) پر بڑی کارروائی کرتے ہوئے ڈائریکٹ سپلائی سے بجلی چوری پکڑ لی۔

ایس ڈی او صحافی کالونی محمد صغیر احمد کے مطابق کارروائی زیرو ٹالرنس پالیسی کے تحت عمل میں لائی گئی اور کسی بھی بجلی چور کو رعایت نہیں دی جائے گی۔

لیسکو ترجمان کا کہنا ہے کہ کنکشن فوری طور پر منقطع کر دیا گیا، تمام تاریں قبضے میں لے لی گئیں جبکہ اس غیر قانونی عمل سے ادارے کو لاکھوں روپے کا نقصان برداشت کرنا پڑا۔

ملزمان کے خلاف ایف آئی آر کی درخواست مقامی تھانے میں جمع کروا دی گئی ہے اور ان پر بھاری ڈٹیکشن بل بھی چارج کیا جائے گا۔

چیف ایگزیکٹو لیسکو انجینئر محمد رمضان بٹ نے واضح کیا ہے کہ بجلی چوروں کے خلاف سخت کریک ڈاؤن جاری ہے اور کسی کو معافی نہیں دی جائے گی۔

01/09/2025

جموں و کشمیر لبریشن فرنٹ برطانیہ زون کا اہم اجلاس ناٹنگھم میں منعقد | JKLF UK Zonal Meeting Held in Nottingham

جموں و کشمیر لبریشن فرنٹ (JKLF) برطانیہ زون کی ورکنگ کمیٹی کا ایک اہم اجلاس زونل صدر فرید ایاز کی صدارت میں منعقد ہوا۔ نظامت کے فرائض جنرل سیکریٹری ایس ایم ابراہیم نے سرانجام دیے۔ اجلاس میں تنظیمی امور، مستقبل کی حکمتِ عملی اور کشمیر کی موجودہ سیاسی صورتحال پر تفصیلی مشاورت کی گئی۔

اجلاس میں بڑی تعداد میں اراکین اور ذمہ داران نے شرکت کی اور اتحاد، تنظیمی مضبوطی اور آزادی کشمیر کی جدوجہد کو مزید مؤثر اور منظم بنانے کے عزم کا اعادہ کیا۔ تمام ورکنگ کمیٹی ممبران سے باضابطہ حلف بھی لیا گیا تاکہ وہ اپنی ذمہ داریاں دیانتداری، شفافیت اور تحریک کے نصب العین کے مطابق ادا کریں۔

شرکاء نے واضح کیا کہ جموں و کشمیر لبریشن فرنٹ ایک پرامن، جمہوری اور حقِ خودارادیت پر مبنی تحریک ہے، جس کا مشن ریاست جموں و کشمیر کی مکمل آزادی اور خودمختاری ہے۔ اجلاس میں مقبوضہ کشمیر میں جاری انسانی حقوق کی سنگین خلاف ورزیوں، کشمیری رہنما یاسین ملک کی مسلسل قید اور عوام پر مظالم پر گہری تشویش کا اظہار کیا گیا۔

01/09/2025

لیسکو کی 240ویں پنشن تقریب | LESCO 240th Pension Ceremony

لیسکو کی جانب سے 240ویں پنشن تقریب کا انعقاد کیا گیا، جس میں جون تا اگست ریٹائر ہونے والے 10 ملازمین کو خراجِ تحسین پیش کیا گیا۔ تقریب کے دوران ریٹائرڈ ملازمین کو PPO بکس بھی تقسیم کی گئیں۔ اس موقع پر چیف ایگزیکٹو لیسکو انجینئر محمد رمضان بٹ مہمانِ خصوصی تھے۔ تقریب سے خطاب کرتے ہوئے چیف ایگزیکٹو نے کہا کہ ادارہ اپنے فرض شناس ملازمین کی خدمات کو قدر کی نگاہ سے دیکھتا ہے۔ انہوں نے ریٹائرڈ ملازمین کے لیے نیک تمناؤں اور دعا کا اظہار بھی کیا۔

01/09/2025

لیسکو کا بڑا کارنامہ: 132 کے وی زیرِ زمین کیبل سرکٹ بحال | LESCO Restores 132KV Underground Cable Circuit

لیسکو نے 132 کے وی زیرِ زمین کیبل سرکٹ کامیابی کے ساتھ بحال کر دیا۔ یہ سرکٹ مئی 2022 سے غیر فعال تھا، جسے اب مکمل مرمت اور بحالی کے بعد فعال کر دیا گیا ہے۔ چیف ایگزیکٹو لیسکو انجینئر محمد رمضان بٹ کے مطابق مرمت اور بحالی پر 22 ملین روپے لاگت آئی۔ اس کامیابی سے لیسکو نیٹ ورک مزید مستحکم ہوگا اور کارکردگی میں نمایاں اضافہ ہوگا۔ ترجمان لیسکو کا کہنا ہے کہ موچی گیٹ، بادامی باغ، میکلوڈ روڈ اور سنی ویو گرڈ اسٹیشنز کو اب بلا تعطل اور مستحکم بجلی فراہم کی جا سکے گی۔ اندرون لاہور کے رہائشی اور مرکزی تجارتی علاقوں کے صارفین بھی معیاری اور مسلسل بجلی سے مستفید ہوں گے۔ چیف ایگزیکٹو لیسکو نے کہا کہ یہ کامیابی وزیرِاعظم کے وژن اور وفاقی وزیر توانائی کی خصوصی ہدایات کا مظہر ہے اور لیسکو اپنے صارفین کو بلا رکاوٹ بجلی فراہم کرنے کے لیے پرعزم ہے۔

01/09/2025

لیسکو کی بڑی کارروائی، 1 کروڑ سے زائد کی بجلی چوری بے نقاب | LESCO Exposes Electricity Theft Worth Over 10 Million

لیسکو کی جانب سے بجلی چوروں کے خلاف بڑی کارروائیاں کی گئیں جن میں ایک کروڑ روپے سے زائد کی بجلی چوری بے نقاب ہوئی۔ ترجمان لیسکو کے مطابق علی گارڈن ہاؤسنگ اسکیم میں 100 کے وی اے غیر قانونی ٹرانسفارمر کے ذریعے بجلی چوری کی جا رہی تھی جس سے کمپنی کو ایک کروڑ روپے کا نقصان ہوا۔ راحت ہاؤسنگ اسکیم میں بھی 25 کے وی اے ٹرانسفارمر سے بجلی چوری پر 20 لاکھ روپے کا نقصان ریکارڈ کیا گیا، جبکہ زاہد سوسائٹی میں ایک فارم ہاؤس پر غیر قانونی کنکشن پکڑا گیا۔ اسی طرح سیکنڈ وائف ریسٹورنٹ کی ڈائریکٹ سپلائی سے لیسکو کو 15 لاکھ روپے کا نقصان اٹھانا پڑا۔ سی ای او لیسکو محمد رمضان بٹ کا کہنا ہے کہ بجلی چوروں کو کسی صورت معافی نہیں ملے گی اور سخت قانونی کارروائی جاری رہے گی۔

Address

Lahore
54000

Website

Alerts

Be the first to know and let us send you an email when Awaz-e-Waqt posts news and promotions. Your email address will not be used for any other purpose, and you can unsubscribe at any time.

Shortcuts

Share

Category