51 News HD

01/11/2025

30/10/2025

ڈسکہ (ڈاکٹرمحمدسرورسردار بھنگو سے)الفجر فاؤنڈیشن نے سیلاب متاثرین کا بہت بڑا مسئلہ حل کردیا، علاقہ مکین خوشی سے نہال، ڈھیروں دعائیں اور اظہار تشکر۔سیلاب متاثرہ گاؤں کوٹلی داسو سنگھ میں سیلاب گزرنے کے بعد پینے کے صاف پانی کا شدید مسئلہ درپیش تھا، جس کے باعث مقامی آبادی کو مشکلات کا سامنا کرنا پڑ رہا تھا اس صورتحال کے پیشِ نظر الفجر فاؤنڈیشن نے عوامی فلاح کے تحت واٹر فلٹریشن پلانٹ نصب کروا دیا ہے تاکہ متاثرین کو صاف اور محفوظ پانی فراہم کیا جا سکے گزشتہ روز سوشل ویلفیئر آفیسر عدنان احمد راٹھور نے الفجر فاؤنڈیشن کے بانی خلیل الرحمان مغل المعروف بھولا بھائی، سرپرست سہیل یوسف، سینئر وائس چیئرمین پریس کلب ڈسکہ رجسٹرڈ امین رضا مغل،سینئر صحافی نوید اقبال خاں، سرفرازاحمد مغل،حاجی محمد آصف بل، فیصل کھنہ،ظہیر احمد گجر، ابرار احمد، عمران ودیگر کے ہمراہ واٹر فلٹریشن پلانٹ کا افتتاح کیا اس موقع پر انہوں نے گاؤں کے ہر گھر میں بریانی تقسیم کی، پانی کی کین اور بچوں میں نقدی بھی تقسیم کی جس سے بڑوں کے ساتھ ساتھ بچے بھی بہت خوش تھے پورے گاؤں میں جشن کا سماں تھا علاقہ مکینوں نے الفجر فاؤنڈیشن کا شکریہ ادا کرتے ہوئے کہا کہ انہوں نے ہمارا بہت بڑا مسئلہ حل کردیا ہے اللہ انہیں جزائے خیر دے اس اقدام سے گاؤں کے درجنوں خاندانوں کو فائدہ پہنچے گا اور پانی سے پیدا ہونے والی بیماریوں میں بھی کمی واقع ہوگی

29/10/2025

پرانے زمانے کے ایک بادشاہ نے غلاموں کے بازار میں ایک غلام لڑکی دیکھی جس کی بہت زیادہ قیمت مانگی جا رہی تھی. بادشاہ نے لڑکی سے پوچھا آخر تم میں ایسا کیا ہے جو سارے بازار سے تمہاری قیمت زیادہ ہے. لڑکی نے کہا بادشاہ سلامت یہ میری ذہانت ہے جس کی قیمت طلب کی جا رہی ہے.

بادشاہ نے کہا اچھا میں تم سے کچھ سوالات کرتا ہوں. اگر تم نے درست جواب دئے تو تم آزاد ہو لیکن اگر جواب نہ ہوا تو تمہیں قتل کر دیا جائے گا. لڑکی آمادہ ہوگئی تب بادشاہ نے پوچھا :
سب سے قیمتی لباس کونسا ہے.؟
سب سے بہترین خوشبو کونسی ہے.؟
سب سے لذیذ کھانا کونسا ہے.؟
سب سے نرم بستر کونسا ہے.؟ اور سب سے خوبصورت ملک کونسا ہے.؟

لڑکی نے غلاموں کے بازار کے تاجر سے کہا میرا گھوڑا تیار کرو کیونکہ میں آزاد ہونے لگی ہوں. پھر پہلے سوال کا جواب دیا. سب سے قیمتی لباس کسی غریب کا وہ لباس ہے جس کے علاوہ اس کے پاس کوئی دوسرا لباس نہ ہو. یہ لباس پھر سردی گرمی عید تہوار ہر موقع ہر چلتا ہے.
سب سے خوبصورت خوشبو ماں کی ہوتی ہے بھلے وہ مویشیوں کا گوبر ڈھونے والی مزدور ہی کیوں نہ ہو اس کی اولاد کیلئے اس کی خوشبو سے بہترین کوئی نہ ہوگی.

لڑکی نے کہا سب سے بہترین کھانا بھوکے پیٹ کا کھانا ہے. بھوک ہو تو سوکھی روٹی بھی لذیذ لگتی ہے. دنیا کا نرم ترین بستر بہترین انصاف کرنے والے کا ہوتا ہے. ظالم کو ململ و کمخواب سے آراستہ بستر پر بھی سکون نہیں ملتا. یہ کہہ کر لڑکی گھوڑے پر بیٹھ گئی. بادشاہ جو مبہوت یہ سُن رہا تھا اچانک اس نے چونک کر کہا لڑکی تم نے ایک سوال کا جواب نہیں دیا. سب سے خوبصورت ملک کونسا ہے.؟

لڑکی نے کہا بادشاہ سلامت دنیا کا سب سے خوبصورت ملک وہ ہے جو آزاد ہو. جہاں کوئی غلام نہ ہو اور جہاں کے حکمران ظالم اور جاہل نہ ہوں. لڑکی کے اس آخری جواب میں انسانیت کی ساری تاریخ کا قصہ تمام ہوتا ہے.

25/10/2025

Call Now for Appointment
03007140464