https://www.facebook.com/108823735275778/

What is Going on in Shilman, landikotal, landikotal (2025)

10/06/2025

زما په زړه کښې اوسه زما ښايسته جانانه 🖤

ناصر استاز اؤ د هغه ملګري ډېر په زړه پورې غزل راسره واورئ ❣️❤️✌️

30/05/2025

کم شلمان جاگ چکا ہے!
قوم کے باشعور نوجوان اب خاموش نہیں — وہ ظلم، محرومی اور مسلسل نظراندازی کے خلاف ایک مضبوط آواز بن چکے ہیں۔

اسی جذبے کے تحت 9 جون 2025 بوقت 04:00PM کو شلمان پبلک اسکول میں ایک عظیم الشان گرینڈ میٹنگ کا انعقاد کیا جا رہا ہے، جس میں ہر شلمانی فرد کو پُرخلوص دعوت دی جاتی ہے۔

یہ صرف ایک میٹنگ نہیں — یہ قوم کا اجتماعی اعلان ہے، اپنے حق کی صدا ہے!

ہم سالوں سے ٹوٹی سڑکوں، بےسہولت اسپتالوں، ناکافی تعلیمی اداروں اور بنیادی حقوق کی محرومی کا شکار ہیں۔ اب وقت آ گیا ہے کہ ہم سب یکجا ہو کر اپنی آنے والی نسلوں کے لیے ایک بہتر مستقبل کی بنیاد رکھیں۔

ہم سیاسی نمائندوں کو بھی واضح پیغام دینا چاہتے ہیں کہ:
اب ہمیں مزید نظرانداز نہ کیا جائے!
ہمیں بھی مساوی حق دیا جائے — ہمیں بھی عزت، ترقی، اور شناخت دی جائے۔
کم شلمان کے ساتھ "سوتیلی ماں" جیسا سلوک اب ہرگز قبول نہیں۔

یہ میٹنگ نہ کسی فرد، نہ کسی جماعت کی ہے —
یہ پوری شلمان قوم کی پکار ہے!

آئیے، خود کو تیار کریں، دوسروں کو بھی جگائیں،
اور 9 جون کو اس تاریخی میٹنگ میں بھرپور شرکت کریں —
تاکہ ہم مل کر اپنے علاقے کے اجتماعی مسائل کا حل نکال سکیں...
کیونکہ اب وقت ہے عمل کا، اتحاد کا، اور بیداری کا — شلمان اب جاگ چکا ہے!

23/05/2025

زیور خان ماما — خاموش محنت کا جیتا جاگتا مجسمہ

جب ہمارے منتخب نمائندے خوابِ غفلت میں ہیں، تب شلمان کا یہ سفید پوش بزرگ، زیور خان ماما، تنِ تنہا اپنی ہاتھ گاڑی سے ٹوٹی پھوٹی سڑکوں کی مرمت کر رہا ہے۔ نہ تنخواہ، نہ سہولت، نہ کوئی شاباش — صرف اپنے لوگوں سے محبت اور خدمت کا جذبہ۔

یہ ماما ہمارے لیے صرف ایک فرد نہیں، بلکہ کردار کی وہ مثال ہے جو قوموں کو بیدار کرتی ہے۔ ایسے لوگ تحسین نہیں، عملی حوصلہ افزائی کے مستحق ہوتے ہیں۔ بہت سوں نے آواز اٹھائی کہ ماما کو سرکاری طور پر سڑکوں کی دیکھ بھال کا کام سونپا جائے، مگر ہمارے نمائندے اب بھی خاموشی کی چادر اوڑھے بیٹھے ہیں۔

نوٹ:
عید قریب ہے۔ یہ وقت ہے دل جیتنے کا، چہروں پر مسکراہٹ لانے کا۔
آئیے، اس عید پر ہم سب زیور خان ماما کے لیے حسبِ استطاعت عیدی دیں۔
یہ محض مدد نہیں، ایک قوم کی طرف سے اپنے محسن کے لیے سلام ہے۔

کوشش کریں کہ زیور ماما سے خود جا کر ملاقات کریں اور ان کو اپنی عیدی دیں۔ اگر کسی وجہ سے آپ خود نہیں جا سکتے، تو آپ کی امانت ہم اُن تک پہنچا سکتے ہیں۔

22/05/2025

کم شلمان روڈ کئی سالوں سے ٹوٹ پھوٹ کا شکار ہے، اور اہلِ علاقہ روزانہ اس خستہ حال سڑک پر سفر کی اذیت برداشت کر رہے ہیں۔ افسوسناک بات یہ ہے کہ اسی سڑک کی خرابی کے باعث کئی حادثات ہو چکے ہیں — جن میں علاقے کے نوجوان اور خواتین اپنی قیمتی جانوں سے ہاتھ دھو بیٹھے۔ کچھ لوگ آج بھی اسی روڈ کے حادثات کی وجہ سے کومہ میں ہیں، لیکن پھر بھی ہمارے نمائندوں کی غیرت نہیں جاگی۔

ہر بار وعدے کیے جاتے ہیں، دعوے سنائے جاتے ہیں، خاص طور پر قادری خاندان کی جانب سے بار بار یقین دہانی کرائی جاتی ہے کہ روڈ تعمیر کی جائے گی۔ مگر حقیقت یہ ہے کہ صرف زکریا مسجد سے حیدری کنڈو تک مقامات پر کام ہوتا ہے، جبکہ کم شلمان روڈ مسلسل نظر انداز کیا جا رہا ہے۔

یہ کیسا انصاف ہے کہ ایک ہی علاقے کے کچھ حصے ترقی کریں، جبکہ باقی عوام پسماندگی کا شکار رہیں؟ کیا ہمارا کوئی حق نہیں؟ کیا ہم صرف ووٹ دینے کے لیے پیدا ہوئے ہیں؟

10/04/2025

إِنَّا لِلّٰهِ وَإِنَّا إِلَیْهِ رَاجِعُونَ

بڑے دُکھ اور افسوس کے ساتھ اطلاع دی جاتی ہے کہ
جناب عمران کوزکلی کی اہلیہ اور جناب داؤد برکلی کی صاحبزادی بقضائے الٰہی انتقال فرما گئی ہیں۔

نمازِ جنازہ اِن شاء اللہ
آج بروز جمعرات، صبح 10:00 بجے
کوزکلی قبرستان میں ادا کی جائے گی۔

اللہ ربّ العزّت مرحومہ کو جنت الفردوس میں اعلیٰ مقام عطا فرمائے
اور لواحقین کو صبرِ جمیل اور اجرِ عظیم عطا فرمائے۔
آمین یا ربّ العالمین

01/04/2025

دل انتہائی غمگین اور آنکھیں اشکبار ہیں کہ طیب اور محمد صاحب کے پیارے بھائی، عبدالرب، بقضائے الٰہی اس دنیا سے رخصت ہو گئے۔

یہ المناک خبر سن کر دل مغموم ہے، الفاظ دکھ کے اظہار کے لیے ناکافی ہیں۔ وہ ایک شفیق اور نیک دل انسان تھے، جن کی جدائی ایک ناقابلِ تلافی نقصان ہے۔ اللہ تعالیٰ انہیں جنت الفردوس میں اعلیٰ مقام عطا فرمائے اور ان کے درجات بلند کرے۔

نمازِ جنازہ آج، بروز منگل، شام 4 بجے، لنڈی کوتل، کم شلمان، بر کلے میں ادا کی جائے گی۔

تمام عزیز و اقارب، احباب اور محبین سے التجا ہے کہ دعا کریں اللہ تعالیٰ مرحوم کی مغفرت فرمائے اور سوگواران کو صبرِ جمیل عطا کرے۔ آمین۔

15/02/2025

آج ہمارے محترم استاد، حاجی حلیم صاحب کے نواسے اور حاجی مراد صاحب کے صاحبزادے، حافظ سبیل نے قرآنِ کریم کو اپنے سینے میں محفوظ کرنے کی سعادت حاصل کر لی ہے۔اس بابرکت موقع پر ہم استاد محترم اور ان کے پورے خاندان کو دلی مبارکباد پیش کرتے ہیں۔ اللہ تعالیٰ حافظ سبیل کو باعمل عالمِ دین بنائے، ان کے علم و عمل میں برکت عطا فرمائے اور انہیں دین کی خدمت کی توفیق دے۔ آمین یا رب العالمین!

14/02/2025

نمازِ جنازہ کا اعلان

انتہائی افسوس کے ساتھ اطلاع دی جاتی ہے کہ کم شلمان کوز کلی کے مرحوم حاجی حبیب اللہ اور ڈاکٹر غلام جان کے بھائی، عظیم اللہ کے والد، استاد محترم شاہ جی شلمانی بقضائے الٰہی وفات پا گئے ہیں۔

نمازِ جنازہ آج بروز جمعہ، شام 4 بجے لنڈی کوتل، کم شلمان کوز کلی میں ادا کی جائے گی۔

اللہ تعالیٰ مرحوم کو جنت الفردوس میں اعلیٰ مقام عطا فرمائے، ان کی مغفرت فرمائے اور لواحقین کو صبرِ جمیل عطا کرے۔ آمین۔

08/01/2025

سوشل میڈیا ایکٹوسٹ اور نوجوانان قبائل کے سرگرم کارکن ثواب نور شینواری کو ماورائے قانون گروپوں کے ذریعے اغوا کرنا اس بات کا واضح ثبوت ہے کہ یہاں قانون محض کمائی کا ذریعہ بن چکا ہے اور پولیس انتظامیہ صرف کاروبار میں مصروف ہے۔ ثواب نور اکیلے نہیں، پوری قوم آپ کے ساتھ ہے۔ ثواب نور نے میچنی چیک پوسٹ پر بھتہ خوری کی نشاندہی کی تھی، وہ انعام کے مستحق تھے، مگر انہیں انتقام کا نشانہ بنایا گیا۔ یہاں پولیس کی جعلی منشات کے خلاف کارروائیوں کی پذیرائی کی جاتی ہے، حالانکہ اندرونی طور پر بلیک میلنگ، بھتہ خوری اور لاقانونیت ان کا معمول بن چکا ہے۔

ایڈمن : یاسر علی شلمانی

What is Going on in Shilman

10/06/2025

30/05/2025

23/05/2025

22/05/2025

10/04/2025

01/04/2025

15/02/2025

14/02/2025

08/01/2025

Address

Telephone

Website

Alerts

Contact The Business

Shortcuts

Share

Category