11/06/2026
افسوناک واقعہ 💔
لنڈیکوتل خیبر نیوز کے رپورٹر صائم خان آفریدی پر اپنے رہائش گاہ واقع سلطان خیل میں مبینہ طور پر نامعلوم مسلح افراد نے فائرنگ کی، خاندانی ذرائع کے مطابق صائم خان سلطان خیل مارکیٹ کے قریب ماموں کے رہائش گاہ سے اپنے گھر جارہے تھے کہ راستے میں جھاڑیوں میں پناہ لئے نا معلوم مسلح افراد کو دیکھ کر صائم خان نے پستول سے فائرنگ کردی۔ نامعلوم مسلح افراد نے جوابی فائرنگ کی تاہم خوش قسمتی سے صائم خان آفریدی بال بال بچ گئے۔ خاندانی ذرائع کے مطابق صائم خان آفریدی واپس ماموں کے رہائش گاہ آگئے جہاں وہ بے ہوش ہوگئے۔ رشتہ داروں نے صائم خان آفریدی کو طبی امداد کے لئے لنڈیکوتل ہسپتال منتقل کردیا۔ ایس ایچ او تھانہ لنڈیکوتل عشرت علی کے مطابق صائم خان کو طبی امداد دی جارہی ہے۔ حالت خطرے سے باہر ہے۔ بہت جلد ہوش میں آئےگا۔ واضح رہے کہ دو سال قبل خیبر نیوز لنڈیکوتل کے رپورٹر خلیل جبران کو اسی مقام پر دہشتگردوں نے فائرنگ کرکے شہید کردیا تھا
