06/11/2024
نصيراآباد رپوٽر عبداللطيف گاڏھي نصيراآباد پاڪستان پيپلز پارٽي شھيد ڀٽو عوامي ورڪرز پارٽي نصيراآباد جي طرفان ڪامريڊ يوسف پتوجو ڪامريڊ سينگار نوناري ڪامريڊ ابراھيم چانڊيو عابده چنه ۽ ٻين جي اڳواڻي ۾ احتجاج ڪيو ويو انهن جو چوڻ ھو ته ڀرپاسي سوين ايڪڙن تي پوکيل سارين جو بمپر فصل پچي تيار ٿي مارڪيٽ ۾ اچي ويو آھي.جڏھن ته هارين طرفان سارين جي سٽ شروع ڪري ڇڏي آھي.جڏھن ته مقامي واپارين سارين جا اگهہ ڪيرائي ڇڏيا آھن.سارين جو 2 هزار في مڻ مقرر ڪيو ويو آھي.هوڏانهن آبادگار هارين ۽ ٻين جو چوڻ ھو ته سارين جي پوکائي دوران ٻج،ڀاڻ توڙي دوائن جو وڏو خرچ ٿئي ٿو.هنن چيو ته مناسب اگهہ مقرر نہ هجڻ ڪري فائدي بجاء نقصان پوي ٿو.هنن چيو ته سرڪاري سطح تي وڌيڪ اگهہ مقرر ڪري نقصان کان بچايو وڃي.هنن چيو ته سرڪاري سطح تي سارين جو في مڻ 45 سئو مقرر ڪري سرڪاري طور خريداري ڪئي وڃي.هارين کي بکون ڪاٽڻ کان بچايو وڃي.هنن سنڌ حڪومت توڙي ضلعي انتظاميه کان مطالبو ڪيو آھي ته سارين جو سرڪاري 45 سئو في مڻ مقرر ڪري اسان جي بيچيني ختم ڪئي وڃي.
