Al Qasmia Gulshan-e-Durood

10/07/2025

08/07/2025

❀ پاڻ ڪريمن ﷺ فرمايو تون وفا جو صاحب آھين ❀
اي منھنجا سھڻا! ھڪڙو شخص پيو چوي مان مديني شريف ۾ رات گذاري. (يمن جي پاسي جو ھجي) حج شريف جي مٿان ويس جڏھن صنعا جي شھر منجھان نڪتس جيڪو يمن جي حڪومت جو تخت گاھ آھي، تہ ماڻھون مون سان اڳتي نڪتا استقبال ڪاڻ..... پوءِ ھڪڙي ماڻھون مون کي سلام ڏنا حضور صلي الله عليه وآله وسلم جي واسطي تہ حضور جي درٻار ۾ منھنجا سلام پھچائجانءَ..... مان اتي پھتس تہ اتي مونکي ھن جي سلامن جي ڳالھ وئي وسري..... آخرڪار جڏھن ٽي چار ڏھاڙا ترسي اتان (يعني مدينه شريف مان) موڪلايوسين جو حج شريف نزديڪ ھجي..... پوءِ ٻاھر نڪتس تہ بير علي جي نزديڪي ۾ مون کي ان جا سلام ياد پيا. چيم تہ مان پاڻ کي ماري وڌو جو سائين جا سلام مان رھائي آيس. تنھن ڪري سنگت کي چيم بابا! قافلو توھان وٺيو وڃو مان وڃان ٿو پوئتي..... مون کي امانت پھچائڻي آھي..... توھان ھليا وڃو مڪي شريف مان پاڻھين پھچندس..... چيائين مان موٽي ويس. سج لٿو ھجي، سومھڻي جي نماز پيا پڙھن، مان اتي پھتس تہ دير ٿي وئي، محبوبن کي سلام پھچايم..... پوءِ چيم تہ ھاڻي رات اتي ترسي پوان ٿو..... پوءِ رات اتي (مدينه شريف ۾) ترسي پيس. تڏھن حرم شريف ۾ سمھڻ جي منع نہ ھوندي ھئي. چيائين تہ مان صلوات شريف پڙھندي پڙھندي سمھي پيس. اڃان منھنجي ننڊ ۾ اک لڳي تہ ڏٺم تہ روضي شريف جو دروازو مبارڪ کليو آھي ۽ اندر مجلس آھي، سرڪار (مدينه) تخت گاھ تي ويٺا آھن..... حج حج منھنجو تہ اتي ٿي ويو.....

جن ساجھر سيڻ ڀيٽيا تن نيرن ڪئي نيران
جيءُ جسي ۽ جان ڪـر حضوري حج ڪيو

اکيون ٺري پيون..... زيارت کان مشرف ٿيس. ڏٺم تہ حضرت ابابڪر صديق ۽ حضرت عمر رضي الله تعاليٰ عنهما ٻئي ڀرسان ويٺا آھن. صحابہ سڳورن جي ڪچھري آھي. حضرت ابابڪر صديق رضي الله تعاليٰ عنه حضور کي ھوريان ھوريان ڪا ڳالھ ٿو ڪري ۽ مون ڏي بہ اشارو ڪيائون ۽ ڄڻ چؤ تہ منھنجي ڪا ڳالھ حضرت ابابڪر صديق رضي الله تعاليٰ عنه سائين جن سان خدمت ۾ پيو عرض ڪري..... ڏٺم تہ سرڪار بہ اک مبارڪ کڻي ۽ مونڏي نھاريو..... ۽ نھاري ۽ فرمايائون تہ
يا ابو الوفا تعال ھِنا
اي ابو الوفا! يعني وفا جا صاحب! ھيڏي اچ. عرض ڪيم سھڻا سائين! مونکي ابوالوفا تہ نہ سڏيندا آھن، ابوالاعليٰ سڏيندا آھن (جو علاءالدين جو پيءُ آھيان)..... پاڻ فرمايائون تہ
لابل انت ابوالوفا
تون وفا جو صاحب آھين. رڙھندو وڃي قدمن مبارڪن تي ڪريس..... پاڻ مٿي تي ھٿ مبارڪ گھمائي ۽ فرمايائون سنگت تنھنجي ھلي وئي؟ چيم تہ ھائو سھڻا سائين! سنگت ھلي وئي مان توھان کي سلام ڏيڻ جي ڪاڻ ترسيو آھيان. سلام مونکي وسري ويا ھيا. تنھن جي ڪري مان رھجي پيس، پاڻ فرمايائون تہ وعليکم السلام ورحمة الله..... پوءِ فرمايائون تہ ھاڻي تون مڪہ ويندين. عرض ڪيم تہ ھائو قبلا سائين! پاڻ فرمايائون تون اسان لاءِ ترسيو آھين ۽ ھاڻي اسان توکي مڪہ شريف پھچائيندا سي. چيم تہ ھائو قبلا! توھان مونکي پھچايو..... چيائين تہ سرڪار مونکي ھن ٻانھن سڄي منجھان ورتو ۽ مون کي مٿي کنيائون. جيئن ڪک کي کڻبو آھي، مان ايئن سمجھيو تہ عرش عظيم تي وڃي پھتو آھيان..... مٿي کڻي ۽ پو وري ھيٺ لاٿائون..... ھوريان ھوريان ھيٺ ويھاريائون..... ويھاريائون تہ مونکي سجاڳي ٿي وئي. اڃان جو اکيون پٽي ڏسان تہ مان مڪي شريف جي حرم شريف منجھ ويٺو آھيان، اتي ماڻھو (ڪعبة الله شريف کي) طواف پيا ڪن. (ھو بہ معراج ھو پر ھي بہ معراج ڏس) چيائين تہ مان اٿي تازو وضو ڪري ۽ طواف ڪرڻ شروع ڪيو..... مان ڏھ ڏھاڙا اتي ھيس، ڏھين ڏھاڙي کان پوءِ اسانجو قافلو مڪہ شريف پھتو. اي منھنجا سھڻا! طيّ زمان جي جاءِ بہ ڪانھي تہ طيّ مڪان جي حاجت بہ ڪانھي. انھي شھنشاھ پاڪ صلي الله عليه وآله وسلم جي ھٿ ۾ ھٿ ڏئي ڇڏ ۽ دامن ۾ ھٿ وجھ..... پوءِ ٻئي جھان تنھنجا روشن ٿي ويندا. (صلوات شريف پڙھ حضرت حبيب
ڪريم صلي الله عليه وآله وسلم تي).
( صَلَّی اللّٰهُ عَلیٰ مُحَمَّدٍ وَّاٰلِهٖ وَسَلَّمَ )

(نوراني الفاظ مبارڪ)
حضرت محبوب مرشد ڪريم
سائين بادشاھ مشوري شريف وارا سائين
قدس سره الاقدس

بمقام:
ڳوٺ ميان مير محمد نولکي واھ
نزد ھنگورجا ضلع خيرپور
تاريخ:
سن ۱۳۸۵ ھجري مطابق 1966ع

بحوالا ڪتاب # خطبات سائین بادشاھ

❀ صَلَّی اللّٰهُ عَلیٰ مُحَمَّدٍ وَّاٰلِهٖ وَسَلَّمَ ❀

07/07/2025

. شاعري مبارڪ
حضرت محبوب قبله سائين مسڪين سائين بادشاه
دامت برڪاتھم العاليہ

05/07/2025

✿امام حسين عليه السلام جي قرباني زندھ آھي✿
منھنجا ادا! ھي ڏکن جا داستان جيستائين ھي دنيا آھي تيستائين ايھي يادگار رھندا. پر انھي مان ايئن نہ سمجھ تہ اسين رڳو ايھي ڳالھيون ڪري ۽ پوءِ چپ ڪري ويھي رھون ۽ اسان جا لاٽون چڳھہ ساڳيا ھجن ۽ عمل جي تبديلي نہ ٿئي. انھي مان اسان کي سبق ڏئي ويا آھن خداوند ڪريم جلشانه توھان ۽ اسان کي ۽ سڀني کي توفيق ڏئي جو اسان جي محبت ۽ نسبت کي اللّٰه سائين جلشانه عم نواله شل استحڪام عطا فرمائي. انھن جي پيروي ڪرڻ جي اسان کي توفيق رفيق ڏيئي. مان توھان کي پڪ ٻڌائيندس تہ يزيدي چون ٿا تہ مري ويو...... تہ....... ڪون....... مري ويو آ........ شمر........ مري ويو....... ڪو نہ مئو آ........ عمرو پٽ سعد جو مئو آ. پر ڪون مئو آ. عبيداللّٰه ڪوفي جو گورنر جنھن شھيدن سڳورن جا مٿا مبارڪ ڪوفي ۾ پئي ڦيرايا نيزن تي چاڙھي......... سو مري ويو آ....... پر ڪون مئو آ........ جيڪڏھن ايھي نہ مئا آھن تہ حضرت امام حسين رضي اللّٰه تعاليٰ عنه معاذ اللّٰه وصال ڪري ويو آ ڇا آ (زندہ آھي) انھي جي اسڪيم زندہ آ. انھي جي قرباني زندہ آ جيئن سيدنا حضرت اسماعيل عليٰ نبينا عليہ الصلواة والسلام ۽ حضرت سيدنا خليل الرحمان جي قرباني زندہ آھي قيامت تائين تہ ھي قرباني ڪربلا جي بہ زندہ آھي. ايمان وارين دلين جي واسطي ھدايت جو جھنڊو پيش ڪري ويا آھن.

نوراني الفاظ مبارڪ
حضرت محبوب مرشد ڪريم
سائين بادشاھ مشوري شريف وارا سائين
قدس سرہ الاقدس

بتاريخ پھرين محرم الحرام ۱۳۹۰ ھجري
بروز جمعة المبارڪ بعد نماز جمع
درگاھ عاليه حضرت مشوري شريف لاڙڪاڻو

بحوالا ڪتاب # خطبات سائين بادشاھ

🌹صَلَّی اللّٰهُ عَلیٰ مُحَمَّدٍ وَّاٰلِهٖ وَسَلَّمَ🌹

04/07/2025

✿حضرت امام سائين رضي اللّٰه تعاليٰ عنه ڪربلا ۾ ازل جي فيصلي کي ثابت ڪرڻ آيا ھيا.✿
حضرت امام سائين رضي اللّٰه تعاليٰ عنه جيڪڏھن ڪرامت سان، طاقت سان، سنبري اچڻ سان مقابلو ڪن ھا تہ اھڙو مقابلو ڪن ھا جو انھي حڪومتن جا تختا اٿلائي وجھن ھان. پر پاڻ مقابلو ئي ڪون ڪيائون. اچڻ سان اڳ ۾ پنھنجا ٻچڙا ڏيندا ويا. پوءِ پڇاڙي ۾ پنھنجو سر مبارڪ بہ شھادت ۾ ڏئي ڇڏيائون. پوءِ جيڪڏھن اللّٰه سائين جلشانه عم نواله کي منظور ھا تہ ابابيلن جي ھٿان ھاٿين کي مارائي ھاٿين جي لشڪر کي بہ ماري. جي منظور ھجيس تہ ۳۱۳ جي ھٿان ھزارين ڪافرن جي لشڪرن کي تاراج ڪري ڦٽي ڪري. سڀ ڪجھ ٿي پئي سگھيو پر ھتي تہ اللّٰه سائين جلشانه ايئن نہ ڪيو! (اڳي جو ٿيل ھو) پاڻ انھي فيصلي کي ثابت ڪرڻ آيا ھوا جيڪو اڃان پاڻ پينگھي ۾ ھوا سندن ولايت کان بہ اڳي ايھو فيصلو ٿيو ھو. ايھو فيصلو پورو ٿيو.

نوراني الفاظ مبارڪ
حضرت محبوب مرشد ڪريم
سائين بادشاھ مشوري شريف وارا سائين
قدس سرہ الاقدس

بتاريخ پھرين محرم الحرام ۱۳۹۰ ھجري
بروز جمعة المبارڪ بعد نماز جمع
درگاھ عاليه حضرت مشوري شريف لاڙڪاڻو

بحوالا ڪتاب # خطبات سائين بادشاھ

🌹صَلَّی اللّٰهُ عَلیٰ مُحَمَّدٍ وَّاٰلِهٖ وَسَلَّمَ🌹