15/07/2026
رتوديرو جي تعلقه اسپتال اسٽاف جي مبينا غفلت سبب 6 ورهين جي نينگر جو سنت طوهر صحيح نه ٿيو، گهر پهچڻ بعد رت بند نه ٿي نينگر جي حالت خراب، وارثن نينگر کي خانگي اسپتال منتقل ڪيو،
نينگر جي چاچي صدرالدين بليدي ۽ نينگر جي والد الله رکيو بليدي ميڊيا اڳيان داهيندي اهو الزام هنيو ته صبح 6 ورهين جي نينگر عبدالستار کي طوهر سنت ڪرائڻ لاء تعلقه اسپتال کڻي آياسين جتي ڊسپينسر احمد علي جوڻيجو 15 سئو روپيا گهريا پئسا نه ڏيڻ تي ان نينگر جو غلط طوهر ڪيو آهي،
صبح جو نينگر جو طوهر ٿيڻ بعد اسپتال کان ڳوٺ لاء نڪتاسين ته رت نه بيٺي هن وقت تائين رت وهي رهيو هو ان بعد نينگر بيهوش ٿي ويو ان کي کڻائي خانگي اسپتال پهچايو سين۔
هنن صحت کاتي انتظاميا جي اعلا اختيارين کان مطالبو ڪيو ته نوٽيس وٺي ڊسپينسر خلاف ڪاروائي ڪري انصاف فراهم ڪيو وڃي ۔
