https://www.facebook.com/101213709357558/

Daily Update Layyah, Distract Layyah, Layyah (2026)

28/10/2025

🌿 شفقت علی بھٹہ صاحب — فتح پور کے شہزادے

تحریر: مفتی عبدالرحیم

اللہ تعالیٰ بعض بندوں کو اپنی مخلوق کی خدمت کے لیے چن لیتا ہے۔ وہ جہاں بھی ہوں، وہاں راحت، خیر اور برکت کے اسباب پیدا ہوتے ہیں۔ انہی خوش نصیب لوگوں میں سے ایک ممتاز نام ہے جناب شفقت علی بھٹہ صاحب کا، جو حقیقت میں فتح پور کے شہزادے کہلانے کے مستحق ہیں۔

خلوص و محبت کے علمبردار

بھٹہ صاحب کی شخصیت خلوص، محبت اور خیر خواہی کا حسین مجموعہ ہے۔ وہ ہمیشہ نرم گفتار، عاجزانہ مزاج اور مسکراہٹ سے لبریز چہرے کے ساتھ نظر آتے ہیں۔
ان کا ہر عمل اس بات کا گواہ ہے کہ وہ مظلوم کے بازو، غریب کے ساتھی، اور اہلِ دل کے مخلص خیر خواہ ہیں۔

بیواؤں کے مددگار، یتیموں کے سہارے

بھٹہ صاحب نے اپنی زندگی کا بڑا حصہ بیواؤں اور یتیموں کی کفالت میں وقف کر رکھا ہے۔ وہ ایسے گھروں میں خوشیوں کے دیپ جلاتے ہیں جہاں امید کے چراغ بجھ چکے ہوتے ہیں۔ ان کے دروازے پر آنے والا کبھی مایوس واپس نہیں جاتا۔

غریب بچیوں کی تعلیم و شادی میں خصوصی خدمات

وہ غریب اور نادار بچیوں کی تعلیم و شادی کے حوالے سے نمایاں کردار ادا کر رہے ہیں۔
ان کے نزدیک ایک بچی کو تعلیم دینا ایک نسل کو سنوارنے کے مترادف ہے، اور ایک بیٹی کی شادی میں تعاون کرنا ایک گھر کو آباد کرنے جیسا عمل ہے۔
وہ اس کام کو محض سماجی فریضہ نہیں بلکہ دینی خدمت سمجھ کر انجام دیتے ہیں۔

مریضوں کے علاج کے لیے تگ و دو

شفقت علی بھٹہ صاحب کے خدمت کے دائرے میں مریضوں کی مدد بھی شامل ہے۔
کوئی بیمار علاج کا متحمل نہ ہو، تو وہ خود آگے بڑھ کر اس کے علاج، دوائی اور اسپتال کے انتظامات میں معاونت کرتے ہیں۔
ان کے لیے مریض کی مسکراہٹ ہی سب سے بڑی کامیابی ہے۔
درحقیقت مریضوں کے علاج کے لیے تگ و دو کرنا ان کا شیوہ ہے۔

شہر کی خوبصورتی اور ماحول دوستی

فتح پور شہر کی صفائی، خوبصورتی اور سبز ماحول کے لیے ان کی محنت نمایاں ہے۔
پودے لگانا، درختوں کی آبیاری اور ماحول کو سرسبز بنانا ان کے محبوب مشاغل میں شامل ہے۔
ان کا یقین ہے کہ “درخت لگانا صرف نیکی نہیں بلکہ صدقۂ جاریہ ہے۔”

نوجوانوں کے لیے پیغام

شفقت علی بھٹہ صاحب کی زندگی نوجوانوں کے لیے ایک پیغام ہے —

> نوجوانوں کو دعوت ہے کہ وہ بھی اس میدانِ خدمت میں اتریں،
مخلوقِ خدا کے کام آئیں،
اور اپنے شہر، قوم اور دین کے لیے خیر و برکت کا ذریعہ بنیں۔

محبت، عاجزی اور مقبولیت

بھٹہ صاحب کی سادگی، نرمی اور خلوص نے انہیں ہر دل عزیز بنا دیا ہے۔
وہ اختلافات سے بالاتر ہو کر صرف انسانیت کی بھلائی کو مقصد بنائے ہوئے ہیں۔
ان کی محفل میں بیٹھنے والا سکون، محبت اور خیر کی خوشبو محسوس کرتا ہے۔

دعا اور فخر

اللہ تعالیٰ شفقت علی بھٹہ صاحب کی خدمات کو اپنی بارگاہ میں قبول فرمائے،
ان کی عمر، صحت، عزت اور نیکیوں میں برکت عطا فرمائے،
اور انہیں دنیا و آخرت میں سرخرو فرمائے۔

اور مجھے فخر ہے کہ یہ میرا شاگرد ہے۔ 🌹

اللّٰہم آمین یا رب العالمین 🌿

28/10/2025

ڈپٹی کمشنر لیہ امیر ابیدار کے خصوصی احکامات پر لیہ تا چوک اعظم روڈ پر گرین بیلٹس کی صفائی، جڑی بوٹیوں کے خاتمے اور بیوٹیفیکیشن پروجیکٹ کے تحت گرین بیڈز کی تزئین و آرائش، پودوں کو پانی دینے اور خصوصی سمٹری کے ساتھ پودوں کی تنصیب کا کام جاری ہے۔

اس منصوبے پر ضلع کونسل لیہ، محکمہ جنگلات لیہ اور میونسپل کمیٹی لیہ کی مشترکہ نگرانی میں بیل چوک، اڈا پانچواں میل اور ہیڈ محبوب نہر کے قریبی حصے پر کام تیزی سے جاری ہے۔

ایڈیشنل ڈپٹی کمشنر جنرل لیہ شبیر احمد ڈوگر نے ڈپٹی کمشنر لیہ کے احکامات پر تمام جاری سرگرمیوں کا جائزہ لیا اور متعلقہ محکموں کو ہدایت کی کہ گرین بیلٹس کی بیوٹیفیکیشن اور تزئین و آرائش کا عمل جلد از جلد مکمل کیا جائے۔

28/10/2025

گورنمنٹ ھائیر سیکنڈری ماڈل سکول لیہ کے مایہ ناز ٹیچر سابق صدر پنجاب ایس ای ایس ٹیچرز ایسوسی ایشن ضلع لیہ اور میرے وسیب چک 99 اے ٹی ڈی اے کا چمکتا ستارہ محترم انکل چوھدری محمد طارق صاحب لیہ میں سی ای او ایجوکیشن کے دفتر میں اسسٹنٹ ڈائریکٹر کی سیٹ پر تعینات ہوگئے ہیں انکل جی دلی مبارکباد پیش کرتا ھوں صدا سلامت اور مسکراتے ہو

06/10/2025

معین خان کا سفر – ایک چھوٹے شہر سے کامیابی کی بلندیاں تک

میرا نام معین خان ہے، اور میں ضلع لیہ کے ایک خوبصورت مگر چھوٹے سے قصبے لدھانہ سے تعلق رکھتا ہوں۔ میری زندگی کا آغاز عام مگر خواب بڑے تھے۔ میں نے اپنی میٹرک کی تعلیم گورنمنٹ ہائی سیکنڈری اسکول لدھانہ سے مکمل کی، اور انٹرمیڈیٹ پنجاب کالج لیہ سے کیا۔

انٹر کے بعد، میرے ایک دوست نے مجھے ایک موقع دیا جو بظاہر نوکری لگ رہا تھا، مگر دراصل وہ Tiens کمپنی کا بزنس تھا۔ میں نے اس موقع کو آزمانے کا فیصلہ کیا اور تقریباً ایک سال اس کمپنی کے ساتھ گزارا۔ اس دوران میں نے زندگی کے بہت سے تجربات حاصل کیے۔ مگر یہ وقت آسان نہ تھا — مالی مشکلات، جیب خرچ کی کمی، اور لوگوں کی باتیں میرا حوصلہ توڑنے کے لیے کافی تھیں۔ لیکن میں نے ہار نہیں مانی۔ میں نے خود سے وعدہ کیا کہ میں رکوں گا نہیں، کیونکہ میرا یقین تھا کہ اللہ ان کے ساتھ ہوتا ہے جو ہمت نہیں ہارتے۔

اسی یقین کے ساتھ میں نے اپنے شہر کو چھوڑ کر لاہور کا رخ کیا تاکہ اپنی تعلیم دوبارہ شروع کرسکوں۔ ایک نئے شہر میں قدم رکھنا اور سب کچھ نئے سرے سے شروع کرنا آسان نہیں تھا، مگر میں نے ہمت نہیں ہاری۔ میں نے اپنی گریجویشن یونیورسٹی آف لاہور سے مکمل کی، اور یہ میری زندگی کی پہلی بڑی کامیابی تھی۔

گریجویشن کے بعد مجھے اپنی پہلی حقیقی نوکری اورنج لائن میٹرو ٹرین لاہور میں سیکیورٹی سپروائزر کے طور پر ملی۔ میں نے دل لگا کر محنت کی، اور صرف ایک سال میں مجھے ترقی دے کر اسٹیشن سیکیورٹی انچارج بنا دیا گیا۔ یہ لمحہ میرے لیے فخر کا باعث تھا۔

پھر اچانک کووڈ-19 کی وبا آگئی، اور بدقسمتی سے میں نے اپنی نوکری کھو دی۔ مگر میں نے ہار نہیں مانی۔ میں نے ایک اسکول میں استاد کے طور پر کام شروع کیا۔ اگرچہ میں نے ایمانداری سے کام کیا، لیکن جلد ہی محسوس ہوا کہ یہ میرا اصل شعبہ نہیں ہے۔ چھ ماہ بعد میں نے یہ نوکری چھوڑ دی اور ایک کال سینٹر (Jazz Network) میں کسٹمر ریپریزنٹیٹو کے طور پر کام شروع کیا۔ اس تجربے نے مجھے بات چیت، صبر، اور لوگوں سے نمٹنے کا ہنر سکھایا۔

ایک سال بعد، قسمت نے ایک بار پھر مجھے موقع دیا اور مجھے دوبارہ اورنج لائن میٹرو ٹرین لاہور میں آپریشنز ڈیپارٹمنٹ میں اسٹیشن ماسٹر کی حیثیت سے شامل ہونے کا موقع ملا۔ میں نے دو سال وہاں کام کیا اور قیمتی تجربہ حاصل کیا۔

حالیہ دنوں میں، مجھے ایک نیا موقع ملا — الیکٹرو بس لیہ میں منیجر آپریشنز کے طور پر۔ یہ میرے لیے ایک خواب کی تکمیل جیسا لمحہ تھا — اپنے ضلع میں واپس آکر ایک ذمہ دار عہدے پر کام کرنے کا موقع۔

آج جب میں پیچھے مڑ کر دیکھتا ہوں تو محسوس کرتا ہوں کہ میری زندگی کا ہر مشکل لمحہ دراصل ایک سبق تھا۔ غربت، ناکامی، اور لوگوں کی باتوں کے باوجود میں نے کبھی ہمت نہیں ہاری۔ میں نے ہمیشہ خود پر، اپنی محنت پر، اور سب سے بڑھ کر اللہ پر یقین رکھا۔

میری کہانی ان سب کے لیے ایک پیغام ہے جو زندگی کی مشکلات سے گھبراتے ہیں:
کامیابی ایک دن میں نہیں ملتی، یہ ان لوگوں کو ملتی ہے جو ہار ماننے کے بجائے ڈٹے رہتے ہیں۔

کبھی ہمت نہ ہارو — اللہ ہمیشہ تمہارے ساتھ ہے۔

30/08/2025

*لیہ کے تھانہ چوک اعظم کی حدود میں حیات نہر سے ایک مرد کی لاش ملی ہے جو اس کے متعلق جانتا ہو وہ ان نمبر پر رابطہ کرے لیہ بھکر اور میانوالی کے رہائشی افراد اسکی شناخت کریں ایس ایچ او انسپکٹر عرفان باجوہ چوک اعظم 03007195001 طارق مسعود خان ASI تھانہ چوک اعظم 03026972242محمد عمر شاکر سماجی رہنما
03136522265

30/08/2025

سماجی شخصیت محمد عمر شاکر کی جانب سے اہلیان تھل سے اپیل ہے۔
جھنگ اٹھارہ ہزاری، گڑھ موڑ اور رنگ پور کے علاقے اس وقت سیلاب کی سنگین صورتحال سے دوچار ہیں۔ پانی کا طوفان گھروں کو ڈبو رہا ہے، کھیت کھلیان برباد ہو چکے ہیں اور ہمارے اپنے بہن بھائی کھلے آسمان تلے بے یار و مددگار کھڑے ہیں۔

ایسے نازک لمحوں میں تھل کی غیور عوام سے بڑھ کر کون ہے جو بھائی چارے اور قربانی کی مثال بنے؟ ضرورت اس امر کی ہے کہ چوبارہ، نواں کوٹ، بھریڑی، ڈھنگانہ، حیدرآباد تھل اور منکیرہ کے لوگ اپنے دروازے ان بے سہارا سیلاب زدگان کے لیے کھول دیں۔

آج اگر ہم نے ان کے دکھ کو اپنا دکھ سمجھ کر ہاتھ نہ بڑھایا تو کل کو تاریخ ہمیں معاف نہیں کرے گی۔ یہ وقت انسانیت کا امتحان ہے، اور تھل کے بہادر، سخی اور غیور لوگ ہمیشہ مشکل وقت میں ڈھال بنے ہیں۔ آئیے! ایک بار پھر اپنی روایات کو زندہ کریں، اپنے دسترخوان، اپنے کمرے اور اپنے دل ان سیلاب زدہ بہن بھائیوں کے لیے وسیع کریں۔

🌹
دعا ہے اللہ تعالیٰ ان متاثرہ خاندانوں پر اپنا خاص کرم فرمائے، ان کے دکھ درد کم کرے اور ہمیں ان کی مدد کرنے کی توفیق عطا فرمائے۔
🙏
غم بانٹنے سے گھٹتا ہے،
محبت بانٹنے سے بڑھتی ہے۔

30/08/2025

صغیراحمد بھٹی انسان دوستی کی مثال
تحریر ۔۔۔۔ارشادراۓ

کبھی کبھی کسی گاؤں کی گلیوں میں ایک ایسا چراغ جل اٹھتا ہے جو صرف اپنا راستہ روشن نہیں کرتا بلکہ پورے قبیلے کو روشنی عطا کرتا ہے۔ ضلع لیہ کی تحصیل کروڑ لعل عیسن کے ایک چھوٹے سے گاؤں بستی ریحان کی مٹی سے ایک ایسا ہی چراغ اُٹھا، جس کا نام ہے صغیر احمد بھٹی ۔

یہ بستی کبھی غربت اور محرومی کی ایک جیتی جاگتی تصویر تھی۔ کچے مکان، ٹوٹتی دیواریں، روزگار کی کمی اور تعلیمی پسماندگی اس گاؤں کا مقدر تھیں۔ مگر انہی گلیوں میں کھیلنے، پڑھنے اور جوان ہونے والے صغیر بھٹی نے خواب دیکھا کہ یہ محرومی کسی نہ کسی دن ختم ہوگی۔ اس خواب کی تعبیر کے لیے وہ پہلے دبئی اور پھر سعودی عرب کے شہرِ مدینہ پہنچے، جہاں وہ آج ایک بڑی کمپنی میں ڈائریکٹر آف فنانس کی حیثیت سے اپنی خدمات انجام دے رہے ہیں۔

لیکن صغیر بھٹی کی اصل پہچان صرف انفرادی ترقی نہیں۔ اصل کہانی یہ ہے کہ انہوں نے اپنی کامیابی کو اپنی ذات تک محدود نہیں رکھا بلکہ اپنے گاؤں کے ہر در و دیوار کو اس روشنی میں شامل کیا۔ صغیر بھٹی نے اپنی مدد سے بستی کے نوجوانوں کو تعلیم دلوائی، انہیں بہتر روزگار کے مواقع فراہم کیے اور پھر انہی نوجوانوں کو سعودی عرب میں مستحکم مستقبل سے جوڑا۔ آج صورتحال یہ ہے کہ وہی بستی، جو کل تک غربت اور مفلسی کا استعارہ تھی، اب خوبصورت پختہ مکانات اور بلند و بالا کوٹھیوں سے مزین ہے۔ بیشتر گھروں میں ماہانہ لاکھوں روپے بیرونِ ملک سے آ رہے ہیں، شرح خواندگی آسمان کو چھو رہی ہے اور غربت تقریباً ناپید ہو چکی ہے۔

یہ سب تبدیلی ایک فرد کے جذبے، عزم اور غریب پرور سوچ کا نتیجہ ہے۔ صغیر بھٹی آج بھی فلاحی کاموں میں پیش پیش رہتے ہیں۔ اگر بستی کا کوئی گھر اپنی مشکلات کا شکار ہو تو وہ اس کی ضروریات پوری کرنے کو اپنا فرض سمجھتے ہیں۔ ان کا کردار ہمیں یہ سکھاتا ہے کہ اصل کامیابی وہ ہے جو دوسروں کے نصیب بھی بدل دے۔

صغیر احمد بھٹی نہ صرف بستی ریحان بلکہ پورے خطے کے لیے ایک روشن مثال ہیں۔ ان کی داستان اس بات کا ثبوت ہے کہ اگر نیت صاف اور سوچ بلند ہو تو کوئی کچی بستی بھی ترقی کے مینار میں بدل سکتی ہے۔
اللہ کرے کہ یہ روشنی ہمیشہ قائم و دائم رہے اور صغیر بھٹی جیسے چراغ ہر بستی میں جل اٹھیں۔ آمین۔

27/08/2025

حکومت پنجاب کی ہدایات کے مطابق محترم جناب عمران حامد شیخ صاحب ڈائریکٹر جنرل محکمہ تحفظ ماحول حکومت پنجاب کے احکامات کی روشنی میں ضلعی انتظامیہ کے تعاون سے ای پی اے لیہ کی ٹیم زیرِ نگرانی محمد ارشد چغتائی اسسٹنٹ ڈائریکٹر ماحولیات لیہ کی ضلع بھر میں آلودگی پھیلانے والوں کے خلاف کارروائیاں جاری ہے۔اس سلسلہ میں آج کوٹ سلطان میں 10 بھٹہ جات کا معائنہ کیا گیا جس میں ایک بھٹہ میں اینٹوں کی غیر قانونی ترتیب کو مسمار کیا گیا، دو مالکان کے خلاف مقدمات کا اندراج اور ایک بھٹہ کے خلاف ایک لاکھ تک جرمانہ عائد کیا گیا ہے ایک رائس مل میں آلودگی کنٹرول کرنے والے آلات کا معائنہ کیا گیا۔ہے 5 سروس اسٹیشنز کا معائنہ کرکے واٹر ری سائیکلنگ سسٹم کی تنصیبات کو یقینی بنایا گیا- مختلف بھٹہ جات کے گرد 50 سے زائد درخت لگائے گئے۔ ڈینگی مچھر کی افزائش کے 20 سے زائد مقامات کا معائنہ کیا گیا- ہسپتالوں کے رسک ویسٹ کی پلفریج کی روک تھام کے لیے 1 کباڑ خانوں کا معائنہ کیا گیا۔
اس سلسلہ میں ضلع بھر میں مزید کاروائیاں روانہ کی بنیاد پر جاری ہیں۔

27/08/2025

کیپٹن تیمور حسن جنجوعہ شہید نے دھرتی ماں کے دفاع کے لیے اپنی جان قربان کر کے ایک ایسی مثال قائم کی ہے جو رہتی دنیا تک پاکستان کے دشمنوں کے لیے ایک واضح پیغام ہے۔ آپ نے اپنی آخری سانس تک وطن عزیز کی حفاظت کا عہد نبھایا اور شہادت کے بلند مرتبے پر فائز ہوئے۔
پاکستان کی مسلح افواج وطن کی سلامتی کے لیے ہمیشہ پیش پیش رہی ہیں۔ ہمارے جوانوں نے ہر دور میں اپنی جانوں کا نذرانہ پیش کر کے یہ ثابت کیا ہے کہ وطن کی حفاظت ان کے خون میں شامل ہے۔ کیپٹن تیمور جیسے ہزاروں شہیدوں کی قربانیاں ہی ہیں جو پاکستان کی سلامتی کی ضمانت ھے بھارتی سپانسرڈ دھشت گردوں اور خوارج کو واضع ہو جانا چاہیے کہ پاکستان کی زمین ان کے مذموم مقاصد کے لیے نہیں بلکہ ان کے لیے قبرستان ثابت ہوگی۔ ہمارے جوانوں کا عزم اور حوصلہ دشمنوں کی ہر مکاری کو ناکام بنانے کے لیے کافی ہے۔ ہر شہید ہمارے عزم کو مزید پختہ کرتا ہے اور دشمن کے لیے تباہی کا پیغام بن کر آتا ہے۔کیپٹن تیمور حسن جنجوعہ شہید کی آئندہ تقریبات (مہندی، بارات، ولیمہ) اب ان کی شہادت کی یادگار بن گئی ہیں۔ یہ بات ہمارے دلوں میں ایک گہرا زخم چھوڑ گئی ہے، لیکن ہمیں ان کی قربانی پر فخر ہے۔ اللہ تعالیٰ شہید کو جنت الفردوس میں اعلیٰ مقام عطا فرمائے اور ان کے والد بریگیڈیئر حسن عباس جنجوعہ اور تمام غمزدگان کو صبر جمیل عطا فرمائے۔ہم عہد کرتے ہیں کہ شہیدوں کے خون کو رائیگاں نہیں جانے دیں گے۔ ہم اپنے وطن کی حفاظت کے لیے ہر قربانی دینے کو تیار ہیں۔

21/08/2025

حاجی ملک محمد شریف ملانہ انسپکٹر پنجاب پولیس پی ایس او ٹو ڈی پی او صاحب لیہ کے والد محترم رضائے الٰہی سے وفات پا گئے تھے مرحوم کے ایصال و ثواب کےلئے قل خوانی کا ختم شریف کل مورخہ 22.08.2025 بروز جمعہ المبارک بوقت صبح 9:00 بجے دن تھانہ سٹی لیہ کی بیک سائیڈ چوہدری عدیل والے پلاٹ پرادا کیا جائے گا تمام بھائیوں کو اطلاع دی جاتی ہے شرکت فرماکر ثواب دارین حاصل کریں اللہ پاک مرحوم کے درجات بلند فرمائے اور لواحقین کو صبر جمیل عطا فرمائے آمین

21/08/2025

چیف ایگزیکٹو آفیسر ڈسٹرکٹ ایجوکیشن اتھارٹی لیہ ڈاکٹر محمد قیوم خان نے ضلع لیہ کے مختلف سکولز کا دورہ کیا، جن میں گورنمنٹ ہائی اسکول میاں والا جدید، جی ایچ ایس صابو وال، جی جی ایچ ایس چوک اعظم اور گورنمنٹ ہائی اسکول چک نمبر 353 ٹی ڈی اے شامل ہیں۔
اس دوران انہوں نے 9ویں اور 10ویں جماعتوں کی کلاسز کا معائنہ کیا، طلبہ کے تعلیمی معیار اور کلاس ورک کو چیک کیا اور اساتذہ و انتظامیہ کو ہدایت کی کہ وہ ڈسپلن، صفائی اور بہتر تعلیمی ماحول کو یقینی بنائیں۔ ڈاکٹر محمد قیوم خان نے طلبہ کو محنت، لگن اور ہنر پر مبنی معیاری تعلیم کے ذریعے اپنے روشن مستقبل کی طرف بڑھنے کی تلقین کی۔اس موقع پر سیکرٹری ایجوکیشن کی انسپکشن ٹیم، ماجد دُرّانی صاحب (ایڈیشنل ڈائریکٹر سیکنڈری، ڈیرہ غازی خان) بھی ہمراہ تھے جنہوں نے سکولوں کی بہترین کارکردگی کو سراہا اور اس شاندار کارکردگی کے اعتراف میں Appreciation Letterبھی جاری کیئے ہیں۔

21/08/2025

لیہ کے نشیبی علاقوں کے مکینوں کی اکثریت غریب نادار گھرانوں پر مشتمل ہے غربت کی چکی میں پسنے والے مکینوں کے کندھوں پر کم سن بچوں سے لے کر بیمار اور بوڑھے والدین اور افراد خانہ کی ذمہ داریوں تک کا بوجھ بھی ہوتا ہے لیہ کی نواحی دریائی بستی بھنڈ کی مختار بی بی جو اپنے کمسن بچوں کے ہمراہ ایک کمرے کے گھر میں رہ رہی تھی اطلاعات کے مطابق سیلابی ریلوں کی نظر ہونے کے بعد بی بی کھلے اسمان تلے اپنی زندگی گزار رہی ہے غریب اور نادان مکینوں نے حکومت پنجاب اور وفاقی حکومت سے مطالبہ کیا ہے کہ سیلابی ریلوں سے بچانے کے لیے انہیں باعزت عارضی رہائش گاہوں میں منتقل کیا جائے تاکہ وہ اپنے بچوں کے ہمراہ جان و مال کے تحفظ کے ہمراہ زندہ رہ سکے اور سیلابی صورتحال کے خاتمے کے بعد اپنے گھروں کو لوٹ سکیں سماجی رضاکار محمد زمان نے وزیر اعلی پنجاب صوبائی ڈیزاسٹر مینجمنٹ پنجاب سے مطالبہ کیا ہے کہ لیہ کروڑ کے نشیبی علاقوں میں دریا بردی ان گھرانوں کے لیے قیامت کا منظر پیش کر رہی ہے جن کا گزر بسر پہلے ہی ناممکن تھا اب جب کہ محنت مزدوری کے لیے ان کے پاس محنت مزدوری کے ذرائع بھی ختم ہو چکے ہیں تو ایسے گھرانوں کے لیے دو وقت کی روٹی اور سر چھپانے کے لیے چھت بھی نہ رہی ہے لہذا حکومت بلا تاخیر سروے کرا کر مکینوں کی باعزت عارضی اباد کاری ان کی خوراک اور ان کے جانوروں کے لیے چارہ کا بندوبست کرے۔؟

Daily Update Layyah

28/10/2025

28/10/2025

28/10/2025

06/10/2025

30/08/2025

30/08/2025

30/08/2025

27/08/2025

27/08/2025

21/08/2025

21/08/2025

21/08/2025

Address

Telephone

Website

Alerts

Contact The Business

Shortcuts

Share