21/04/2026
خوشخبری: پنجاب حکومت کی "اپنا کھیت اپنا روزگار" اسکیم کے تحت سرکاری زمین 10 سال کی لیز پر دستیاب
بے زمین کسانوں کے لیے سنہری موقع!
حکومت پنجاب نے "اپنا کھیت اپنا روزگار" اسکیم کے تحت غریب اور بے زمین افراد کو غربت سے نکالنے کے لیے سرکاری زرعی زمین 10 سال کی لیز پر دینے کا اعلان کر دیا ہے۔ نوٹیفکیشن 16 اپریل 2026 کو جاری ہوا۔
اسکیم کے اہم نکات:
1. کون اپلائی کر سکتا ہے؟ اہلیت
• بے زمین شخص یا 10 مرلہ تک رہائشی پلاٹ کا مالک • اسی ریونیو اسٹیٹ کا مستقل رہائشی ہونا ضروری، CNIC پر پتہ دیکھا جائے گا • ایک خاندان صرف ایک لاٹ کے لیے اہل ہوگا۔ خاندان: میاں، بیوی، غیر شادی شدہ بچے • پہلے سے کسی سرکاری الاٹمنٹ/لیز کے مستفید ہونے والے اہل نہیں • سرکاری ملازمین اور ان کے زیر کفالت افراد اہل نہیں
2. لیز کی شرائط
• مدت: 10 سال • رقبہ: فی لاٹ زیادہ سے زیادہ 5 ایکڑ • کرایہ: صرف 100 روپے فی ایکڑ سالانہ • مقصد: صرف زرعی استعمال، مستقل تعمیرات کی اجازت نہیں سوائے زرعی مقاصد کے • ملکیت: زمین کی ملکیت حکومت کے پاس رہے گی، لیزی کو مالکانہ حقوق نہیں ملیں گے • منتقلی: زمین کو رہن، ذیلی لیز، یا کسی اور کو منتقل نہیں کیا جا سکتا
3. اپلائی کرنے کا طریقہ
• شیڈول شائع ہونے کے بعد PLRA کی ویب سائٹ پر آن لائن یا اسسٹنٹ کمشنر آفس میں دستی درخواست دیں • اہل درخواست گزاروں کا انتخاب کمپیوٹرائزڈ قرعہ اندازی کے ذریعے ہوگا • کامیاب امیدواروں کی لسٹ PLRA کی ویب سائٹ اور AC آفس میں آویزاں کی جائے گی
4. اہم پابندیاں
• ادائیگی: پہلے سال کا کرایہ قبضہ ملنے کے 30 دن کے اندر۔ بعد میں ہر سال 15 جنوری تک ادا کرنا ہوگا • کاشت: لیز ملنے کے ایک سال کے اندر کاشت شروع نہ کی تو لیز منسوخ ہو سکتی ہے • معائنہ: سال میں دو بار اسکروٹنی کمیٹی معائنہ کرے گی • لیز ختم ہونے پر: زمین حکومت کو واپس کرنا ہوگی، ڈھانچوں کا معاوضہ نہیں ملے گا۔ البتہ لیزی اپنے خرچ پر ڈھانچے ہٹا سکتا ہے
5. شکایت کا ازالہ
• اگر درخواست مسترد ہو تو 7 دن کے اندر کلکٹر کو اپیل کی جا سکتی ہے • لیز کے دوران کسی حکم کے خلاف 30 دن کے اندر ڈویژنل کمشنر کو درخواست دی جا سکتی ہے
6. اضافی سہولت
• کامیاب الاٹی کو ترقیاتی گرانٹ بھی دی جائے گی
نوٹ: غلط بیانی، حقائق چھپانے یا شرائط کی خلاف ورزی پر کلکٹر لیز منسوخ کر سکتا ہے
