15/06/2026
لودھراں میں CUVAS داخلہ رہنمائی مرکز قائم، طلبہ معلومات اور آن لائن اپلائی کے لیے رابطہ کریں
لودھراں: چولستان یونیورسٹی آف ویٹرنری اینڈ اینیمل سائنسز (CUVAS) بہاولپور میں BS، M.Phil. اور Ph.D پروگرامز کے لیے داخلے جاری ہیں۔ داخلہ خواہشمند طلبہ کی سہولت اور رہنمائی کے لیے لودھراں میں یونیورسٹی کا داخلہ رہنمائی مرکز قائم کر دیا گیا ہے۔
وائس چانسلر پروفیسر ڈاکٹر محمد طارق جاوید کے وژن کے تحت قائم کیے گئے اس مرکز کا مقصد طلبہ کو داخلوں سے متعلق بروقت اور درست معلومات فراہم کرنا، آن لائن درخواست جمع کروانے میں معاونت کرنا اور مختلف پروگراموں کے حوالے سے رہنمائی فراہم کرنا ہے۔
داخلہ حاصل کرنے کے خواہشمند طلبہ اور ان کے والدین داخلوں، اہلیت، پروگراموں اور آن لائن اپلائی کے طریقہ کار کے بارے میں معلومات کے لیے یونیورسٹی کے نامزد نمائندگان راؤ محمد کمال (03009683609) اور راؤ بشارت علی (03008810357) سے رابطہ کر سکتے ہیں۔
یونیورسٹی انتظامیہ نے طلبہ پر زور دیا ہے کہ وہ داخلوں کی آخری تاریخ سے قبل اپنی درخواستیں جمع کروائیں اور مزید معلومات کے لیے قریبی داخلہ رہنمائی مرکز سے استفادہ کریں۔
