24/06/2026
📢 لیپرڈز کورئیر کی ناقص سروس؟ پارسل میلسی پہنچنے کے باوجود 5 دن سے ڈیلیوری نہیں
متعلقہ حکام، صارفین کے حقوق کے ذمہ دار اداروں اور لیپرڈز کورئیر انتظامیہ سے گزارش
میں یہ پوسٹ مجبوری میں کر رہا ہوں کیونکہ متعدد بار رابطے کے باوجود میرے مسئلے کا حل نہیں نکالا گیا۔
میرا پارسل 15 تاریخ کو فیصل آباد سے بک کیا گیا۔ ٹریکنگ کے مطابق یہ 18 تاریخ کو میلسی پہنچ چکا تھا۔ اس کے بعد 19 تاریخ سے اس کی ڈیلیوری متوقع تھی، لیکن آج 24 تاریخ ہو چکی ہے اور مجھے اب تک پارسل موصول نہیں ہوا۔
میں میلسی کے نواحی علاقے دو کوٹا میں رہتا ہوں، جو ایک مکمل قابلِ رسائی علاقہ ہے اور یہاں روزانہ ڈیلیوری سروسز آتی جاتی ہیں۔
میں نے بار بار ہیلپ لائن سے رابطہ کیا لیکن مناسب رہنمائی نہیں ملی۔ بعض اوقات کال اٹینڈ ہونے کے باوجود مسئلے کا واضح جواب نہیں دیا گیا۔ 20 تاریخ کو مقامی نمائندے سے خود ملاقات کی تو بتایا گیا کہ پارسل میلسی میں موجود ہے اور ممکن ہے روٹ یا لوڈنگ کے دوران رہ گیا ہو۔ اس کے بعد ہر بار یہی کہا گیا کہ متعلقہ بندہ دوسرے روٹ پر ہے اور آج نہیں آ سکے گا۔
میرا سوال صرف اتنا ہے:
اگر پارسل کئی دن پہلے منزل کے شہر میں پہنچ چکا تھا تو پانچ دن سے زائد تاخیر کیوں؟
اگر کوئی مسئلہ تھا تو صارف کو بروقت آگاہ کیوں نہیں کیا گیا؟
اور اگر سروس فراہم نہیں کی جا سکتی تو صارف کا وقت اور اعتماد کیوں ضائع کیا جا رہا ہے؟
میں متعلقہ انتظامیہ سے درخواست کرتا ہوں کہ اس معاملے کا فوری نوٹس لیا جائے، میرے پارسل کی جلد فراہمی یقینی بنائی جائے اور آئندہ ایسے معاملات میں بہتر سروس دی جائے۔
اس پوسٹ کو شیئر کریں تاکہ آواز متعلقہ حکام اور انتظامیہ تک پہنچ سکے۔
