27/03/2026
*میانوالی کے امام مسجد کا خواجہ سراء بننے کا حیران کن واقعہ*
میانوالی کے علاقہ جھمٹانوالہ تحصیل پپلاں سے تعلق رکھنے والے ایک شخص کو راولپنڈی کے ایک گاؤں میں امام مسجد مقرر کیا گیا تھا۔ تاہم، مسجد چھوڑنے کے بعد، اس شخص نے خواجہ سراء کا روپ دھار کر بھیک مانگنا شروع کر دیا۔
مقامی لوگوں نے اسے پہچان لیا اور پولیس کو اطلاع دی، جس پر مقدمہ درج کر لیا گیا۔ موصوف نے اقبال جرم کرتے ہوئے بتایا کہ اس نے مشکلات کاٹ کر قرآن مجید پڑھا اور دین کی تعلیم سیکھی، لیکن مسجد میں امامت کے دوران اسے بہت اذیتیں برداشت کرنا پڑیں۔
انہوں نے کہا کہ گاؤں کے جاہل اور ان پڑھ لوگ امام مسجد کو اپنا شکار سمجھتے ہیں اور اس کا مذاق اڑاتے ہیں۔ انہوں نے کہا کہ جب سے وہ امام مسجد سے خواجہ سراء بنے ہیں، تب سے بڑے بڑے امیر اور پڑھے لکھے لوگ ان سے محبت سے ملتے ہیں اور ان پر اپنی محنت کی کمائی نچھاور کرتے ہیں۔
موصوف نے کہا کہ اس خسرہ پسند دور میں دین کی خدمت کرنا بہت مشکل ہے اور یہ تمام باتیں کرتے ہوئے وہ دھاڑیں مار مار کر رو رہے تھے۔جنکی کہانی لکھتے ہوئے ہرہرحرف پر لکھاری کے رخساروں پر نینوں اور آنسوں کی نہریں چل رہی ہیں لیکن پڑھ کر غور و فکر کرنے والے کم اور مذاق اڑانے والے زیادہ ہوںگے کیونکہ کھسرہ پسند دور ہے اور مسلمانی صرف نام کی رہ چکی ہےاللہ تعالیٰ ہماری مساجد اور ائمہ مساجد پررحم فرمائے،رب تعالیٰ صبر و استقامت عطا فرمائے آمین ثم آمین
